გია ჩქოფოია:„როცა გვაქვს ერთადერთი ინსტრუმენტი - ჩაქუჩი, ყველაფერში ლურსმანს ვხედავთ“

გია ჩქოფოია:„როცა გვაქვს ერთადერთი ინსტრუმენტი - ჩაქუჩი, ყველაფერში ლურსმანს ვხედავთ“

access_time2019-10-30 19:45:40

„როცა გვაქვს ერთადერთი ინსტრუმენტი - ჩაქუჩი, ყველაფერში ლურსმანს ვხედავთ“   -ანუ, აფხაზეთთან და სამხრეთ ოსეთთან მიმართებაში, წლებია უშედეგოდ ვტკეპნით ერთი და იმავე ადგილს. საერთოდ, ხომ არ უნდა გავეშვათ ამ საქმეს?! და თუკი არა, იქნებ სხვა ალგორითმიც, სხვა გზაც არსებობს?!


▪ჩემთვის აფხაზეთი და სამხრეთ ოსეთი დაკარგულია არა იმიტომ, რომ, იქ რაიმე ქონება და/ან ეკონომიკური ურთიერთობები მქონდა


▪ჩემთვის აფხაზეთი და სამხრეთ ოსეთი დაკარგულია არა იმიტომ, რომ, მათ საქართველოსგან დამოუკიდებლად არსებობა უნდათ


არამედ, აფხაზეთი და სამხრეთ ოსეთი, როგორც მიგრაციის, რეკრეაციის და/ან სოციო-ეკონომიკური ურთიერთობების ალტერნატიული სივრცე, დაკარგული მაქვს:


✔მხოლოდ იმიტომ, რომ, ისინი სახელწმიფოთა (რუსეთი და საქართველო) ძალადობრივი პოლიტიკების/ძალადობრივი მონოპოლიების შედეგად არის ატომიზირებული და ჩემგან იზოლირებული.


✔მხოლოდ იმიტომ, რომ, ეთნო-ნაციონალიზმის და ერთიანი სახელმწიფოს სახელით არ ვცნობთ მათი თვითგამორკვევის და თვითგამოხატვის უფლებებს. არ ვცნობთ მათი ნაციონალისტური განწყობების ლეგიტიმურობას. ამ ფონზე, ყველანაირი ომი ვაწარმოეთ მათთან და შედეგად, ისინი ჩვენში მოძალადეებს/მტრებს ხედავენ, მათ უბრალოდ არ უნდათ ჩვენთან (ქართულ სახელმწიფოში) თამაშის ერთიანი წესებით ცხოვრება.


ვთქვათ, ნაციონალიზმის გვჯერა და მიგვაჩნია, რომ, ნაციის ინტერესები უფრო მაღლა დგას, ვიდრე ამა თუ იმ ჯგუფის (მათ შორის ეთნიკური) და/ან ინდივიდის ინტერესები. ერთი მხრივ, საერთოდ გაუგებარია, სხვათა იგივე უფლებებს რატომ არ ვაღიარებთ?! მეორე მხრივ, ამავე რწმენიდან, ტაკტიკურადაც კი, წამგებიანი ხომ არ არის ჩვენი მილიტარისტული და ძალადობრივი განწყობები ამ ხალხთან.


რატოომ? - აფხაზეთთან და სამხრეთ ოსეთთან მიმართებაში ჩვენი კონკურენტი არის რუსეთი. ისინი კი რუსეთთან თანაარსებობას ირჩევენ, შეიძლება გულუბრყვილოდ, მაგრამ, ფაქტი ესაა. რას იღებენ ან რას ჰპირდება მათ რუსეთთან პარტნიორობა:


  1. მეტი თავდაცვა:


ა) საქართველოს თავდაცვის წლიური ბიუჯეტი არის - 312 M$, მთლიანი ეკონომიკის - 1.93% (of GDP), შეიარაღებული ძალების რაოდენობა კი შეადგენს - 37,000 ათასი ადამიანს) (2018 წელი)

ბ) რუსეთის იგივე წლიური ბიუჯეტი შეადგენს - 65,1B $, მთლიანი ეკონომიკის - 3.93% (of GDP), ანუ ჩვენზე 208 ჯერ მეტია, ხოლო შეიარაღებული ძალების რაოდენობა - 1,454,000 ადამიანს. ჩვენზე 39 ჯერ მეტი (2018 წელი)


2. მეტი ეკონომიკა:


ა) საქართველოს ეკონომიკა ერთ სულ მოსახლეზე წლიურად შეადგენს - 4,344 $, მთლიანი წლიური ეკონომიკური დოვლათი – 16.21 B $ (2018 წელი)

ბ) რუსეთის ეკონომიკა ერთ სულ მოსახლეზე შეადგენს - 11,288 $, ანუ ჩვენზე თითქმის სამჯერ მეტს, მთლიანი ეკონომიკური დოვლათი კი – 1.658 T $ (2018 წელი)


3. უკეთესი პოლიტიკა - ავად თუ კარგად, ისინი რესპუბლიკის სტატუსით ოპერირებენ



➡ წყარო:
https://data.worldbank.org/indicator/MS.MIL.XPND.GD.ZS https://data.worldbank.org/indicator/MS.MIL.TOTL.P1
https://matsne.gov.ge/ka/document/view/4431728?publication=0


ამ მოცემულობის პირობებშიც კი, მიუხედავად მთელი რიგი გამოცდილებებისა (სამხედრო აგრესია, ცივი ომი), მაინც ვერ ვისწავლეთ ჭკუა და დღემდე, რაღაც ფანტასმაგორიული, ზეციური ძალების იმედი გვაქვს.


ხომ არ ჯობია, იმაზე ვიფიქროთ, როგორ გახდეს ჩვენი თავდაცვა, ეკონომიკა და პოლიტიკური შეთავაზება კონკურენტზე (რუსეთი) უკეთესი, რომ ამ ხალხს, ბოლოს და ბოლოს, თუ ასე ძალიან გვინდა, ჩვენთან ცხოვრება მოუნდეს?! - მოუნდეს ნებაყოფლობით.


გაჯიუტებული, მაგრამ დაეჭვებული ვიკითხავთ, და ეს შესაძლებელია? დიახ, შესაძლებელია:


1. თავდაცვა - 2004 წელს „ნატოში“ შესვლით რუსეთის ორბიტას თავი დააღწიეს ბულგარეთმა, ლატვიამ, ლიეტუვამ, ესტონეთმა და სხვებმა . ეს იყო „ნატოს“ რიგით მეხუთე, ყველაზე დიდი გაფართოება. ამ ქვეყნებმა იყიდეს ერთ-ერთი ყველაზე მძლავრი და ხარისხიანი თავდაცვის სერვისი მთელს მსოფლიოში. ცხადია, გარდა, პოლიტიკური უსაფრთხოებისა, ამ გარიგებამ მათ უსაფრთხო საინვესტიციო გარემო მოუტანა.


2. ეკონომიკა - შედარებითი ანალიზისთვის, ვნახოთ სტატისტიკა, ერთი მხრივ, საშუალოდ რა მოცულობის პირდაპირი უცხოური ინვესტიციები (FDI of GDP,%) შემოედინებოდა ამ ქვეყნებში საშუალოდ, ნატოში შესვლამდე 4 წლით ადრე (2000-2003წწ) და რა შემოვიდა ნატოში შესვლიდან მომდევნო 4 წლის განმავლობაში (2004-2007). მეორე მხრივ, ამავე პერიოდებზე როგორი იყო საშუალო ეკონომიკური ზრდა (%, GDP Growth):


 ბულგარეთი:


▫%, FDI of GDP: მანამდე - 7.23%, შემდეგ - 20.24%, ანუ, ინვესტიციების მოცულობა მშპ-თან მიმართებაში გაიზარდა 180%-ით.
▫%, GDP Growth: მანამდე - 4.9%, შემდეგ - 6.9%.


 ლიტვა:


▫%, FDI of GDP: მანამდე - 2.85%, შემდეგ - 6.41%, ანუ,ინვესტიციების მოცულობა მშპ-თან მიმართებაში გაიზარდა 124.6%–ით.
▫%, GDP Growth: მანამდე - 6.8%, შემდეგ - 10.2%.


 ლიეტუვა:


▫%, FDI of GDP: მანამდე - 3.16%, შემდეგ - 4.84%, ანუ, ინვესტიციების მოცულობა მშპ-თან მიმართებაში გაიზარდა 53%-ით.
▫%, GDP Growth: მანამდე - 6.9%, შემდეგ - 8.2%.


ესტონეთი:


▫%, FDI of GDP: მანამდე - 7.98%, შემდეგ - 14.96%, ანუ,ინვესტიციების მოცულობა მშპ-თან მიმართებაში გაიზარდა 87.5%–ით.
▫%, GDP Growth: მანამდე - 7.6%, შემდეგ - 8.4%.


➡ წყარო: https://data.worldbank.org/indicator/BX.KLT.DINV.WD.GD.ZS

https://data.worldbank.org/indicator/ny.gdp.mktp.kd.zg )


3. პოლიტიკა - აფხაზეთი ჯერ კიდევ საბჭოთა კავშირის დროს ითხოვდა რესპუბლიკის სტატუსის მინიჭებას. მათ აქვთ ნაციონალისტური განწყობები და ვითომ, რატომ არ უნდა ჩაითვალოს ის ლეგიტიმურად?! რატომ არ შეიძლება შევთავაზოთ მათ მეტი უფლებები და არჩევანის თავისუფლება?! უფრო სამართლიანი ხომ არ არის ასიმეტრიული ფედერალიზმის პირობებში დაფუძნებული საერთო სახელმწიფოს იდეის შეთავაზება, ვიდრე, ეთნიკური (აქაოდა, ქართული ეთნოსი აფხაზურ ეთნოსზე მაღლა დგასო) ქედმაღლობით ნაწყალობევი სტატუსი -ავტონომია?!


შენიშვნა: რომ გვესმოდეს, „ნატოს“ თავდაცვის ბიუჯეტი არის 1 ტრიოლიონი $, მაშინ, როდესაც, რუსეთის ფედერაციის ბიუჯეტი არის 65.1 მილიარდი $ (თუკი რათქმაუნდა გვჯერა, რომ ეს რიცხვები ასახავენ რეალობას).


და თუ გახდები ესტონეთი, რომელიც ნატოს წევრია და იმავდროულად, ეკონომიკა ერთ სულ მოსახლეზე რუსეთის იგივე მაჩენებელს აღემატება ორჯერ - ვითომ, უფრო მეტი შანსი არ გექნება, აფხაზეთს და სამხრეთ ოსეთის მოსახლეობას შენთან მოუნდეს ინტეგრირება?! 


➡ წყარო: https://www.nato.int/nato_static_fl2014/assets/pdf/pdf_2018_07/20180709_180710-pr2018-91-en.pdf?fbclid=IwAR1Jy1C6qpRe264-VjAHdT67fdqEMnkoFQvhUYBFYZRf1L_dnh3ZGithrek


პ.ს. ასევე ვიკითხავთ, კი მაგრამ, რა გარანტიაა, რუსეთი თავს არ დაგვესხმება თუკი ჩვენ მაპს მივიღებთ? - და რა გარანტია ჰქონდა ესტონეთს, ლატვიას, ლიეტუვას, სლოვაკეთს, პოლონეთს, ბულგარეთს?! - არანაირი გარანტიები არ არსებობს. ან მიდიხარ წინ და ამას თან ახლავს რისკები, თუმცა კი შესაბამისი პრემიებით, ან ხარ უძრაობაში და იძირები ჭაობში. უნდა გვესმოდეს, რომ არ არსებობენ გარანტიები. არც იმის გარანტია არსებობს, ხვალ დილით სახლიდან გასული, უკან მობრუნდები თუ არა.


პ.ს. და მაინც, დაეჭვებული ადამიანი იკითხავს, კი მაგრამ, მაგ წლებში ზოგადად აქტიური ეკონომიკური ციკლი იყო მთელს ევროპაში და რავიცით, რომ, მათი განვითარება ნატოში შესვლას უკავშირდება? - და რავიცით, რომ, ნატოს გაფართოებას და ზოგადად ევროპის უფრო მეტ უსაფრთხოებას არ უკავშირდება ეკონომიკური აქტივობების გაძლიერება მაგ წლებში, ცხადია სხვა ფაქტორებთან ერთად?!


(ცდომილებები გამოწვეულია კურსთა შორის სხვაობით)





ქართულ–ამერიკული უნივერსიტეტის ბიზნეს ანალიტიკოსი 

გია ჩქოფოია




„სინოფარმმა“ ჯანდაცვის მსოფლიო ორგანიზაციის ავტორიზაცია მიიღო

„სინოფარმმა“ ჯანდაცვის მსოფლიო ორგანიზაციის ავტორიზაცია მიიღო
access_time2021-05-07 19:26:49
ჯანდაცვის მსოფლიო ორგანიზაციამ ჩინური წარმოების „სინოფარმის“ ვაქცინას ავტორიზაცია მიანიჭა. როგორც მიმდინარე ბრიფინგზე ჯანდაცვის მსოფლიო ორგანიზაციის გენერალურმა დირექტორმა, ტედროს ადანომ გებრეიესუსმა განაცხადა, შესაბამისი გადაწყვეტილება ჯანდაცვის მსოფლიო ორგანიზაციის ექსპერტთა ჯგუფმა დღეს გამართულ სხდომაზე მიიღო. „ვაქცინები რჩება სასიცოცხლო მნიშვნელობის იარაღად, თუმცა ახლა პანდემიის დასასრულებლად ვაქცინის მოცულობა, დისტრიბუცია საზოგადოებრივი ჯანდაცვის ზომების თანმიმდევრული და...

ბაქოში ევროპის ჩემპიონატის თასი ჩაიტანეს

ბაქოში ევროპის ჩემპიონატის თასი ჩაიტანეს
access_time2021-05-07 17:50:48
თასი, რომელიც ევროპის საფეხბურთო ჩემპიონატის EURO 2020-ის გამარჯვებულს გადაეცემა, უკვე ბაქოშია. აზერბაიჯანის დედაქალაქში მატჩები EURO 2020 თასის რაუნდის ფარგლებში მიმდინარე წლის 11 ივნისიდან 11 ივლისის ჩათვლით ჩატარდება. ევროპის ჩემპიონატის თასი, რომელიც ბაქოში 7-დან 9 მაისამდე იქნება გამოფენილი, დღეს აზერბაიჯანის პრეზიდენტს, ილჰამ ალიევს გადასცეს. მოგვიანებით კი EURO 2020-ის ჯილდო ქალაქის სხვადასხვა ლოკაციაზე მიიტანეს. სპეციალური ფოტოსესია მოეწყო გობუსტანის სახელმწიფო...

ტექნიკის ბაზრის შემცირების პროცესი დაიწყო - BEKO

ტექნიკის ბაზრის შემცირების პროცესი დაიწყო - BEKO
access_time2021-05-08 14:00:42
საყოფაცხოვრებო ტექნიკის მაღაზიათა ქსელი Beko-ს გენერალური დირექტორი მეჰმედ მელექი „ბიზნესპარტნიორთან“ აცხადებს, რომ საქართველოში ტექნიკის ბაზრის შემცირების პროცესი დაწყებულია. მისი განცხადებით, შედარებით მცირე და საშუალო კომპანიები ბაზრიდან გადიან, საბოლოოდ, კი ბაზარზე ფინანსურად ძლიერი 5-6 კომპანია დარჩება. „ოპერირებას გააგრძელებს ის მსხვილი კომპანიები, რომლებიც საერთაშორისო ბრენდების ექსკლუზიური იმპორტიორები არიან. 2020 წელს ტექნიკის ბაზარი...

7 მაისი - რეგიონში ქართული ლარი და თურქული ლირა გამყარდა

7 მაისი - რეგიონში ქართული ლარი და თურქული ლირა გამყარდა
access_time2021-05-07 18:00:28
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 7 მაისის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 7 მაისის ვაჭრობის შედეგად (რომლის ოფიციალური კურსი 8 მაისისაა) ეროვნული ვალუტა აშშ დოლართან...

დღის TOP 10 საინტერესო ამბავი

დღის TOP 10 საინტერესო ამბავი
access_time2021-05-07 21:00:24
დღის TOP 10 საინტერესო ამბავი: 1.„რეფინანსირების განაკვეთის გაზრდით შესაძლოა საფრთხე საბანკო პორტფელებსაც შეექმნას“ ეროვნულმა ბანკმა რამდენიმე დღის წინ რეფინანსირების განაკვეთის 1 პროცენტული პუნქტით, 9.5%-მდე გაზრდის გადაწყვეტილება მიიღო, რაც უკანასკნელი წლების განმავლობაში რეფინანსირების...


მსგავსი სიახლეები

up