გიორგი ფანგანი: „ჭკვიანი მრიცხველებით“ ელექტროენერგიის მოხმარების დისტანციურად კონტროლი და ხარჯების დაზოგვაა შესაძლებელი

გიორგი ფანგანი: „ჭკვიანი მრიცხველებით“ ელექტროენერგიის მოხმარების დისტანციურად კონტროლი და ხარჯების დაზოგვაა შესაძლებელი

access_time2021-10-14 22:10:00

რეგულაციის მიხედვით, ახალი კორპუსები, რომლებიც 2021 წლის 1-ლი ოქტომბრიდან შევა ექსპლოატაციაში ელექტროენერგიის აღმრიცხველი „ჭკვიანი მრიცხველებით“ აღიჭურვება.


როგორ შეგვიძლია ჩვენი ბიუჯეტის დაზოგვა და რა არის ჭკვიანი მრიცხველი, ამ საკითხზე „იმედის დილაში“ საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკი) წევრმა გიორგი ფანგანმა ილაპარაკა.


„ეს ისეთივე მრიცხველია, როგორც ნებისმიერი სხვა და მისი ძირითადი ფუნქციაა ელექტროენერგიის აღრიცხვა. ამის იქით მრიცხველს აქვს ბევრი ოფცია. მათ შორის მრიცხველს მონაცემების გადაცემა დისტანციურად შეუძლია. საუბარია იმ მონაცემებზე, რომელსაც ის კითხულობს „ტვინინგის ცენტრში“ სადაც ეს მონაცემები აღირიცხება და იწერება. ამასთან მრიცხველს აქვს ელექტროენერგიის შეზღუდვის და ჩართვის ფუნქცია. ასევე აქვს ავარიების აღრიცხვის ფუნქცია, რაც ჩვენთვის კრიტიკულად მნიშვნელოვანია, რადგან დაბალ ძაბვაზე ავარიების აღრიცხვა არაა მოწესრიგებული ისე, როგორც ჩვენ გვინდა იყოს, როცა მაღალი სტანდარტები გვაქვს დადგენილი. მრიცხველი იმითაა განსხვავებული, რომ მომხმარებელს შეუძლია დისტანციურად აკონტროლოს ელექტროენერგიის მოხმარება. ვმუშაობთ იმაზეც, რომ ყველა მომხმარებელს თავისი საიდენტიფიკაციო მონაცემები ჰქონდეს და შეძლოს სახლიდან გაუსვლელად ონლაინ რეჟიმში ნახოს ელექტროენერგიის მოხმარების მაჩვენებელი“, – განაცხადა ფანგანმა.



მისი თქმით, ამ მრიცხველების დანერგვა საქართველოს ენერგობაზარზე მნიშვნელოვანია, რადგან აბონენტებმა მომავალში დღის და და ღამის ტარიფებით სარგებლობა შეძლონ, რაც ელექტროენერგიის მოხმარების დაზოგვას გამოიწვევს. „ღამის და დღის ტარიფებზე გადასასვლელად რეფორმას რამდენიმე წელი დასჭირდება. როცა ეს განხორციელდება, ელექტროენერგიაზე სხვა და სხვა პერიოდში განსხვავებული საფასურები გვექნება. მაგალითად დღე ელექტროენერგიაზე მოთხოვნა მაღალია, პიკებია და როცა მოთხოვნა მაღალია, ფასიც მაღალია. ღამის საათებში ელექტროენერგიის ფასი მთელ მსოფლიოში უფრო დაბალია, რადგან მოხმარება და მოთხოვნაც ნაკლები. აქედან გამომდინარეა ფასებიც განსხვავებული. ამაზე ჩვენ ვმუშაობთ და იურიდიული პირებისთვის ეს მალე დაიწყება. 2022 წლის მარტიდან ველოდებით ენერგეტიკული ბირჟის გაშვებას. იურიდიული პირები გადავლენ ამ მოდელზე. მალე რეგულაციაში ფიზიკური პირებიც მოექცევიან“, – აღნიშნა ფანგანმა.


წყარო: energynews.ge






სამეზობლოში ეკონომიკის ზრდის ტემპით საქართველო ლიდერია

სამეზობლოში ეკონომიკის ზრდის ტემპით საქართველო ლიდერია
access_time2021-10-24 12:00:04
მიმდინარე წელს საქართველო ეკონომიკის ზრდის ტემპით ახალ-ახალ რეკორდებს ამყარებს. ოფიციალური სტატისტიკის მიხედვით, 2021 წლის პირველ 6 თვეში საქართველოს ეკონომიკა საშუალოდ 12.7%-ით გაიზარდა. აღსანიშნავია ისიც, რომ პირველ კვარტალში უშუალოდ ჩვენი ეკონომიკა 4.5%-ით შემცირდა, თუმცა უკვე მეორე კვარტალში საკმაოდ მაღალი 29.8%-იანი ზრდა...

სად არის "შავი ოქროს" ყველაზე დიდი მარაგი

სად არის
access_time2021-10-24 18:00:28
საუდის არაბეთი მეორე ქვეყანაა მსოფლიოში ნავთობის დადასტურებული მარაგებიით. მის ტერიტორიაზეა 267,1 მლრდ. ბარელი, რაც მსოფლიო მარაგების 17, 2%- ს შეადგენს.   ამ დროისთვის მსოფლიოში ნავთობის დადასტურებული მარაგი 1,5 ტრლნ.ბარელს შეადგენს.   საუდის არაბეთის ენერგეტიკის სამინისტროს მონაცემებით, ქვეყნის ტერიტორიაზე ნავთობის მოპოვების პოტენციალი 2020 წელს 0, 003%, ანუ, 9 მლნ. ბარელით გაიზარდა. მთელი ამ ნავთობის მხოლოდ ნაწილია დღეს აქტიური მოპოვების...

ავტოსადგურების სერტიფიცირება ამ დრომდე ვერ ხერხდება

ავტოსადგურების სერტიფიცირება ამ დრომდე ვერ ხერხდება
access_time2021-10-24 16:00:46
ქვეყანაში უკანონო ავტოსადგურების არსებობაზე დიდი ხანია საუბრობენ ტრანსპორტისა და ლოგისტიკის ექსპერტები, თუმცა პრობლემა ამ დრომდე...

თბილისისთვის საბაგირო გზების განვითარება გამოწვევად რჩება

თბილისისთვის საბაგირო გზების განვითარება გამოწვევად რჩება
access_time2021-10-23 19:00:43
ბოლო სამი წელის თბილისის მერიამ გააქტიურა მუშაობა დედაქალაქის საბაგირო გზების მიმართულებით, თუმცა თბილისისთვის საბაგირო გზების განვითარება ჯერ კიდევ გამოწვევად რჩება.  2019 წელს დედაქალაქის მერმა კ. კალაძემ დაანონსა - თბილისში სამი მიმართულებით სამგორი-ვაზისუბანი, ახმეტელი-თემქა და სამება-მახათის მთა საბაგირო ხაზების პროექტების განხორციელება. იმ დათქმით, რომ პროექტების განხორციელების პრიორიტეტულობას ტექნიკურ-ეკონომიკური კვლევის შედეგის შემდეგ გადაწყვეტდნენ; 2019 წელსვე  „თბილისის...

თბილისის ლოგისტიკური ცენტრის პროექტი დაპირებად დარჩა

თბილისის ლოგისტიკური ცენტრის პროექტი დაპირებად დარჩა
access_time2021-10-24 14:00:26
საქართველო კვლავ ძლიერი და გამართული ლოგისტიკური ცენტრების გარეშეა. არადა, ჯერ კიდევ 2017 წელს ეკონომიკის მინისტრმა გიორგი გახარიამ ტექნოპარკში  კერძო სექტორისა და საერთაშორისო საფინანსო ინსტიტუტების წარმომადგენლებს გააცნო ჯამურად 152.8 მლნ დოლარის ღირებულების ახალი საინვესტიციო პროექტი, რომელიც მიზნად თბილისსა და ქუთაისში ლოგისტიკური ცენტრების განვითარებას ისახავდა. გეგმით, ორივე ლოგისტიკურ ცენტრში ჯამურად 800-ზე მეტი ახალი სამუშაო ადგილი შეიქმნებოდა. ამ პროექტის განსახორციელებლად...


მსგავსი სიახლეები

up