საქართველოს ბანკი მცირე და საშუალო ბიზნესის განვითარების ხელშეწყობას განაგრძობს როგორც ქვეყნის შიგნით, ასევე მის ფარგლებს გარეთ. ბანკი მიკრო, მცირე და საშუალო ბიზნესებისთვის, ახალი ბაზრების მოძიებისა და მათი ხელშეწყობისთვის ახალ შესაძლებლობებსა და ყველა პირობას ქმნის მეწარმეთა წარმატებული ბიზნესსაქმიანობისთვის. ამ მიზნით, საქართველოს ბანკის ორგანიზებით, ადგილობრივი მცირე მეწარმეებისთვის სამუშაო შეხვედრა გაიმართა იმ კომპანიის წარმომადგენლებთან, რომლებიც წარმატებით ვაჭრობენ ისეთ მასშტაბურ პლატფორმებზე, როგორებიცაა, amazon-ი, ebay და etsy.
„საქართველოს ბანკისთვის მნიშვნელოვანია აქტიურად შეუწყოს ხელი ბიზნესის განვითარებას, როგორც ქვეყნის შიგნით, ასევე მის ფარგლებს გარეთ. 21-ე საუკუნეში საერთაშორისო ციფრული პლატფორმები ბიზნესის გაფართოების საუკეთესო, სწრაფი, მარტივი და კომფორტული საშუალებაა. სწორედ ამიტომ, განსაკუთრებით მნიშვნელოვანია ქართული ბიზნესების წარმოჩენა საერთაშორისო მასშტაბურ პლატფორმებზე, ისეთებზე როგორიცაა: amazon-ი, ebay, etsy და სხვა. საქართველოს ბანკის ორგანიზებით გამართული ვორკშოპის მიზანიც ქართული კომპანიებისთვის იმ შესაძლებლობების გაცნობა და გაზიარებაა, რასაც ეს საერთაშორისო პლატფორმები იძლევა და იმ კომპანიების წარმომადგენლებისგან, ვისაც მსგავსი და წარმატებული პრაქტიკა აქვთ. საქართველოს ბანკისათვის მნიშვნელოვანია ბიზნესის ხელშეწყობა არამხოლოდ დაფინანსების, არამედ საჭირო ინფორმაციაზე ხელმისაწვდომობის კუთხით, რათა ხელი შევუწყოთ და წავახალისოთ ბიზნესები სამომავლო განვითარებაში, წარმატებით გაფართოებასა და ახალ პარტნიორებთან საუკეთესო გარიგების დადებაში“,- აცხადებენ საქართველოს ბანკში .
შეხვედრის მიზანს წარმოადგენდა ქართველი სტარტაპერებისთვის გამოცდილების გაზიარება, თუ როგორ განათავსონ საკუთარი პროდუქცია ყველაზე მსხვილ, საერთაშორისო კომერციულ პლატფორმებზე, რათა გაზარდონ მათი ბიზნესების ცნობადობა და გაყიდვები, მოიძიონ ახალი პარტნიორები.
„ამ თემატიკაზე შეხვედრა პირველია, არამარტო ბანკის არამედ მთლიანად საქართველოს მასშტაბით. ჩვენი მიზანია ადგილობრივ ბიზნესს დავანახოთ, რომ საკუთარი პროდუქციის ექსპორტი და გაყიდვა საზღვარგარეთ ბევრად ადვილი და ხელმისაწვდომია თანამედროვე ტექნოლოგიების წყალობით. იმისთვის, რათა შეხვედრას უფრო საქმიანი შინაარსი ჰქონოდა და არ დარჩენილიყო მხოლოდ მაინსპირირებელ ფორუმად, ჩვენ მოვიწვიეთ ის ენტერპრენუერები, რომლებიც უშუალოდ არიან ჩართული იკომერს ბიზნესში. მათ გააზიარეს თავისი ცოდნა, მათ შორის შეცდომებისა და წარმატების მაგალითები. ვფიქრობთ, თემატიკის აქტუალურობიდან და პერსპექტიულობიდან გამომდინარე, მომავალშიც მივაწოდოთ ქართველ მეწარმეებს ინფორმაცია სხვადასხვა არხების საშუალებით“, -განაცხადა საქართველოს ბანკის მცირე და საშუალო ბიზნესის გაყიდვების დეპარტამენტის დირექტორმა გიორგი არველაძემ.
ვორკშოპზე მოწვეულმა სხვადასხვა კომპანიის წარმომადგენლებმა, როგორებიც არიან − Amazon Export Hub-ი, (კომპანია, რომელიც ეხმარება მეწარმეებს განათავსონ და გაყიდონ თავიანთი პროდუქცია ონლაინ პლატფორმებზე) Cnick-ი, (რომელიც უკვე წარმატებით ვაჭრობს amazon-ზე), Boxette-ი, (რომელიც ამერიკაში პროდუქციის საწყობებში გადანაწილების მიმართულებით მუშაობს), ასევე Ebay Experienced Sellers, საკუთარი გამოცდილება გაუზიარეს. საქართველოს ფოსტის წარმომადგენლებმა კი დამსწრეებს გააცნეს სერვისები, რომელთა დახმარებითაც მეწარმეებს აქვთ შესაძლებლობა, აწარმოონ ელექტრონული კომერცია როგორც ქვეყნის შიგნით, ასევე მის ფარგლებს გარეთ.
„დღეისათვის, როდესაც ელექტრონულმა კომერციამ სრულიად შეცვალა სამყარო, მოშალა ქვეყნებშორისი საზღვრები და მსოფლიო ერთიან და გლობალურ სივრცეში მოიქცა, ელექტრონულ კომერციას განსაკუთრებული როლი მიენიჭა. ელექტრონულ კომერციას - ანუ ვაჭრობას საზღვრების გარეშე. მსოფლიოში აღარ არსებობს უკვე საზღვრები და დიახ, ნებისმიერ მეწარმეს, თუნდაც ნებისმიერი მცირე სოფლიდან საშუალება აქვს საკუთარი პროდუქცია გააცნოს და შესთავაზოს მსოფლიოს. ისეთი მაშტაბური პლატფორმები, როგორებიცაა ამაზონი, იბეი, ეთსი - არის სრული საშუალება იმისა, რომ მილიარდობით ადამიანს აჩვენოთ და შესთავაზოთ თქვენი პროდუქტი თუ მომსახურება. საქართველოს ბანკის ვორქშოფი კი იყო პირველი მერცხალი კომუნიკაციის მიმართულებით, სწორედ იმ მიმართულებით, სადაც ყველაზე დიდი პრობლემა აქვს ქართულ ,,e-commerce -ს. თუკი მეზობელ ქვეყნებში აქტიურად საუბრობენ საერთაშორისო ვაჭრობასა და პირად წარმატებებზე, ჩვენთან სამწუხაროდ ნაკლები იმფორმაცია მოიპოვება ამ კუთხით. ამ სემინარით კი შევქმენით პრეცენდენტი, პრეცენდენტი იმისა, რომ შესაძლებელია წარმატების, ცოდნისა და მიღწეული შედეგების გაზიარება. ჩვენი აქტივობა აუცილებლად გაგრძელდება და დარწმუნებული ვარ, მრავალი მეწარმე შეძლებს წარმატების მიღწევას გლობალურ მარკეტზე“, - განაცხადა Amazon Export Hub-ის თანადამფუძნებელმა ლევან მოლაშვილი.
(R)