გერმანიის მთავრობამ მხარი დაუჭირა განათლების, მეცნიერების, კულტურისა და სპორტის სამინისტროს, საქართველოში 13 პროფესიული კოლეჯისათვის სასწავლო აღჭურვილობის შესყიდვას. ეს აღჭურვილობები შესყიდულ იქნა ოთხი სხვადასხვა სასწავლო მიმართულებისათვის, სადაც მოცემულია დუალური სასწავლო პროგრამები. 2017 წლიდან გერმანიის მხარდაჭერით საქართველოში დანერგულია უკვე თითქმის 20 დუალური სასწავლო პროგრამა.

გერმანიის მთავრობის მიერ გამოყოფილი სახსრებით დაფინანსდა და 2020 წლის დასაწყისში კოლეჯებს გადაეცა რვა უახლესი დონის შედუღების სიმულატორი ქართულენოვანი ინტერფეისით, შვიდი პროფესიონალური მრავალფუნქციური ღუმელი, ტრანსპორტისა და ლოგისტიკისთვის სიმულაციური პროგრამული უზრუნველყოფის ოთხი სასკოლო ლიცენზია და მევენახეობის სასოფლო-სამეურნეო ტექნიკა. ეს კოლეჯებია: მერმისი, იკაროსი, სპექტრი და რკინიგზის კოლეჯი (თბილისი), მოდუსი (რუსთავი), აისი (კაჭრეთი), ი. წინამძგვრიშვილი (საგურამო), ბლექსი, საზღვაო აკადემია (ბათუმი), ახალი ტალღა (ქობულეთი) ), ფაზისი (ფოთი), ოპიზარი, (ახალციხე) და თეთნულდი (მესტია).

დამატებითი ინფორმაცია

2019 წლის ზაფხულში, პირველად საქართველოში ჩატარდა საკვალიფიკაციო გამოცდა დუალურ პროფესიულ პროგრამაში „სტურმარმასპინძლობა“. აღნიშნული პროგრამა დუალური მიდგომით ხორციელდება 2017 წლიდან შემდეგ პროფესიულ კოლეჯებში: „ბლექსი,“ „ახალი ტალღა“ და „მერმისი.“ დუალური პროფესიული განათლება სამუშაოზე დაფუძნებული სწავლების ერთ-ერთი ფორმაა, რომელიც სტუდენტებისთვის განსაკუთრებულ შესაძლებლობებს ქმნის. სწავლა მიმდინარეობს ერთდროულად კოლეჯსა და კერძო კომპანიაში, რაც სტუდენტს ეხმარება თეორიული ცოდნის მიღებასთან ერთად შეიძინოს გამოცდილება, საჭირო პრაქტიკული უნარები რეალურ სამუშაო გარემოში და დაეუფლოს სასურველ პროფესიას. დუალური პროფესიული პროგრამა „სტურმარმასპინძლობა“ მოიცავს კონდიტერის, მზარეულის, სასტუმროს სპეციალისტისა და სარესტორნო სპეციალისტის მოდულებს.

გერმანიის საერთაშორისო თანამშრომლობის საზოგადოება (GIZ) გერმანიის ეკონომიკური თანამშრომლობისა და განვითარების ფედერალური სამინისტროს (BMZ) სახელით. ახორციელებს პროგრამას „კერძო სექტორის განვითარება და პროფესიული განათლება სამხრეთ კავკასიაში“. პროგრამის მიზანია მდგრადი ეკონომიკური განვითარებისთვის საჭირო პირობების გაუმჯობესება დასაქმებისთვის რელევანტურ სექტორებში.

საქართველოში GIZ მხარს უჭერს საქართველოს განათლების, მეცნიერების, კულტურისა და სპორტის სამინისტროს (MoESCS) 17 დუალური პროფესიული პროგრამის განვითარებაში ღვინის, ტურიზმის, საინფორმაციო-საკომუნიკაციო ტექნოლოგიების, ტრანსპორტისა და ლოგისტიკის და მშენებლობის სექტორებში. ამჟამად, სასწავლო პროგრამებში 60 კომპანია და ბიზნესის წევრობის ორგანიზაციები (BMOs) მონაწილეობენ.

(R)