გიორგი ცუცქირიძე „გლობალური კონკურენტუნარიანობის ანგარიშში” საქართველოს შეფასება არ გაურესებულა, არ შემცირებულა და პრაქტიკულად იგივე დარჩა

გიორგი ცუცქირიძე „გლობალური კონკურენტუნარიანობის ანგარიშში” საქართველოს შეფასება არ გაურესებულა, არ შემცირებულა და პრაქტიკულად იგივე დარჩა

access_time2019-10-11 17:05:13

„გლობალური კონკურენტუნარიანობის ანგარიშში” საქართველოს შეფასება არ გაურესებულა, არ შემცირებულა და პრაქტიკულად იგივე დარჩა, რაც წინა წელს იყო (61 ქულა). 2019 წელს, მსოფლიო ეკონომიკურმა ფორუმმა აღნიშნული ანგარიშის მეთოდოლოგია შეცვალა. მართალია, მეთოდოლოგიის ცვლილება თითქმის ყველა ქვეყანაზე აისახა, თუმცა იყო გამონაკლისები. საქართველოს, ნორვეგიის, ბელგიისა და კიდევ რამდენიმე ქვეყნისთვის ორგანიზაციამ ძველი წლების გამოკითხვის შედეგები დატოვა ძალაში და მონაცემები არ განაახლა, რამაც დიდწილად განაპირობა კიდეც ეს შედეგი”,- ამის შესახებ გიორგი ცუცქირიძე, ექსპერტი საბანკო-საფინანსო საკითხებში, სოციალურ ქსელში წერს.


ზოგადად, არ მიყვარს კონკრეტულ პოსტებზე გამოხმაურება, მაგრამ ამჯერად სხვა შემთხვევაა... „ობიექტურობის“ მანდატმოსხული როცა შეგნებულად იტყუები და ადამიანები მიზანმიმართულად შეგყავს შეცდომაში, ამას უკვე სხვა სახელი ქვია.


ამ დღეებში რამდენიმე რეიტინგი გამოქვეყნდა. თუ ობიექტური ხარ, ყველას უნდა შეეხო და არა შერჩევით. რასაც ეხები, იქ მაინც დაწერე სიმართლე და არა ისე, როგორც შენ გაწყობს კონკრეტულ სიტუაციაში.
მსოფლიო ეკონომიკური ფორუმის 2019 წლის „გლობალური კონკურენტუნარიანობის ანგარიშის” დეტალური გამოკვლევის (GCS) მიხედვით 8 ადგილით გაუარესდა ქვეყნის პოზიცია. ოპოზიციამაც მისთვის დამახასიათებელი ზედაპირულობით, ყოველგვარი ანალიზის გარეშე დაიწყო სპეკულაციები, თითქოს და ამ დღეებში გამოქვეყნებული მსოფლიო ბანკის ინდიკატორები ბევრს არაფერს ნიშნავს და ქვეყნის განვითარების შეფასების გაცილებით მნიშვნელოვან ინდიკატორად გლობალური კონკურენტუნარიანობის ინდექსი ითვლება. სამწუხაროდ, ამ მორიგ ტენდენციურ ნარატივს ექსპერტთა ნაწილიც აჰყვა. ატყდა ერთი ამბავი, რომ საქართველო მნიშვნელოვნად ჩამოქვეითდა და რომ რეგიონში ახლა აზერბაიჯანის გარდა, სომხეთიც გვისწრებს.


ეს საკითხი უფრო გასაგები რომ გახდეს, მსურს რამდენიმე ფაქტორი გამოვყო:


• „გლობალური კონკურენტუნარიანობის ანგარიშში” საქართველოს შეფასება არ გაურესებულა, არ შემცირებულა და პრაქტიკულად იგივე დარჩა, რაც წინა წელს იყო (61 ქულა).


• 2019 წელს, მსოფლიო ეკონომიკურმა ფორუმმა აღნიშნული ანგარიშის მეთოდოლოგია შეცვალა. მართალია, მეთოდოლოგიის ცვლილება თითქმის ყველა ქვეყანაზე აისახა, თუმცა იყო გამონაკლისები. საქართველოს, ნორვეგიის, ბელგიისა და კიდევ რამდენიმე ქვეყნისთვის ორგანიზაციამ ძველი წლების გამოკითხვის შედეგები დატოვა ძალაში და მონაცემები არ განაახლა, რამაც დიდწილად განაპირობა კიდეც ეს შედეგი.



• ახალი მონაცემები ანგარიშში მომავალ წელს აუცილებლად აისახება. შესაბამისად, ქვეყნის პოზიციაც მნიშვნელოვნად გაუმჯობესდება, რადგან მონაცემები ძველი მეთოდოლოგიით რომ დათვლილიყო, რეიტინგში მინიმუმ იგივე ადგილზე ვიქნებოდით, რადგან შეფასების საერთო ქულა არ შეცვლილა.


თქვენს „გულისტკივილს“ კიდევ დაიჯერებდა ადამიანი, იქვე კიდევ ერთი მნიშვნელოვანი კვლევაც რომ გეხსენებინათ, რომელიც ამ დღეებში გამოქვეყნდა და წარმოადგენს მსოფლიო ბანკის „მსოფლიო მმართველობის ინდიკატორებს“. ამ კვლევებს საფუძვლად არ უდევს საქართველოს მთავრობის მიერ მიწოდებული ინფორმაცია. გლობალური მმართველობის ინდიკატორები (World Governance Indicators) წარმოადგენს კვლევით მონაცემთა ბაზას, რომელიც სრულად ეფუძნება სხვადასხვა გლობალურ რეიტინგებსა და შეფასებებს (მაგ. Freedom House, IREX Media Sustainability Index, Open Budget Index, World Justice Project, აშშ-ის სახელმწიფო დეპარტამენტი და ა.შ. სულ 33 ). აღნიშნული მონაცემები თავის მხრივ ეყრდნობა კვლევით ინსტიტუტებისა და ცენტრების, არასამთავრობო და საერთაშორისო ორგანიზაციების ისევე როგორც კერძო სექტორის წარმომადგენლების გამოკითხვის შედეგად მიღებულ მოსაზრებებსა და შეფასებებს. მსოფლიო ბანკმა განაახლა ეს მონაცემები და შედეგიც სახეზეა.


ვიმეორებ, „მსოფლიო მმართველობის ინდიკატორები“ ითვლება 33 მასშტაბურ კვლევასთან ერთად. მასში შედის მსოფლიო ეკონომიკური ფორუმის „გლობალური კონკურენტუნარიანობის ანგარიშის” შედეგებიც. შესაბამისად, წარმოადგენს რა უმნიშვნელოვანეს საინვესტიციო შეფასებას, ქვეყანამ რეალური წინსვლა დააფიქსირა კორუფციის კონტროლის, რეგულირების ხარისხის და მთავრობის ეფექტიანობის მიხედვით მსოფლიო ბანკის წევრ 189 ქვეყანას შორის, ევროპის ქვეყნების საუკეთესო ოცეულებში გავიდა, ხოლო მთავრობის ეფექტიანობით ისტორიული მაქსიმუმი დააფიქსირა.


თუ ობიექტურობაზე გვაქვს რაიმე პრეტენზია, იქვე უნდა აღინიშნოს, რომ სწორედ ქვეყნის კონკურენტუნარიანობის თვალსაზრისით არის მნიშვნელოვანი რეგულაციების ეფექტიანობა და კორუფციის დონის კონტროლი, რომლის საფუძველზეც საქართველომ რეიტინგში გაუსწრო ისეთ მოწინავე ეკონომიკებს, როგორიცაა პორტუგალია, ლიეტუვა, პოლონეთი, კვიპროსი, მალტა, ჩეხეთი, ესპანეთი, იტალია, უნგრეთი, სლოვაკეთი, ბულგარეთი, ესპანეთი, საბერძნეთი, რუმინეთი, ლატვია, საბერძნეთი თუ სლოვაკეთი.


გარდა ამისა, რასაც ასევე უდიდესი მნიშვნელობა აქვს ინვესტორებისთვის, უნდა აღინიშნოს წამყვანი საერთშორისო ორგანიზაციების, სარეიტინგო კომპანიების, კვლევითი ცენტრების ბოლო კვლევები და შეფასებები, რაც საქართველოსთვის ცალსახად პოზიტიურია. მაგალითისთვის წამყვანი სარეიტინგო კომპანია ,,FITCH“-ის რეიტინგში კვლავინდებურად ისტორიულ მაქსიმუმზე ვართ (BB), და საქართველო საშუალოვშემოსავლიანი ქვეყნების საუკეთესო ოცეულშია.


მაგრამ ბუნებრივია, ოპოზიციის ინტერესში ეს სულაც არ შედიოდა. როგორც ჩანს, ეს რეალობა არც თქვენ გაინტერესებთ. „ნაციონალური მოძრაობის“ და მასთან აფილირებული ოპოფლანგის მთელი სტრატეგია, ხომ სიცრუესთან უხვად ნაზავი ნეგატივის ტირაჟირებაა და არა ქვეყნის წარმატებების აღიარებაა. თითქოს ეს ადამიანები ამ ქვეყნის მოქალაქეები არ იყვნენ. აი, ეს არის ყველაზე სამწუხარო რეალობაც.


„კომერსანტი“





Georgian Airways: „აღფრთოვანებული არ ვართ, მაგრამ მგზავრთა უსაფრთხოებისთვის გაზრდილ ტარიფს გადავიხდით“

Georgian Airways: „აღფრთოვანებული არ ვართ, მაგრამ მგზავრთა უსაფრთხოებისთვის გაზრდილ ტარიფს გადავიხდით“
access_time2020-01-21 18:30:44
„მგზავრთა უსაფრთხოებაზე ტარიფის ზრდა ჩვენთვის მოსალოდნელი იყო, ამაზე ინფორმაცია წინასწარ გაჟღერდა. დამატებითი ხარჯია და აღფრთოვანებული არ ვართ ამ ფაქტით, მაგრამ  ჩვენი მთავარი პრიორიტეტი მგზავრთა უსაფრთხოებაა.“ - ასე აფასებს Georgian Airways-ის გენერალური დირექტორი რომან ბოკერია საქართველოს საერთაშორისო აეროპორტებში საჰაერო ხომალდების და მგზავრების საავიაციო უშიშროების უზრუნველყოფის ღირებულების...

„კომერსანტის“ 21 იანვრის TOP 10 თემა

„კომერსანტის“ 21  იანვრის TOP 10 თემა
access_time2020-01-21 21:30:47
„კომერსანტის“ 21 იანვრის TOP 10 თემა 1.ინვესტიციების ქვეყნიდან ვალების ქვეყნამდე - რა გზა გაიარა საქართველომ ბოლო 3 წელში 2. თემურ ბასილია: „კაზინოების ინკოგნიტო ბარათი უკვე პრაქტიკულად...

CNN: 22 მამაკაცი უფრო მდიდარია, ვიდრე 326 მლნ. აფრიკელი ქალი

CNN: 22 მამაკაცი  უფრო მდიდარია, ვიდრე 326 მლნ. აფრიკელი ქალი
access_time2020-01-21 20:30:47
გლობალური უთანასწორობა გავიდა კონტროლიდან ეკონომიკური სისტემების უსამართლობის გამო, რომელიც ზღუდავს ქალების უფლებებს  და აძლევს მილიარდერებს საზოგადოებისთვის უსარგებლო სიმდიდრის დაგროვების საშუალებას - ასეთია საერთაშორისო საქველმოქმედო  ორგანიზაცია Oxfam International-ის კვლევის დასკვნა.   ორგანიზაცია მოუწოდებს მთავრობებს მიიღონ ზომები, რომლებიც შეამცირებს დატვირთვას ქალებზე, რომელიც დაკავებულები არიან ბავშვების და მოხუცების მოვლით. ხშირ...

BAG-ის წევრთა რიგები განაგრძობს აქტიურ ზრდას. ამჯერად BAG-ის კომპანია „ჰიუნდაი ავტო საქართველო“ შემოუერთდა

BAG-ის  წევრთა რიგები განაგრძობს აქტიურ ზრდას. ამჯერად BAG-ის კომპანია „ჰიუნდაი ავტო საქართველო“ შემოუერთდა
access_time2020-01-21 16:00:52
საქართველოს ბიზნეს ასოციაციის (BAG) წევრთა რიგები განაგრძობს აქტიურ ზრდას. ამჯერად BAG-ის კომპანია „ჰიუნდაი ავტო საქართველო“ შემოუერთდა. „ჰიუნდაი ავტო საქართველო“ 2005 წლიდან მსოფლიო საავტომობილო ბიზნესის ერთ-ერთი უმსხვილესი კომპანიის Hyundai Motor Company-ის ოფიციალური დისტრიბუტორია საქართველოში. „ჰიუნდაი ავტო საქართველო“ ბაზარს უზრუნველყოფს როგორც ავტომობილების სრული სპექტრით, მათ შორის კომერციული ავტომობილებითა და მძიმე ტექნიკით, ასევე უახლესი აპარატურით აღჭურვილი...

ექიმი დალიკა პაციენტებს ესთეტიკურ ცენტრ Dr. Dalika-ში უმასპინძლებს

 ექიმი დალიკა პაციენტებს ესთეტიკურ ცენტრ Dr. Dalika-ში უმასპინძლებს
access_time2020-01-21 16:50:54
„აქედან გამოსულ მანდილოსანს ნუ გაეარშიყებით, ის შეიძლება ბებიათქვენი აღმოჩნდეს“ - ეს სიტყვები, რომელიც აშშ-ში ერთ-ერთი წამყვანი ესთეტიკური ცენტრის სლოგანს წამოადგენდა, პირველად გადაჭარბებულად მომეჩვენა. მაშინ ამ სფეროს ექიმებთან არ მიხდებოდა ურთიერთობა და თვითონ სფეროზეც ნაკლებად მომეხსენებოდა. გავიდა დრო, ჯერ სურვილი გაჩნდა ესთეტიკურ ცენტრში მისვლის, შემდეგ-საჭიროება......


მსგავსი სიახლეები

up