გიორგი გახარია - ფოთში საზღვაო აკადემიის ფილიალის გახსნა, ახალგაზრდებს მისცემს საშუალებას, მიიღონ საერთაშორისოდ მოთხოვნადი, მაღალანაზღაურებადი სპეციალობა და ემსახურონ თავიანთ ქვეყანას

გიორგი გახარია - ფოთში საზღვაო აკადემიის ფილიალის გახსნა, ახალგაზრდებს მისცემს საშუალებას, მიიღონ საერთაშორისოდ მოთხოვნადი, მაღალანაზღაურებადი სპეციალობა და ემსახურონ თავიანთ ქვეყანას

access_time2019-12-07 15:53:28

2021 წელს ფოთს საკუთარი საზღვაო აკადემია ექნება, - პროექტის განხორციელებისთვის საჭირო სახსრები პრემიერ-მინისტრის განკარგულებით გამოიყო. ინფორმაციას პრემიერის პრესსამსახური ავრცელებს.



ბათუმის სახელმწიფო საზღვაო აკადემიის ფილიალი ფოთში ჰიდრომელიაციური ტექნიკუმის ისტორიულ შენობაში განთავსდება. კულტურული მემკვიდრეობის ძეგლი, რომლის სარეაბილიტაციო სამუშაოებიც უახლოეს პერიოდში დაიწყება, დღეს პრემიერ-მინისტრმა გიორგი გახარიამ სამეგრელო-ზემო სვანეთის გუბერნატორ ალექსანდრე მოწერელიასთან ერთად დაათვალიერა.



ფოთის აკადემია საწყის ეტაპზე იქნება მხოლოდ პროფესიულ განათლებაზე ორიენტირებული მაღალი დონის სასწავლებელი, რომელიც ყველა საერთაშორისო მოთხოვნას უპასუხებს.
1000-მდე სტუდენტზე გათვლილ სასწავლებელში 250-მდე ადამიანი დასაქმდება.



მთავრობის მეთაურის შეფასებით, ფოთის სასწავლებელი, გარდა იმისა, რომ რეგიონის ლოგისტიკურ ინტერესებს მოემსახურება, შექმნის მეთევზე მეზღვაურთა, ასევე მაღალკვალიფიციური რიგითი და დამხმარე შემადგენლობის წვრთნის პირობებს.



ფოთის საზღვაო აკადემიის პროექტის ბიუჯეტი 6 მილიონი ლარია და მას საქართველოს განათლების, კულტურისა და სპორტის სამინისტრო დააფინანსებს.




პროექტის მნიშვნელობაზე პრემიერ-მინისტრი ბათუმის სახელმწიფო საზღვაო აკადემიის სტუდენტებს ესაუბრა.



„ჩვენ მთავრობასთან, ადგილობრივ ხელისუფლებასთან ერთად გადავწყვიტეთ, რომ ფოთში გავხსნათ აკადემიის ფილიალი. ეს მართლაც მისალოცი სიახლეა. პირველ რიგში ფოთელებისთვის, ფოთისთვის. დასაწყისში, ეს იქნება პროფესიული საგანმანათლებლო დაწესებულება, რომელიც განთავსდება ისტორიულ შენობაში. ეს შენობა, დღეს სამწუხაროდ შელახულ მდგომარეობაშია, მაგრამ უახლოეს პერიოდში გამოცხადდება ტენდერი და ეს შენობა აღდგება. ეს დღესაც არის ისტორიული მემკვიდრეობის ძეგლი. ერთ წელიწადში ყველაფერს გავაკეთებთ იმისთვის, რომ სარემონტო სამუშაოები დასრულდეს და ბათუმის საზღვაო აკადემიას, ფოთში ექნება ფილიალი. ეს საქართველოს თითოეულ მოქალაქეს, ახალგაზრდას მისცემს საშუალებას, რომ მიიღოს მაღალი დონის, მაღალანაზღაურებადი და რაც მთავარია, საერთაშორისოდ მოთხოვნადი სპეციალობა. ჩვენი ქვეყნის და ეკონომიკის ყველაზე დიდი გამოწვევა არის სამუშაო ადგილები. მთავრობის ძირითადი ამოცანა არის ხელი შეუწყოს ადამიანებს, ეკონომიკას, ბიზნესს, საგანმანათლებლო დაწესებულებებს, შექმნან ახალი სამუშაო ადგილები. ამავე დროს, ყველაზე მნიშვნელოვანი გახლავთ გამოვასწოროთ ის დისბალანსი, რომელიც გვაქვს - ჩვენი უმაღლესი სასწავლებლები უშვებენ მათ შორის, ისეთ სპეციალისტებს, რომლებიც შემდგომ ბაზარზე მოთხოვნადი არ არიან.



ამისთვის საზღვაო აკადემია არის ყველაზე წარმატებული მაგალითი. თქვენთვის სამსახურის დაწყება პრობლემა არ არის, თან მოგეხსენებათ, რომ დღეს საქართველოში არის სხვადასხვა სპეციალობის 11 ათასამდე მეზღვაური და მათი დიდი ნაწილი, დაახლოებით 50 პროცენტზე მეტი დღეს საზღვარგარეთ მუშაობს და გარდა ამისა, თავისი შრომით ეხმარება თავიანთ ოჯახებს და ქვეყანას. ამიტომ, მაინც მინდა, ჩვენი დღევანდელი სპონტანური შეხვედრის ძირითადი თემა იყოს ფოთი, მინდა მივულოცო ამ აკადემიას, თქვენ, სამეგრელოს რეგიონს მივულოცო და იმ ახალგაზრდებს, რომელთაც ექნებათ საშუალება, მიიღონ საერთაშორისოდ მოთხოვნადი, მაღალანაზღაურებადი სპეციალობა და ასე ემსახურონ თავიანთ ქვეყანას.



ფოთის ფილიალი უნდა იყოს უფრო მაღალი დონის პროფესიულ ნაწილში, რამეთუ ახალია. არ ვსაუბრობთ უმაღლეს განათლებაზე. რა თქმა უნდა, უმაღლესი განათლების კომპონენტი ბათუმის აკადემიაში არის ისტორიული, ტრადიციული და ეს გაგრძელდება, თუმცა პროფესიული ნაწილის წამყვანი ძალა უნდა გახდეს ფოთის ფილიალი. მე ვფიქრობ, რომ ეს საზოგადოება ქართველი სანაოსნო სპეციალისტების, მეზღვაურების, კიდევ უფრო უნდა გაიზარდოს და თითოეულ ახალგაზრდას უნდა მივცეთ საშუალება, მიიღოს მაღალი კვალიფიციური განათლება. შეიძლება, თქვენ, როდესაც დაამთავრებთ, შემდეგ მასწავლებლებად მოგვევლინოთ. გისურვებთ წარმატებებს და იცოდეთ, რომ სწავლა-განათლება, ეს არის საამაყო მსახურება პირველ რიგში ქვეყნისთვის და თქვენი ოჯახებისთვის , - განაცხადა გიორგი გახარიამ.



მთავრობის მეთაურმა ასევე ბათუმის სახელმწიფო საზღვაო აკადემიის განახლებული სამანქანე განყოფილების ლაბორატორია დაათვალიერა, რომელიც აჭარის ავტონომიური რესპუბლიკის მთავრობამ 500 000 ლარით დააფინანსა. სამანქანე განყოფილების ლაბორატორიის შენობა განახლდა, აღიჭურვა შესაბამისი დანადგარებით და შესაბამისობაში მოვიდა თანამედროვე გემების სამანქანო განყოფილებასთან. განახლდა ელექტროტექნიკის, პნევმატიკის, ჰიდრავლიკის და ელექტროავტომატიკის (FESTO) ლაბორატორიები. აკადემიის სტუდენტებს უკვე ექნებათ შესაძლებლობა, თეორიულ ცოდნასთან ერთად პრაქტიკული გამოცდილებაც მიიღონ.



ბათუმის სახელმწიფო საზღვაო აკადემიაში პრემიერ-მინისტრი აჭარის ავტონომიური რესპუბლიკის თავმჯდომარე თორნიკე რიჟვაძესა და საზღვაო ტრანსპორტის სააგენტოს ხელმძღვანელ თამარ იოსელიანთან ერთად იმყოფებოდა.







კრედიტების გაიაფების იდეას მივესალმები რადგან ყოფილ ბანკირს უფრო ესმის ეგ საკითხი - კახა ოქრიაშვილი ხაზარაძის ინიციატივას ემხრობა

კრედიტების გაიაფების იდეას მივესალმები რადგან ყოფილ ბანკირს უფრო ესმის ეგ საკითხი - კახა ოქრიაშვილი ხაზარაძის ინიციატივას ემხრობა
access_time2020-09-24 11:30:45
„კრედიტების გაიაფების იდეას მივესალმები, რადგან ყოფილ ბანკირს უფრო ესმის ეგ საკითხი. ჯობია ბევრი კრედიტი გასცე და დაბალ პროცენტში, ვიდრე ორი კრედიტი და მაღალ პროცენტში,“ - ასე აფასებს ბიზნესმენი და პარტია “პროგრესი და თავისუფლების”  — დამფუძნებელი კახა ოქრიაშვილი მამუკა ხაზარაძის ინიციატივას საკრედიტო რესურსების გაიაფებასთან დაკავშირებით. ყოფილი ბანკირი და პირველი ქართული ბანკის დამფუძნებელი მამუკა ხაზარაძე პოლიტიკაში წასვლის შემდეგ...

გიორგი გახარია - დღესაც, საქართველო მწვანე ზონად რჩება

გიორგი გახარია - დღესაც, საქართველო მწვანე ზონად რჩება
access_time2020-09-24 11:00:18
მობილობის ზრდის შედეგია ის, რაც დღეს ხდება, განსაკუთრებით აჭარაში, თუმცა ყველას კარგად უნდა გვესმოდეს, რომ ეს იყო აბსოლუტურად პროგნოზირებადი და ჩვენ ამისთვის ვემზადებოდით, -  ამის შესახებ საქართველოს პრემიერ-მინისტრმა გიორგი გახარიამ მთავრობის სხდომაზე განაცხადა.   მთავრობის მეთაურმა ქვეყანაში არსებულ ეპიდემიოლოგიურ მდგომარეობაზე ისაუბრა და აღნიშნა, რომ ფიქსირდება ინფიცირების რაოდენობის მკვეთრი ზრდა, თუმცა ეს მოსალოდნელი იყო.   „ჩვენ, ჩვენს...

Financial Times: რუსული ფული ბრიტანულ პოლიტიკაში

Financial Times: რუსული ფული ბრიტანულ პოლიტიკაში
access_time2020-09-23 21:00:36
ბრიტანეთის კონსერვატიული პარტიის ერთ-ერთი უმსხვილესი დონორის მეუღლე  კრემლთან დაკავშირებული რუსი ბიზნესმენისგან დაფინანსებას იღებდა. ეს დონორი - რუსული წარმოშობის ბრიტანეთის მოქალაქე ლუბოვ ჩერნუხინაა, რომლის გვარიც საეჭვოდ ემთხვევა ახლო წარსულში რუსეთის ფინანსთა მინისტრის მოადგილის გვარს.   არსებული ინფორმაციის თანახმად, ეს რუსი მილიარდერია პუტინის კარის ოლიგარქი სულეიმან კერიმოვი, რომელიც ამერიკული სანქციების ქვეშაა.   პირველმა ეჭვები...

კრიპტოვალუტის მაინინგის გამო აფხაზეთი ენერგოკოლაფსის ზღვარზეა

კრიპტოვალუტის მაინინგის გამო აფხაზეთი ენერგოკოლაფსის ზღვარზეა
access_time2020-09-23 20:00:02
ამ დღეებში აფხაზეთის დე ფაქტო რესპუბლიკის მთავრობამ კრიპტოვალუტის მოპოვების რეგულირების თაობაზე კანონი მიიღო.   პარალელურად კი არ აღიარებული რესპუბლიკის სახელმწიფო ენერგეტიკული კომპანია „ჩერნომორენერგო“-ს დირექტორმა მიხაილ ლოგუამ განაცხადა, რომ უახლოეს პერიოდში სავარაუდოდ ენერგიის პერიოდული გათიშვები დაიწყება.   „ისეთი დატვირთვა ენერგოსისტემაზე, როგორიც დღეს არის არასდროს ყოფილა, მაშინაც კი, როდესაც ტურისტული სეზონი ძალიან აქტიური იყო. დღეს მოხმარება...

დავა სასამართლოში მიმდინარეობს, თუ მათი ბრალდებები სიმართლეს შეესაბამება გამართლდებიან, - ილია წულაია

დავა სასამართლოში მიმდინარეობს, თუ მათი ბრალდებები სიმართლეს შეესაბამება გამართლდებიან, - ილია წულაია
access_time2020-09-23 19:00:54
„დავა სასამართლოში მიმდინარეობს, თუ მათი ბრალდებები სიმართლეს შეესაბამება გამართლდებიან“, - ასე ეხმაურება „არქი ჯგუფის“ დამფუძნებელი ილია წულაია კომერსანტის სტატიას, სადაც თამარაშვილის ქუჩაზე მცხოვრები მოსახლეობის პროტესტზეა საუბარი. მმართველი გუნდის დეპუტატი აცხადებს, რომ ძველი იპოდრომის ტერიტორიაზე დეველოპერული კომპანია მშენებლობას დარღვევების გარეშე, კანონის სრული დაცვით ახორციელებს.   „მესმის რომ მეზობლებს არ სიამოვნებთ მშენებლობა, ერჩიათ როდესაც ​გადმოიხედავდნენ...


მსგავსი სიახლეები

up