GEORGIAN AIRWAYS-ის შვილობილი კომპანია საჰაერო სატვირთო გადაზიდვებს იწყებს

GEORGIAN AIRWAYS-ის შვილობილი კომპანია საჰაერო სატვირთო გადაზიდვებს იწყებს

access_time2021-04-06 17:36:01

საქართველოს საჰაერო ტვირთების ბაზარს ახალი მოთამაშე შეემატა. ქართულმა ავიაკომპანიამ Georgian Airways-მა Georgian Airways Cargo დააფუძნა, რომელიც ამიერიდან აზიასა და ევროპას შორის საჰაერო სატვირთო გადაზიდვებს უზრუნველყოფს.

 

როგორც AviaNews-ს სატვირთო ავიაკომპანია Georgian Airways Cargo-ს გენერალურმა დირექტორმა ირაკლი მეზვრიშვილმა განუცხადა, კომპანიის ავიაპარკში ამ დროისათვის Boeing-ის ტიპის ერთი ერთეული B737-800 ირიცხება, თუმცა სამომავლოდ ახალი საჰაერო ხომალდების შემოყვანაზე ავიაკომპანია მოლაპარაკებებს ინტესიურად აწარმოებს.

 

რაც შეეხება Boeing B737-800-ს, ის უკვე თბილისის საერთაშორისო აეროპორტშია და სერტიფიცირების პროცესს გადის. Georgian Airways Cargo-მდე ის Smartwings-ის ავიაფლოტში ირიცხებოდა და სამგზავრო გადაყვანებს ევროპის შიგნით ახორციელებდა. თუმცა კარგო გადაზიდვებისთვის Boeing-ის მიერ აკრედიტირებულ საწარმოში მისი სამგზავროდან სატვირთო ხომალდად გადაწყობა მოხდა.

 

B737-800 2000 წელსაა გამოშვებული და სატვირთო ხომალდად გადაკეთების შემდეგ მისი ტვირთამწეობა 25 ტონას შეადგენს.

 

“Georgian Airways Cargo პირველი ავიაკომპანიაა რეგიონში, რომელიც სატვირთო გადაზიდვებისთვის Boeing 737-800-ს გამოიყენებს. ჩვენი ავიაკომპანიის უპირატესობა მდგომარეობს იმაშიც, რომ აღნიშნული ტიპის საჰაერო ხომალდით შევძლებთ კლიენტებს უფრო მეტი სიხშირე და დაბალი ფასები შევთავაზოთ. საწყის ეტაპზე ჩარტერულ რეისებს განვახორციელებთ, ხოლო შემდგომ რეგულარული რეისების შესრულებასაც დავიწყებთ. ავიაკომპანია საჰაერო ტვირთგადაზიდვას აზიასა და ევროპაში განახორციელებს”, – განმარტავს ირაკლი მეზვრიშვილი.

 


Georgian Airways Cargo-ს ხელმძღვანელი განმარტავს, რომ ავიაკომპანია სატვირთო რეისებზე და ზოგადად ტვირთების გადაზიდვებზე მოლაპარაკებებს სხვადასხვა კომპანიასთან უკვე აწარმოებს და მოთხოვნა საკმაოდ მზარდია.

 

“საჰაერო ტვირთგადაზიდვების ბაზარი საკმაოდ დიდია და არსებული შეკვეთებისა და დაინტერესების ფონზე იმედი გაქვს, რომ ავიაკომპანიის სერვისზე საკმაოდ მაღალი მოთხოვნა იქნება”, აცხადებს ირაკლი მეზვრიშვილი.

 

ამ დროისათვის ბაზარზე რამდენიმე ქართული სატვირთო ავიაკომპანია ოპერირებს: Geo Sky, TCA და Easy Charter.

 

პანდემიის ფონზე, 2020 წელს 2019 წელთან შედარებით საქართველოში საჰაერო სატვირთო გადაზიდვების ბაზარი 22%-ით შემცირდა.

 

2020 წელს საჰაერო გზით გადაზიდული ტვირთების მოცულობამ 19 266,220 ტონა შეადგინა, 2019 წელს კი 24 800,741 ტონა. შესაბამისად ტვირთბრუნვა 22.32%-ითაა შემცირებული. 2020 წელს თბილისის საერთაშორისო აეროპორტის მიერ 2020 წელს გატარებული ტვირთნაკადი 24,31%-ით ნაკლებია 2018 წლის მაჩვენებლებზე. 2018 წელს აეროპორტმა 25 454,827 ტონა ტვირთი გაატარა.

 

აღსანიშნავია, რომ საჰაერო გზით ტვირთების გადაზიდვის მაჩვენებლის შემცირება უმეტესწილად COVID-19-ის ფონზე დაწესებული რეგულაციებს უკავშირდება. 2020 წლის მარტიდან საქართველომ რეგულარული რეისები შეაჩერა. მიუხედავად იმისა, რომ ქვეყანას საჰაერო გზით სატვირთო გადაზიდვები არ შეუჩერებია, ტვირთების გარკვეული ნაწილის ტრანსპორტირება რეგულარული რეისებით ხდება და შესაბამისად ფრენების შეჩერებამ ტვირთნაკადზეც ნეგატიურად იმოქმედა. ასევე გასათვალისწინებელია ის ფაქტიც, რომ პანდემიის პირობებში საქართველოს საგარეო სავაჭრო ბრუნვა შემცირდა.

 

საგულისხმოა ისიც, რომ დღეისათვის საქართველოს აეროპორტებიდან ტვირთებს მხოლოდ თბილისის საერთაშორისო აეროპორტი ემსახურება.

 

business-partner.ge



თეგები:
GEORGIAN AIRWAYS



Samsung Galaxy A52 - პოპულარული საფასო სეგმენტის ყველაზე მოთხოვნადი სმარტფონი

Samsung Galaxy A52 - პოპულარული საფასო სეგმენტის ყველაზე მოთხოვნადი სმარტფონი
access_time2021-04-23 09:55:25
Galaxy A სერია წლების განმავლობაში ინარჩუნებს ყველაზე მოთხოვნადი და გაყიდვადი სმარტფონის სტატუსს სამსუნგის ბიუჯეტური მოდელების კატეგორიაში; დღეს მინდა დეტალურად გაგაცნოთ Galaxy A52, რომელიც სამსუნგმა 2021 წლის მარტში წარუდგინა მსოფლიოს;   Galaxy A52 აღჭურვილია თანამედროვე უსაზღვრო O ტიპის 6.5’’ ინჩიანი, FHD+ რეზოლუციის Super  AMOLED ეკრანით. A52-ის ეკრანის ყველაზე შთამბეჭდავი პარამეტრი მისი განახლების სიხშირეა. A52-ს 90 ჰერციანი ეკრანი აქვს და გადმოსცემს დინამიურ და გლუვ...

ტვირთბრუნვის 7.3%-იანი ზრდის მიუხედავად საქართველოს რკინიგზა პოტენციალის მხოლოდ 1/3-ს იყენებს

ტვირთბრუნვის 7.3%-იანი ზრდის მიუხედავად საქართველოს რკინიგზა პოტენციალის მხოლოდ 1/3-ს იყენებს
access_time2021-04-23 10:00:58
დიდი ვარდნის შემდეგ საქართველოში სარკინიგზო გადაზიდვებში ზრდა ფიქსირდება. 2021 წლის პირველ კვარტალში რკინიგზით 2.917 მლნ ტონა ტვირთი გადაიზადა, რაც გასული წლის ანალოგიურ პერიოდთან შედარებით 7.3%-ით მეტია. კიდევ უფრო მეტად, 14%-ით 86.9 მლნ-მდე გაიზარდა სატვირთო გადაზიდვებით მიღებული შემოსავალი. 2012 წელს რკინიზის ტვირთბრუნვა 20.1 მლნ ტონას შეადგენდა. 2018 წელს ის 10 მლნ ტონამდე შემცირდა. 2019 წელს 8 წლიანი მუდმივი კლების შემდეგ ბრუნვა 8%-ით 10.8 მლნ ტონამდე...

Reuters - მსოფლიომ შესაძლოა მშპ-ს მეხუთედი დაკარგოს - კვლევა

Reuters - მსოფლიომ შესაძლოა მშპ-ს მეხუთედი დაკარგოს - კვლევა
access_time2021-04-22 20:00:21
გლობალურმა ეკონომიკამ შესაძლოა 2050 წლისთვის მსოფლიოს შემოსავლების მეხუთედი დაკარგოს, თუ კლიმატის ცვლილების შესწავლის პროგრამამ კრახი განიცადა. განსაკუთრებული რისკის ქვეშ აზია იმყოფება - კვლევა  Swiss Re-მ გამოაქვეყნა.   მოხსენება, რომელიც ინსტიტუტმა გაავრცელა, ხაზს უსვამს, რომ შემოსავალი შესაძლოა 18 პროცენტით დაბალი იყოს ვიდრე მსოფლიოში, სადაც კლიმატის ცვლილება არაა მოსალოდნელი.   აღმოჩნდა, რომ თუ პარიზის შეთანხმების...

რუსეთ-ჩეხეთის კრიზისი - დააწესებს თუ არა რუსეთი ჩეხურ ლუდზე ემბარგოს?!

რუსეთ-ჩეხეთის კრიზისი - დააწესებს თუ არა რუსეთი ჩეხურ ლუდზე ემბარგოს?!
access_time2021-04-22 19:00:26
რუსეთის ფედერაციის საზოგადოებრივი პალატის „ფხიზელი რუსეთის“ წევრმა სულთან ჰამზაევმა რუსული რადიოსადგურის ეთერში ჩეხური ლუდის აკრძალვის აუცილებლობაზე ისაუბრა, ეს ყველაფერი კი ჩეხეთის ქმედებების პასუხად.   მისი აზრით ასეთ შემხთევვაში ჩეხეთის პოლიტიკური ჯგუფები გაიაზრებენ, რომ მათი განცხადებები შეიძლება ეკონომიკური შედეგების მომტანი იყოს მთელი ქვეყნისთვის. ჰამზაევის თქმით, რუსები შეძლებენ სასმლის გარეშე არსებობას , ხოლო აკრძალვა კი მოსახლეობაში ალკოჰოლის პოპულარობას...

22 აპრილი - რეგიონში თურქული ლირა ყველაზე მეტად გაუფასურდა

22 აპრილი - რეგიონში თურქული ლირა ყველაზე მეტად გაუფასურდა
access_time2021-04-22 18:15:54
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 22 აპრილის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 22 აპრილის ვაჭრობის შედეგად (რომლის ოფიციალური კურსი 23 აპრილისთვისაა) ეროვნული...


მსგავსი სიახლეები

up