გიორგი ცუცქირიძე: ეკონომიკის მინისტრის ასეთი მაღალი აქტივობა მხოლოდ მისასალმებელია

გიორგი ცუცქირიძე: ეკონომიკის მინისტრის ასეთი მაღალი აქტივობა მხოლოდ მისასალმებელია

access_time2019-09-18 17:08:19

ქვეყნის ეკონომიკური ზრდის თვალსაზრისით, ძალზე დიდი მნიშვნელობა აქვს წამყვან სავაჭრო-პარტნიორ ქვეყნებთან ეკონომიკური ურთიერთობების გაფართოებას. -წერს ეკონომიკის ექსპერტი გიორგი ცუცქირიძე.


პოსტს უცვლელად გთავაზობთ:



აზერბაიჯანი საქართველოსთვის არა მხოლოდ წამყვანი სავაჭრო-პარტნიორია, არამედ ბოლო წლებში ლიდერია პირდაპირი უცხოური ინვესტიციების თვალსაზრისითაც. კერძოდ, აზერბაიჯანი საქართველოს ძირითად სავაჭრო პარტნიორ ქვეყნებს შორის მე-3 ადგილზეა 9%-იანი წილით, ასევე 2018 წლის მონაცემებით, უმსხვილეს ინვესტორ ქვეყნებს შორის პირველ ადგილზეა 19%-იანი წილით. ასევე ხაზი გაესვა წარმატებულ თანამშრომლობას ტურიზმის სექტორში. შარშან საქართველოში აზერბაიჯანიდან ვიზიტორების ზრდამ 9 პროცენტი შეადგინა და ამ მაჩვენებლით აზერბაიჯანი აქაც ლიდერია.


ეკონომიკისა და მდგრადი განვითარების მინისტრის ნათია თურნავას აზერბაიჯანში ვიზიტი და შეხვედრები უმაღლეს დონეზე, პირველ რიგში აზერბაიჯანის პრეზიდენტ ილჰამ ალიევთან სწორედ ამ კუთხით არის საინტერესო და ნიშანდობლივი, რადგან აზერბაიჯანი საქართველოს სტრატეგიული პარტნიორი. ამასთან, აზერბაიჯანი არის ჩვენი ღია მხარდამჭერი საქართველოს სუვერენიტეტისა და ტერიტორიული მთლიანობის აღიარების კუთხითაც.



ნიშანდობლივია, რომ შეხვედრაზე საუბარი შეეხო, როგორც ორმხრივი თანამშრომლობის გაღრმავებას, ასევე არაც არანაკლებ მნიშვნელოვანია რეგიონში მშვიდობის შენარჩუნების მნიშვნელობას, რაც აუცილებელია ქვეყნების შემდგომი განვითარებისა და გლობალური მნიშვნელობის სატრანსპორტო - ენერგეტიკული პროექტების რეალიზაციისთვის.



ეკონომიკური მდგრადი განვითარებისა და ზრდის თვალსაზრისით, დიდი მნიშვნელობა ექნება საქართველოსა და აზერბაიჯანზე გამავალი ენერგეტიული და სატრანსპორტო დერეფნების ეფექტურობისა და კონკურენტუნარიანობის ამაღლებას. ამ მიმართულებით უნდა გამოიყოს, ბაქო-თბილისი-ყარსის რკინიგზის პროექტის დასრულება, რაც მნიშვნელოვნად შეამცირებს როგორც აზიასა და ევროპას შორის ტვირთების გადაზიდვისთვის საჭირო დროს, ასევე ქვეყნის გავლით დამატებითი ტვირთნაკადების მოზიდვის საწინდარი გახდება.



ქვეყნების სატრანზიტო პოტენციალის საერთაშორისო დონეზე პოპულარიზების მიმართულებით, მნიშვნელოვანი იქნება მიმდინარე წლის 22-23 ოქტომბერს თბილისის აბრეშუმის გზის ფორუმი, რომელიც წელს მესამედ ჩატარდება.



და ბოლოს ეკონომიკის მინისტრის ასეთი მაღალი აქტივობა მხოლოდ მისასალმებელია, რაც ადასტურებს პრემიერ მინისტრ გიორგი გახარიას სამთავრობო კურსს, რომელიც ძირითადად ორიენტირებული იქნება სწრაფი და თითოეული მოქალაქისთვის ხელშესახები შედეგების მიღწევაზე.


(NS)





ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ

ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ
access_time2020-05-27 18:00:17
2019 წელი ფინკა ბანკისთვის ახალი ინიციატივებისა და შესაძლებლობების წელი იყო. ბანკისთვის მნიშვნელოვანი გამოწვევა 2018 წლის მეორე კვარტალში მაკროეკონომიკური ცვლილებები და ეროვნული ბანკის მიერ გატარებული  ღონისძიებები აღმოჩნდა. მიუხედავად ამ გარემოებებისა, ფინკა ბანკის 2019 წლის წმინდა მოგებამ 6 792 588  ლარი შეადგინა და დადებითი ინდიკატორებით დასრულდა საფინანსო წელი: მოგება კაპიტალზე (ე.წ. უკუგება საშუალო კაპიტალზე) - ROE 13.19%, ხოლო მოგება აქტივებზე (ე.წ. უკუგება აქტივებზე) - ROA...

გერმანიაში აშშ-ის ელჩი – გერმანიამ უნდა შეწყვიტოს მხეცის (რუსეთის) „გამოკვება“

გერმანიაში აშშ-ის ელჩი – გერმანიამ უნდა შეწყვიტოს მხეცის (რუსეთის) „გამოკვება“
access_time2020-05-27 20:30:34
გერმანიაში აშშ-ის ელჩის, რიჩარდ გრენელის ინფორმაციით, რუსულ გაზსადენ „ჩრდილოეთის ნაკადი-2“-ის წინააღმდეგ ახალი სანქციების დაწესება იგეგმება. რიჩარდ გრენელის თქმით, ამ ნაბიჯს მხარს რესპუბლიკელები და დემოკრატები უჭერენ. ელჩს არ დაუკონკრეტებია, რა სახის სანქციების განხილვა მიმდინარეობს კონგრესში, თუმცა როგორც გერმანული მედია იუწყება, სავარაუდოდ საუბარია შეზღუდვების დაწესებაზე იმ კომპანიების წინააღმდეგ, რომლებიც ამ გაზსადენით რუსულ ბუნებრივ აირს...

ვინ რა ჰკითხა გიორგი გახარიას

ვინ რა ჰკითხა გიორგი გახარიას
access_time2020-05-27 18:55:44
პარლამენტში ანგარიშის წარსადგენად მისული საქართველოს პრემიერ მინისტრი გიორგი გახარია საკანონმდებლო ორგანოში დეპუტატების კითხვებს ამ დრომდე პასუხობს. „კომერსანტი“ გთავაზობთ იმ კითხვა-პასუხების ნაწილს, რომელიც საკანონმდებლო ორგანოში  დაისვა და მთავრობის მეთაურის მიერ  პასუხებიც გაეცა. ეკონომიკისა და ეკონომიკური პოლიტიკის კომიტეტის...

პრემიერი - 520-ე დადგენილების გადახედვაზე საუბარი დღეს არ მიმდინარეობს

პრემიერი - 520-ე დადგენილების გადახედვაზე საუბარი დღეს არ მიმდინარეობს
access_time2020-05-27 18:09:22
„520-ე დადგენილების გადახედვაზე საუბარი დღეს არ არის, 520-ე დადგენილებაში შეიძლება გარკვეული რაღაც ცვლილებები შევიდეს“, - ამის შესახებ პრემიერ-მინისტრმა გიორგი გახარიამ პარლამენტში „ევროპული საქართველოს“ წევრის ზურაბ ჭიაბერაშვილის კითხვის საპასუხოდ განაცხადა. ქვეყნის მეთაურმა საკუთარ გამოსვლაშ ყურადღება...

27 მაისი - ქართული ლარი გამყარდა, თურქული ლირა და სომხური დრამი გაუფასურდა

27 მაისი - ქართული ლარი გამყარდა, თურქული ლირა და სომხური დრამი გაუფასურდა
access_time2020-05-27 19:30:30
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.     ეროვნული ბანკის მიერ გამოქვეყნებული 27 მაისის ვაჭრობის შედეგად, ქართული ლარის კურსი მცირედით გამყარდა და ერთი აშშ...


მსგავსი სიახლეები

up