გიორგი აბაშიშვილის „ბიზნეს ინსაიდერის ბრიფინგი“ რადიო „კომერსანტზე“ – რომ არაფერი გამოგრჩეთ

გიორგი აბაშიშვილის „ბიზნეს ინსაიდერის ბრიფინგი“ რადიო „კომერსანტზე“ – რომ არაფერი გამოგრჩეთ

access_time2022-04-12 10:17:26

მედიაჰოლდინგ „კომერსანტის“ მმართველი პარტნიორი გიორგი აბაშიშვილი რადიო „კომერსანტზე“ თავის რუბრიკაში – „ბიზნეს ინსაიდერის ბრიფინგი“ მსოფლიო ეკონომიკის მნიშვნელოვან ამბებს მოგვითხრობს.


FT - უკრაინის ფინანსთა მინისტრმა პარტნიორებს ათობით მილიარდი დოლარის ფინანსური მხარდაჭერის მოთხოვნით მიმართა რუსეთის შემოჭრით გამოწვეული ფისკალური დეფიციტის შესამცირებლად. მთავრობის ხარჯებმა 2,7 მილიარდი დოლარით გადააჭარბა შემოსავლებს მარტში და უკრაინა ომის გამო აპრილსა და მაისში ელოდება, რომ დეფიციტი გაიზრდება თვეში 5-7 მილიარდ დოლარამდე. ”ჩვენ ვართ დიდი სტრესის ქვეშ, ყველაზე ცუდ ფინანსურ მდგომარეობაში”, - თქვა სერგი მარჩენკომ Financial Times-თან ინტერვიუში. ახლა ჩვენი ქვეყნის გადარჩენის საკითხია.


ნავთობის ფასი $100-ს ჩამოსცდა, რაც საკმაოდ დაბალი მაჩვენებელია მარტის შუა პერიოდის  შემდეგ.


ბიზნეს ინსაიდერი კი აღნიშნავს, რომ რუსეთის ნავთობის ექსპორტი მნიშვნელოვნად გაიზარდა და რუსეთის უკრაინაში შეჭრამდე პერიოდს გადააჭარბა, თუმცა გართულებული მარშრუტების გამო, ხანგრძლივი პერიოდი სჭირდება ნედლეულს, რომ მომხმარებლამდე მიაღწიოს.


FT-ის ინფორმაციით, აშშ-ის პრეზიდენტმა ჯო ბაიდენმა ორშაბათს ინდოეთის მიერ რუსული ნავთობის შესყიდვები ქვეყნის პრემიერ–მინისტრ ნარენდრა მოდისთან განიხილა, ვაშინგტონი მოუწოდებს ნიუ დელის, უფრო მკაცრი პოზიცია დაიკავოს რუსეთის მიმართ უკრაინასთან ომის გამო. მხარეები "მჭიდრო კონსულტაციაზე" შეთანხმდნენ უკრაინის საკითხებზე. აღნიშნული შეხვედრის შესახებ პრეზიდენტი ბაიდენი ასევე წერს საკუთარი ტვიტერის გვერდზე.


FT-ის ინფორმაციით, იტალიურმა ენერგეტიკულმა კომპანია Eni-მ და ალჟირის Sonatrach-მა ხელი მოაწერეს შეთანხმებას ალჟირიდან გაზის იმპორტის ეტაპობრივი ზრდის შესახებ, რადგან რომი ცდილობს თავი დააღწიოს თავის დამოკიდებულებას რუსულ გაზზე.



ბიზნეს ინსაიდერის თანახმად, რუსეთის ცენტრალური ბანკის მმართველი აღნიშნავს, რომ მიუხედავად სანქციებისა, რუსეთის ცენტრალურ ბანკს აქვს საკმარისი რეზერვები ოქროსა და იუანში. გამოცემის თანახმად, ომამდე რუსეთმა დააგროვა საკმარისი რეზერვები დოლარის ნაცვლად იუანსა და ევროში.


ინსაიდერის თანახმადვე, რუსეთის ფინანსთა მინისტრი ამბობს, რომ კრემლი არ გაყიდის სუვერენულ ბონდებს, ვინაიდან საპროცენტო განაკვეთი იქნება „კოსმიური“. ის ამ ყველაფერს უკავშირებს ერთ  ფაქტს: თუ რუსეთი ბონდების საშუალებით სესხებას გადაწყვეტს, ყველა ამ სესხს ძალიან მაღალ პროცენტში შესთავაზებს.


პუტინის ყოფილი მთავარი ეკონომიკური მრჩეველი ანდრეი ილარიონოვი BBC-თან ინტერვიუში აღნიშნავს,რომ უკრაინის ომის კვალდაკვალ რუსეთის ჩვეულებრივი მოქალაქეების ცხოვრება შეიძლება ორჯერ–სამჯერ გაუარესდეს. მისივე თქმით, პუტინს არ აღელვებს მოსახლეობის ცხოვრების დონე რუსეთში, ის უფრო მეტად ტერიტორიული ამბიციებითაა დაკავებული.


FT აქვეყნებს ედიტორიალს სათაურით "გლობალიზაციის ბუნების ცვლილება" სადაც აღნიშნავს, რომ ფინანსურმა კრიზისმა, პანდემიამ და ომმა მიწოდების ჯაჭვები სტრესის წინაშე დააყენა.


ევროპის რეკონსტრუქციისა და განვითარების ბანკი საკუთარ ანგარიშში, რომელსაც ტვიტერზე აქვეყნებს, აღნიშნავს, რომ მსოფლიო მიწოდების უდიდესი შოკის წინაშე დგას, როგორც ეს იყო ადრეულ 1970-იან წლებში.


ასევე ტვიტერზე მსოფლიო ბანკი აღნიშნავს, რომ განვითარებადი  ქვეყნები უპრეცედენტო ცვლილებების მომსწრე არიან, რაც მათ უკან ახევინებს სიღარიბის შემცირებაში და უთანასწორობის დაძლევის მიმართულებით გადასადგმელ ნაბიჯებში.


IMF ახლა ბლოგს აქვეყნებს და წერს, რომ სახელმწიფო დავალიანების რისკი კვლავ იზრდება, შესაბამისად, ქვეყნებს სჭირდებათ გლობალური თანამშრომლობა, რომ შეამცირონ დავალიანების პრობლემა და მოახდინონ დეფოლტის პრევენცია.


FT-ის ინფორმაციით, იტალიის ფინანსურმა პოლიციამ სარდინიაში მილიარდერ დიმიტრი მაზეპინსა და მისი ვაჟის ნიკიტას კუთვნილი 100 მილიონი ევროს ღირებულების ვილა ჩამოართვა, რუსეთის პრეზიდენტ ვლადიმირ პუტინთან დაახლოებული ოლიგარქების წინააღმდეგ სანქციების აღსრულების ფარგლებში.


ბიზნეს ინსაიდერის მიხედვით საფონდო ბირჟებზე  კვლავ ფიქსირდება  ინდექსების კლება, ვინაიდან ინვესტორებს ჯერ კიდევ აშფოთებთ მაღალი ინფლაციური მაჩვენებლები და შესაბამისად ცენტრალური ბანკების საპროცენტო განაკვეთების ზრდა.


Insaider Intelligence კვლევის თანახმად, მთავარი მიზეზი, თუ რატომ არ ახდენს ინვესტირებას აშშ-ის ზრდასრული მოსახლეობა აქციებში, ბონდებსა და კრიპტოვალუტაში, არის: ფინანსების ნაკლებობა -45%, არ იცის როგორ განახორციელოს ინვესტირება – 21%, რისკის შიში – 15%, სხვა მიმართულებით ინვესტირება – 5%.





წელს მსოფლიო ტურიზმი 65%-ით აღდგება - UNWTO

წელს მსოფლიო ტურიზმი 65%-ით აღდგება - UNWTO
access_time2022-11-29 23:55:13
ტურიზმის საერთაშორისო ორგანიზაციის (UNWTO) პროგნოზით, საერთაშორისო ტურიზმის აღდგენის მაჩვენებელი წელს 65% იქნება. ორგანიზაციის ინფორმაციით, იანვარ-სექტემბერში 700 მლნ ტურისმტმა იმოგზაურა მთელ მსოფლიოში, რაც წლიურად 133%-ით გაზრდილი მაჩვენებელია, ხოლო 2019 წლის შესაბამისი პერიოდის 63%-ს შეადგენს. აღდგენის ეს მაჩვენებელი გამოწვეულია მოგზაურობაზე მაღალი მოთხოვნითა და „კოვიდის“ გამო დაწესებული შეზღუდვების შემსუბუქებით. საანგარიშო პერიოდში რეგიონში...

2022 წლის ათასწლეულის ინოვაციის კონკურსის ფინალისტების ვინაობა ცნობილია

2022 წლის ათასწლეულის ინოვაციის კონკურსის ფინალისტების ვინაობა ცნობილია
access_time2022-11-29 21:55:59
2022 წლის ათასწლეულის ინოვაციის კონკურსის მთავარი პრიზი - აშშ-ში ნასას საზაფხულო ბანაკში გამგზავრება, გუნდმა “LIGGA“-მ პროექტით „რადიაციის კვლევის, მონიტორინგისა და უსაფრთხოების სისტემა“ მოიპოვა. გუნდის მიერ შექმნილიპროექტის საშუალებით, შესაძლებელია ოთახებსა და შენობებში რადიაციის დონის კონტროლი და რადიაციის გავრცელების არეალის განსაზღვრა. გამარჯვებული გუნდის წევრები გაემგზავრებიან აშშ-ში და მონაწილეობას მიიღებენ NASA-ს კოსმოსური ცენტრის უნივერსიტეტის საზაფხულო სკოლაში....

ნატო-ს საგარეო საქმეთა მინისტრებმა ერთობლივი განცხადება გაავრცელეს, რომელშიც საქართველოს მხარდაჭერაზეც არის საუბარი

ნატო-ს საგარეო საქმეთა მინისტრებმა ერთობლივი განცხადება გაავრცელეს, რომელშიც საქართველოს მხარდაჭერაზეც არის საუბარი
access_time2022-11-29 20:55:28
ნატო-ს საგარეო საქმეთა მინისტრებმა ბუქარესტში გამართული შეხვედრის შემდეგ ერთობლივი განცხადება გაავრცელეს, რომელშიც საქართველოს მხარდაჭერაზეც არის საუბარი. როგორც განცხადებაშია აღნიშნული, ნატო-ს საგარეო საქმეთა მინისტრები გამოხატავენ მტკიცე ერთგულებას ალიანსის ღია კარის პოლიტიკისადმი. „დასავლეთ ბალკანეთის და შავი ზღვის რეგიონებს სტრატეგიული მნიშვნელობა აქვს ალიანსისთვის. ჩვენ მივესალმებით ჩვენს შეხვედრას ნატო-ს პარტნიორების, ბოსნია და...

ეკონომიკის ორნიშნა ზრდას და ლარის სიმყარეს მხოლოდ რუსეთის ეფექტს ვერ დავაბრალებთ - ვახტანგ ჭარაია

ეკონომიკის ორნიშნა ზრდას და ლარის სიმყარეს მხოლოდ რუსეთის ეფექტს ვერ დავაბრალებთ - ვახტანგ ჭარაია
access_time2022-11-29 21:30:15
ეკონომიკის ორნიშნა ზრდა და ლარის სიმყარეს მხოლოდ რუსეთის ეფექტს ვერ დავაბრალებთ, -ამის შესახებ გრიგოლ რობაქიძის სახელობის უნივერსიტეტის ბიზნესისა და მართვის სკოლის დეკანმა, პროფესორმა ვახგანგ ჭარაიამ, გიორგი აბაშიშვილის საავტორო გადაცემაში „ბიზნეს ინსაიდერი“ განაცხადა. მისი თქმით, გლობალურმა თუ ეკონომიკურმა ცვლილებებმა საქართველოზე გარკვეული პოზიტიური ეფექტი იქონია, მაგრამ საქართველო ამისთვის წლების განმავლობაში ემზადებოდა და ბევრი...

კომპანია Starlink-მა უკრაინის მაცხოვრებლებს ინტერნეტის ტარიფი გაუზარდა

კომპანია Starlink-მა უკრაინის მაცხოვრებლებს ინტერნეტის ტარიფი გაუზარდა
access_time2022-11-29 20:30:44
კომპანია Starlink-მა ინტერნეტის ტარიფი გაუზარდა უკრაინის მაცხოვრებლებს. კომპანიამ აბონენტებისთვის შესაბამისი წერილების დაგზავნა დაიწყო. 29 დეკემბრიდან სატელიტური ინტერნეტი კერძო პირებისთვის თვეში 60 დოლარიდან გაიზრდება 75 დოლარამდე. როგორც „ტელეგრამში“ წერს Инсайдер UA, Starlink-ის ტერმინალისა და ანტენის ფასი გაიზრდება და 500 დოლარის ნაცვლად 700 დოლარი ეღირება. ომის დაწყებიდან ილონ მასკის კომპანია SpaceX-მა უკრაინას Starlink-ის დაახლოებით 20...


მსგავსი სიახლეები

up