გერმანიის მოქალაქეებმა თითქმის 11,9 მლრდ ევრო გაიტანეს 2019 წელს ლა–მანშში კუნძულ გენსზე, რომელსაც „საგადასახადო სამოთხესაც“ უწოდებენ. სწორედ ამ კუნძულზე რეგისტრირდება ოფშორული კომპანიების უმრავლესობა. ამის შესახებ სამშაბათს, 7 სექტემბერს გერმანული გამოცემა Die Süddeutsche Zeitung გერმანიის ფედერალური ფინანსთა სამინისტროს მონაცემებზე დაყრდნობით წერს.

ამ მონაცემების თანახმად, იგივე მოცულობის თანხაა გატანილი ლიხტენშტაინში. ამასთან, კაიმანის კუნძულებზე 2019 წელს გერმანიის მოქალაქეების კუთვნილი 8,5 მლრდ ევრო გადაირიცხა.

სტატისტიკის გასაჯაროებაზე შვეიცარია უარს ამბობს

ჩამონათვალში შვეიცარია არ იკითხება, ვინაიდან ამ ნეიტრალურმა ქვეყანამ უარი განაცხადა სტატისტიკური მონაცემების გასაჯაროებაზე. ამავე დროს, როგორ Die Süddeutsche Zeitung შეგვახსენებს, 2018 წელს შვეიცარიის ბანკებში გადასახადის გადამხდელი გერმანელების კუთვნილი 133 მლრდ ევრო ირიცხებოდა.

ამ ფონზე ბუნდესტაგის მემარცხენე ფრაქციის წარმომადგენელმა ფაბიო დე მაზიმ უკვე გააკრიტიკა რიგი ქვეყნები მონაცემების დაფარვის გამო. „ამით ეს ქვეყნები გამჭვირვალობას ზღუდავენ და ხელს აფარებენ საგადასახადო დანაშაულებს“, – ირწმუნება დეპუტატი.

ევროპის მსხვილი ბანკები „საგადასახადო ოაზისებში“ მოგებას იღებენ

როგორ 36 მსხვილი ევროპული ბანკის ანგარიშგებებიდან ირკვევა, ისინი წელიწადში დაახლოებით 20 მლრდ ევროს მოგებას ნახულობენ „საგადასახადო ოაზისებში“. ამის შესახებ ახალი ევროპული საგადასახადო ობსერვატორიის კვლევაშია ნათქვამი.

ამასთან, ისეთი საფინანსო ინსტიტუტები, როგორებიცაა Deutsche Bank და Commerzbank, საკუთარ სახსრებს ასეთ ზონებში ქაჩავენ, რათა ნაკლები გადასახადი გადაიხადონ. ვითარების კომენტირებისას სვენ გიგოლდმა, ევროპარლამენტის დეპუტატი „კავშირი–90/მწვანეები“–დან, განაცხადა, რომ აუცილებელია მსხვილი კომპანიების ეფექტიანი მინიმალური დაბეგვრის საკითხზე მსჯელობა.

„სამოთხის დოსიე“

Appleby–დან 2017 წელს მონაცემების გაჟონვა დაედო საფუძვლად საერთაშორისო ჟურნალისტურ გამოძიებას, რომელსაც მოგვიანებით „სამოთხის დოსიე“ უწოდეს. Die Süddeutsche Zeitung-ს მაშინ დოკუმენტი ჩაუვარდა ხელში, რომლებიდანაც მტკიცდებოდა, რამდენად ფართოდაა გავრცელებული გადასახადებისგან თავის არიდება, მიუხედავად მანამდე არაერთი კომპანიის მხილებისა.

DW