გიორგი აბაშიშვილი - მეთოდს, რომლის მიხედვითაც საქსტატი უმუშევრობის დონეს ითვლის, ჰქვია „როგორ მოვიტყუოთ თავი“, რადგან ის რეალობას არ ასახავს

გიორგი აბაშიშვილი - მეთოდს, რომლის მიხედვითაც საქსტატი უმუშევრობის დონეს ითვლის, ჰქვია „როგორ მოვიტყუოთ თავი“, რადგან ის რეალობას არ ასახავს

access_time2019-09-09 12:20:44

საქართველოში უმუშევრობა იმაზე მაღალია, ვიდრე ამას ოფიციალური მონაცემები აჩვენებს. მეთოდს, რომლის მიხედვითაც სტატისტიკის ეროვნული სამსახური უმუშევრობის დონეს ითვლის, ჰქვია „როგორ მოვიტყუოთ თავი,“ - ამის შესახებ „ინტერპრესნიუსს“ ილიას სახელმწიფოს უნივერსიტეტის ბიზნესის სკოლის ხელმძღვანელმა გიორგი აბაშიშვილმა განუცხადა.



მისი თქმით, ილიაუნის ბიზნესის სკოლის მიერ ჩატარებული კვლევის შედეგების მიხედვით, უმუშევრობის ოფიციალური მონაცემები არარეალისტურ სურათს აჩვენებს. აბაშიშვილის თქმით, რეალურად საქართველოში უმუშევარი ადამიანების რაოდენობა იმაზე მეტია, ვიდრე ამას სტატისტიკის ეროვნული სამსახურის მონაცემები ასახავს.



„ოფიციალური მაჩვენებლით, 2018 წელს საქართველოში უმუშევრობის დონე იყო 12.7%, მაგრამ აქ საინტერესოა, როგორ განიმარტება დასაქმებული. დასაქმებული შეიძლება იყოს ადამიანი, რომელიც შეიძლება უსასყიდლოდ ეხმარებოდეს შინამეურნეობის წევრებს, ან თუნდაც ფორმალურად ირიცხებოდეს მომუშავედ. ეს იმდენად არაფრისმთქმელი განმარტებაა, რომ ჩნდება კითხვა: მაშინ ეს 12.7% ვინ არის, ვინც უსასყიდლოდაც არავის ეხმარება, ფორმალურადაც არსად ირიცხება და სოფლის მეურნეობის სფეროშიც არაფერს აკეთებს? ეს არ არის რეალობის შეფასება.



არსებული დასაქმებაც სიმბოლურია: მაგალითად, 2018 წელს სიღარიბის აბსოლუტურ ზღვარს ქვემოთ მყოფი მოსახლეობის წილი 20 %-ზე მეტია, მაშინ როდესაც კიდევ ერთხელ გავიმეორებ, უმუშევრობა მხოლოდ 12.7 %-ია. მარტივად ეს ნიშნავს, რომ საქართველოში დასაქმებულიც ძალიან ღარიბია?




რეალობა აჩვენებს, რომ საქართველოში უმუშევრობა გაცილებით მაღალია. მაგალითად, ამ პროცენტულ მაჩვენებელში, რასაც საქსტატი გვთავაზობს, საქართველოში 2015 წლიდან 2018 წლამდე სოფლად მცხოვრებლებში უმუშევრობის დონე გაიზარდა. მაშინ, როცა ამ პერიოდის განმავლობაში სოფლებში უამრავი პროექტი განხორციელდა სოფლის მეურნეობის მხარდამჭერი.



საინტერესოა, ასევე, გურიის მაგალითი. სტატისტიკის ეროვნული სამსახურის ინფორმაციით, 2018 წელს გურიაში უმუშევრობა მხოლოდ 1.8% იყო, ანუ 2%-იც კი არა. ეკონომიკაში, ფაქტობრივად, სრული დასაქმებაა, როდესაც 2% იანი უმუშევრობაა. გურიაში თუ იტყვი, რომ ადამიანები სრულიად არიან დასაქმებულები, არამგონია, რომ სერიოზულად ჩაგთვალონ.



ამავდროულად, საინტერესოა ასაკობრივი ფაქტორი. იმავე ოფიციალური მონაცემებით, უმუშევრობა 30%-ს აღემატება, ანუ ყველაზე მაღალია 20-24 წლის ასაკის ადამიანებში. 25-29 წლის ასაკის ადამიანებში კი უმუშევრობის დონე 20%-ია. ეს ნიშნავს იმას, რომ ჩვენ ვერ ვახერხებთ დავასაქმოთ ახალგაზრდა სამუშაო ძალა, რომელიც შეიძლება იყოს ყველაზე აქტიური, მოტივირებული და შედეგზე ორიენტირებული. მერე გვიკვირს, რატომ მიდიან ახალგაზრდა ადამიანები ქვეყნიდან,“ - განაცხადა გიორგი აბაშიშვილმა.



აბაშიშვილის თქმით, მეთოდი, რომლის მიხედვითაც ქვეყანაში უმუშევარ ადამიანთა რაოდენობა ითვლება, აუცილებლად შესაცვლელია. მისივე განცხადებით, თუ რეალობას თვალს არ გავუსწორებთ, სტატისტიკური მონაცემებით მანიპულირება პრობლემას ვერ მოაგვარებს.



„ვთვლი, რომ თუ ჩვენ რეალობას თვალს არ გავუსწორებთ და არ ვიტყვით, საქართველოში რამდენი ადამიანია უმუშევარი, მაშინ ვერასოდეს ამ თემას ვერ მოვაგვარებთ და წლიდან წლამდე სტატისტიკური მანიპულირებით მოგვიწევს ყოფნა. ასეთი ტიპის სტატისტიკური მონაცემები რეალობას აგვაცდენს. რეალობას თუ ავცდებით, ცხადია, პრობლემის გადაჭრის გზებსაც ვერ ვნახავთ. წლიდან წლამდე გვესმის, რომ მთავარი მიზანია ეკონომიკის ინკლუზიური განვითარება. თუმცა თუ არ დავინახეთ, სად არის პრობლემა, ინკლუზიურ განვითარებას ვერ მივაღწევთ. ჩემი აზრით, დათვლის არსებულ მეთოდს „როგორ მოვიტყუოთ თავი“ ჰქვია. ცხადია, იმისთვის, რომ უმუშევრობის პრობლემა მოვაგვაროთ, თავი არ უნდა მოვიტყუოთ,“ - განაცხადა გიორგი აბაშიშვილმა.



 IPN.GE 







ლევან კობერიძე: მოვუწოდებ ყველა ჩემს კოლეგა ოს ექიმს, რომელიც ცხინვალის რეგიონში მუშაობს

ლევან კობერიძე: მოვუწოდებ ყველა ჩემს კოლეგა ოს ექიმს, რომელიც ცხინვალის რეგიონში მუშაობს
access_time2019-11-17 10:00:29
პარლამენტის დამოუკიდებელი დეპუტატი ლევან კობერიძე ექიმ ვაჟა გაფრინდაშვილთან დაკავშირებით სოციალურ ქსელში სტატუსს ავრცელებს:"-მოვუწოდებ ყველა ჩემს კოლეგა ოს ექიმს, რომელიც ცხინვალის რეგიონში მუშაობს: მოგმართავთ თქვენ, როგორც ექიმი ექიმებს - ჩვენ გვაერთიანებს მინიმუმ ჰიპოკრატეს ფიცი , რომლითაც პაციენტის მკურნალობა არის უზენაესი დანიშნულება ექიმის და არ ცნობს არანაირ ბარიერებს ნებისმიერი სახის დაპირისპირების ან ომის პირობებშიც კი. უამრავი. ცხინვალის რეგიონის მაცხოვრებელი,...

პარლამენტთან საპროტესტო აქცია განახლდა

პარლამენტთან საპროტესტო აქცია განახლდა
access_time2019-11-16 20:14:30
პარლამენტთან ოპოზიციური პარტიების, სამოქალაქო აქტივისტებისა და მოქალაქეების საპროტესტო აქცია...

„არავინ, არც ერთი სერიოზული ადამიანი აქ არ ჩადებს ფულს, მანამ სანამ ხელისუფლებაში გადამგდებები არიან“

„არავინ, არც ერთი სერიოზული ადამიანი აქ არ ჩადებს ფულს, მანამ სანამ ხელისუფლებაში გადამგდებები არიან“
access_time2019-11-16 15:00:31
„გირჩის“ დამფუძნებელი ზურაბ ჯაფარიძე სოციალურ ქსელში მიმდინარე მოვლენებთან დაკავშირებით ვრცელ პოსტს ავრცელებს. მისი აზრით, კანონპროექტის ჩაგდება, არამხოლოდ პოლიტიკურ არასტაბილურობას, არამედ ეკონომიკურ პრობლემებსაც გამოიწვევს, „კომერსანტი ჯაფარიძის პოსტს უცვლელად გთავაზობთ: „რა არის გასაკეთებელი (ბლოკებად დავყოფ რომ ლოგიკა გასაგები იყოს):   ა) გვყავს ფაქტობრივად არალეგიტიმური ხელისუფლება, რომელმაც გადააგდო ყველა, როგორც ქვეყნის შიგნით, ისე ქვეყნის...

ლევან კობერიძე ჯანდაცვის მინისტრის 520-ე დადგენილების სასწრაფოდ შეჩერებას ითხოვს

 ლევან კობერიძე ჯანდაცვის მინისტრის 520-ე დადგენილების სასწრაფოდ შეჩერებას ითხოვს
access_time2019-11-16 14:10:08
დამოუკიდებელი დეპუტატი ლევან კობერიძე ჯანდაცვის სამინისტროს მიერ დადგენილი ახალი ტარიფების საჯარო განხილვას ითხოვს, ის პარლამენტში ჯანდაცვის მინისტრსა და ექიმებს იბარებს. „ძალიან მნიშვნელოვანია, რომ მსგავსი დადგენილების გამოცემის წინ, მოხმდარიყო შეხვედრა, ან ახლა მაინც მოხდეს შეხვედრა ჯანდაცვის კომიტეტში, სადაც მსჯელობის საშუალება მიეცემათ კლინიკის ხელმძღვანელებს, დადგენილი ტარიფები რამდენად არის მისაღები“,-ამბობს კობერიძე.

მიწის რეფორმის ფარგლებში, საკარმიდამო მიწის ნაკვეთებზე საკუთრების უფლების რეგისტრაციის გამარტივება იგეგმება

მიწის რეფორმის ფარგლებში, საკარმიდამო მიწის ნაკვეთებზე საკუთრების უფლების რეგისტრაციის გამარტივება იგეგმება
access_time2019-11-16 13:27:55
მიწის რეფორმის ფარგლებში, საკარმიდამო მიწის ნაკვეთებზე საკუთრების უფლების რეგისტრაციის გამარტივება...


მსგავსი სიახლეები

up