Georgian Airways-ს ახალი გენერალური დირექტორი ოფიციალურად დაინიშნა- „12 წლის შემდეგ გადავწყვიტე, რომ ჩემი ამერიკული გამოცდილება და კავშირები საქართველოს მოვახმარო“ –

Georgian Airways-ს ახალი გენერალური დირექტორი ოფიციალურად დაინიშნა- „12 წლის შემდეგ გადავწყვიტე, რომ ჩემი ამერიკული გამოცდილება და კავშირები საქართველოს მოვახმარო“ –

access_time2019-03-28 16:40:19


Georgian Airways-ის დირექტორთა საბჭოს თავმჯდომარემ თამაზ გაიაშვილმა დღეს გამართულ პრესკონფერენციაზე მედიას ახალ გენერალურ დირექტორად რომან ბოკერია ოფიციალურად წარუდგინა.


რომან ბოკერია ამერიკის შეერთებულ შტატებში საჯარო და კერძო სექტორში სხვადასხვა თანამდებობებზე მუშაობდა. სანკტ-პეტერბურგის სახელმწიფო უნივერსიტეტისა და თბილისის სახელმწიფო უნივერსიტეტის შემდეგ, მან 2008- 2010 წლებში განათლება ფლორიდის შტატში ტამპას უნივერსიტეტში მიიღო და ბიზნესის ადმინისტრირების მაგისტრის ხარისხი მიენიჭა. რომან ბოკერიამ მედიასთან იმ ძირეული ცვლილებების განხორციელებაზე ისაუბრა, რასაც კომპანია Georgian Airways საჭიროებს. მისი თქმით საჭიროა რესურსების ოპტიმიზაცია და საკუთარი და კომპანიის მრავალწლიანი გამოცდილება ამაში სასარგებლო იქნება.


„ჩავთვალე, რომ 12 წლის შემდეგ დრო იყო დავბრუნებულიყავი საქართველოში და ჩემი ამერიკული ცოდნა, გამოცდილება და კავშირები გამომეყენებინა ამ სტრატეგიული დარგის სრულყოფისთვის და საერთაშორისო სტანდარტების დასანეგრად. აირზენამ 100 პროცენტით გაზარდა საქმიანობა და ახლა უკვე საჭიროა რესურსების ოპტიმიზაცია, ამაში ჩემი ამერიკული ბიზნესგამოცდილება სასარგებლო იქნება. მთავარი რესურსებში ვგულისხმობ ფინანსურ, ადამიანურ და დროის რესურსებს. კომპანიას აქვს აშკარად გამოკვეთილი ზრდა, შესაბამისად საჭიროა შიდა აუდიტი, კონკრეტული მიზნების დასახვა და გადაწყვეტილებების მიღება ამ მიზნების მისაღწევად. 25 წელიწადია „ჯორჯიან ეარვეისი“ ბაზარზე არსებობს, ვფიქრობ საჭიროა ამ მრავალწლიანი გამოცდილების გაზავება საერთაშორისო გამოცდილებასთან.“-Georgian Airways-ის გენერალური დირექტორი რომან ბოკერია.




Georgian Airways-ის დირექტორთა საბჭოს თავმჯდომარემ პრესკონფერენციის შემდეგ იმ მძიმე კონკურენციაზე ისაუბრა, რომელიც ამჟამად საავიაციო სივრცეში არსებობს. მან ასევე აღნიშნა, რომ ავიაკომპანია უახლოეს მომავალში მომხმარებელს ახალ მიმართულებებს შესთავაზებს. 



„კომპანიამ მიიღო გადაწყვეტილება, რომ საჭიროა ძირეული ცვლილებების განხორციელება, რადგან საქართველოში მძაფრ კონკურენციას ვაწყდებით, განსაკუთრებით კი ბოლო წლებში. ბატონ რომანს საკმაო გამოცდილება აქვს ბიზნესში, ერთ თვეზე მეტია ჩვენ ინტენსიურად ვმუშაობთ მასთან და იგი ავიაციასთან დაკავშირებული ყველა პროცესის საქმის კურსშია. ამჟამად ევროპის ფაქტიურად ყველა დედაქალაქის მიმართულებით ხორციელდება ფრენები. ამასთანავე ვამატებთ ახალ მიმართულებებს, რადგან მოთხოვნა გაიზარდა და უვიზო რეჟიმმა ხელი შეუწყო ტურიზმის განვითარებას.“ - აცხადებს თამაზ გაიაშვილი. 



Georgian Airways ნაციონალური ავიაკომპანიაა, რომელიც 25 წელია ქართულ ბაზარზე ოპერირებს. დღეისთვის ავიაკომპანია 17 ავიამიმართულებით ახორციელებს რეგულარულ პირდაპირ ავიარეისებს და ქვეყნის ერთ-ერთი მთავარი ავიაგადამზიდია. 2018 წელს ავიაკომპანიამ სხვადასხვა მიმართულებით 550831 მგზავრი გადაიყვანა. კომპანიას საქართველოს საავიაციო ბაზრის 14% უჭირავს.


მარიამ მორგოშია






ბანკები გადავადებულ პროცენტებს ერთბაშად ითხოვენ?!

ბანკები გადავადებულ პროცენტებს ერთბაშად ითხოვენ?!
access_time2020-08-04 17:00:31
კომერციული ბანკები, საშეღავათო პერიოდის დასრულების შემდეგ, თანხის გადახდას ერთიანად ითხოვენ. ინფორმაცია როგორც ბანკის მსესხებლების, ასევე არასამთავრობო ორგანიზაციების მხრიდან დასტურდება. ასეთ ვითარებაში ათასობით ოჯახს გაკოტრება ელის. პირველ ეტაპზე, სამთვიანი საშეღავათო პერიოდი, უგამონაკლისოდ, ყველა კომერციულმა ბანკმა დაუწესა მსესხებლებს. მიზეზი პანდემია და საგანგებო რეჟიმი იყო, რომლის გამოც, მოქალაქეები შემოსავლის გარეშე დარჩნენ . ბანკებისა და მთავრობის ერთობლივი...

მთავრობა „შტადლერის“ ქარხნის მშენებლობის მოლოდინშია

მთავრობა „შტადლერის“ ქარხნის მშენებლობის მოლოდინშია
access_time2020-08-04 14:05:06
უცხოური ინვესტიციების პროაქტიური მოზიდვისა და საქართველოში უცხოური წარმოებების რეალოკაციის სტრატეგიის ფარგლებში, ეკონომიკისა და მდგრადი განვითარების მინსიტრი ნათია თურნავა ცნობილი შვეიცარიული კომპანია „შტადლერის ჯგუფის პრეზიდენტს პიტერ შპულერს შეხვდა. შეხვედრას ასევე ესწრებოდნენ „შტადლერის მარკეტინგისა და გაყიდვების აღმასრულებელი ვიცე-პრეზიდენტი ანსგარ ბროკმაიერი, დსთ-ის ქვეყნების მარკეტინგისა და გაყიდვების დირექტორი მატიას შტორი, საქართველოში შვეიცარიის ელჩი პატრინ...

ინდუსტრიული პარკები, IT ქალაქები - როგორ აპირებს 300 000 ადამიანის დასაქმებას გიორგი ვაშაძე

ინდუსტრიული პარკები, IT ქალაქები - როგორ აპირებს 300 000 ადამიანის დასაქმებას გიორგი ვაშაძე
access_time2020-08-04 14:40:36
პოლიტიკურმა პლატფორმამ „სტრატეგია აღმაშენებელი“ საარჩევნო კამპანია ოფიციალურად გახსნა, პრემიერ-მინისტრობის კანდიდატად კი გიორგი ვაშაძე წარადგინა. გიორგი ვაშაძემ 5 მთავარი დაპირების შესახებ ისაუბრა, რომელიც სამუშაო ადგილების შექმნას, დაბალპროცენტიან სესხებს, ანტიმონოპოლიურ საბანკო სისტემას, მედიკამენტების გაიაფებას და მცირე და საშუალო ბიზნესის დამატებითი გადასახადისგან გათავისუფლებას გულისხმობს: „სტრატეგია აღმაშენებლის გუნდის დაპირება ნომერი...

3-5 წელში იმპორტირებული ხიზილალა მხოლოდ 20% იქნება - „ქართული ხიზილალა“

3-5 წელში იმპორტირებული ხიზილალა მხოლოდ 20% იქნება - „ქართული ხიზილალა“
access_time2020-08-04 15:20:33
თევზისა და თევზის პროდუქტების მწარმოებელი კომპანია „ქართული ხიზილალა“ სხვა ადგილობრივ მწარმოებლებთან ერთად, 3-5 წლიან პერიოდში ქართულ ბაზარზე იმპორტირებული ხიზილალის წილის მინიმუმამდე დაყვანას გეგმავს, - განუცხადა „ბიზნესპარტნიორს“ კომპანიის დამფუძნებელმა ალექსანდრე დადიანიძემ. კომპანიის საკუთრებაშია გორის რაიონის სოფელ კარალეთში 3 თევზსაშენი და რესტორანი „თევზის სახლი“. მისი ინფორმაციით, დღეს ბაზარზე იმპორტირებული ხიზილალის წილი 90-დან 70%-მდე არის...

BAG ინდექსი: დასაქმების ბარომეტრი გაუმჯობესდა, თუმცა კვლავ ნეგატიურია

BAG ინდექსი: დასაქმების ბარომეტრი გაუმჯობესდა, თუმცა კვლავ ნეგატიურია
access_time2020-08-04 11:30:28
BAG ინდექსის ყოველკვარტალური კვლევის ფარგლებში საქართველოს ბიზნეს ასოციაციის გამოკითხული წევრების მოლოდინი დასაქმებასთან დაკავშირებით მნიშვნელოვნად არის გაუმჯობესებული. BAG-ის დასაქმების ბარომეტრი, რომელიც მომდევნო სამი თვის განმავლობაში ასოციაციის წევრების მიერ დასაქმების სავარაუდო ცვლილებას ასახავს, 2020 წლის მეორე კვარტლის ბოლოს ჩატარებული კვლევის საფუძველზე, კვლავ უარყოფითია. თუმცა, აღნიშნული მაჩვენებელი პირველ კვარტალთან შედარებით მნიშვნელოვნად გაუმჯობესდა და -2.8 ქულა შეადგინა....


მსგავსი სიახლეები

up