გიორგი ჩუგოშვილი: „ანაკლიის პორტის“ გამტარუნარიანობა იქნება 900 ათასი კონტეინერი წელიწადში

გიორგი ჩუგოშვილი: „ანაკლიის პორტის“ გამტარუნარიანობა იქნება 900 ათასი კონტეინერი წელიწადში

access_time2018-09-14 13:00:00

თბილისში სასტუმრო „ბილთმორში“ ორ დღიანი ფორუმი „ARGUS კასპიის და შავი ზღვის სატრანსპორტო კორიდორი 2018“ დღეს დასრულდა, რომლის მედიამხარდამჭერია მედიაჰოლდინგი „კომერსანტი“.


ფორუმში მონაწილეობდა „ანაკლია სითის“ ფინანსური დირექტორი გიორგი ჩუგოშვილი, რომელსაც „კომერსანტი“ პორტის განვითარების პერსპექტივაზე და მშენებლობის მიმდინარეობაზე ესაუბრა: 


„16 სექტემბერს ანაკლიის პორტში  შემოდის  ჩვენი ჰოლანდიელი პარტნიორის „ვან-ორდის“ გემი „ათენა“, რომელიც არის ერთ-ერთი საუკეთესო და ყველაზე ძლიერი დამრღმავებელი ტექნიკა მსოფლიოში. „ვან ორდი არის კომპანია, რომელთანაც, ფაქტობრივად, საინვესტიციო ხელშეკრულების მოწერიდან ვმუშაობთ. ამ კომპანიამ ააშენა  დუბაიში ცნობილი „დუბაის პალმები“. ეს არის ყველაზე კარგი კომპანია საზღვაო სამუშაოების მიმართულებით,“ -ეს განცხადება „კომერსანტთან“ „ანაკლია სითის“ ფინანსურმა დირექტორმა გიორგი ჩუგოშვილმა გააკეთა. 


მისი ინფორმაციით, ანაკლიის პორტის განვითარების პირველი ფაზა 6 თვეში დამთავრდება. მშენებლობის დასრულება იგეგმება 2020 წლის ბოლოს. 2021  წლის დასაწყისიდან პორტმა ოპერირება უნდა დაიწყოს.


პრიორიტეტული ბაზრები


გიორგი ჩუგოშვილის ინფორმაციით, ანაკლიის პორტის გამტარუნარიანობა პირველი ფაზის დასრულების შემდეგ  წელიწადში  900 000 კონტეინერი იქნება და პორტში მოხდება  1,5 მლნ  ტონა  ნაყარი ტვირთის გადაზიდვა.  ნაყარი ტვირთის (სასუქები) მოზიდვა იგეგმება ცენტრალური აზიის ქვეყნებიდან. სამიზნე ბაზრებია:  უზბეკეთი, ყაზახეთი და თურქმენეთი. ხოლო კონტეინერებს რაც შეეხება, ბაზარი აქ უფრო  დივერსიფიცირებულია: 



„ანაკლიის პორტისთვის პირველადი ბაზარი არის საქართველო, სომხეთი და აზერბაიჯანი. მეორადი ბაზარი არის ცენტრალური აზიის ქვეყნები და ჩრდილო დასავლეთ ირანი. ლოჯისტიკურად ყველაზე გამართლებულია ირანში ტვირთის საქართველოს გავლით შეტანა. ირანის ჩრდილო-დასავლეთი არის ძალიან მჭიდროდ დასახლებული. ასევე აქტიურად მუშაობს  აზერბაიჯანის მთავრობა რომ მოხდეს რკინიგზის ხაზის ინტეგრაცია საქართველოს, ირანს და აზერბაიჯანს შორის. ირანს ვუყურებთ როგორც პოტენციურ ბაზარს. ვიმედოვნებთ ირანის სანქციები შესუსტდება და დალაგდება ურთიერთობები ევროპასთან და ამერიკასთან“ -ამბობს ჩუგოშვილი. 


ინვესტიციები ანაკლიის პორტში


„პირველი ფაზის ინვესტიციები მხოლოდ პორტში არის 600 მლნ აშშ დოლარი, ჯამში არის 2,5 მილიარდი დოლარი და მოიცავს  9 ფაზას, მაგრამ ეს იქნება დროში გაწერილი,“ — ამბობს გიორგი ჩუგოშვილი. 


მისი თქმით, ანაკლიის ეკონომიკური ზონის მშენებლობა  პორტის პარალელურად მიმდინარეობს:  „პირველი ფაზაში იქნება წამოწეული ლოგისტიკური და საწარმოო მიმართულება.  ეკონომიკური ზონის მშენებლობაც დასრულდება 2020 წელს. პორტის და სპეციალური ეკონომიკური  ზონის სინერგიულმა კავშირმა უფრო მეტი სტიმული მისცეს სხვადასხვა მწარმოებლებს და კომპანიებს, რომ ეს მიმართულება გამოიყენონ თავისი სატრანსპორტო მიზნებისთვის. ამიტომ ჩვენი მიზანია სპეციალური ეკონომიკური ზონა გაეშვას პორტის პირველ ფაზასთან ერთად.“ 


 კონკურენცია ფოთის და ბათუმის პორტთან


დღევანდელი მოცემულობით, საქართველოში საკონტეინერო და ნაყარი ტვირთების ბაზარს ბათუმის და ფოთის პორტები ემსახურება. ფოთის პორტის წილი საკონტეინერო ბაზარზე დაახლოებით 83%-ია, რაც ნიშნავს იმას, რომ ძირითადად ერთი პორტი ფუნქციონირებს ამ მიმართულებით.


ფოთის პორტის სიღრმე 8,4 მეტრია, რაც დღევანდელი სტანდარტებიდან გამომდინარე საკმაოდ დაბალია და ქვეყანას დიდი გემების მიღების საშუალებას არ აძლევს. მაქსიმალური ტევადობის გემი, რომელიც შეიძლება დღეს ფოთის პორტში შემოვიდეს 1500 კონტეინერის (თითო კონტეინერი 21 ფუტი ტევადობისაა) ტევადობის გემია, რაც ყველაზე მცირე მოცულობაა დღეს არსებულ გემებს შორის. თანამედროვე სტანდარტებით გემების მაქსიმალური მოცულობა 21 000 კონტეინერია. შავ ზღვაში ამ მოცულობის გემები არ დაცურავენ, მაგრამ აქ არსებული გემების ნახევარზე მეტი 10 000 კონტეინერის ტევადობისაა. საქართველოში კი 7-8 ჯერ ნაკლები ტევადობის გემების მომსახურებაა შესაძლებელი.


„ანაკლია სითის“ ფინანსური დირექტორი ამბობს, რომ ანაკლიის პორტი ბათუმის და ფოთის პორტებს კონკურენციას პირველ ეტაპზე გაუწევს, თუმცა შემდეგ პორტები პოზიციებს დაიბრუნებენ:  


„საქართველოში ტვირთი გემით, რომ შემოვიდეს დიდი მოცულობის გემი ჯერ სტამბულში შედის, სადაც ტვირთი პატარა გემებზე გადანაწილდება და შემდეგ ეს პატარა გემები მოდიან ფოთის და ბათუმის პორტებში. ეს პროცედურა, რა თქმა უნდა, დროში იწელება და გადაზიდვის ღირებულებაც იზრდება, რაც ბიზნესს ხელს უშლის.  ანაკლიის პორტის სიღრმე იქნება 16 მეტრი, რაც თითქმის 2-ჯერ მეტია ფოთის პორტზე და ჩვენ შეგვეძლება მოვემსახუროთ ნებისმიერ გემს, რომელიც შავ ზღვაში იმოძრავებს. ეს ქართულ სატრანსპორტო კომპანიებს მისცემს საშუალებას, რომ 30%-ით იაფად გადაზიდონ ერთი კონტეინერი (ერთ კონტეინერზე დანაზოგი 160 USD შეადგენს), რაც ნიშნავს რომ საქართველოს კორიდორით საზღვაო გადაზიდვები უფრო იაფი გახდება. ასევე მნიშვნელოვნად შემცირდება გადაზიდვის დრო.“


გიორგი ჩუგოშვილის ინფორმაციით იმის საფრთხე, რომ ანაკლიის პორტის ამუშავების შემდეგ ბათუმის და ფოთის პორტი გაჩერდეს, არ არსებობს. 




ნინო ნატროშვილი







ფარული ჩანაწერი, რომელმაც კვირიკაშვილი გადაიყოლა და საბედისწერო სიტყვა „ოლიგარქი“

ფარული ჩანაწერი, რომელმაც კვირიკაშვილი გადაიყოლა და საბედისწერო სიტყვა „ოლიგარქი“
access_time2019-01-19 21:30:38
ფარული ჩანაწერები, რომელმაც პრემიერი გიორგი კვირიკაშვილის პოსტი შეიწირა - ამბავი, რომლის გამოც ბიძინა ივანიშვილი ქვეყნის მთავარ ბანკირს - მამუკა ხაზარაძეს, დაუპირისპირა და გიორგი კვირიკაშვილს გადადგომა აიძულა, ფარულ ჩანაწერს უკავშირდება. წყარო კურიერს უყვება, რომ...

10 წლის ჩელენჯი - 10 ფაქტი საქართველოს ეკონომიკის შესახებ

10 წლის ჩელენჯი - 10 ფაქტი საქართველოს ეკონომიკის შესახებ
access_time2019-01-20 12:00:01
გასული 10 წლის განმავლობაში საქართველოს ეკონომიკამ მნიშვნელოვანი გარდაქმნები გაიარა, ამიტომ გადავწყვიტეთ წარმოგვედგინა რამდენიმე ფაქტი საქართველოს ეკონომიკის შესახებ 2008 წლისა და 2018 წლის...

ზურაბ გურული - „ ისტერიკა იმაზე, რომ დიღომში მომხდარ ტრაგედიას კავშირი არა აქვს პოლიტიკასთან, არის უშედეგო ფარსი“

ზურაბ გურული - „ ისტერიკა იმაზე, რომ დიღომში მომხდარ ტრაგედიას კავშირი არა აქვს პოლიტიკასთან, არის უშედეგო ფარსი“
access_time2019-01-19 20:00:36
ზურაბ გურული — აშშ-ის მონტგომერის სახელობის ფედერალური კლინიკის ანესთეზიისა და ქირურგიის დეპარტამენტების დირექტორი, ასევე მისისიპის უნივერსიტეტის კლინიკური ანესთეზიოლოგიის პროფესორი — დიდ დიღომში მომხდარ ტრაგედიას და ბოლო პერიოდში განვითარებულ მოვლენებს სოციალურ ქსელში გამოეხმაურა, რომელსაც „კომერსანტი“ უცვლელად...

გოცირიძე: მეოცე დღეა სომხეთს ჩვენი მილსადენით უკანონოდ მიეწოდება გაზი

გოცირიძე: მეოცე დღეა სომხეთს ჩვენი მილსადენით უკანონოდ მიეწოდება გაზი
access_time2019-01-19 16:00:26
"ოცი დღეა, რაც რუსეთიდან ჩვენი მილსადენით უკანონოდ მიეწოდება გაზი სომხეთს და არც პრემიერ-მინისტრმა და არც ეკონომიკის მინისტრმა ამის შესახებ არაფერი იცის, რაც დადასტურდა გუშინდელ ბრიფინგზე მათ მიერ გაცემული პასუხებით,"- ამბობს ერთიანი ნაციონალური მოძრაობის ფრაქციის თავმჯდომარე რომან...

კლეპტოკრატია - საქართველოს დემოკრატია გამოწვევის წინაშე

კლეპტოკრატია - საქართველოს დემოკრატია გამოწვევის წინაშე
access_time2019-01-19 14:00:22
კლეპტოკრატები ის ლიდერები არიან, რომლებიც საკუთარი...


მსგავსი სიახლეები

up