გია ნოდია - პარლამენტში შესვლას ნეგატიური მნიშვნელობა ექნება ალეკო ელისაშვილისთვის, რადგან ამას საზოგადოების უდიდესი ნაწილი მოსყიდვად აღიქვამს

გია ნოდია - პარლამენტში შესვლას ნეგატიური მნიშვნელობა ექნება ალეკო ელისაშვილისთვის, რადგან ამას საზოგადოების უდიდესი ნაწილი მოსყიდვად აღიქვამს

access_time2020-12-09 16:20:00

პოლიტოლოგი გია ნოდია მიიჩნევს, რომ თუ პარტია „მოქალაქეების“ ლიდერი ალეკო ელისაშვილი ხელისუფლებასთან საარჩევნო ადმინისტრაციის რეფორმის თაობაზე შეთანხმების შემთხვევაში პარლამენტში შევა, ამას მისთვის ნეგატიური მნიშვნელობა ექნება, რადგან „საზოგადოების უდიდესი ნაწილი ისე აღიქვამს, რომ ელისაშვილი მოისყიდეს“.

როგორც ნოდიამ „ინტერპრესნიუსს“ განუცხადა, თუ ოპოზიციამ მოთხოვნები წამოაყენა, ის ბოლომდე ერთიანი უნდა იყოს.

„ალეკო ელისაშვილის გადასაწყვეტია პარლამენტში შევა, თუ არ შევა. შეიძლება ერთი, ორი ან ხუთი დეპუტატი შევიდეს, თუმცა, ეს არსებითაც არ შეცვლის სიტუაციას. ჩემი აზრით, რადგან ოპოზიციამ, მათ შორის ალეკო ელისაშვილმაც, დააყენეს ერთსულოვნად მოთხოვნები, ამ შემთხვევაში ისინი ბოლომდე ერთიანი უნდა იყვნენ. შეიძლება რაღაც კომპრომისს დათანხმდნენ, მაგრამ უფრო სწორია, თუ ამას ოპოზიცია ერთიანად გააკეთებს. ჩემი აზრით, ამ გადაწყვეტილებას ძალიან დიდი მნიშვნელობა არ ექნება. ნეგატიური მნიშვნელობა ექნება თავად ალეკო ელისაშვილისთვის, რადგან საზოგადოების უდიდესი ნაწილი ამას ისე აღიქვამს, რომ ელისაშვილი მოისყიდეს. ასე, რომ ალბათ, მისთვის ნეგატიური მნიშვნელობა ექნება, მაგრამ თვისობრივად, სიტუაციას არ შეცვლის. ტექნიკურად პარლამენტი შეიძლება არ იყოს ერთპარტიული, მაგრამ მაინც ოპოზიციის უდიდესი ნაწილი პარლამენტში არ იქნება“,-განაცხადა ნოდიამ.

პოლიტოლოგის შეფასებით, ასევე ძალიან უცნაურია ალეკო ელისაშვილის განცხადება, რომლის თქმით, „გიგა ბოკერია და გიგი უგულავა პარლამენტში ვერ მოხვდნენ, ამიტომ უნდათ, რომ ყველაფერი არიონ და საბოტაჟით არიან დაკავებულები”.

„ის, რომ პოლიტიკურ პარტიებს შორის არის კამათი, ეს ნორმალურია. შეიძლება პოლიტიკური პარტიის შიგნითაც იყოს კამათი, ესეც ნორმალურია, ყოველ შემთხვევაში, ამ დრომდე ისინი ერთიანი პოზიციით გამოდიოდნენ. მთავარია, საბოლოოდ შეჯერდებიან თუ არა ერთიან პოზიციაზე. ეს ძალიან უცნაური განცხადებაა. შეეძლო, არჩევნების მეორე დღეს ეთქვა. გაუგებარია, რატომ ამბობს ახლა“, - განაცხადა ნოდიამ.

პოლიტოლოგი ხელისუფლებასა და ოპოზიციას შორის კონსენსუსის მიღწევის საკითხს სკეპტიკურად უყურებს, თუმცა შეთანხმებასაც არაფერს გამორიცხავს.


„ჯერჯერობით არ ჩანს პესრპექტივა, რომ მოლაპარაკებებს შედეგი მოჰყვეს. მე უფრო სკეპტიკურად ვარ განწყობილი. არ მგონია, რომ ეს მოხერხდეს, თუმცა გამორიცხული არაფერი არ არის“, - განაცხადა ნოდიამ.

ცნობისთვის, პარტია „მოქალაქეების“ ლიდერის, ალეკო ელისაშვილის განცხადებით, ის დათანხმდება პარლამენტში შესვლას იმ შემთხვევაში, თუ მხარეები საარჩევნო კანონმდებლობის და საარჩევნო ადმინისტრაციის რეფორმაზე შეთანხმდებიან.


IPN.GE



თეგები:
გია ნოდია



რას წარმოადგენს Samsung-ის ოფიციალური ჰოლოგრამა?

რას წარმოადგენს Samsung-ის ოფიციალური ჰოლოგრამა?
access_time2021-02-25 18:10:04
სამსუნგი საქართველოში სმარტ მოწყობილობებისათვის ოფიციალურ ჰოლოგრამას იყენებს. ჰოლოგრამა სმარტფონის ყუთის წინა მხარეს არის განთავსებული, მასზე არსებული წარწერები ქართულ ენაზეა (ოფიციალური Samsung საქართველოსთვის), ხოლო ფონად საქართველოს რუქის კონტურია დატანილი. სამსუნგის ოფიციალური ჰოლოგრამით თქვენ მარტივად შეგიძლიათ განასხვაოთ ოფიციალური პროდუქტი არაოფიციალურისაგან. სამსუნგის ოფიციალური სმარტფონის შეძენისას თქვენ გაქვთ ოფიციალური გარანტია და ავტორიზებული სერვის ცენტრის...

დღის Top 10 საინტერესო ამბავი

დღის Top 10 საინტერესო ამბავი
access_time2021-02-25 21:00:23
1. როგორი იქნებოდა საქართველოს ეკონომიკა, რომ არა 1921 წლის 25...

Washington post: ბაიდენის ადმინისტრაცია რუსეთის წინაამღდეგ ახალ სანქციებს ამზადებს

Washington post: ბაიდენის ადმინისტრაცია რუსეთის წინაამღდეგ ახალ სანქციებს ამზადებს
access_time2021-02-25 20:00:09
ბაიდენის ადმინისტრაცია რუსეთის წინაამღდეგ ახალ სანქციების, ამჯერად ოპოზიციონერის ალექსეი ნავალნის და ამერიკის საჯარო სტრუქტურებზე კიბერშეტევის გამო ამზადებს.   დამსჯელი ზომების მიზანია მსოფლიოსთვის მკვეთრი სიგნალს გაგზავნა იმაზე, რომ რუსეთი აშშ-ს და მოკავშირეების წინაამღდეგ კიბერ-ინსტრუმენტებს წლების მანძილზე იყენებს, არჩევნებში ერევა, ჰაკერებთან თანამშრომლობს და ბოლო პერიოდში - აშშ-ს სახელმწიფო ორგანოების მუშაობას აფერხებს.   სასჯელი...

GeoFresh სპარსეთის ყურის ქვეყნებში ლურჯი მოცვის და სატაცურის ექსპორტს იწყებს

GeoFresh სპარსეთის ყურის ქვეყნებში ლურჯი მოცვის და სატაცურის ექსპორტს იწყებს
access_time2021-02-25 19:00:13
კომპანია GeoFresh 2021 წელს ლურჯი მოცვის და სატაცურის ექსპორტის დაწყებას სპარსეთის ყურის ქვეყნებში გეგმავს.   კომპანია 2016 წელს 2-მა ებრაელმა ბიზნესმენმა დააარსა და ის დღეს კახეთში 13 ჰექტრის სატაცურის, ხოლო სამეგრელოში ლურჯი მოცვის 7 ჰექტრის  პლანტაციებს ფლობს. სავარაუდოდ, 2021 სატაცურის მოსავალი 20-25, ხოლო ლურჯი მოცვის - 60-70 ტონას მიაღწევს.   ამ დროისთვის კომპანია Global G.A.P  სერტიფიკატის მიღებაზე მუშაობს, რაც შემდგომში...

„ოკტოპუს ფიტნეს კლუბი“ მუშაობის განახლებისთვის 200 000-მდე ლარს დახარჯავს

„ოკტოპუს ფიტნეს კლუბი“ მუშაობის განახლებისთვის 200 000-მდე ლარს დახარჯავს
access_time2021-02-25 18:00:46
„ოკტოპუს ფიტნეს კლუბის“ დირექტორი გიორგი ასათიანი  აცხადებს, რომ კომპანია 15 მარტიდან მუშაობის გასაახლებლად ემზადება. მისი განცხადებით, დაგეგმილია კომპანიის ყველა ფილიალის გახსნა.   როგორც ასათიანი განმარტავს, იმ პირობებში, როდესაც სპორტული დარბაზები 9-10 თვის განმავლობაში დაკეტილები იყვნენ, მუშაობის გასაახლებად საკმაოდ დიდი ფინანსური რესურსია საჭირო.   „სასურველი იქნებოდა, სექტორს გარკვეული ტიპის საგადასახადო შეღავათები ჰქონოდა, რადგან მართლა...


მსგავსი სიახლეები

up