გიორგი გახარია - ციტრუსის ფასებისა და  რეალიზაციის ნაწილში არანაირი პრობლემა არ არის, რაც ყველაზე მნიშვნელოვანია -  აჭარელი გლეხი  კმაყოფილია

გიორგი გახარია - ციტრუსის ფასებისა და რეალიზაციის ნაწილში არანაირი პრობლემა არ არის, რაც ყველაზე მნიშვნელოვანია - აჭარელი გლეხი კმაყოფილია

access_time2019-12-07 16:20:50

საქართველოს პრემიერ-მინისტრი გიორგი გახარია ბათუმში ციტრუსის ექსპორტის პროცესის მიმდინარეობას გაეცნო. ინფორმაციას პრემიერის პრესსამსახური ავრცელებს.



პრემიერი აჭარის ავტონომიური რესპუბლიკის თავმჯდომარე თორნიკე რიჟვაძესთან ერთად ბათუმის პორტის საბორნე გადასასვლელზე იმყოფებოდა, სადაც გემი მანდარინის კონტეინერებით იტვირთება.



წელს მანდარინის მოსავლის საპროგნოზო მაჩვენებელი 55 ათას ტონამდეა. პროდუქტი მაღალი ხარისხით გამოირჩევა, რაც მაღალ საბაზრო ფასს განაპირობებს.



პრემიერ-მინისტრის შეფასებით, ე.წ. ნარინჯისფერი რთველი წარმატებით მიმდინარეობს.




„როგორც ფასების, ასევე რეალიზაციის ნაწილში არანაირი პრობლემა არ არსებობს, რაც ყველაზე მნიშვნელოვანია, ვხედავთ, რომ აჭარელი გლეხი არის კმაყოფილი და მას არ აქვს არანაირი პრობლემა, მისი პროდუქციის გასაღებაში და რა თქმა უნდა, ეს სასიხარულოა, ეს დამსახურებაა აჭარის მთავრობის, ისევე როგორც სტადიონის, ასე ეფექტურად, მნიშვნელოვანი პროექტის წარმატებით განხორციელების ნაწილში, აჭარის მთავრობის ღვაწლი არის ძალიან მნიშვნელოვანი. ჩვენთვის, ყველაზე დიდი მნიშვნელობის მქონე, დღევანდელ სამუშაო შეხვედრებში არის სამუშაო ადგილების შექმნის საკითხი. ჩვენ ყველას კარგად გვესმის, რომ მიუხედავად ყველაფრისა, ჩვენს ეკონომიკას სჭირდება კიდევ უფრო მეტი და სწრაფი ზრდა. ჩვენ ხელი უნდა შევუწყოთ, როგორც ჩვენი, ადგილობრივი ბიზნესის გაძლიერებას, განვითარებას, ასევე ინვესტორების მოზიდვას და მათ დახმარებას. მოგეხსენებათ, რომ ჩვენ ველოდებით, რომ პირდაპირი უცხოური ინვესტიციები ბოლო თვეების განმავლობაში გვექნება გაზრდილი და ჩვენ ყველაფერს გავაკეთებთ იმისთვის, რომ ქართული ბიზნესი იყოს უფრო ძლიერი, რომ მან შექმნას მეტი დამატებითი სამუშაო ადგილები, რაც ხელს შეუწყობს ჩვენი ქვეყნის ეკონომიკურ ზრდას, - განაცხადა გიორგი გახარიამ.



მოსავლის დაბინავების ორგანიზებულად ჩატარების მიზნით კი სოფლის მეურნეობის სამინისტროსა და აჭარის მთავრობის ხელშეწყობით მუშაობს საკოორდინაციო შტაბი.



გადამმუშავებელი საწარმოები მზად არინ არასტანდარტული პროდუქციის მისაღებად. გადამუშავებისთვის ქარხნების მიერ მიღებული მანდარინის რაოდენობამ ამ ეტაპზე უკვე 405 ტონას გადააჭარბა. აჭარასა და გურიაში ციტრუსის მოსავლის დაბინავებაში აქტიურად არის ჩართული 25 კომპანია, რომელთა შორის 14 მუშაობს ექსპორტზე. ამ კომპანიებს შორისაა ერთიანი აგროპროექტის ფარგლებში დაფინანსებული 5 საწარმო.



ხილის, მათ შორის მანდარინის გადამუშავების მიმართულებით აჭარის და გურიის რეგიონებში სახელწიფოს ფინანსური მხარდაჭერით ერთიანი აგროპროექტის ფარგლებში 7 ახალი საწარმო ფუნქციონირებს, გაფართოვდა ერთი. მათი საერთო ინვესტიცია 10 მილიონ ლარზე მეტს შეადგენს და შექმნილია 155 ახალი სამუშაო ადგილი.



ქართული ციტრუსი კონკურენტუნარიანია და თანამედროვე, დადგენილი სტანდარტით არის ბაზარზე წარმოდგენილი. წელს ტრადიციულ ბაზრებს (რუსეთი, უკრაინა, სომხეთი, ყაზახეთი, აზერბაიჯანი) 4 ქვეყანა სლოვენია, სინგაპური, ლიეტუვა და კატარი დაემატა. გაჩნდა ინტერესი ბელარუსის მხრიდანაც.







„კრისტალის“ მხარდაჭერით საქართველოში მართვადი სუნთქვის სრულფასოვანი აპარატი იქმნება

„კრისტალის“ მხარდაჭერით საქართველოში მართვადი სუნთქვის სრულფასოვანი აპარატი იქმნება
access_time2020-08-03 10:10:23
...

BAG ბიზნესის კლიმატის ინდექსმა აღმასვლის მეოთხედში გადაინაცვლა

BAG ბიზნესის კლიმატის ინდექსმა აღმასვლის მეოთხედში გადაინაცვლა
access_time2020-08-03 12:00:50
2020 წლის მეორე კვარტლის დასასრულს, საქართველოს ბიზნეს ასოციაციის BAG ბიზნეს კლიმატის ინდექსმა „რეცესიის“ მეოთხედიდან (ნეგატიური მიმდინარე მდგომარეობა, ნეგატიური მოლოდინი) „აღმასვლის“ მეოთხედში (ნეგატიური მიმდინარე მდგომარეობა, პოზიტიური მოლოდინი) გადაინაცვლა, რაც იმას ნიშნავს, რომ ივნისის ბოლოს ჩატარებული გამოკითხვის ასასოციაციის წევრებმა თავიანთი მიმდინარე მდგომარეობა კვლავ უარყოფითად, თუმცა მომდევნო ექვსი თვის მოლოდინი პოზიტიურად შეაფასეს. კერძოდ, ბიზნესის მიმდინარე მდგომარეობის...

ბინათმშენებლობის სექტორი ისედაც აღდგებოდა, უბრალოდ მთავრობის ახალი ინიციატივით, ეს უფრო ადრე მოხდება - თიბისი ჯგუფის ეკონომისტი

ბინათმშენებლობის სექტორი ისედაც აღდგებოდა, უბრალოდ მთავრობის ახალი ინიციატივით, ეს უფრო ადრე მოხდება - თიბისი ჯგუფის ეკონომისტი
access_time2020-08-03 12:10:57
6 ივლისიდან 31 ივლისამდე გაცემული იპოთეკური სესხების 30% სუბსიდირების პროგრამის ბენეფიციარია. ამის შესახებ „თიბისი კაპიტალის“ კვლევაშია აღნიშნული. „29 ივლისს დამთავრებულ შვიდ დღეში, გაცემული იპოთეკური სესხების წლიურმა ცვლილებამ 7% შეადგინა. სესხების ახალი გაცემები თვის დასაწყისიდან ზრდის ტენდენციას ინარჩუნებს. 6 ივლისიდან დღემდე გაცემული იპოთეკური სესხების 30% სუბსიდირების პროგრამის ბენეფიციარია. თბილისში ბინების გაყიდვის რეგისტრაციის ზრდის 7 დღის...

ერთ წელში ფასები სურსათზე - 11.5%-ით და ტრანსპორტზე - 9.3%-ით გაიზარდა

ერთ წელში ფასები სურსათზე - 11.5%-ით და ტრანსპორტზე - 9.3%-ით გაიზარდა
access_time2020-08-03 11:10:10
2020 წლის ივლისში წინა თვესთან შედარებით ინფლაციის დონემ საქართველოში -0.5 პროცენტი, ხოლო წლიური ინფლაციის დონემ 5.7 პროცენტი შეადგინა. რაც შეეხება საბაზო ინფლაციას, აღნიშნულმა მაჩვენებელმა 2020 წლის ივლისში, გასული წლის შესაბამის პერიოდთან შედარებით 6.1 პროცენტი შეადგინა, ხოლო თამბაქოს გარეშე წლიური საბაზო ინფლაციის მაჩვენებელი 5.8 პროცენტით განისაზღვრა. ქვემოთ მოცემულ ცხრილში წარმოდგენილია სამომხმარებლო კალათაში შემავალი საქონლისა და...

Mitsubishi ქარხანას კეტავს: Pajero-ს გზის დასასრული

Mitsubishi ქარხანას კეტავს: Pajero-ს გზის დასასრული
access_time2020-08-02 21:21:59
ქარხანა სამი წლით დაიკეტება! ...


მსგავსი სიახლეები

up