გია ხუხაშვილი - სრული იდიოტი უნდა იყოს ვინც გადაწყვეტს, რომ ამ ვითარებაში „რუსთავი 2“ იყიდოს

გია ხუხაშვილი - სრული იდიოტი უნდა იყოს ვინც გადაწყვეტს, რომ ამ ვითარებაში „რუსთავი 2“ იყიდოს

access_time2019-08-12 14:43:20

კომერციული ინტერესიდან გამომდინარე, „რუსთავი 2“-ს არავინ იყიდის, თუ ვინმე მყიდველი გამოჩნდა, რაშიც მე ეჭვი მეპარება, ეს იქნება აუცილებლად პოლიტიკური გარიგება და არანაირი კავშირი ამას კომერციულ ლოგიკასთან არ ექნება,- ამის შესახებ ექსპერტმა გია ხუხაშვილმა „ინტერპრესნიუსთან“ განაცხადა.


ხუხაშვილის თქმით, ხალვაშის განცხადება, რომ ის ტელევიზიას ყიდის, აბსურდულია, რადგან თავადვე უკეთებს ანტირეკლამას და ამბობს, რომ „რუსთავი 2“-ის დავალიანება 70 მილიონი ლარია.


„შეიძლება ხალვაშის ლოგიკას ვენდოთ, ის ამბობს, რომ არის მძიმე ფინანსური მდგომარეობა და მას არ აქვს ინვესტიციის საშუალება, რასაც საჭიროებს ტელევიზია. ეს არგუმენტი ლოგიკურია და რომც მივიღოთ, მაინც ძალიან საოცარი განცხადებაა იმიტომ, რომ რას ამბობს ქიბარ ხალვაში? მე მყავს საქონელი, რომელსაც სჭირს ციმბირის წყლული და ვყიდი 1000 ლარად, სრული აბსურდია. მეორე მხრივ, ჩვენ ვიცით, რომ ქონება არის სადავო, მინიმუმ ძველი დამფუძნებლების მხრიდან, ვიცით, რომ პროკურატურაში დევს საქმე, რომელიც არ არის გამოძიებული და ღმერთმა იცის ეს საქმე როგორ დასრულდება. ამ ვითარებაში, სრული იდიოტი უნდა იყოს ის, ვინც გადაწყვეტს, რომ ეს კომპანია იყიდოს. შესაბამისად, გაუგებარია, თვითონ ხალვაში ეწევა კომპანიის ანტი რეკლამას და თან ყიდის. ეს არის მთელი ამ ისტორიის უცნაურობა.


კომერციული ინტერესიდან გამომდინარე, „რუსთავი 2“-ს არავინ იყიდის, თუ ვინმე მყიდველი გამოჩნდა, რაშიც მე ეჭვი მეპარება, ეს იქნება აუცილებლად პოლიტიკური გარიგება და არანაირი კავშირი ამას კომერციულ ლოგიკასთან არ ექნება“, - განაცხადა ხუხაშვილმა.



ჟურნალისტის შეკითხვაზე, პოლიტიკური გარიგების შემთხვევაში, ვინ იქნება კანდიდატი შეიძინოს „რუსთავი 2“, ხუხაშვილმა განაცხადა, რომ ერთადერთი, ვისაც ის განიხილავს, არის დავით კეზერაშვილი, რომელმაც ცოტა ხნის წინ განაცხადა, რომ ახალი ტელევიზიის დაფუძნება სურს.


„ოპოზიციის მხრიდან შეიძლებოდა დაგვეშვა, რომ ყარამანიშვილებს გამოესყიდათ თავიდან, მაგრამ თვითონ ხალვაში ამბობს, რომ ამ მხარესთან ის მოლაპარაკებას არ აპირებს და სხვას მე ვერავის ვერ ვხედავ, ვინც შეიძლება ეს ნაბიჯი გადადგას. ერთადერთი, კეზერაშვილს აქვს გაცხადებული ტელევიზიის დაფუძნება და შესაძლოა თეორიულად ვიგულისხმოთ, მან გამოხატოს ტელევიზიის ყიდვის ინტერესი. ხელისუფლების მხრიდან მოტივს ვერ ვხედავ, მისი ინტერესია „რუსთავი 2“ დაიხუროს, მას შეუძლია მხოლოდ „იმედი 2“ გააკეთოს და ერთი სარედაქციო პოლიტიკით ორი ტელევიზია გექნება თუ ერთი, რა მნიშვნელობა აქვს. ასე რომ ხელისუფლებისთვის აზრი არ აქვს ამ ტელევიზიის ყიდვას, უფრო მის დახურვას აქვს აზრი“,- განაცხადა ხუხაშვილმა.


შეგახსენებთ, რომ „რუსთავი 2“-ის 100%-იანი წილის მფლობელი ქიბარ ხალვაში ტელევიზიას ყიდის.



IPN





რატომ ჭიანურდება ბათუმის ბულვარის გაგრძელების და ჭოროხზე ხიდის მშენებლობის საკითხი

რატომ ჭიანურდება ბათუმის ბულვარის გაგრძელების და ჭოროხზე ხიდის მშენებლობის საკითხი
access_time2020-02-17 19:00:13
საქართველოს მთავრობის დაკვეთით უნდა მომზადებულიყო კვლევა, რომელიც ბათუმის ბულვარის, სანაპიროზე გზის გაგრძელებას, ჭოროხზე ახალი ხიდის მშენებლობას და გონიოს ყოფილი პოლიგონის განვითარებას შეეხებოდა. შესაბამისი დაფინანსება ერთი წლის წინ მოძიებული იყო, თუმცა, მთავრობამ კვლევის ჩატარება მაინც ვერ უზრუნველყო. მთავრობა საჭირო თანხას ამ ეტაპზე ხელახლა ეძებს. „ბათუმელებმა“ აღნიშნულ საკითხზე ინფორმაციის მისაღებად, წერილობით, საქართველოს მთავრობას და რეგიონული...

DailyMail: სტალინის საბჭოთა რივიერა - წყალტუბოს შთამბეჭდავი აბანოები და სანატორიუმები

DailyMail: სტალინის საბჭოთა რივიერა -  წყალტუბოს შთამბეჭდავი აბანოები და სანატორიუმები
access_time2020-02-17 20:00:57
წყალტუბო, რომელიც ადრე ცნობილი იყო, როგორც საბჭოთა კავშირის რივიერა, დღეს ფოტოგრაფების საყვარელი ადგილია. ევროპელი ფოტოგრაფი ამოს ჩაპლი იანვარში 3 დღით ეწვია ამ ქალაქს, რომელზე დაყრდნობითაც ბრიტანულმა გამოცემა Dailymail-მა წყალტუბოს საბჭოთა ნაგებობებს ვრცელი ფოტორეპორტაჟი მიუძღვნა.    Radio Free Europe-ის  ფოტოგრაფის თქმით, კურორტი წყალტუბო საქართველოში ყველაზე გასაოცარი ადგილია  დიდი კრისტალური ჭაღებითა და...

დღის Top-10 საინტერესო ამბავი

დღის Top-10 საინტერესო ამბავი
access_time2020-02-17 21:30:17
დღის Top-10 საინტერესო ამბავი 1.გადახდის სისტემა, რომელიც “თაღლითობის” საშუალებას იძლევა სახელმწიფო აუდიტის სამსახურმა თბილისის სატრანსპორტო კომპანიის შემოსავლები შეისწავლა და მნიშვნელოვანი...

„ქართულ ოცნებას“ ქვეყანა არ უყვარს, თორემ მას ასე უდიერად არ მოექცეოდნენ“

„ქართულ ოცნებას“ ქვეყანა არ უყვარს, თორემ მას ასე უდიერად არ მოექცეოდნენ“
access_time2020-02-17 18:00:43
„საქართველოში ერთადერთი სფერო,რომელიც ვითარდებოდა იყო ტურიზმი. გასულ წელს კი სექტორი კრიზისში შევიდა. ამის მიზეზი კი „ქართული ოცნების“ არასწორი სტრატეგიაა.“- ამის შესახებ „ახალი საქართველოს“ ლიდერმა გიორგი ვაშაძემ რადიო „კომერსანტის“  გადაცემა „ცოდნა და წარმატება“ ნანა ტოხვაძესთან ერთად ისაუბრა. მისი თქმით, სფერო,რომელიც დამოუკიდებლად ვითარდებოდა, ჩამოშლის...

გიორგი ზედელაშვილის დედის კომპანიამ სახელმწიფო ბიუჯეტიდან 105 მილიონ ლარზე მეტი მიიღო

გიორგი ზედელაშვილის დედის კომპანიამ სახელმწიფო ბიუჯეტიდან 105 მილიონ ლარზე მეტი მიიღო
access_time2020-02-17 15:00:40
“საერთაშორისო გამჭვირვალობა - საქართველო” რეგულარულად ახორციელებს სახელმწიფო შესყიდვების მონიტორინგს. კვლევისას გამოიკვეთა, რომ სახელმწიფო უსაფრთხოებისა და კრიზისების მართვის საბჭოს მდივნის ყოფილი პირველი მოადგილის - გიორგი ზედელაშვილის დედის კომპანიას, შპს “საგზაო სამშენებლო-სარემონტო კომპანია სერპანტინს” დომინანტური პოზიცია უკავია ტენდერებსა და გამარტივებულ შესყიდვებში. “სერპანტინმა” მხოლოდ კახეთის რეგიონში განხორციელებული პროექტებისთვის სახელმწიფო ბიუჯეტიდან, 2013 წლიდან დღემდე,...


მსგავსი სიახლეები

up