გია ხუხაშვილი: ხელისუფლება აღმოჩნდა პოლიტიკურ ბუნკერში, ახალი პოლიტიკური კლასი კი ამოდის ზედაპირზე

გია ხუხაშვილი: ხელისუფლება აღმოჩნდა პოლიტიკურ ბუნკერში, ახალი პოლიტიკური კლასი კი ამოდის ზედაპირზე

access_time2019-06-27 12:30:59


რუსთაველის გამზირზე, პარლამენტის წინ მიმდინარე აქციების პარალელურად, რამდენიმე დღის განმავლობაში ხელისუფლება აანონსებდა, რომ დღეს ქვეყნის პრემიერ-მინისტრი საკანონმდებლო ტრიბუნიდან მთავრობის საქმიანობის ყოველწლიურ ანგარიშს მოგვასმენინებდა. ასევე დაანონსებულია, რომ ხვალ საკანონმდებლო ორგანოში მივა შს მინისტრი გიორგი გახარია.


რამდენად სწორად გეგმავს ხელისუფლება პოლიტიკურ ნაბიჯებს და რამდენად გამართლებულია ქვეყანაში შექმნილი ვითარების ფონზე პრემიერის და შს მინისტრის საქმიანობის ვერსიების მოსმენა ქვეყნის უმაღლესი ტრიბუნიდან.


ამ საკითხებს „კომერსანტთან“ ექსპერტი გია ხუხაშვილი აფასებს:



- ბატონო გია, რამდენად გამართლებულად მიგაჩნიათ ის, რომ დღეს პრემიერი პარლამენტის ტრიბუნიდან მთავრობის საქმიანობის ყოველწლიურ ანგარიშზე საუბარს გეგმავდა?


- ალბათ დაგეგმილი იყო ეს მოსმენა, თუმცა ამ ვითარებაში, რა თქმა უნდა, ეს ქმედება არაადეკვატურად მიმაჩნია. სრულიად აშკარად, ქვეყანაში ვითარდება კრიზისი და ხელისუფლება და პოლიტიკური ელიტა მობილიზებული უნდა იყოს, რომ გადავლახოთ და ვიპოვოთ კომპრომისები. დრამის პოტენციალი ჯერ კიდევ არ არის ამოწურული, სამწუხაროდ. აქედან გამომდინარე, დღეს პრემიერის პარლამენტში მისვლა იქნებოდა - „ვითომ არაფერი მომხდარას“ პოზიციიდან საკითხების განხილვა.



- აშკარაა, ბოლო პერიოდში განვითარებულ მოვლენებთან დაკავშირებით ხელისუფლება ირჩევს დუმილის პოზიციას. უმაღლესი ხელისუფლების პირები, ფაქტობრივად, თავს არიდებენ მიმდინარე მოვლენების ანალიზს და არ ჩანს დიალოგის სურვილი...



- გეთანხმებით, მძიმედ განვითარდა მოვლენები. ბუნებრივია, უდანაშაულო არავინ არ არის. ყველას აქვს თავისი წილი პასუხისმგებლობა, მაგრამ ხელისუფლება არღვევს ბალანსს და პასუხისმგებლობების ლომის წილი თავის ოპონენტების მხარეს გადააქვს. რაც მთავარია, ცდილობს, რომ სახალხო პროტესტი გააიგივოს მისთვის საძულველ პოლიტიკურ ძალასთან. ცდილობს რომ ამ ნარატივში დატოვოს ყველაფერი : - „ვარ მე და ჩემი მტერი ნაციონალური მოძრაობა“. „ვინც მე არ მეთანხმება, ყველა ნაციონალური მოძრაობის წევრია“. „ვინც ჩემთან არ არის, ის ჩემი მტერია“. სიძულვილზე და გაუნათლებლობაზე ააგეს ყველაფერი. ამას აკეთებს სრულიად ახალი ფენომენის ფონზე, ახალი პოლიტიკური კლასი ამოდის ზედაპირზე. ეს პოლიტიკური კლასი არ ასოცირდება, არც მათთან და არც იმ პოლუსთან, რომელზეც მუდმივად აპელირებს ქართული ოცნება.




- თქვენ ფიქრობთ, რომ ეს ახალგაზრდები შეიძლება პოლიტიკურ ასპარეზზეც ვიხილოთ?



- რა თქმა უნდა, ეს უკვე პოლიტიკაა. ეს ახალგაზრდები უკვე პოლიტიკაში არიან, მე არ ვსაუბრობ სტრუქტურირებულ ან პერსონალიზირებულ პოლიტიკაზე. ეს პოლიტიკური პროცესია და მათი მოთხოვნებიც პოლიტიკურია, არა პარტიული პოლიტიკის გაგებით, არამედ სახელმწიფო პოლიტიკის გაგებით. ამ ძალას ვეღარაფერი ვეღარ შეაჩერებს. ხელისუფლება ცდილობს მათ დისკრედიტაციას, იმიტომ რომ სხვა გზას ვეღარ ხედავს. სამწუხაროა, რომ ამ მოვლენებს პოზიტიურად არ უყურებს.



მისასალმებელია ახალგაზრდა თაობის აქტიურობა იმიტომ, რომ არსებული პოლიტიკური ელიტა სრულიად გაკოტრებულია ქვეყანაში, ქვეყნის წინ წაწევა და პოზიტიური დღის წესრიგის გაჩენა მხოლოდ ამ ახალგაზრდებს შეუძლიათ. ისინი ჩვენზე განათლებულები, შემართებულები, გაურყვნელები და არაკომპრომატირებულები არიან. ნებისმიერი ხელისუფლება უნდა ესალმებოდეს ამას. ჩვენი ხელისუფლება კი ცდილობს საშოშივე ჩაკლას ეს ყველაფერი, მოახდინოს მისი სტიგმირება და შეაფერხოს ისტორიის მსვლელობა. ისტორიას ახასიათებს თავისი კანონზომიერება, რომლის შეჩერება უბრალოდ შეუძლებელია. საბოლოო ჯამში, ხელისუფლება რომელიც ამას აკეთებს, თავადვე ზიანდება.




- ხვალ შეიძლება პარლამენტში მივიდეს შს მინისტრი გიორგი გახარია, რაც საზოგადოებაში ასევე არაერთგვაროვნად ფასდება...



- ამ ყველაფრით კიდევ ერთხელ დასტურდება, რომ ხელისუფლება რაღაცნაირად აღმოჩნდა პოლიტიკურ ბუნკერში, გაწყვიტა კომუნიკაცია გარესამყაროსთან, გათიშა ტელეფონები, არ აქვს ინტერნეტი და შექმნეს ვირტუალური რეალობა. ვირტუალურ რეალობაში ცხოვრობენ და უნდათ ასე გაგრძელება. მე შორს ვარ იმ აზრისგან, რომ გახარიას დემონიზაციის ფეხის ხმას ავყვე. შეიძლება ეს ყველაფერი გაუგებრობაც იყო და პროვოკაცია მისი მიმართულებით. პოლიტიკაში ყველაფერი სამართლიანად არ ხდება. პოლიტიკა მკაცრი სფეროა, იქ უნდა იცოდე, როდის მოხვიდე და ასევე მნიშვნელოვანია იცოდე, როდის წახვიდე. მითუმეტეს პარლამენტში მისვლა, ეს ხომ ოპოზიციის წისქვილზე ასხამს წყალს.



- როგორც ამბობენ, შიდა კლანები ერთმანეთს ებრძვიან, საუბარია გახარია გომელაურის დაპირისპირებაზე... სოციალურ ქსელში გაჟღერდა, რომ 20 ივნისის ღამეც გვახარიას წინააღმდეგ მიმართული პროვოკაცია იყო?



- აპელირება იმაზე, რომ ვიღაც პროვოკატორია, გასაგებია, თუმცა, არ ცვლის მოცემულობას. შეიძლება ვივარაუდოთ, რომ ეს ყველაფერი პროვოკაციაა. კარგი, პანკისში ერთხელ მოგიწყვეს პროვოკაცია, დავუშვათ ასეა. მინისტრი, რომელსაც ყველა ნაბიჯზე პროვოკაციას უწყობენ, მინიმუმ ვერ აკონტროლებს სისტემას და ეს მოცემულობას არ ცვლის. საბოლოო ჯამში, სახელმწიფო ზიანდება. თუ იმის თავი არ გაქვს, რომ გაუმკლავდე პროვოკაციებს, მაშინ წასასვლელი ხარ.



აქციებზე არ ვარ დარწმუნებული, რომ პროვოცირებული იყო, თუმცა ვუშვებ. პანკისის მოვლენების შემდეგ, რომ ვერ შეძლო დაელაგებინა სიტუაცია და ორ კვირაში ისევ მოუწყვეს, ახლა თუ გადაიტანა, ორ კვირაში კიდევ რა უბედურებას მოუწყობენ არ ვიცით.



- აღიარებულია, რომ ქართული ოცნების ერთადერთი მენტორი ბიძინა ივანიშვილია და ის ალაგებს სიტუაციას, რა შეიძლება ვივარაუდოთ მას აწყობს შიდა დაპირისპირება?


- კიბატონო, ის შიგნით რაღაცას მიალაგ-მოალაგებს, მაგრამ საბოლოო ჯამში, მთელი სურათი როგორია - ხელისუფლებას აღარ აქვს პერსპექტივა, რაღა უნდა დაალაგოს ივანიშვილმა, ცოცხალი ადგილი აღარ დარჩა სახელმწიფოს სხეულზე. წარმოიდგინეთ ნავი, რომელსაც ბევრი ხვრელი აქვს. ივანიშვილის მიერ ამ სიტუაციის დალაგება ჰგავს იმ შემთხვევას, როცა თითებით ცდილობ ამ ნავზე ნახვრეტების დაგმანვას. შეიძლება ცოტა შეანელოს მან ეს პროცესი, მაგრამ ნავი გასაკეთებელია, შეუძლებელია მისი გადარჩენა, ის მაინც ჩაიძირება.



ნათია კეკენაძე






Комсомольская правда: ჩაანაცვლებს თუ არა აფხაზეთის ოკუპირებული ტერიტორია საქართველოს?

Комсомольская правда: ჩაანაცვლებს თუ არა აფხაზეთის ოკუპირებული ტერიტორია საქართველოს?
access_time2019-07-15 20:00:03
საქართველო  რუსი ტურისტებისთვის გარდაიცვალა. ბოლო თვითმფრინავი მოსკოვიდან თბილისში 7 ივლისს გაფრინდა - წერს Комсомольская правда. (მასალაში მოხსენიებულ აფხაზეთის რესპუბლიკას ან აფხაზეთის ხელისუფლებას „კომერსანტი“ რადიკალურად ემიჯნება. მასალას გთავაზობთ უცვლელად. იხ....

„ხშირ შემთხვევაში, პრემიერი დოკუმენტზე ხელს ისე აწერს, მისი შინაარსი ნაკლებად ესმის“ - „ბაუ სტარის“ დამფუძნებელი ახალ სამშენებლო რეგულაციაზე

„ხშირ შემთხვევაში, პრემიერი დოკუმენტზე ხელს ისე აწერს, მისი შინაარსი ნაკლებად ესმის“ -  „ბაუ სტარის“ დამფუძნებელი ახალ სამშენებლო რეგულაციაზე
access_time2019-07-16 09:00:55
„ძირი გამოეთხარა სამშენებლო ბიზნესს. ამდენი რეგულაცია ერთდროულად რომ მოგვაყარეს, გზას აღარ გვიტოვებენ. აღარ ვიცით, როგორ განვაგრძოთ საქმიანობა. ხომ შეიძლებოდა, მთავრობას ეთქვა, მაგალითად 2020 წელს ამოქმედდება ყველა რეგულაცია ერთდროულად და ჩვენც გონივრული ვადა გვექნებოდა ეს ყველაფერი გაგვეთვალისწინებინა. შესაბამისად დაგვეგეგმა ჩვენი ბიზნესებიც. ახლა ერთ პროექტს რომ იწყებ, ორ თვეში გეუბნებიან ვეღარ განაგრძობო... ძალიან რთული...

“კომერსანტის“ ექსკლუზივი: სილქ როუდ ჯგუფი წინანდალში ახალ სასტუმროს აშენებს (რენდერები)

“კომერსანტის“ ექსკლუზივი: სილქ როუდ ჯგუფი წინანდალში ახალ სასტუმროს აშენებს (რენდერები)
access_time2019-07-15 17:00:35
წინანდლის მამულში, ალექსანდრე ჭავჭავაძის სახლ-მუზეუმის მიმდებარე ტერიტორიაზე, სილქ როუდ ჯგუფი ახალ სამსართულიან სასტუმროს Park Hotel აშენებს, რომელიც პირველ სტუმრებს უკვე აგვისტოში მიიღებს.  სასტუმროს ინვესტიცია დაახლოებით 4 მილიონი...

პროექტის დამტკიცება გახდა აქილევსის ქუსლი - დეველოპერებმა ახალი სამშენებლო რეგულაციის შესახებ კომერსანტისგან შეიტყეს

პროექტის დამტკიცება გახდა აქილევსის ქუსლი - დეველოპერებმა ახალი სამშენებლო რეგულაციის შესახებ კომერსანტისგან შეიტყეს
access_time2019-07-15 15:30:22
„სიმართლე გითხრათ, თქვენგან გავიგე მორიგი რეგულაციის შესახებ. თავად ცვლილება შეიძლება სწორიც იყოს, რადგან პირობითად, 5-სართულიან პროექტს კიდევ 2 სართულს რომ ამატებს, მშენებლობის პროცედურის თავიდან დაწყება სამართლიანია. პრობლემა აქ სხვა რამეშია და ეს ბევრად მტკივნეული თემაა - რეგულაციებს რეგულაციებზე აცხობენ და ახალს ისე გამოგიცხობენ, რომ აზრზე არ ხარ. შენ კი უნდ ადგე და ყველაფერს მოერგო. ბიზნესისთვის ასე მარტივი არაა ეს ამბავი“,- აცხადებს...

“ავერსი“, როგორც სოციალურად პასუხისმგებლიანი კომპანია, დღემდე ვერ ახერხებს დაავადებული ფიჭვებისგან “ინფექციური საავადმყოფოს“ ტერიტორიის გაწმენდას

“ავერსი“, როგორც სოციალურად პასუხისმგებლიანი კომპანია, დღემდე ვერ ახერხებს დაავადებული ფიჭვებისგან “ინფექციური საავადმყოფოს“ ტერიტორიის გაწმენდას
access_time2019-07-15 14:00:07
ფიჭვებზე გავრცელებული დაავადების გამო, ფაქტობრივად, თბილისში ამ სახეობის ჯანსაღი ხე აღარ არსებობს. დაავადების ყველაზე მასშტაბურ ცენტრად თავის დროზე მერია საბურთალოს ტერიტორიას ასახელებდა.  კერძოდ, ყოფილი ინფექციური საავადმყოფოს ეზოს და ე.წ. წითელ ბაღს. ამის შესახებ “კომერსანტი“  ჯერ კიდევ ერთი წლის წინ წერდა.  მართალია,  მერიამ დაავადებული ხეების ჭრა “წითელ ბაღში“ დაიწყო და ახალი ნარგავებიც გააშენა, მაგრამ ინფექციური...


მსგავსი სიახლეები

up