გიორგი ცუცქირიძე:  შეფასებები რაც ქვეყნის შიგნით ისმის ოპოზიციის მხრიდან, სახელისუფლებო კორუფციაზე  თითიდან გამოწოვილია

გიორგი ცუცქირიძე: შეფასებები რაც ქვეყნის შიგნით ისმის ოპოზიციის მხრიდან, სახელისუფლებო კორუფციაზე თითიდან გამოწოვილია

access_time2019-10-07 16:29:20

რამოდენიმე დღის წინ ოქტომრის დასაწყისში მსოფლიო ბანკმა „მსოფლიო მმართველობის ინდიკატორების” მორიგი გამოკვლევა გამოაქვეყნა, სადაც საქართველო „კორუფციის კონტროლის“ მიხედვით მსოფლიო ბანკის წევრ 189 ქვეყანას შორის ევროპის საუკეთესო ოცეულშია. ამ თემაზე ეკონომიკის ექსპერტმა გიორგი ცუცქირიძემ საკუთრი პოზიციას სოციალურ ქსელში გამოაქვეყნა


პოსტს უცვლელად გთავაზობთ:


მიმაჩნია, რომ ეს არის ქვეყანაში მიმდინარე რეფორმების კიდევ ერთი აღიარება, და მსურს ეს მოვლენა შევაფასო ციფრებით და ციფრების მიღმაც.


• მსოფლიო ბანკის ეს კვლევა მნიშვნელოვანია იმ თვალსაზრისითაც, რომ კორუფციის კონტროლის შეფასებისას იგი დაეყრდნო 11 სხვადასხვა მასშტაბურ კვლევას და მსოფლიოს წამყვანი კვლევითი ცენტრების კვალიფიციურ ექსპერტიზას, რომელთა შორის აღსანიშნავია, ორგანიზაცია Transparency International (TI – საერთაშორისო გამჭვირვალობა) სპეციალური გამოკვლევა, რომლის მიხედვითაც სახელისუფლებო კორუფციისგან თავისუფლებით საქართველო მსოფლიოს საუკეთესო ხუთეულში და ევროპის საუკეთესო სამეულში მოხვდა, ისეთი ქვეყნების გვერდით როგორებიცაა - გერმანია, ესტონეთი, ავსტრალია და ჰონგ კონგი.



• „საერთაშორისო გამჭვირვალობის“ მიერ დაკვეთილი კვლევა, აღსანიშნავია იმ კუთხითაც, რომ იგი აგროვებს მონაცემებს შინამეურნეობებისგან ანუ ინფორმაციის მიღება და გენერირება ხდება უშუალოდ პირველი წყაროებისაგან, ვისზეც სახელისუფლებო კორუფციის ზემოქმედება არის მნიშვნელოვანი და შესაბამისად, ეს არის კორუფციის კომპოზიციური ინდიკატორი, რომელიც დაფუძნებულია მონაცემთა წყაროების სუბდონეების ერთობლიობაზე, კორუფციის კონტროლის ერთიან ინდიკატორში.




• გლობალური მმართველობის ინდიკატორებით მსოფლიოს მასშტაბით ქვეყნების შეფასება ხდება გასული წლების მიხედვით, რაც ინვესტორებისათვის უმნიშვნელოვანეს საორიენტაციო დოკუმენტს წარმოადგენს, რადგან ინვესტორები გადაწყვეტილებებს მომავალი წლების, ხშირად 10-15 წლის პერსპექტივაზე გათვლით აკეთებენ და პირველ რიგში სწორედ სახელისუფლებო კორუფციის შეფასების კუთხით;



• მთლიანობაში, კორუფციის და პირველ რიგში სახელისუფლებო კორუფციის დაბალი დონე, ითვლება რა საინვესტიციო გარემოს შეფასების მნიშვნელოვან მდგენელადაც, უკვე მომავალ წლებში საინვესტიციო ნაკადების ზრდის წინაპირობადაც უნდა განვიხილოთ;



• ცნობილია, რომ კორუფციის მაღალი დონე არის ეკონომიკური ზრდის ერთ-ერთი სერიოზული ხელისშემშლელი ფაქტორი, და პირიქით, დაბალი კორუფციის მაჩვენებელი, პირველ რიგში სახელისუფლებო დონეზე, არის ზრდის სტიმულატორი. აქედან გამომდინარე, ეს კვლევაც ეხმიანება და ადასტურებს საერთაშორისო სავალუტო ფონდის და სარეიტინგო საააგენტოების საპროგნოზო შეფასებებს, რომლის მიხედვითაც უახლოეს წლებში ჩვენ გვექნება რეგიონში ყველაზე მაღალი ზრდა;


• ეს აღიარება, თავსებადია იმ შეფასებებისა, რასაც ბოლო პერიოდში ქვეყნის საინვესტიციო გარემოს მიმზიდველობაზე და პერსპექტივებზე, ღიად აცხადებენ წამყვანი ამერიკული და ევროპული საინვესტიციო ფონდები და ბანკები.


და ბოლოს, ამ კვლევამაც დაადასტურა, რომ ის შეფასებები რაც ქვეყნის შიგნით ისმის ოპოზიციის მხრიდან, სახელისუფლებო კორუფციაზე არის თითიდან გამოწოვილი და ეს ნარატივი მოსახლეობაში სიცრუის კულტივირებით ხორციელდება,თუმცა მას არანაირი რეალური საფუძველი არა აქვს.



(NS)




დაკეტილი სკოლები - სექტემბრიდან სწავლება შერეული სისტემით გაგრძელდება

დაკეტილი სკოლები - სექტემბრიდან სწავლება შერეული სისტემით გაგრძელდება
access_time2020-07-04 18:00:12
გაეროს ბავშვთა ფონდის საქართველოს ოფისის წარმომადგენელმა დღეს მმართველ გუნდს პირდაპირ უთხრა, რომ სექტემბერში სწავლა ჩვეულ რეჟიმში უნდა განახლდეს. ღასან ხალილი ხელისუფლებას მოსწავლეთა საუკეთესო ინტერესების დაცვისკენ მოუწოდებს. მისი თქმით, სკოლების დაკეტვა ბავშვებზე ნეგატიურ გავლენას...

საპენსიო დანაზოგებით, შესაძლოა, სახელმწიფო საწარმოები დაფინანსდეს

საპენსიო დანაზოგებით, შესაძლოა, სახელმწიფო საწარმოები დაფინანსდეს
access_time2020-07-04 16:00:24
ფინანსთა მინისტრის მოადგილის, ნიკოლოზ გაგუას ინფორმაციით, დაგროვებითი საპენსიო სქემის დანაზოგებით, მთავრობა სახელმწიფო საწარმოების დაფინანსების შესაძლებლობას...

ტრამპი ბაიდენს თითქმის ყველა გამოკითხვაში ჩამორჩება

ტრამპი ბაიდენს თითქმის ყველა გამოკითხვაში ჩამორჩება
access_time2020-07-04 20:00:13
ამერიკის საპრეზიდენტო არჩევნებამდე 5 თვეზე ნაკლები დრო რჩება. რესპუბლიკელი პრეზიდენტი დონალდ ტრამპი კი ეროვნული მასშტაბით ჩატარებულ გამოკითხვებში მნიშვნელოვნად ჩამორჩება მის სავარაუდო მეტოქეს დემოკრატიული პარტიიდან. დემოკრატი ჯო ბაიდენი, შეერთებული შტატების ყოფილი ვიცე-პრეზიდენტი მას ისეთ შტატებშიც კი უსწრებს, რომელიც ტრადიციულად კონსერვატიული არჩევანით იყო ცნობილი. ასეთებია მაგალითად, მისური და ტეხასი. პრეზიდენტს დღეს ფართოდ აკრიტიკებენ პანდემიის ცუდად მართვისთვის. შეერთებული...

Hotsale.ge-ზე განთავსებულ 400-ზე მეტ სასტუმროში ერთ კვირაში 2000 ჯავშანი გაიყიდა

Hotsale.ge-ზე განთავსებულ 400-ზე მეტ სასტუმროში ერთ კვირაში 2000 ჯავშანი გაიყიდა
access_time2020-07-04 17:30:40
დას­ვე­ნე­ბის სე­ზო­ნი მალე აქ­ტი­ურ ფა­ზა­ში შევა, დამ­სვე­ნე­ბელ­თა დიდი ნა­წი­ლი კი, სა­ქარ­თვე­ლო­ში არ­სე­ბულ კუ­რორ­ტებს შე­არ­ჩევს. სა­ინ­ტე­რე­სოა, წელს სად შე­იძ­ლე­ბა ხა­რის­ხი­ა­ნად დას­ვე­ნე­ბა და მნიშ­ვნე­ლო­ვა­ნი და­ნა­ზო­გე­ბის გა­კე­თე­ბა. რო­მე­ლი სას­ტუმ­რო­ე­ბია ყვე­ლა­ზე მო­თხოვ­ნა­დი და რო­გო­რია მათი ფა­სე­ბი? ამის შე­სა­ხებ  HOTSALE.GE-ს დი­რექ­ტორს თა­თუ­ლი ზა­კა­ლაშ­ვილს...

ნიუ-იორკის უძრავი ქონების ბაზარი ჩამოიშალა

ნიუ-იორკის უძრავი ქონების ბაზარი ჩამოიშალა
access_time2020-07-04 13:00:42
კორონავირუსის გამო შემოღებული 3 თვიანი კარანტინი აშშ-ში უძრავი...


მსგავსი სიახლეები

up