გიორგი გახარია - 31 ოქტომბერს, ყველანი ერთად გავიმარჯვებთ ღირსეულ და სამართლიან ბრძოლაში

გიორგი გახარია - 31 ოქტომბერს, ყველანი ერთად გავიმარჯვებთ ღირსეულ და სამართლიან ბრძოლაში

access_time2020-10-29 18:26:07

მე და კახიმ ბოლო 2 თვის განმავლობაში, ფაქტობრივად, მოვიარეთ მთელი საქართველო ჩვენს კოლეგებთან, ჩვენს გუნდთან ერთად და რეალურად მინდა გითხრათ, რომ ის მხარდაჭერა, რომელიც ვიგრძენით არის ამავდროულად უდიდესი პასუხისმგებლობა, რომ ქვეყნის აღმშენებლობა უნდა გაგრძელდეს, - ამის შესახებ საქართველოს პრემიერ-მინისტრმა გიორგი გახარიამ მთაწმინდა-კრწანისის საარჩევნო ოლქში „ქართული ოცნების“ მაჟორიტარი დეპუტატობის კანდიდატის წარდგენისას განაცხადა. ინფორმაციას „ქართული ოცნება-დემოკრატიული საქართველოს“ პრესსამსახური ავრცელებს.



პრემიერ - მინისტრმა აღნიშნა, რომ ქვეყნის აღმშენებლობა უნდა გაგრძელდეს ისე, როგორც ხელისუფლება ამას ბოლო 8 წლის განმავლობაში აკეთებდა - პირველ რიგში, ადამიანის ღირსების გაფრთხილებით.



„პირელ რიგში, ჩემთვის დიდი პატივია, მქონდეს დღეს შესაძლებლობა, თქვენთან ერთად ვისაუბრო ქვეყნის მომავალზე. მე და კახიმ ბოლო 2 თვის განმავლობაში, ფაქტობრივად მოვიარეთ მთელი საქართველო ჩვენს კოლეგებთან, ჩვენს გუნდთან ერთად და რეალურად მინდა გითხრათ, რომ ის მხარდაჭერა, რომელიც ვიგრძენით არის, ამავდროულად, უდიდესი პასუხისმგებლობა, რომ ქვეყნის აღმშენებლობა უნდა გაგრძელდეს. უნდა გაგრძელდეს ზუსტად ისე, როგორც ამას ვაკეთებდით ბოლო 8 წლის განმავლობაში, პირველ რიგში, ადამიანის ღირსების გაფრთხილებით. პირველ რიგში ისე, რომ ადამიანი ყოველთვის უნდა იყოს ჩვენს ყურადღების ცენტრში, ისე, რომ არასოდეს უნდა დაგვავიწყდეს, რომ პირბადის გაკეთება, ასეთი მარტივი რამ არა თავის დაცვა, არამედ ჩვენი თანამოქალაქის და ჩვენი ღვაწლმოსილი მოხუცების დაცვაა. ესაა ის პასუხისმგებლობა, რომელიც ჩვენ ყოველთვის გვქონდა და რომლითაც უნდა გავაგრძელოთ ცხოვრება, შრომა. ყველას კარგად უნდა გვესმოდეს, რომ შემდგომი 4 წელი იქნება გამოწვევებით სავსე და ჩვენ ყველანი ვხედავთ, რომ უაღრესად არაორდინალურ სიტუაციაში გვიწევს ამ კამპანიის ჩატარება, პირბადეებით და კიდევ ბევრი სხვა შეზღუდვებით, თუმცა ყველას კარგად უნდა გვესმოდეს, რომ ის, როგორც ჩვენ გამოვიარეთ ბოლო 5-6 თვე, არის ამავდროულად დიდი პასუხისმგებლობა ჩვენი მომავალი ეკონომიკური განვითარების წინაშე და ეს ის შესაძლებლობაა, რომლითაც შეიძლება ეს კრიზისი ვაქციოთ თითოეული ჩვენი მოქალაქისთვის შესაძლებლობად. ჩვენ შეგვიძლია გავიმარჯვოთ, ჩვენ აუცილებლად გავიმარჯვებთ ისე, როგორც ბევრმა, ძალიან ბევრმა განვითარებულმა ქვეყანამ ვერ შეძლო და რა არის ამის ყველაზე დიდი საფუძველი, ესაა ჩვენი ერთიანობა. ჩვენ საერთოდ გვახასიათებს, როდესაც გაჭირვება და ბრძოლაა, მაშინ გაერთიანება. განსაკუთრებით, ეს გაერთიანება ჩვენ გვჭირდება დღეს, როდესაც ორ დღეში ჩვენ უნდა გავაკეთოთ ქვეყნისთვის ძალზედ მნიშვნელოვანი არჩევანი და ეს არჩევანი არ არის მხოლოდ და მხოლოდ რომელიმე პარტიის ან პარტიული ძალის არჩევანი. ყველას კარგად გვესმის, რომ ეს არის მომავალი წლების განმავლობაში ქვეყნის შემდგომი დემოკრატიული განვითარების არჩევანი. ჩვენ მხოლოდ და მხოლოდ გაკეთებულ საქმეზე ვართ ორიენტირებულები და თუნდაც ამ გაკეთებულ საქმეს აქ, თბილისში ყველანი კარგად ხედავთ,“ - განაცხადა პრემიერმა.




მისივე თქმით, შემდგომ 4 წელიწადში, ქვეყანა მაქსიმალურად უნდა დაუახლოვდეს ევროპულ სტანდარტებს, ევროპულ ფასეულობებს, ევროპულ ინფრასტრუქტურას და სხვ. იმისთვის, რომ 2024 წელს საქართველომ გააკეთოს განაცხადი ევროკავშირის სრულფასოვან წევრობაზე.



პრემიერმა ყურადღება დაუთმო ოკუპაციას და აღნიშნა, რომ საბოლოო მიზანი არის ქვეყნის გამთლიანება, მშვიდობით და გონივრულად.



„ჩვენ მთაწმინდა-კრწანისის რაიონში ვიმყოფებით, სადაც თბილისის უძველესი უბნებია და ყველას კარგად უნდა გვესმოდეს, რომ თითოეული ის რესტავრირებული სახლი, უბანი, პატარა ქუჩა, რომელსაც მერია ახორციელებს, არის ჩვენი მომავლისთვის გაღებული ენერგია, რომელიც ჩვენ ყველამ ერთად უნდა გამოვიყენოთ ხვალინდელი დღისთვის. მე მინდა გითხრათ, რომ ჩვენ პირველი ნოემბრიდან, მას შემდგომ, რაც თქვენთან ერთად დამაჯერებლად გავიმარჯვებთ გეგმა გვაქვს ყოველი დღის, ყოველ დღე რა უნდა გავაკეთოთ. ჩვენ არ გვაქვს ბევრი დრო და მიზანი იქნება ის, რომ საბოლოოდ შემდგომ 4 წელიწადში, ქვეყანა მაქსიმალურად დავაახლოვოთ ევროპულ სტანდარტებს, ევროპულ ფასეულობებს, ევროპულ ინფრასტრუქტურას, განათლებას, სკოლებს, მედიცინას იმისთვის, რომ ჩვენ, ყველამ ერთად 2024 წელს შევძლოთ გავაკეთოთ განაცხადი, საქართველოს ევროკავშირში სრულფასოვანი წევრობის შესახებ ეს არის ჩვენი ხალხის მიზანიც და ოცნებაც და ეს არის ის მიზანი, რომელსაც ჩვენ ერთად უნდა მივაღწიოთ 2024 წლისთვის. ჩვენ, ყველამ ერთად უნდა მოვამზადოთ ქვეყანა ამ ღირსეული და გმირული ნაბიჯისთვის. ყველა გამარჯვებისას, ყველა მარცხისას, ყველა გამოწვევისას, არ უნდა დაგვავიწყდეს ჩვენი ქვეყნის ყველაზე დიდი გამოწვევა - ოკუპაცია. ჩვენ ყოველთვის ვიზრუნებთ ჩვენს დევნილებზე, ჩვენს სამშობლოში დევნილ ადამიანებზე, მათ საცხოვრებელ პირობებზე, მაგრამ საბოლოო მიზანი არის ქვეყნის გამთლიანება, გამთლიანება მშვიდობით, გონივრულად. მე ხშირად მითქვამს და კიდევ ერთხელ გავიმეორებ, როდესაც ჩვენ ვსაუბრობთ ოკუპაციაზე, ჩვენ არ ვსაუბრობთ ჩვენი მიწის მხოლოდ და მხოლოდ 20 პროცენტის ოკუპაციაზე, ჩვენ ვსაუბრობთ ჩვენი ქვეყნის განვითარების შეზღუდულობაზე, ჩვენ ვსაუბრობთ ჩვენი ადამიანების, ჩვენი აფხაზი და ოსი ძმების ჩვენთან ერთად შეზღუდულ განვითარებაზე. ეს ერთიანობა, მერწმუნეთ, რომ კიდევ უფრო გააძლიერებს და კიდევ უფრო მეტ რესურსს მისცემს ქვეყანას შემდგომი განვითარებისთვის. ყველანი ერთად, 31 ოქტომბერს, რა თქმა უნდა, ჩვენ გავიმარჯვებთ, ჩვენ ამ მხარდაჭერას ვგრძნობთ, მაგრამ ჩვენთვის ყველაზე მნიშვნელოვანი არის ის, რომ ჩვენ უნდა გავიმარჯვოთ ღირსეულად და სამართლიან ბრძოლაში. გამარჯვებას გისურვებთ,“ - განაცხადა პრემიერმა.








საგადასახადო შეღავათის მოთხოვნის ვადა 1–ელ აგვისტოს იწურება

საგადასახადო შეღავათის მოთხოვნის ვადა 1–ელ აგვისტოს იწურება
access_time2021-07-30 17:00:16
საქართველოს ფინანსთა სამინისტროს შემოსავლების სამსახური იურიდიულ პირებს შეგახსენებს, რომ გადასახადის გადამხდელს, რომელსაც აქვს მიმდინარე წლის 17 მაისის მდგომარეობით წარმოშობილი, აღიარებული ან არაღიარებული საგადასახადო დავალიანება, საქართველოს მთავრობის გადაწყვეტილებით, შესაძლებლობა ეძლევა, გადასახადის ძირითადი თანხის გადახდის პირობით სრულად შეიმციროს დარიცხული ჯარიმა-საურავები.  დღეის მონაცემებით, საგადასახადო შეთანხმების გაფორმების შესახებ, შემოსავლების სამსახურის მონაცემთა ბაზაში, ...

როგორი იქნება სპორტული მედიცინის ცენტრი, რომელიც თბილისში აშენდება

როგორი იქნება სპორტული მედიცინის ცენტრი, რომელიც თბილისში აშენდება
access_time2021-07-30 16:00:51
თბილისში სპორტული მედიცინის ცენტრის მშენებლობა იგეგმება, - ამის შესახებ jandacva.ge-ს სპორტული მედიცინის ასოციაციის ვიცე პრეზიდენტმა ხათუნა საგანელიძემ განუცხადა. მისი ინფორმაციით, ნიუ ვიჟენ უნივერსიტეტი სპორტული რეაბილიტაციის ცენტრს ააშენებს. მისი ინფორმაციით, დაწყებულია კონკრეტული მოლაპარაკებები სპორტული მედიცინის ცენტრების მშენებლობაზე, აღჭურვაზე, ექიმების და რეაბილიტოგების გადამზადებაზე. საგანელიძის განმარტებით, ამისთვის საჭიროა საკმაოდ დიდი...

განათლების მინისტრი სასკოლო რეფორმაში ფინურ გამოცდილებას გაითვალისწინებს

განათლების მინისტრი სასკოლო რეფორმაში ფინურ გამოცდილებას გაითვალისწინებს
access_time2021-07-30 12:30:08
პრემიერ-მინისტრმა ირაკლი ღარიბაშვილმა განათლების მინისტრ მიხეილ ჩხენკელთან ერთად განათლების სისტემის 10 წლიანი განვითარების გეგმა წარადგინა. მიხეილ ჩხენკელის განცხედებით სკოლებში ესტონური და ფინური გამოცდილების გათვალისწინებით ინტენსიურად მიმდინარეობს მესამე თაობის ეროვნული სასწავლო გეგმის დანერგვის პროცესი, რომელიც 2024 წელს დასრულდება. განათლების მინისტრის განმარტებით სწავლების მეთოდოლოგიის შეცვლა მოსწავლეებში კრიტიკული აზროვნების განვითარებას შეუწყობს...

კომფორტის ფასი თბილისის პრემიუმ კლასის საცხოვრებელ კომპლექსებში

კომფორტის ფასი თბილისის პრემიუმ კლასის საცხოვრებელ კომპლექსებში
access_time2021-07-30 15:00:52
თბილისის პრემიუმ კლასის საცხოვრებელ კომპლექსში მობინადრეების ცხოვრების ხარჯი, კომუნალური გადასახადების გამოკლებით, 400-600 ლარს აღწევს. ამ თანხაში შედის საცხოვრებელი არეალის - სადარბაზოებისა და ეზოების, გამწვანების, ლიფტის, საცურაო აუზების, სასეირნო და სარბენი ბილიკების და სხვა შესაბამისი ინფრასტრუქტურის მოვლა-შენახვის ხარჯი. ამ პროცესს დეველოპერი დაქირავებული კომპანიების საშუალებით უზრუნველყოფს ან ასეთ ფირმებს თავად  ამხანაგობები ქირაობენ. მომსახურების...

ორნიშნა ეკონომიკური ზრდა ივნისშიც გაგრძელდა

ორნიშნა ეკონომიკური ზრდა ივნისშიც გაგრძელდა
access_time2021-07-30 11:20:36
ორნიშნა ეკონომიკური ზრდა გრძელდება. ივნისში მშპ გასული წლის ანალოგიურ მაჩვენებელთან შედარებით 18.7%-ით გაიზარდა.  მთლიანად, წლის პირველ ნახევარში ეკონომიკა 12.7%-ით გაიზარდა, საიდანაც თუ პირველ კვარტალში ეკონომიკა 4.5%-ით შემცირდა, მეორე კვარტალში რეკორდული - 29.8%-იანი ზრდა დაფიქსირდა. საქსტატის ცნობით 2021 წლის ივნისში, წინა წლის შესაბამის პერიოდთან შედარებით ზრდა შეინიშნებოდა შემდეგ დარგებში: დამამუშავებელი მრეწველობა, საფინანსო და სადაზღვევო საქმიანობა,...


მსგავსი სიახლეები

up