გიორგი ცუცქირიძე: ნებისმიერი კრიზისი, მიუხედავად მისი ნეგატიური შედეგებისა, ყოველთვის ტოვებს შანსს, პოსტ კრიზისული პერიოდიდან ნაკლები დანაკარგებით გამოხვიდე და შენთვის სასიკეთოდაც გამოიყენო

გიორგი ცუცქირიძე: ნებისმიერი კრიზისი, მიუხედავად მისი ნეგატიური შედეგებისა, ყოველთვის ტოვებს შანსს, პოსტ კრიზისული პერიოდიდან ნაკლები დანაკარგებით გამოხვიდე და შენთვის სასიკეთოდაც გამოიყენო

access_time2020-04-06 18:11:44

სავსებით სწორია მთავრობის ეკონომიკის სტიმულირების ახალი 2 მილიარდიანი პაკეტი ადგილობრივი წარმოების მხარდასაჭერად, რაც საკრედიტო-საგარანტიო სქემების გამოყენებას ითვალისწინებს პოსტ კრიზისულ პერიოდში. მათ შორის გაჩერებული საწარმოების ამუშავება, თუნდაც აგარის ქარხნის მაგალითზე, რადგან კრიზისმა მნიშვნელოვანწილად შეცვალა როგორც მოთხოვნის, ასევე მიწოდების სტრუქტურა საერთაშორისო ბაზრებზე, რასაც თავის მხრივ ეკონომიკური პოლიტიკის თვალსაზრისით გარკვეული ცვლილებებიც უნდა მოჰყვეს,- ამის შესახებ ექსპერტი საბანკო-საფინანსო საკითხებში გიორგი ცუცქირიძე სოციალურ ქსელში წერს.


მისი თქმით, ნებისმიერი კრიზისი, მიუხედავად მისი ნეგატიური შედეგებისა, ყოველთვის ტოვებს შანს პოსტ კრიზისული პერიოდიდან ნაკლები დანაკარგებით გამოხვიდე და შენთვის სასიკეთოდაც გამოიყენო.


სტატუსს უცვლელად გთავაზობთ:


,,ნებისმიერი კრიზისი, მიუხედავად მისი ნეგაგატიური შედეგებისა, ყოველთვის ტოვებს შანს პოსტ კრიზისული პერიოდიდან ნაკლები დანაკარგებით გამოხვიდე და შენთვის სასიკეთოდაც გამოიყენო. ჩვენ გვჭირდება მაღალშემოსავლიანი და მაღალტექნოლოგიური დარგების განვითარება, რაც სახელმწიფო პროგრამების გარეშე უბრალოდ ვერ გამოვა, და არც არსად გამოსულა მხოლოდ კომერციული კრედიტით, განათლების და სხვა სტრუქტურული რეფორმის გარეშე. ეს დამტკიცდა არა მხოლოდ სამხრეთ კორეაში, იაპონიასა ან გერმანიაში, არამედ თუ გნებავთ ჩეხეთში, პოლონეთსა და ხორვატიაში. ჩვენ გვჭირდება უფრო მეტად ინოვაციური ეკონომიკა, რომელიც სხვა ტიპის სტარტაპების მოდელებით ფინანსირდება, ვიდრე მხოლოდ „აწარმოე საქართველოს“ დღევანდელი კომპონენტებია, სადაც მიუხედავად სახელმწიფოს შეხიდებისა საბანკო პროცენტში, მაინც მთლიანად კომერციულ საბანკო დაფინანსებაზეა დაფუძნებული და შესაბამისად, ბანკების მხრიდან დაფინანსების მთავარი ფაქტორი მაინც უზრუნველყოფაზე გადის.



ახალ სამთავრობო სტრატეგიაში ძალიან მნიშვნელოვანია, რომ სწორედ პროგრამის - „აწარმოე საქართველოში“ ფარგლებში, სერიოზულად გაუმჯობესებული კრიტერიუმები იქმნება ადგილობრივი წარმოების დასაკრედიტებლად, რაც შიდა მოთხოვნის სტიმულირების, იმპორტ ჩანაცვლების, ეკონომიკური ზრდის და დასაქმების თვალსაზრისით იქნება მნიშვნელოვანი. მცდარია მოსაზრება, რომ ახლა დასავლური კაპიტალი ჩინეთიდან სრულ რეალოკაციას მოახდენს,. ჩვენთან გადმომისამართდება მხოლოდ კიდევ უფრო დაწეული გადასახადების და დაბალი ანაზღაურების გამო, რაც არის სრული აბსურდი, რადგან გადასახადებით ჩვენ ისედაც ერთ-ერთი ყველაზე დაბალი მაჩვენებელი გვაქვს, ამასთან დაბალანაზღაურებადი სამუშაო ძალა არის დაბალკვალიფიციურიც ამავდროულად.


ჩინეთიდან საწარმოო სიმძლავრეების აქ გადმოტანა სულაც არ სჭირდება შედარებით დაბალტექნოლოგიური პროდუქციის გამოშვებას დღესაც, თუ ამის სურვილი გაქვს. სამწუხაროდ, სწორედ ამ ნეო ლიბერალური და გამრუდებული პარადიგმის ტირაჟირება ცალკეული ოპოექსპერტების თუ მედია საშუალებებით კვლავ გრძელდება. რაც მთავარია, იგი ავტომატურად მიაბეს ინვესტიციებსაც იმის მაგივრად, რომ შედარებით მაღალტექნოლოგიურ, საინვესტიციო მიმართულებებზე და განათლების ძირეულ რეფორმაზე იყოს აქცენტები გადატანილი, რაც ხელს შეუწყობს ადამიანისეული კაპიტალის განვითარებას და შესაბამისად, ხარისხიანი ინვესტიციების შემოდინებას ქვეყანაში. ქვეყანა უნდა ეცადოს აწარმოოს ის პროდუქცია და მომსახურება რისი რესურსიც აქვს ან გარკვეულ შეფარდებით უპირატესობას ფლობს, გინდა მატერიალური და ადამიანისეული და თუ გნებავთ ფინანსური თვალსაზრისით (კაპიტალის ბაზრის განვითარება და ა.შ). მაგალითად, უნდა აწარმოო ლუდი, სამედიცინო პროდუქცია თუ ტექსტილი, რაც სულაც არ ნიშნავს რომ უცხოური არ უნდა შემოიტანო, ან არ მიმართო ფრანჩაიზინგის სტრატეგიას, რაც მხოლოდ „ვენდის“ და „მაკდონალდის“ ქსელები არ არის. იგივე შეგიძლია გააკეთო სასურსათო უზრუნველყოფის მიმართულებით აგროსექტორში, ოღონდ თანამედროვე სასათბურე მეურნეობების, გადამამუშავებელი და შემნახველი სამაცივრე ინფრასტრუქტურის მოდერნიზაციით.სახელმწიფო პროგრამების


„ერთიანი აგრო პროექტის“ ფარგლებში, ოღონდ გაფართოებული და სახეშეცვლილი საბანკო დაფინანსების გზით, თუნდაც საკრედიტო საგარანტიო სქემების აქტიური გამოყენებით. ასეთ შემთხვევაში წარმატებით შეგიძლია მოახდინო აგრო ინდუსტრიის დაკავშირება ტურიზმის სექტორთან, ოღონდ თავად ტურიზმის ინფრასტრუქტურა უნდა შეცვალო და მხოლოდ მონტე კარლოს გასართობი ე.წ აზიური დუბლიკატი არ გააკეთო, რეკრეაციული და სოფლის ტურიზმის გაცილებით აქტიური მხარდაჭერით, რაც ბევრ სასარგებლო ინოვაციურ პროდუქტსაც მოიცავს, ვიდრე კაზინოები და სხვა მსგავსი გასართობი კლუბებია და შესაბამისად ზრდის ტურიზმიდან მიღებული შემოსავლების რეალურ დამატებულ ღირებულებას. ჩვენ კარგად უნდა გავითავისოთ, რომ ეს პანდემიაც გადაივლის ავად თუ კარგად, მაგრამ მხოლოდ განათლებაზე და რაც მთავარია, დამატებულ ღირებულებაზე დაფუძნებული ეკონომიკა არის კეთილდღეობის და თვითკმარობის არა ერთადერთი, მაგრამ უმნიშვნელოვანესი წინაპირობა. ეკონომიკის სტრუქტურული გაუმჯობესება და ადამიანისეული კაპიტალის განვითარება დაგვეხმარება პოსტ კრიზისულ პერიოდში შესაძლებლობების აქტიურ გამოყენებასა და სწრაფ გაჯანსაღებაში”,- წერს გიორგი ცუცქირიძე.





მოსალოდნელი იყო ეკონომიკური ვარდნა, თუმცა ორნიშნა ციფრი ნამდვილად არა - PMC

მოსალოდნელი იყო ეკონომიკური ვარდნა, თუმცა ორნიშნა ციფრი ნამდვილად არა - PMC
access_time2021-02-27 10:00:28
ეკონომისტები 2021 წლის იანვარში ეკონომიკური ზრდის ვარდნას ელოდნენ, თუმცა არა 11.5%-იანს. ეს მაჩვენებელი ექსპერტებს გასულ წელს, კორონა ვირსის პანდემიის დასაწყისს ახსენებს, როდესაც ეკონომიკური ვარდნა 16%-საც კი გაუტოლდა.   PMC კვლევითი ცენტრის დირექტორი, გოგა ხიშტოვანი „ბიზნესპარტნიორთან“ განმარტავს, რომ ეკონომიკური ზრდის ეს მაჩვენებელი ხელისუფლებისთვის სწორი პოლიტიკის გატარების მანიშნებელი უნდა იყოს.   „2020-ის იანვარი ეკონომიკურად ერთ-ერთი ყველაზე...

Independent: ევროპის ავიაბაზრის ახალი ლიდერები - რუსეთი და თურქეთი

Independent: ევროპის ავიაბაზრის ახალი ლიდერები - რუსეთი და თურქეთი
access_time2021-02-26 20:00:16
ათწლეულების მანძილზე ევროპის ავიაციაში 3 ურყევი ფაქტი იყო - პირველი - ბრიტანეთს ავიარეისების ყველაზე დიდი რაოდენობა აქვს, მეორე - ლონდონი სხვა ქალაქებთან ყველაზე უკეთესადაა დაკავშირებული, მესამე - აეროპორტი „ჰიტროუ“ პირველ ადგილზეა მგზავრთა რაოდენობით. პანდემიამ და მის წინააღმდეგ ბრძოლამ ეს ურყევი რეალობა რადიკალურად შეიცვალა - ამაზე საავიაციო ბიულეტენის The Anker Report-ის ექსპერტის რალფ ანკერის მიერ ჩატარებულმა კვლევის შედეგები მეტყველებს. მან...

დღის Top 10 საინტერესო ამბავი

 დღის Top 10 საინტერესო ამბავი
access_time2021-02-26 21:00:20
 დღის Top 10 საინტერესო ამბავი: 1. იანვარში საქართველოს ეკონომიკა 11.5%-ით შემცირდა წინასწარი შეფასებით, 2021 წლის იანვარში საქართველოს ეკონომიკა 11.5%-ით შემცირდა,- ამის შესახებ საქართველოს სტატისტიკის ეროვნული სამსახურის აღმასრულებელმა დირექტორმა გოგიტა თოდრაძემ...

ტურისტულ ბაზარზე ახალი კომპანია "5 ელემენტი" გამოჩნდა

ტურისტულ ბაზარზე ახალი კომპანია
access_time2021-02-26 19:00:23
ქართული ტურისტული ბაზრისთვის სრულიად განსხვავებული და უნიკალური ტურებით ახალი კომპანია „5 ელემენტი“ გამოჩნდა.როგორც კომპანიის ერთ-ერთმა დამფუძნებელმა ნინო წიკლაურმა განაცხადა, კომპანიის ტურები იქნება ბევრი ელემენტის ერთობლიობა, როგორიცაა: ქვესტები, ფიზიკური თუ ინტელექტუალური აქტივობები, დრონით გადაღება, ვიდეო მონატაჟი. „გარდა ამისა, ტურებში აუცლებლად იქნებიან საზოგადოებისთვის საყვარელი ადამიანები, რაც კიდევ უფრო სხვა ელფერს შესძენს ჩვენს ტურებს“, – დასძენს...

უკიდურესად აუცილებელია კომენდანტის საათის, თუნდაც 2 საათით გადაწევა - საქართველოს ბიზნეს ასოციაცია

უკიდურესად აუცილებელია კომენდანტის საათის, თუნდაც 2 საათით გადაწევა - საქართველოს ბიზნეს ასოციაცია
access_time2021-02-26 18:16:21
საქართველოს ბიზნეს ასოციაციაში დღეს გამართულ ტურიზმის კომიტეტის სხდომაზე ასოციაციის წევრებმა იმ აუცილებელ დამატებით ღონისძიებებზე ისაუბრეს, რომლებიც მოკლევადიან პერსპექტივაში მძიმე მდგომარეობაში მყოფი ტურისტული სეტორის დროულ აღდგენას შეუწყოფს ხელს. შეხვედრაზე, რომელსაც ტურიზმის ეროვნული ადმინისტრაციის ხელმძღვანელის მოვალეობის შემსრულებელი, მედეა ჯანიაშვილი ესწრებოდა, საუბარი შეეხო სახმელეთო საზღვრის ეტაპობრივი გახსნის საჭიროებას, რადგანაც ამ გზით ქვეყანაში ტურისტების შემოსვლის გარეშე დროულ...


მსგავსი სიახლეები

up