პარტია „ევროპული საქართველოს“ წევრი გიგა ბოკერია მიიჩნევს, რომ პრემიერ-მინისტრობის კანდიდატი „ევროპული საქართველოს“ წევრი უნდა იყოს.
როგორც გიგა ბოკერიამ აღნიშნა, პრემიერ-მინისტრი უნდა იყოს ძლიერი გუნდის ლიდერი და ჰქონდეს ხედვა, როგორ გამოიყვანს ქვეყანას ძალიან მძიმე მდგომარეობიდან.
„პრემიერ-მინისტრს უნდა ჰქონდეს ხედვა ეკონომიკაში, როგორ დაწევს გადასახადებს, როგორ გაუადვილებს ჩვენს მოქალაქეებს ცხოვრებასა და წნეხს, განსაკუთრებით ამ გამოწვევის დროს, როგორ გადატეხავს სასამართლოში იმ მემკვიდრეობას, რომელიც ჩვენ ვერ მოვიშორეთ, როგორ წაიყვანს ქვეყანას თავისუფალი სამყაროსკენ. მოკლედ, ახლა რომ დაგიხასიათოთ, როგორი უნდა იყოს, „ევროპული საქართველოს“ წევრი უნდა იყოს, გესმით ხომ“, – განაცხადა გიგა ბოკერიამ.
რაც შეეხება გიორგი ვაშაძის კანდიდატურას, გიგა ბოკერია აცხადებს, რომ ამ კანდიდატს ვერ შეაფასებს.
„გიორგი ვაშაძის კანდიდატურას არანაირად არ შევაფასებ. ეს მათი საქმეა. ჩვენი, „ევროპული საქართველოს“ პრემიერობის კანდიდატს როცა წარვადგენთ, მაშინ შეგვეძლება ამაზე საუბარი. სხვა პარტიების და სხვა გაერთიანებების შიგნით მიმდინარე ამ ტიპის დისკუსიაზე ბუნებრივია, არანაირ კომენტარს არ გავაკეთებ“, – განაცხადა გიგა ბოკერიამ.
წყარო: პირველი არხი