გიორგი ცუცქირიძე: ოპოზიციის დღევანდელი განცხადებები, კობი-გუდაურის მაგისტრალის თაობაზე, დემაგოგიაა

გიორგი ცუცქირიძე: ოპოზიციის დღევანდელი განცხადებები, კობი-გუდაურის მაგისტრალის თაობაზე, დემაგოგიაა

access_time2019-08-16 13:53:37


ჩვენ უნდა გვესმოდეს, რომ ქვეყანას სწრაფი ეკონომიკური ზრდისათვის სჭირდება შესაბამისი საგზაო და სატრანსპორტო ინფრასტრუქტურა,- ამის შესახებ ექსპერტი საბანკო და საფინანსო საკითხებში გიორგი ცუცქირიძე სოციალურ ქსელში წერს და კობი-ქვეშეთის ახალი გზის პროექტთან დაკავშირებით საქართველოს ყოფილი პრეზიდენტის, მიხეილ სააკაშვილის მიერ გაკეთებულ შეფასებას ეხმიანება.



ხელისუფლების მიერ, დაანონსებული კობი-გუდაურის მაგისტრალის მშენებლობის პროექტი, ნაციონალურმა მოძრაობამ ახალი როკის გვირაბად მონათლა. ცალსახა შეფასებით- სამხედრო თვალსაზრისით საზიანოდ და მაღალი რისკის შემცველად, ხოლო ეკონომიკური თვალსაზრისით წამგებიანად.



ამ თემის ამ კუთხით გაშლა, პირველ რიგში ნაციონალურ მოძრაობას აწყობს. როკის გვირაბთან ამ თემის დაკავშირება, ხომ სამაჩაბლოში შემდგომ წლებში განვითარებულ მოვლენებთან და თუნდაც დღეს მიმდინარე პროცესებთან ასოცირდება, რაც საოკუპაციო ხაზთან, სოფელ გუგუტიანთკარსა და ოკუპირებულ სოფელ დისევში ხდება. გათვლაც ამაზეა გაკეთებული, აჩვენოს კიდევ ერთხელ თუ რა ცუდია დღევანდელი ხელისუფლება და რა მოღალატეობრივ პოლიტიკას ახორციელებს.



ბუნებრივია, პოლიტიკური აქცენტებიც გადატანილია მოსალოდნელ საფრთხეებზე და რუსეთის მხრიდან ამ მაგისტრალის გამოყენებით ახალ შესაძლო ინტერვენციაზე, პუტინის მორიგ დაკვეთაზე და ა.შ. ხოლო სხვა დანარჩენი თუ რატომ დგას დღის წესრიგში ამ მაგისტრალის მშენებლობა ან რა ეკონომიკური ეფექტის მომტანია საერთოდ არ განიხილება. როდესაც ახალ მაგისტრალს აკავშირებენ ახალ მოსალოდნელ ოკუპაციასთან, საინტერესოა, რომელ ახალ ინტერვენციის საფრთხეზეა საუბარი, როდესაც რუსეთის საოკუპაციო ჯარები, წინა ხელისუფლების დიდი დამსახურებით, ისედაც დგანან თბილისიდან 30 კილომეტრში!




მთელ ამ ისტორიაში საინტერესო ის არის, რომ როდესაც ოპოზიცია და სააკაშვილი ამ პროექტის პოლიტიკურ და ეკონომიკურ მხარეზე საუბრობს, კარგად უნდა გაიხსენოს, რომ 2012 წელს თავად აანონსებდა გვირაბის მშენებლობას, ამ პროექტსკი ნამდვილ „საოცრებას“ უწოდებდა და საზოგადოებას აღფრთოვანებული ესაუბრებოდა. “ახალი გვირაბის მშენებლობას, ალბათ, სამი წელიწადი დასჭირდება, მაგრამ მისი დასრულების შემდეგ ყაზბეგი თბილისის პატარა გარეუბანი გახდება. ეს იქნება საოცრება – თბილისზე მიბმული საოცრება”, – აცხადებდა 2012 წელს, ჯერ კიდევ ხელისუფლებაში მყოფი მიხეილ სააკაშვილი. როგორც ვხედავთ საკუთარ ადრინდელ განცხადებებს ამითაც ეწინააღმდეგება, ხოლო მთლიანობაში, ოპოზიციის დღევანდელი განცხადებები, კობი-გუდაურის მაგისტრალის თაობაზე, დემაგოგიის ელფერს ატარებს!



რაც შეეხება ამ პროექტის წმინდა ეკონომიკურ მხარეს. წლებია, კობამდე მისასვლელი გზა არ არის უსაფრთხო, არა მხოლოდ გადატვირთულია, არამედ ზვავსასიშია. რა მთავარია, არსებული გზის გამტარუნარიანობა არ შეესაბამება ტრანსპორტის მოძრაობის მოცულობას (3-4 ათასი ავტომობილი დღეში - მათ შორის 70% მსუბუქი და 30%- სატვირთო). ამ გზაზე მრავლადაა მაღალი და მკვეთრი მოსახვევები. ზამთარში გზა ყოველწლიურად და წელიწადში საშუალოდ 44 დღით იკეტება. დაბალი გამტარუნარიანობისა და მაღალი ხარჯების გამო, არსებული გზა რეგიონში ტურიზმისა და სოფლის მეურნეობის პოტენციალის ზრდის ერთ-ერთი შემაფერხებელი ფაქტორია.
ახალი მაგისტრალი, კობი-გუდაურის მონაკვეთზე ზვავსაშიშროების საფრთხეს მთლიანად მოხსნის და მოქალაქეებს გვირაბით სარგებლობა მთელი ზამთრის განმავლობაში შეუზღუდავად შეეძლებათ. ამასთან, გაიზრდება გამტარუნარიანობა, რაც აქამდე, რეგიონში ტურიზმისა და სოფლის მეურნეობის განვითარებისთვის ერთ-ერთი შემაფერხებელი ფაქტორი იყო.
ქვეშეთი-კობის დამაკავშირებელი ახალი გზის პროექტის ფარგლებში, აშენდება 23 კმ-ანი ორზოლიანი გუდაურის შემოვლითი გზა, ახალი გზა იქნება 12 კილომეტრით მოკლე, გზაზე გაიჭრება 5 გვირაბი, რომელთა მთლიანი სიგრძე დაახლოებით 11 კილომეტრია. მათ შორის, ყველაზე გრძელი გვირაბი 9 კილომეტრის სიგრძისაა და ამიერკავკასიაში არსებულ გვირებებს შორის ყველაზე გრძელი იქნება. ახალი გზა და ქვეშეთისა და კობის დამაკავშირებელი გვირაბი უზრუნველყოფს მზარდი საავტომობილო მოძრაობის უსაფრთხო გადაადგილებას მთელი წლის განმავლობაში.



ამ მართლა მნიშვნელოვანი ინფრასტრუქტურული პროექტის რეალიზაცია, მნიშვნელოვანდ გაზრდის რეჰგიონის და მთლიანდ ქვეყნის ტურსიტულ პოტენცილს. სამწუხაროდ, დღეს ტურისტებისათვის არ არის ხელმისაწვდობი ხადას ხეობა და მისი კულტურულ-ისტორიული ძეგლებიც. ახალი გზა ტურისტული ნაკადების გაზრდით, გაზრდის რეგიონში მცხოვრები მოსახლეობის შემოსავლებსაც, რაც ეკონომიური საქმიანობის წამოწყების შესაძლებლობებს გაუჩენს ადგილობრივ მოსახლეობას. ახალი გზა არა მხოლოდ განტვირთავს გუდაურს სატვირთო მანქანებისაგან, არამედც დამატებით მისცემს მას მაღალი სტანდადარტის კურორტად განვითარების საშუალებას.



ნიშანდობლივია, რომ ახალი გზის არსებული საინჟინრო პროექტის შემუშავებამდე შეფასდა რამდენიმე ალტერნატიული მარშრუტი გუდაურის და ხადას ხეობაში, თავად ხადას ხეობის სამი შესაძლო მარშრუტი, განიხილებოდა არსებული გზის აღდგენაც. თუმცა, შერჩეულ მარშრუტზე გვირაბის გაყვანის აუცილებლობა და ეკოსისტემაზე შესაზლო ზემოქმედების ფაქტორები, შესაბამისამა მრავალკრიტერიუმიანმა ანალიზმა აჩვენა. პროექტის მოსამზადებელ ეტაპზე გაიმართა არა მხოლოდ საჯარო კონსულტაციები ადგილობრივ მოსახლეობასთან, არამედ შედგა სამუშაო ჯგუფის შეხვედრები გარემოსდაცვით არასამთავრობო ორგანიზაციებთან, სამეცნიერო ჯგუფებთან, რაც აისახა კიდეც საჯარო პროექტში სათანადო ცვლილებების შეტანით.



ჩვენ უნდა გვესმოდეს, რომ ქვეყანას სწრაფი ეკონომიკური ზრდისათვის სჭირდება შესაბამისი საგზაო და სატრანსპორტო ინფრასტრუქტურა. ანაკლიის პროექტიც, რომელიც იძლევა დიდ პერსპექტივებს ქვეყნის სატრანსპორტო და სავაჭრო ჰაბად გადაქცევისათვის, არა რაღაც კუნძულ ოაზისად, არამედ სწორედ ერთიანი ინფრასტრუქტურის ბაზისში უნდა განვიხილოთ.



(NS)






Startup Grind-ის მთავარი სპიკერი GLOVO-ს თანადამფუძნებელი იქნება

Startup Grind-ის მთავარი სპიკერი GLOVO-ს თანადამფუძნებელი იქნება
access_time2019-10-18 13:55:46
2019 წლის 8-10 ნოემბერს, თბილისში, Startup Grind-ის რეგიონული ღონისძიება გაიმართება. Startup Grind Europe-Asia Connect-ი საქართველოს ინოვაციების და ტექნოლოგიების სააგენტოსთან პარტნიორობით იმართება და მას 1 500-ზე მეტი მონაწილე დაესწრება. საქართველოში დაგეგმილი რეგიონული ღონისძიება Startup Grind-ის ფარგლებში გამართული მესამე ყველაზე მასშტაბური ღონისძიება იქნება „სილიკონ ველისა“(8000 დელეგატი) და ლონდონის (3000 დელეგატი) შემდეგ. კონფერენცია აერთიანებს 30-ზე მეტ სპიკერს, 20-ზე მეტი...

„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს

„ჯიპიაი ჰოლდინგი“ ყველა ავტომფლობელს  სტიქიური რისკებისგან დაზღვევას უფინანსებს
access_time2019-10-18 13:50:03
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს. პროგრამა მთელ საქართველოზე ვრცელდება. ჯიპიაი პროგრამას აგრძელებს და რეგიონების მაქსიმალურად ჩართვას გეგმავს.პროგრამაში უკვე ჩართულია 95 000 ავტომფლობელი. საჩუქრად მიღებული პოლისებით ჯიპიაიმ მხოლოდ წელს დაზღვეულებს 70 000 ლარამდე ზარალი აუნაზღაუარა. სადაზღვევო კომპანია “ჯიპიაი ჰოლდინგის” გენერალურმა დირექტორმა პაატა ლომაძემ მასშტაბური სოციალური პროგრამის მეორე ეტაპის შესახებ...

არჩილ მესტვირიშვილი:„ეროვნული ბანკის ამჟამინდელი ოფისი რამდენიმე წელიწადში კიდევ უფრო შეგვიქმნის პრობლემებს“

არჩილ მესტვირიშვილი:„ეროვნული ბანკის  ამჟამინდელი ოფისი რამდენიმე წელიწადში კიდევ უფრო შეგვიქმნის პრობლემებს“
access_time2019-10-18 15:00:00
„საქართველოს ეროვნულ ბანკს ფუნქციები ეზრდება და გაიზრდება მომავალში კადრების რაოდენობაც,რაც იწვევს საოფისე ფართის მკვეთრ უკმარისობას. ჩვენი თანამშრომლების 1/3 ნაქირავებ ოფისში მუშაობს, ეს ცალკე პრობლემას ქმნის, იმის გარდა,რომ ორ სხვადასხვა ადგილას ვართ განთავსებულები, გვაქვს ხარჯიც“-ამის შესახებ საქართველოს ეროვნული ბანკის ვიცე–პრეზიდენტმა, არჩილ მესტვირიშვილმა რადიო „კომერსანტის“ გადაცემაში „ეკონომისტის დრო ლევან ქისტაურთან ერთად“ სებ-ის ახალი ოფისის მშენებლობის შესახებ...

ჯაფარიძე საპატრიარქოს - ბიზნეს მოდელი გაქვთ შესაცვლელი

ჯაფარიძე საპატრიარქოს - ბიზნეს მოდელი გაქვთ შესაცვლელი
access_time2019-10-18 13:07:38
ზურაბ გირჩი ჯაფარიძე, სოციალური ქსელით, საქართველოს კათოლიკოს პატრიარქისა და პოლიტიკური პარტიების შეხვედრების თემას ეხმიანება და საპატრიარქოს წინასაარჩევნოდ რჩევებს აძლევს: საქართველოს საპატრიარქო საქართველოს კათოლიკოს პატრიარქს. არჩევნებამდე პოლიტიკოსების რიგი იქნება...

onoff.ge- ახალი, ინოვაციური ონლაინ პლატფორმა ლიბერთი ბანკის მხარდაჭერით შეიქმნა

onoff.ge- ახალი, ინოვაციური ონლაინ პლატფორმა ლიბერთი ბანკის მხარდაჭერით შეიქმნა
access_time2019-10-18 11:55:51
onoff.ge ონლაინ პლატფორმა, საყოფაცხოვრებო მსხვილი და წვრილი ტექნიკის სახლიდან გაუსვლელად შერჩევის, შეძენისა და საკურიერო მომსახურებით სარგებლობის საშუალებას წარმოადგენს. ამ ეტაპზე onoff.ge-ს ონლაინ კატალოგში. 100 000-ზე მეტი პროდუქტია განთავსებული და 100-ზე მეტი მაღაზიის შეთავაზების გაცნობაა შესაძლებელი. Onoff.ge –ზე საკუთარი პროდუქციის დამატება შეუძლია ნებისმიერი ტიპის და ზომის კომპანიას, რომელიც მობილური ტელეფონების, აქსესუარების, კომპიუტერული ტექნიკის,...


მსგავსი სიახლეები

up