„ევროპული საქართველოს“ ერთ-ერთი ლიდერი გიგი უგულავა შინაგან საქმეთა სამინისტროს ადმინისტრაციულ შენობაში იმყოფება. საქართველოს უზენაესი სასამართლოს განაჩენის აღსრულების მიზნით, უგულავა შსს-ში დღეს საღამოს დაიბარეს.
„ბრძოლა გრძელდება“, – განაცხადა უგულავამ შსს-ს შენობაში შესვლამდე.
შსს-ს შენობასთან იმყოფებიან „ევროპული საქართველოსა“ და „ნაციონალური მოძრაობის“ ლიდერები, რომლებმაც უგულავა ტაშითა და შეძახილებით შეაცილეს.
საქართველოს უზენაესმა სასამართლომ გიგი უგულავა თბილისის განვითარების ფონდის საქმეზე დამნაშავედ ცნო. უზენაესმა სასამართლომ უგულავას სამი წლითა და ორი თვით პატიმრობა მიუსაჯა.
1TV