გიორგი ელიბეგოვი - რუსეთი რომ მტერია, ამას ის ხალხი მასწავლის, რომელსაც არც ერთ ომში მონაწილეობა არ მიუღია, ბიზნესის დივერსიფიკაციაზე ისინი მესაუბრებიან, ვისაც ორი კაპიკი გადასახადი არ შეუტანია ქვეყნის ბიუჯეტში

გიორგი ელიბეგოვი - რუსეთი რომ მტერია, ამას ის ხალხი მასწავლის, რომელსაც არც ერთ ომში მონაწილეობა არ მიუღია, ბიზნესის დივერსიფიკაციაზე ისინი მესაუბრებიან, ვისაც ორი კაპიკი გადასახადი არ შეუტანია ქვეყნის ბიუჯეტში

access_time2019-07-21 16:51:08

რუსეთი რომ მტერია, ამას ის ხალხი მასწავლის, რომელსაც არც ერთ ომში მონაწილეობა არ მიუღია, ბიზნესის დივერსიფიკაციაზე ისინი მესაუბრებიან, ვისაც ორი კაპიკი გადასახადი არ შეუტანია ქვეყნის ბიუჯეტში, – ამის შესახებ ფეისბუქმომხმარებელი გიორგი ალიბეგოვი სოციალურ ქსელში წერს.

„მე ვარ გიორგი ელიბეგოვი, კერძო სასტუმროს მეპატრონე. ავლაბარში, კერძო სახლში ვცხოვრობ. თავიდან სახლის რამდენიმე ოთახი სასტუმროდ გადავაკეთე. ტურისტები ყოველთვის მყავდა. ამან გამაბედინა და 300 ათასი ევრო კრედიტი ავიღე, ახალი კაპიტალური მშენებლობა წამოვიწყე და წელს ჩემი გეგმები თავდაყირა დადგა: რუსეთის სანქციების გამო, რუსეთის მოქალაქეებმა მასობრივად გააუქმეს ჯავშნები და საერთო ჯამში, ორ თვეში 50 ათასი დოლარი ვიზარალე. ჭირს წაუღია ეს ჩემი შემოსავალი, თუ ეს ქვეყანას სჭირდება, მაგრამ ჩემთვის გაუგებარია, რა მოიგო ამ ქვეყანამ ტურისტების ნაკადის შემცირებით?

რუსეთი რომ ოკუპანტია, მე ეს 1992 წლიდან ვიცი, „ავაზას“ ბატალიონის წევრი ვიყავი და აფხაზეთში ვომობდი. ამდენად, მიკვირს იმ ხალხის, ვინც ახლა ისტერიულად გაჰყვირის, რომ თურმე რუსეთი ოკუპანტია და გვებრძვის.

მოდი, იმას მივუბრუნდეთ, რის გამო მოუწოდა რუსეთის ხელისუფლებამ თავის მოქალაქეებს, საქართველში ნუ დაისვენებენ. სულ სამი მიზეზია:

1. დეპუტატმა აკაკი ბობოხიძემ პარლამენტში რუსეთის დელეგაციას მიაძახა, რომ აფხაზეთში რუსებს ხოცავდა, ხოცავს და კიდევ დახოცავს. დამეთანხმებით მძიმე მოსასმენია, მებრძოლი კაცი ასეთ რამეებს არ კადრულობს, არასდროს ჰყვება საჯაროდ, ვინ სად დახოცა… გავიკითხე ვეტერანებში და მეომარი აკაკი ბობოხიძე არავის ახსოვს, თუ არ ვცდები ეგ მაშინ პარლამენტის წევრი იყო, სადმე რომ თავი გამოეჩინა, შეუმჩნეველი არ დარჩებოდა. როგორც გავიგე, არც ვეტერანთა კავშირის წევრია. გამოდის, რომ უბრალოდ, ანტირუსული ისტერიის ასატეხად, რაც ენაზე მოადგა, წამოიძახა.


2. რუსეთის დუმის წევრს, გავრილოვს სასტუმროდან გამოსვლისას ხალხის ნაწილი თავს დაესხა. ჩემთვის ესეც გაუგებარია. რატომ დაესხნენ თავს? იარაღით იყო? შემოიპარა? არა, არც ერთი და არც მეორე. კიდევ უფრო დიდი სისულელეა, რომ ვითომ ეს გავრილოვი აფხაზეთში გვეომებოდა. მეტი საქმე არ ჰქონდა გავრილოვს, რომელიც ამ დროს რომელიღაც გუბერნიის სამხარეო დუმის დეპუტატი იყო, აფხაზეთში საომრად წამოსულიყო, სამშობლოს დასაცავად, საომრად ჩვენი დეპუტატების ძალიან მცირე ნაწილი მიდიოდა, მით უფრო წარმოუდგენელია ეს რუსი დეპუტატისგან, კაი ცხოვრება, სადღაც ბრძოლაზე გაეცვალა. ასეც აღმოჩნდა, ისტერიამ გადაიარა და დღეს გავრილოვის „ბაევიკობაზე“ აღარავინ საუბრობს.

3. გიორგი გაბუნიამ ტელევიზიით რუსეთის პრეზიდენტს აგინა. ნუ, გინებაცაა და გინებაც. ეტყობა რაღაც ძალიან შეიცვალა ქალაქში, ჩხუბის დროსაც კი არ ვაგინებდით დედას მოწინააღმდეგეს. 60 წლის კაცი ვარ და მამაჩემის თანდასწრებით უცენზურო სიტყვების თქმას ახლაც ვერიდები. არ არის წესი ასეთი საქციელი, ეს მე უბანში ვისწავლე, საერთოდ წარმოდგენა არ მაქვს, რა არის ჟურნალისტების ეთიკის ქარტია და ქცევის რეგულაცია. არის თბილისი და მას აქვს კულტურა, ეთიკა, რომლითაც მეც კმაყოფილი ვარ და უცხოელებსაც თვალში ხვდებათ, ამდენად, მიუღებელია კულტურული საზოგადოებისთვის ამ გაბუნიას ბილწსიტყვაობა. თვალი მოვავლე ინტერნეტში და ვერსად ვნახე მსგავსი უხამსობა, რუსეთისგან არანაკლებად გამწარებულ ჩეჩნებს, ავღანელებს, სირიელებს ან გაბუნიამდე უკრაინელებს ეკადროთ. მტრობასაც თავის წესები აქვს. ვინც ეს არ იცის, ილია ჭავჭავაძის „ნიკოლოზ გოსტაშაბიშვილი“ წაიკითხოს. იოლად იპოვნით ინტერნეტში.

ახლა ვკითხულობ ჩამოთვლილი სამი მიზეზიდან რომელი შეეფერება სამიათასწლოვანი სახელმწიფოებრიობის მქონე ცივილიზებულ ერს? დიდი კულტურისა და ტრადიციის მქონე ერს?
ახლა ჩემსა და ჩემნაირების ბიზნესს მივუბრუნდეთ, რომლებსაც ჩემსავით გეგმები დააწყეს და ამ უკულტურობის გამო, ყველაფერი აერიათ… რატომ არის გონივრული, რომ რუსი ტურისტი თუ აქ არ ჩამოვა, ეს ჩვენი ქვეყნისთვის სასარგებლოა. რა არის სასარგებლო, რომ რუსი აქ ფულს ხარჯავდა და ბიუჯეტში ფული შედიოდა? ამის გამო ბიუჯეტს შემოსავალი არ მოაკლდება? სიმონ ბოლივარი ჩიოდა: ჩემო სამშობლო, რა შორს ხარ ღმერთისგან და რა ახლოს არის ამერიკა! ჩვენგან, ღმერთიც შორსაა და ამერიკაც. ძალიან ძნელია, ვინმემ აქ იმდენი ევროპელი და ამერიკელი ჩამოიყვანოს, რომ რუსი ტურისტის ჩამოსვლის აუცილებლობა აღარ გვქონდეს. არც იმის ფუფუნება გვაქვს, რომ რუსეთის ბაზარზე უარი ვთქვათ.

რუსეთი მსოფლიო სავაჭრო ორგანიზაციაში სააკაშვილის ხელისუფლებამ გააწევრიანა. ამის შემდეგ მოხსნა რუსეთმა ემბარგო ქართულ პროდუქციაზე. სწორედ, მიხეილის თანხმობის შემდეგ მიიღეს ეს ოკუპანტი ამ ორგანიზაციაში. რატომღაც არაფერი მსმენია მაშინ არასამთავრობო ორგანიზაციებიდან, ეთქვათ, რომ სააკაშვილი მოღალატეა, რადგან ოკუპანტ ქვეყანას მიზნის მიღწევაში მიეხმარა. ისიც, კარგად მახსოვს, ლარსზე როგორ ხვდებოდა სააკაშვილი რუს ტურისტებს და ჩვენ ქვეყანაში ეპატიჟებოდა. რაც ეპატიება იუპიტერს, არ ეპატიება ხარს? ეს არის მორალი?

და ბოლოს… მე ომშიც ვიბრძოდი და როგორც გითხარით, ამ ისტერიის ფონზე, ბიზნესიც ჩამივარდა. ეს არაფერი, იმასთან შედარებით, რომ რუსეთი რომ მტერია, ამას მასწავლის ის ხალხი, რომლებსაც არც ერთ ომში მონაწილეობა არ მიუღია და ბიზნესის დივერსიფიკაციაზე მესაუბრებიან, ისინი, ვისაც ორი კაპიკი გადასახადი არ შეუტანია ქვეყნის ბიუჯეტში… გულდასაწყვეტია, მაგრამ რაციონალიზმი აუცილებლად აჯობებს ისტერიას და ბიზნესიც ფეხზე დადგება და საქართველოც! მე ამის მჯერა და ამისთვის ყველაფერს გავაკეთებ“, – წერს გიორგი ელიბეგოვი.



თეგები:
რუსეთი



საქართველომ იაფი ინტერნეტის მქონე ქვეყნებს შორის მე-19 ადგილი დაიკავა, ყველაზე იაფად ინტერნეტს სირიაში მოიხმარენ

საქართველომ იაფი ინტერნეტის მქონე ქვეყნებს შორის მე-19 ადგილი დაიკავა, ყველაზე იაფად ინტერნეტს სირიაში მოიხმარენ
access_time2020-01-20 18:00:21
ბრიტანულმა კომპანია BDRC Continental-მა და პროვაიდერმა Cable.co.uk-მ ჩაატარა კვლევა, რომლის მიხედვითაც სირიამ ყველაზე იაფი ინტერნეტის მქონე ქვეყნებს შორის პირველი ადგილი დაიკავა. ამავე კვლევის მიხედვით, გასულ წელს რეიტინგის სათავეში უკრაინა იყო, თუმცა, წელს მეორე ადგილზე აღმოჩნდა.   ყველაზე იაფი ინტერნეტის ქვეყნებში საქართველო 19-ე ადგილს იკავებს, ხოლო ინტერნეტის ღირებულება საშუალოდ თვეში 13,86...

“სამუშაო ძალის ახალი მეთოდოლოგიით გამოკვლევის შემდეგ, უმუშევრობის მაჩვენებელი გაიზრდება”

“სამუშაო ძალის ახალი მეთოდოლოგიით გამოკვლევის შემდეგ, უმუშევრობის მაჩვენებელი გაიზრდება”
access_time2020-01-20 15:45:22
2020 წლის მესამე კვარტლიდან სტატისტიკის ეროვნული სამსახური დასაქმებისა და უმუშევრობის შესახებ მონაცემებს ახალი მეთოდოლოგიით შეაგროვებს. საქსტატის აღმასრულებელი დირექტორის, გოგიტა თოდრაძის ინფორმაციით, ახალი მეთოდოლოგიით, დასაქმებულად ჩაითვლება მხოლოდ ის ადამიანი, რომელიც საკუთარ სერვისს ან პროდუქტს ბაზარს სთავაზობს, ანუ საკუთარ შრომას ყიდის. ხოლო ადამიანი, რომელიც საკუთარ ნაკვეთზე სასოფლო-სამეურნეო საქმიანობით არის დაკავებული და მიღებულ მოსავალს მხოლოდ თავად მოიხმარს და არა კომერციული...

“საერთაშორისო ბაზრებზე არსებული დღევანდელი სიტუაციის გათვალისწინებით, ფქვილის ფასი შეიძლება 1-2 ლარით გაძვირდეს”

“საერთაშორისო ბაზრებზე არსებული დღევანდელი სიტუაციის გათვალისწინებით, ფქვილის ფასი შეიძლება 1-2 ლარით გაძვირდეს”
access_time2020-01-20 13:37:42
„პირველ ეტაპზე, ფქვილის ფასზე სერიოზულად არ აისახება რუსულ ხორბალზე კვოტირების დაწესების ფაქტორი“ ბოლო წლების განმავლობაში რუსეთში ხორბლის რეკორდული მოსავალი მოდის. 2019 წელს ქვეყანაში 120,7 მლნ ტონა ხორბალი აიღეს, რაც ერთ-ერთი ყველაზე მაღალი მაჩვენებელია ისტორიაში. შედეგად, 2018-2019 წლების სეზონზე რუსეთიდან 35,8 მლნ ტონა ხორბლის ექსპორტი განხორციელდა საქართველოში. აღსანიშნავია, რომ რეკორდული მოსავლების პარალელურად, მზარდია რუსული...

2019 წელს სასაქონლო ჯგუფებიდან საექსპორტო ათეულში პირველი ადგილი მსუბუქმა ავტომობილებმა დაიკავა

2019 წელს სასაქონლო ჯგუფებიდან საექსპორტო ათეულში პირველი ადგილი მსუბუქმა ავტომობილებმა დაიკავა
access_time2020-01-20 12:07:34
„საქსტატის“ წინასწარი მონაცემებით, 2019 წელს საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 12 834.7 მლნ აშშ დოლარი შეადგინა, რაც წინა წლის შესაბამის მაჩვენებელზე 2.7 პროცენტით მეტია. აქედან ექსპორტი 3 771.5 მლნ აშშ დოლარს (12.4 პროცენტით მეტი), ხოლო იმპორტი 9 063.2 მლნ აშშ დოლარს (0.8 პროცენტით ნაკლები) შეადგენს. საქართველოს უარყოფითმა სავაჭრო ბალანსმა, 2019 წელს, 5 291.8 მლნ აშშ დოლარი შეადგინა, რაც საგარეო სავაჭრო ბრუნვის 41.2...

დავით საგანელიძე: „საპარტნიორო ფონდი“ ბიუჯეტიდან არ უნდა ფინანსდებოდეს,მას აქვს საშუალება თავად მოიზიდოს თანხები

დავით საგანელიძე: „საპარტნიორო ფონდი“ ბიუჯეტიდან არ უნდა ფინანსდებოდეს,მას აქვს საშუალება თავად მოიზიდოს თანხები
access_time2020-01-20 11:30:36
„საპარტნიორო ფონდის“ ხელმძღვანელი დავით საგანელიძე მიიჩნევს, რომ „საპარტნიორო ფონდი“ ბიუჯეტიდან არ უნდა ფინანსდებოდეს და მას აქვს საშუალება თავად მოიზიდოს თანხები. ამის შესახებ დავით საგანელიძემ საპარტნიორო ფონდის სტრუქტურულ რეფორმაზე საუბრისას განაცხადა და აღნიშნა, რომ ფონდს დღეს უკვე სხვა გამოწვევები და ამოცანები აქვს, ამიტომ აუცილებელია სტრუქტურული რეფორმა სწრაფად განხორციელდეს. ამასთან, დავით საგანელიძე მიიჩნევს, რომ სახელმწიფო საწარმოები არ უნდა...


მსგავსი სიახლეები

up