გია ხუხაშვილი: იმედია საქართველო მსოფლიო გადალაგების პროცესში სავაჭრო დახლზე არ აღმოჩნდება

გია ხუხაშვილი: იმედია საქართველო მსოფლიო გადალაგების პროცესში სავაჭრო დახლზე არ აღმოჩნდება

access_time2020-01-08 18:00:32

„მე ყველაზე მეტად მაშფოთებს ის, რომ  დიდი დაპირისპირების დასასრულს ჩვენ არ აღმოვჩნდეთ სავაჭრო დახლზე. როდესაც დიდი გეოპოლიტიკური დაპირისპირება იწყება შემდგომ სრულდება ადრე თუ გვიან, მსხვილი მოთამაშეები ჯდებიან და რუკაზე ხდება გადანაწილებები. მსოფლიო ომამდე იმედია არ მივა აშშ-ირანის კონფლიქტი, მაგრამ მასშტაბები საკმაოდ დიდია და ჩვენ ამისთვის მზად უნდა ვიყოთ, რომ არ აღმოვჩნდეთ იქ, სადაც არ გვინდა. ყველაზე ცუდი რაც შეიძლება მოხდეს, არის ის, რომ შეიძლება ისვე რუსეთის გავლენის ქვეშ მოექცეს ჩვენი ქვეყანა.“ - პოლიტიკური ექსპერტი გია ხუხაშვილი აშშ-ირანს შორის ბოლო პერიოდში განვითარებულ მოვლენებსა და ამ პროცესების საქართველოზე გავლენას აფასებს როგორც პროცესს, რომლისთვისაც ჩვენი ქვეყანა მზად უნდა იყოს.


8 იანვარს ირანმა 12  ბალისტიკური რაკეტა გაუშვა ერაყში მდებარე რამდენიმე სამიზნისკენ, რომელთა შორის სულ ცოტა ორი სამხედრო ბაზაა, რომლებზეც ამერიკელი სამხედროები და კოალიციის ძალები იმყოფებიან, იუწყება პენტაგონი.


 „ირანის ისლამური რევოლუციის გუშაგთა კორპუსმა“ (IRGC) გამოაცხადა თავი იერიშებზე პასუხისმგებლად. ეს ინფორმაცია ირანის სახელმწიფო ტელევიზიითა და საინფორმაციო სააგენტოებით გავრცელდა.


გია ხუხაშვილი იმედოვნებს,  რომ კონფლიქტი გლობალურ ხასიათს არ მიიღებს. გამომდინარე იქიდან, რომ ეს მხოლოდ ირან-აშშ-ს დაპირისპირება არ არის (ერაყის პარლამენტმა მიიღო გადაწყვეტილება, რომ აშშ-მ უნდა დატოვოს მისი ტერიტორია და შეზღუდა მათი გადაადგილება, თურქეთის პარლამენტმა მიიღო გადაწყვეტილება ლიბიაში ჯარების შეყვანასთან დაკავშირებით, სირიაში საკმაოდ რთული პროცესები მიმდინარეობს), პრობლემა რეგიონულ ხასიათს იღებს. გია ხუხაშვილი მიიჩნევს, რომ ირანის გეოპოლიტიკურმა სიახლოვემ საქართველოსთან ფინანსური კუთხით შეიძლება გამოიწვიოს პრობლემები  და ბუნებრივია მოსალოდნელია ნავთობის ექსპორტთან დაკავშირებული შეზღუდვები.



„მე ყველაზე მეტად მეშინია იმის, რომ ნებისმიერ კონფლიქტს ადრე თუ გვიან მოჰყვება დიდი დალაგება და ამ დალაგების პროცესში საკითხავია, სად აღმოჩნდება საქართველო.  რუსეთი  ერთადერთი ქვეყანაა, რომელსაც ხიდები არ აქვს დამწვარი არცერთი მიმართულებით და არის ძალიან აქტიური ამ რეგიონში.  თუ ნავთობის ექსპორტზე იქნება პრობლემები, აქედან მთავარი სარგებლის მიმიღები რუსეთი გახდება. დიდი გადალაგების პროცესში, რუსეთს ექნება ამბიცია, რომ მას ჰქონდეს წამყვანი როლი და ეს ასეც იქნება.


ამ ეტაპზე კი, მიმდინარე დაპირისპირებაში ჩვენ არ ვართ პირველი წრის რისკის ზონაში.  პირველ წრეში მაინც სხვა ქვეყნები მოიაზრებიან, მაგრამ ეს ირიბი ზეგავლენაც საქართველოსთვის საკმაოდ დრამატული და შემაშფოთებელი შეიძლება იყოს. საქართველოსთვის არსებობს როგორც მოკლევადიანი რისკები, ასევე გრძელვადიანი რისკები, პოლიტიკურიც და ეკონომიკურიც. რაც შეეხება მოკლევადიან რისკებს - ეს არის ნავთობზე ფასების ზრდა, უკონტროლო ფინანსური ნაკადების მოძრაობა საქართველოში.   ამ ეტაპზე, საკმაოდ აქტიური მიგრაციაა ირანიდან, მათ შორის ფინანსური ნაკადები არაკონტროლირებადია.  საბანკო სისტემის შეზღუდვის პირობებში ირანიდან ნაღდი ფული ტრიალებს საქართველოში და რა ჯგუფები აკონტროლებენ ან ნაკადებს და რა მიზნებზე შეიძლება იყოს ეს ყველაფერი მიმართული.   ეჭვი მაქვს, რომ ჩვენ ეს მაინც და მაინც კარგად არ ვიცით. ჩვენი სპეცსამსახურები ჩვენი საუბრების მოსმენით უფრო არიან დაკავებული, ვიდრე სახელმწიფოებრივი რისკების მოგვარებით.“ - ამბობს ხუხაშვილი.


შეგახსენებთ, რომ ირანმა ერაყში მდებარე ორ ბაზაზე, სადაც კოალიციური ძალები არიან განთავსებული, სარაკეტო თავდასხმა გუშინ განახორციელა.

 

მომხდარს წინ უძღოდა, ამერიკის შეერთებული შტატების მიერ ბაღდადის აეროპორტზე განხორციელებული ოპერაცია, რომლის დროსაც სხვა სამხედრო პირებთან ერთად, ირანის სამხედრო მაღალჩინოსანი, გენერალი ყასემ სოლეიმანი დაიღუპა.

 

ამასთანავე, ცოტა ხნის წინ ცნობილი გახდა, რომ ერაყმა ირანისგან „სიტყვიერი შეტყობინება“ მიიღო, მის ტერიტორიაზე დაგეგმილი სარაკეტო დატყმების შესახებ, ეს ყველაფერი კი გენერალ ყასემ სოლეიმანის მკვლელობის საპასუხოდ. - ამის შესახებ ერაყის პრემიერმა, ადილ აბდულ მაჰდიმ განაცხადა.

 

მარიამ მორგოშია




სსიპ „საზოგადოებრივი მაუწყებლის“ შენობის გასასხვისებლად მორიგი აუქციონი 30 სექტემბერსაა ჩანიშნული

სსიპ „საზოგადოებრივი მაუწყებლის“ შენობის გასასხვისებლად მორიგი აუქციონი 30 სექტემბერსაა ჩანიშნული
access_time2022-09-24 23:00:00
თბილისში კოსტავას 68-ში მდებარე სსიპ „საზოგადოებრივი მაუწყებლის“ შენობა მორიგ აუქციონზე იყიდება. მიმდინარე აუქციონზე, რომელიც 30 სექტემბერსაა ჩანიშნული, ობიექტის საწყისი ღირებულება დღგ-ს გარეშე 65 000 000 ლარს, ხოლო დღგ-ს ჩათვლით 76 700 000 ლარს შეადგენს, რომელიც მყიდველს შემდეგი გრაფიკით უნდა გადაიხადოს: 45% - ხელშეკრულების დადებიდან 1 თვეში; 20% - არაუგვიანეს 2022 წლის 31...

ევროპის ავტომობილების ბაზარი პანდემიამდელ ზრდის დონეს დაუბრუნდა

ევროპის ავტომობილების ბაზარი პანდემიამდელ ზრდის დონეს დაუბრუნდა
access_time2022-09-25 11:00:20
აგვისტოს თვეში, ევროპაში ავტომობილების გაყიდვები 4,4%-ით გაიზარდა, რაც 650,305 მანქანას შეადგენს.    ევროპის ავტომობილების მწარმოებელთა ასოციაციის (ASEA) მონაცემებით, ეს პირველი დადებითი შედეგი იყო 13 თვიანი ვარდნის...

ბელარუსმა მარცვლეულის ექსპორტის აკრძალვა 6 თვით გაახანგრძლივა

ბელარუსმა მარცვლეულის ექსპორტის აკრძალვა 6 თვით გაახანგრძლივა
access_time2022-09-24 21:01:27
ბელარუსის მინისტრთა საბჭომ ქვეყნიდან ხორბლისა და სხვა მარცვლეულის ექსპორტზე აკრძალვა, კიდევ ექვსი თვით გაახანგრძლივა. ამავდროულად, რეზოლუციის მოქმედება არ ვრცელდება ბელარუსის რესპუბლიკის გარეთ ექსპორტირებულ საქონელზე ევრაზიის ეკონომიკური კავშირის (EAEU) წევრ ქვეყნებში. ბელარუსიდან დროებითი ექსპორტისთვის აკრძალული საქონლის სიაშია ხორბალი, ჭვავი, ქერი, სიმინდი, ფეტვი, წიწიბურა, შვრია და სხვა...

საომარ მოქმედებებში მონაწილეობაზე უარის თქმა 10 წლამდე პატიმრობას ითვალისწინებს - პუტინმა კანონს ხელი მოაწერა

საომარ მოქმედებებში მონაწილეობაზე უარის თქმა 10 წლამდე პატიმრობას ითვალისწინებს - პუტინმა კანონს ხელი მოაწერა
access_time2022-09-24 18:00:05
რუსეთის პრეზიდენტმა, ვლადიმერ პუტინმა ხელი მოაწერა კანონს, რომელიც საომარ მოქმედებებში მონაწილეობაზე უარის თქმის შემთხვევაში თავისუფლების 10 წლამდე ვადით შეზღუდვას ითვალისწინებს, - ინფორმაციას რუსული მედია ავრცელებს. მათივე ცნობით, შესაბამისი დოკუმენტი გამოქვეყნებულია იურიდიული ინფორმაციის ოფიციალურ ინტერნეტ პორტალზე. ამასთან, კანონი დეზერტირობისთვის, ან სამხედრო მოსამსახურეების მიერ გაწვევის შემთხვევაში სამხედრო სამსახურში გამოუცხადებლობის...

საცობები ყოველთვის იყო თბილისში, მაგრამ ასე გადამეტებით არ ყოფილა - კახა კალაძე

საცობები ყოველთვის იყო თბილისში, მაგრამ ასე გადამეტებით არ ყოფილა - კახა კალაძე
access_time2022-09-24 17:20:47
საცობები ყოველთვის იყო თბილისში, მაგრამ ასე გადამეტებით არ ყოფილა, ეს გამოწვეულია ქეთევან დედოფლისა და მელიქიშვილის ქუჩებზე მიმდინარე მნიშვნელოვანი და საშვილიშვილო სამუშაოების გამო, – ამის შესახებ თბილისის მერმა, კახა კალაძემ ჟურნალისტებს განუცხადა. მისივე თქმით, რაც შეეხება წერეთლისა და ვაჟა-ფშაველას ქუჩების რეაბილიტაციას, პროცესი ქეთევან დედოფლისა და მელიქიშვილის ქუჩებზე სამუშაოების დასრულების შემდეგ დაიწყება. „ეს სამუშაოები დაიწყება მას...


მსგავსი სიახლეები

up