გია გაჩეჩილაძე ხელისუფლებას - 7 ნოემბერი გამოცხადდეს ღირსების დღესასწაულად

გია გაჩეჩილაძე ხელისუფლებას - 7 ნოემბერი გამოცხადდეს ღირსების დღესასწაულად

access_time2021-11-07 17:22:11

ერთად ვთხოვოთ და მივმართოთ ხელისუფლებას, 7 ნოემბერი გამოცხადდეს ღირსების დღესასწაულად, - ამის შესახებ საზოგადოებრივ მოძრაობა „აი იას“ დამფუძნებელმა, გია გაჩეჩილაძემ პარლამენტის წინ გამართულ აქციაზე სახელწოდებით „არ აგარევინებთ“ განაცხადა.

მისი თქმით, კარგია, რომ 2007 წლის 7 ნოემბრიდან 11 წლის შემდეგ, კობა დავითაშვილს პრეზიდენტ სალომე ზურაბიშვილისგან ღირსების ორდენი გადაეცა.

„მინდა გითხრათ, რომ საერთოდ, 7 ნოემბერი ღირსების დღეა და ყველა იმ ადამიანის დღე, ვინც ამ 20 წლის განმავლობაში ღირსება შეინარჩუნა და არ დაკარგა, მიუხედავად ყველანაირი ზეწოლისა. ეს დღე დაიწყო 2 ნოემბერს და მოშიმშილეები აქ დასხდნენ 7 ნოემბერს. აქიდან იწყება მთელი კოშმარი, რაც იწყება. მართალია, მანამდე იყო ბუტა, სანდრო, მაგრამ მასიური ტერორი ზუსტად 7 ნოემბრიდან იწყება. ამიტომ, ვიფიქრე და თქვენის ნებართვით, თუ შეიძლება, ერთად ვთხოვოთ და მივმართოთ ხელისუფლებას, 7 ნოემბერი გამოცხადდეს ღირსების დღესასწაულად. ეს მინდა, რომ გავაკეთოთ და ჩვენ ერთად ამას მივაღწევთ“,- განაცხადა გაჩეჩილაძემ.

2007 წლის 7 ნოემბერს განვითარებულ მოვლენებთან დაკავშირებით პარლამენტთან აქცია სახელწოდებით - „არ აგარევინებთ!“ მიმდინარეობს.

ბუტა რობაქიძის დედამ ია მეტრეველმა აქციაზე სიტყვით გამოსვლისას განაცხადა "ნაციონალური მოძრაობის", როგორც პარტიის. აკრძალვა მოითხოვა.  


"დაარქვით ყველაფერს თავისი სახელი, დადგა უკვე ის დრო, აღარ შეიძლება ასე გაგრძელება ამდენი წელია უკვე, ამათთან ჭიდილში დავიღალეთ, როდემდე შეიძლება ქუჩაში ვიდგეთ, ამ სატანების და კრიმინალების გამო, დაარქვით ყველაფერს თავისი სახელი და როგორც კი რამეს გაბედავენ მიიღონ საკადრისი პასუხი, რას ჰქვია გადატრიალება, რას ჰქვია პიკეტირება, დამთავრდა მაგათი დრო, ერთხელ და სამუდამოდ უნდა აიკრძალოს, როგორც პოლიტიკური პარტია, ისე როგორც ფაშიზმი აიკრძალა მსოფლიოში. სისხლში ცურავენ, როდემდე შეიძლება გავუძლოთ ამ ყველაფერს, მაგათ ამ პროვოკაციას, ყველაფერში ეჩრებიან, რომ როგორმე ხელი შეუშალონ ქვეყნის წინსვლას და გადატრიალებას, ხელისუფლება იმაზე ვეღარ ფიქრობს თუ როგორ წავიდეს ქვეყანა წინ. 4 წელია ველოდებით ხელისუფლების ქმედით ნაბიჯებს და დიდი იმედი მაქვს, რომ ასეც იქნება. 7 ნოემბერს არასდროს დაივიწყებს ქართველი ხალხი, იმიტომ რომ ასეთი დღე აღარასდროს დადგება ჩვენს ქვეყანაში. ქართველი არ დაუშვებს „ნაციონალური მოძრაობის“ დაბრუნებას ხელისუფლებაში, თუ არადა შევეწინააღმდეგებით და არ დავუშვებთ, ეს არის ჩემი ბოლო სიტყვა, პირადად მე მირჩევნია მოვკვდე ვიდრე ეგენი დაბრუნდნენ ხელისუფლებაში, სისხლის ბოლო წვეთამდე ვიბრძოლებ მათი არ დაბრუნებისთვის, რომ ჩვენმა ქვეყანამ ასეთი ხელისუფლება აღარასდროს ნახოს“, - განაცხადა ია მეტრეველმა.

აქციაზე სიტყვით გამოვიდა უფლებადამცველი ნანა კაკაბაძეც.  მისი თქმით, მიხეილ სააკაშვილმა და „ნაციონალურმა მოძრაობამ“ პარლამენტის მიმდებარე ტერიტორია საკუთარი ინტერესების და ძალაუფლების მიტაცების ადგილად აქცია.

„ჩემთვის ეს ადგილი იყო ღირებულებებთან, ფასეულობებთან და საქართველოსთან ასოცირებული, მაგრამ მოხდა 2003 წელი, როდესაც სააკაშვილმა და „ნაციონალურმა მოძრაობამ“ ეს ადგილი აქცია საკუთარი ინტერესების ძალაუფლების მიტაცების ადგილად და ამ დღიდან დაიწყო ამ ადგილის ნიველირება, დამცრობა და აქ მდგარი 9 აპრილის ძეგლი, რომელიც აქ დგას იმ გმირების, იმ თავდადებულების მოსაგონრად ამ ადგილს ახსოვს ისეთი დღეც როცა მასაც შეურაცხყოფა მიაყენეს. დღეს ეს შეურაცხყოფა ამ ხალხის მიერ გრძელდება და ეს ადგილი მუდმივად გადაქცეულია სამწუხაროდ, ძალაუფლებისთვის და პირადი კეთილდღეობისთვის ბრძოლის ადგილად. ეს ადგილი უნდა იქცეს ქართველი ხალხის ადგილად, სადაც საქართველოს ინტერესები, ქართველი ხალხის ინტერესები, ჩვენი მომავლისთვის ბრძოლა უნდა იჭედებოდეს და არა ვიღაც თაღლითების, მატყუარების, თვითმმარქვიების“, - განაცხადა ნანა კაკაბაძემ.






დღის Top 10 საინტერესო ამბავი

დღის Top 10 საინტერესო ამბავი
access_time2022-01-18 21:00:54
დღის Top 10 საინტერესო ამბავი 1. სად არის განთავსებული საქართველოს სავალუტო რეზერვები - სებ-ის...

სილქნეტის 7 ჯერ სწრაფი მობილური ქსელი, მეტი ინტერნეტი და უამრავი სასაუბრო დრო!

სილქნეტის 7 ჯერ სწრაფი მობილური ქსელი, მეტი ინტერნეტი და უამრავი სასაუბრო დრო!
access_time2022-01-18 17:55:39
არაერთი კვლევით დადასტურდა სილქნეტის ქსელის უპირატესობა. უახლესი „გიგაბიტ LTE“ ტექნოლოგიით  აღჭურვილი ქსელით, კომპანია მომხმარებელს ბაზარზე არსებულ ყველა სხვა სტანდარტზე  7 ჯერ სწრაფი მობილური ინტერნეტით ემსახურება; სილქნეტის მობილურ ქსელს აქვს სტაბილური სიჩქარე საქართველოს მასშტაბით,  ტევადობის მაღალი რესურსი, რაც საშუალებას იძლევა,...

18 იანვარი - ლარის კურსი დოლართან და ლირასთან მიმართებით გაუფასურდა

18 იანვარი - ლარის კურსი დოლართან და ლირასთან მიმართებით გაუფასურდა
access_time2022-01-18 18:00:05
18 იანვრის ვაჭრობის შედეგად ლარი აშშ დოლართან მიმართებაში 0.09 თეთრით 3.0840-მდე გაუფასურდა. Bloomberg-ის პლატფორმაზე დღის ბოლოს კურსმა 3.0790 შეადგინა. საერთაშორისო ვალუტებიდან ლარი ევროსთან 0.53 თეთრით 3.5130-მდე, ბრიტანულ ფუნტთან 1.70 თეთრით 4.1992 -მდე, 1000 სომხურ დრამთან კი 0.07 თეთრით 6.4082-მდე გამყარდა. 100 რუსულ რუბლთან 1.58 თეთრით 4.0371-მდე,  აზერბაიჯანულ მანათთან 0.17 თეთრით 1.8168-მდე, თურქულ ლირასთან 0.01 თეთრით 0.2279-მდე...

„რიყის დოქები“ მეექვსედ, უკვე 71 250 000 ლარად იყიდება

„რიყის დოქები“ მეექვსედ, უკვე 71 250 000 ლარად იყიდება
access_time2022-01-18 17:00:50
მთავრობის 5 წარუმატებელი მცდელობის შემდეგ, „რიყის დოქებისთვის“ ინვესტორს ამჯერად „საქართველოს ბიზნეს ბროკერიჯი“ ეძებს, რომელიც ობიექტს 71 250 000 ლარად ყიდის. როგორც „ბიზნეს ფორმულას“ „საქართველოს ბიზნეს ბროკერიჯის“ დირექტორმა, რომან ბოკერიამ განუცხადა, კომპანია „რიყის დოქების“ გაყიდვას ეკონომიკის სამინისტროსთან დადებული ურთიერთთანამშრომლობის მემორანდუმის ფარგლებში ცდილობს. „ვეხმარებით ეკონომიკის სამინისტროს, ყველა...

ზოგიერთი მედიკამენტი საქართველოში თურქეთთან შედარებით 1 241%-ით ძვირია

ზოგიერთი მედიკამენტი საქართველოში თურქეთთან შედარებით 1 241%-ით ძვირია
access_time2022-01-18 14:44:23
საქართველოს პრემიერ-მინისტრის, ირაკლი ღარიბაშვილის ინიციატივით, მოსახლეობისთვის 200-მდე დასახელების მედიკამენტზე ფასები ხელმისაწვდომი უნდა გახდეს. მთავრობის განკარგულებით, თურქეთის ბაზარი სრულად გაიხსნა და ამ ქვეყნიდან მაღალი ხარისხის, GMP სტანდარტების შესაბამისი მედიკამენტები შემოტანა იგეგმება, რაც, მთავრობის წარმომადგენლების თქმით, მოქალაქეებს ხარჯებს მნიშვნელოვნად და ძალიან სწრაფად შეუმცირებს. გთავაზობთ კარდიოლოგიური წამლების მცირე ჩამონათვალს...


მსგავსი სიახლეები

up