გიორგი გახარია - მიუნხენის უსაფრთხოების კონფერენციაზე კარგად გამოჩნდა საქართველოს მზარდი როლი ევროპული უსაფრთხოების არქიტექტურასა და შავი ზღვის უსაფრთხოების კონტექსტში

გიორგი გახარია - მიუნხენის უსაფრთხოების კონფერენციაზე კარგად გამოჩნდა საქართველოს მზარდი როლი ევროპული უსაფრთხოების არქიტექტურასა და შავი ზღვის უსაფრთხოების კონტექსტში

access_time2020-02-15 11:20:22

მიუნხენის უსაფრთხოების კონფერენციაზე კარგად გამოჩნდა საქართველოს მზარდი როლი ევროპული უსაფრთხოების არქიტექტურასა და შავი ზღვის უსაფრთხოების კონტექსტში, - ამის შესახებ საქართველოს პრემიერ-მინისტრმა გიორგი გახარიამ ჟურნალისტებს მიუნხენის უსაფრთხოების კონფერენციის ფარგლებში გამართული შეხვედრების შეჯამებისას განუცხადა. ინფორმაციას პრემიერის პრესსამსახური ავრცელებს.



მთავრობის მეთაურის თქმით, კონფერენციაში საქართველოდან დიდი დელეგაცია მონაწილეობს, რომლის შემადგენლობაშიც ვიცე-პრემიერი, იუსტიციის მინისტრი თეა წულუკიანი, საგარეო საქმეთა მინისტრი დავით ზალკალიანი და თავდაცვის მინისტრი ირაკლი ღარიბაშვილი იმყოფებიან.



„ყველას გვაქვს ჩვენი შეხვედრების განრიგი და ამ სამ დღეს მთავრობის თითოეული წევრი ძალიან აქტიურად გამოიყენებს. კონფერენციის გახსნით სიტყვაში მიუნხენის უსაფრთხოების კონფერენციის თავმჯდომარე ვოლფგანგ იშინგერმა ხაზგასმით აღნიშნა საქართველოს შესახებაც და თქვა, რომ ევროპული უსაფრთხოების არქიტექტურა საქართველოს და უკრაინის უსაფრთხოების გარეშე წარმოუდგენელია. ეს არის ის ნარატივი და ის თემა, რაზეც ჩვენ დღეს გვქონდა შეხვედრები“, - განაცხადა გიორგი გახარიამ.



პრემიერის შეფასებით, ყველაზე მნიშნელოვანი შეხვედრა გაიმართა აშშ-ის თავდაცვის მდივან მარკ ესპერთან, რომელზეც დეტალურად იყო განხილული როგორც უსაფრთხოების სფეროში ორმხრივი თანამშრომლობა, ასევე თავდაცვის სფეროში მიმდინარე ერთობლივი პროექტები.




„2019 წლის ნოემბერში გადახალისდა ის პროგრამები, რომლებშიც აშშ-თან ვთანამშრომლობთ. ასევე განვიხილეთ საქართველოს წვლილი ავღანეთსა და საერთაშორისო უსაფრთხოებაში. ეს იყო ძირითადი შეხვედრა იმისთვის, რომ დაგვეგეგმა უახლოეს წლებში თანამშრომლობის გეგმები პირველ რიგში უსაფრთხოებისა და თავდაცვის განზომილებაში“, - აღნიშნა პრემიერმა.



გიორგი გახარიას განცხადებით, ასევე გაიმართა სხვა მნიშვნელოვანი ორმხრივი შეხვედრები, რომლებიც ძირითადად ეხებოდა საქართველოს როლს ევროპული უსაფრთხოების არქიტექტურაში.



„უკვე აშკარად ჩანს საქართველოს მზარდი როლი შავი ზღვის უსაფრთხოების კონტექსტში, ისევე როგორც კიბერუსაფრთხოების ნაწილში. ეს ის მიმართულებებია, სადაც ჩვენი პასუხისმგებლობა იზრდება და საქართველო უნდა იყოს სანდო და სტაბილური პარტნიორი“, - განაცხადა გიორგი გახარიამ.



პრემიერ-მინისტრმა ასევე ისაუბრა სისხლის სამართლის საერთაშორისო სასამართლოს პროკურორ ფატუ ბენსუდასთან გამართულ შეხვედრაზე, რომელიც მიუნხენის უსაფრთხოების კონფერენციაში, როგორც წესი, ყოველწლიურად იმართება.



მთავრობის მეთაურის თქმით, შეხვედრისას მან კიდევ ერთხელ გაუსვა ხაზი, რომ ქართული მხარისთვის უაღრესად მნიშვნელოვანია, 2008 წლის ომის პერიოდში მომხდარი ქართველების ეთნიკური წმენდის ფაქტები და მოქალაქეების მიმართ კატასტროფული ჰუმანიტარული დარღვევები მაქსიმალურად სწრაფად იყოს გამოძიებული.



„შეხვედრისას აღვნიშნეთ, რომ ჩვენთვის უაღრესად მნიშვნელოვანია, ეს კატასტროფული დარღვევები მაქსიმალურად სწრაფად იყოს გამოძიებული, დადასტურებული ჰააგის სასამართლოს მიერ და საქართველო ყველაფერს გააკეთებს იმისთვის, რომ ამ მიმართულებით იყოს პასუხისმგებლიანი პარტნიორი“, - აღნიშნა პრემიერ-მინისტრმა.








ერთი კაცის ქვეყანა

ერთი კაცის ქვეყანა
access_time2020-02-16 20:13:02
რატომ მცირდება ქვეყანაში პირდაპირი უცხოური ინვესტიციები და იზრდება პანამიდან, სადაც რეგისტრირებული კომპანიებით ბიძინა ივანიშვილია ჩართული ტურიზმის ბიზნესში? როგორ ყიდულობს ივანიშვილი მიწებს საქართველოში საუკეთესო, გამწვანებულ ადგილებში და იყენებს თუ არა ხელისუფლებაზე მის გავლენებს იქ მშენებლობის უფლების მოსაპოვებლად? რა აქცევს ბიძინა ივანიშვილს ოლიგარქიულ მმართველად და რა პრობლემებს უქმნის ეს ქვეყნის ეკონომიკურ განვითარებას? ნახეთ თავისუფლების მონიტორის” ახალი ჟურნალისტური...

საყოველთაო ჯანდაცვის მორალური რისკი

საყოველთაო ჯანდაცვის მორალური რისკი
access_time2020-02-16 20:00:53
გასული წლის ბოლოს საყოველთაო ჯანდაცვის პროგრამა და მთავრობის 520-ე დადგენილება საკმაოდ აქტუალური საკითხი იყო, რაც, დიდი ალბათობით, მედიის ყურადღების მიღმა არც 2020 წელს დარჩება.     ამის მიზეზი კი ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ხელმძღვანელი პირების განცხადებებია, რითაც ჯანდაცვის სისტემაში და კონკრეტულად საყოველთაო ჯანდაცვის კუთხით რიგი ცვლილებები დაანონსდა. მათი ნაწილის შესრულება დაწყებულია (მაგალითად,...

EastFruit: საქართველო ზრდის ნიგოზის ექსპორტს

EastFruit: საქართველო ზრდის ნიგოზის ექსპორტს
access_time2020-02-16 18:00:39
  საიტ EastFruit-ის ცნობით,  საქართველო, რომელიც წლების მანძილზე იყო ნიგოზის იმპორტიორი,  მკვეთრად ზრდის ამ პროდუქტის ექსპორტს, რომელიც 2019 წელს გაიზარდა 10-ჯერ და შეადგინა 321 ტონა.   ეს არაა დიდი რაოდენობა, და ამ ეტაპზე ნიგოზის იმპორტი კვლავ აღემატება ექსპორტს, თუმცა, თავად ზრდა შთამბეჭდავია. ექსპორტისგან მიღებულმა შემოსავალმა მიაღწია 1,4 მლნ. დოლარს,   იმპორტი 1 წელიწადში შემცირდა 11% და 2019 წელს შეადგინა 1 100 ტონა....

Washington post: ჩინეთი ცდილობს ნორმალური ეკონომიკური ცხოვრების აღდგენას

Washington post: ჩინეთი ცდილობს ნორმალური ეკონომიკური ცხოვრების აღდგენას
access_time2020-02-16 15:00:31
  ჩინეთში კორონავირუსისგან 1000-ზე მეტი ადამიანის გარდაცვალების ფონზე, ოფიციალურმა პეკინმა მოუწოდა იმ ქვეყნებს, რომლებმაც შეწყვიტეს ავიამიმოსვლა ჩინეთთან, აღადგინონ ჩვეული კავშირები გლობალური ეკონომიკის წინსვლის შენარჩუნების მიზნით.   ჩინეთის საგარეო საქმეთა სამინისტროს განცხადება ხაზს უსვამს საფრთხეს, რომელსაც ქმნის უპრეცენდენტო გაურკვევლობა მსოფლიოს მეორე ეკონომიკაში, და ასევე მმართველი კომუნისტური პარტიის შეშფოთებას იმის გამო, რომ ვირუსის ეპიდემია...

Bloomberg-ის ჟურნალისტი: ფულს მხოლოდ ის გამოცემა მიხდის, სადაც ვმუშაობ

Bloomberg-ის ჟურნალისტი: ფულს მხოლოდ ის გამოცემა მიხდის, სადაც ვმუშაობ
access_time2020-02-16 16:00:49
გამოცემა Bloomberg-ში გამოქვეყნებული სტატია, რომელშიც ავტორი, ილაი ლეიკი შეერთებულ შტატებში ბიძინა ივანიშვილის მიერ ლობისტების დაქირავებაზე საუბრობს, საქართველოს მთავრობის მხრიდან კრიტიკის ობიექტი გახდა. საქართველოს პარლამენტის თავმჯდომარემ, არჩილ თალაკვაძემ განაცხადა, რომ ლეიკი სტატიაში...


მსგავსი სიახლეები

up