ხილის და ბოსტნეულის ორგანული წვენების ქართველო მწარმოებელი Georgia`s Natural გაზაფხულის ბოლოს ახალი პროდუქტს წარადგენს - ჩაის სოკოს საფუძველზე დამზადებულ ნატურალურ წვენებს (კომბუჩას).

კომპანიის პროდუქცია ძირითადად ექსპორტზეა ორიენტირებული, 2021 წელს Georgia`s Natural გახდა დუბაიში ჩატარებული კონკურსის Gulfood Innovation Awards 2021-ის ფინალისტი კატეგორიაში „ყველაზე ინოვაციური სასმელი“ გახდა.

კომპანიის დღევანდელ მდგომარეობაზე და სამომავლო გეგმებზე საიტი EastFruit Georgia`s Natural-ს წარმომადგენელს იანა პოლევანსკაიას გაესაუბრა.

როგორ და რა ინგრედიენტებისგან დამზადდება თქვენი კომბუჩა და რომელ ბაზრებზეა ეს პროდუქტი გათვლილი?

ამ ეტაპზე ჩვენი ორგანული კომბუჩა 3 ტიპის იქნება - ასკილის, ასკილის და კენრკას რამდენიმე ნაირსახეობის, და ასევე ასკილის და ჯინჯერის. ეს ჯანმრთელი, ვიტამინებით სავსე სასმელია, რომელიც ყველა საერთაშორისო სტანდარტების დაცვით დამზადდება.

რაც შეეხება ბაზრებს, ჩვენ გავყიდით ჩვენს პროდუქტების იმ ქვეყნებში სადაც უკვე ვმუშაობთ - ესაა იაპონია, ჩინეთი, სამხრეთ კორეა. მონღოლეთი, აშშ, კანადა, ბრიტანეთი, გერმანია, ჰოლანდია, ავსტრია, საფრანგეთი, იტალია, საბერძნეთი, კვიპროსი, ისრაელი, იორდანია, ესპანეთი, უნგრეთი, პოლონეთი, ბულგარეთი, რუმინეთი, ლატვია, უკრაინა, რუსეთი, საემიროები, საუდის არაბეთი, ყატარი, ტაივანი, სინგაპური, მალაიზია, ვიეტნამი, ავსტრალია, ფიჯი, სამხრეთ აფრიკა, და სამხრეთ ამერიკის რამდენიმე ქვეყანა.

რას წარმოადგენს სადღეისოდ თქვენი პროდუქცია?

Georgia`s Natural-ს მთელი პროდუქცია ორგანულ კატეგორიაში შედის და საერთაშორისო სტანდარტებითაა სერტიფიცირებული. ჩვენ ვაწარმოებთ ბოსტნეულის, ხილის, კენრკას ნატურალურ წვენებს, პიურეს, და სოუსებს.

რამდენიმე თვის წინ, მათ IQF (Individual Quick Freezing)-ს ტექნოლოგიით გაყინული კენკრა და ბოსტნეული დაემატა.  გარდა ამისა, ჩვენ შეფუთულ ნატურალურ ხილს და ბოსტნეულს ვყიდით.

როდის შეიქმნა Georgia`s Natural  და რას წარმოადგენს მისი დღევანდელი საწარმო?

ჩვენი ისტორია 1996 წელს, შპს Aromaproduct -ით დაიწყო. 90-ამი წლების ბოლოს, ჩატარებული კვლევის საფუძველზე კომპანიის ხელმძღვანელობა მივიდა დასკვნამდე, რომ საერთაშორისო ბაზარზე ორგანულ და ნატურალურ პროდუქტებზე განსაკუთრებული მოთხოვნაა.

შესაბამისად, 2006 წელს ორგანული პროდუქციის მწარმოებელი კომპანია Georgia`s Natural დაარსდა. დღეს ჩვენს საქმიანობაში ორგანული ბაღების მართვა, ნედლეულის ხარისხის კონტროლი, გადამუშავება, და პრემიუმ-ხარისხის პროდუქციის წარმოება შედის.

ამ დროისთვის ჩვენ კახეთში 300 ჰექტარის ორგანულ ბაღებს ვფლობთ. გარდა ამის ყვარელში ხილ-ბოსტნეულის გადამამუშავებელი ქარხანა გვაქვს, ხოლო წვენების ჩამოსხმა და დაკონსერვება მეორე ქარხანაში ხდება, რომელიც თბილისში მდებარეობს.

თქვენი კომპანიის რომელი პროდუქტი სარგებლობს ყველაზე დიდი პოპულარობით საერთაშორისო ბაზარზე?

ბროწეულის და შინდის წვენები და საფირმო, ჩვენი კომპანიის საავტორო რეცეპტებით დამზადებული ხილ-ბოსტნეულის კოქტეილებია.

მუშაობთ თუ არა ადგილობრივ ბაზარზე?

ჩვენი პროდუქცია ძირითადად საფირმო მაღაზიებში, თბილისსა და ბათუმში იყიდება. გარდა ამისა, 2020 წლიდან ჩვენ „ორგანული ბარის“ კონცეფციას ვამუშავებთ - ეს სპეციალური სტენდებია მსხვილ სავაჭრო ობიექტებში, სადაც მსურველებს 80-ზე მეტი სახეობის ჩვენი წვენების დაგემოვნება და ყიდვა შეუძლიათ.

ან დროისთვის ასეთი ბარები 7 სავაჭრო ობიექტშია განთავსებული.

რამდენად გაართულა მუშაობა პანდემიამ და როგორი იყო ამ ფონზე 2020 წელის თქვენი კომპანიისთვის?

საკმაოდ რთული წელი გავიარეთ, განსაკუთრებით დიდი პრობლემები ლოგისტიკაში გვქონდა. თუმცა, ჩვენ საგანგებო რეჟიმში ვმუშაობდით, და ყველა საექსპორტო ვალდებულებები დროულად შევასრულეთ.

აღსანიშნავია, რომ პანდემიის დროს მოთხოვნა ნატურალურ პროდუქციაზე გაიზარდა, ალბათ იმიტომ, რომ ადამიანები ჯანმრთელობას მეტად უფრთხილდებიან. ეს ტენდენცია ალბათ 2021 წელსაც გაგრძელდება.

რაც შეეხება გეგმებს, ჩვენ „ორგანული ბარების“ კონცეფციის რეალიზებას არა მხოლოდ საქართველოში, არამედ ჩვენს პარტნიორ-ქვეყნებშიც ვგეგმავთ. გარდა ამისა, ჩვენ ორგანული ჩირების და გაყინული ხილის წარმოების დაწყებას ვაპირებთ.

east-fruit.com

თენგიზ აბლოთია