ალუმინის ქილაში ჩამოსხმული  ქართული ღვინო - „მივინო“  - ორი სტუდენტის დაწყებული ბიზნესი

ალუმინის ქილაში ჩამოსხმული ქართული ღვინო - „მივინო“ - ორი სტუდენტის დაწყებული ბიზნესი

access_time2019-02-28 11:00:41

„გენიალურობა სიმარტივეშია“ — თსუ-ს ეკონომიკისა და ბიზნეს ფაკულტეტის მე-4 კურსის სტუდენტები გიორგი მაჭავარიანი და საბა სახვაძეც აინშტაინის ფორმულის მიმდევრები აღმოჩნდნენ. დეტალურად შეისწავლეს სიმარტივეც და გენიალურობაც და ასე შეიქმნა ალუმინის ქილაში ჩამოსხმული ქართული ღვინო - „მივინო“.


 



საბა სახვაძე: „მეგობრის სახლში ვიყავით წვეულებაზე. გვინდოდა ღვინის გახსნა და აღმოჩნდა, რომ გასახსნელი არ გვქონდა. დავიწყეთ ინტერნეტში ინფორმაციის მოძიება, როგორ შეიძლებოდა სხვა ალტერნატივის მოფიქრება. ბოთლის გასახსნელად მოვიხმარეთ ჩანგალი, დანა, სანთებელაც კი და ა.შ. საბოლოოდ, ყველაფერი იმით დასრულდა, რომ  ბოთლი შემოგვატყდა და უშედეგოდ დასრულდა ყველა მცდელობა. ეს ამბავი მე და ჩემმა მეგობარმა ვერ დავივიწყეთ და სწორედ აქედან წამოვიდა იდეაც - რატომ უნდა ვიწვალოთ ამდენი ბოთლის გახსნაზე, იმ ელემენტარული მიზეზით, რომ ღვინო ასხია შუშის ბოთლში? ბევრად მარტივი იქნებოდა განტვირთვა, დასვენება ან გართობა, თუ სასმელს ქილაში ჩამოვასხამდით...“


იდეის განხორიციელებას თითქმის ერთი წელი დასჭირდა. ამ დროის განმავლობაში 22 წლის საბამ და იმავე ასაკის გიორგიმ მოიძიეს დამფინანსებლები. დაიწყეს ბრენდინგზე მუშაობა, ბევრი იფიქრეს პროდუქტის შეფუთვასა და მის გაყიდვაზეც. დღეს უკვე ახალი ბრენდის - „მივინოს“ ღვინოს ღვინის არაერთ სპეციალიზებულ მაღაზიაში ნახავთ, სულ მალე ქსელურ მარკეტებშიც გაიყიდება და კიდევ უფრო მალე საერთაშორისო ასპარეზზეც მოიპოვებს საკუთარ ნიშას.




საბა სახვაძე: „თავიდან, როდესაც იდეის განხორციელებაზე დავიწყეთ მუშაობა, აღმოვაჩინეთ, რომ მსგავსი რამ არსებობს ამერიკის რამდენიმე შტატში და ძალიან პოპულარულია. ზოგადად, ქილას ჰყავს ბევრი მომხმარებელი, რადგან მარტივი და კომფორტულია. ამასთან, იაფია და რაც მთავარია, ქილაში ჩამოსხმული ნებისმიერი სასმელი არის ყოველდღიური მოხმარების პროდუქტი. „მივინოს“ მიზანიც სწორედ ესაა, რომ, ვთქვათ, ლუდის  პარალელურად, საქართველოში ასეთი პოპულარული  და მოთხოვნადი პროდუქტი - ღვინო გახდეს ჩვენი ცხოვრების ყოველდღიურობა. ამ ყველაფრის განხორციელებაში დაგვეხმარა USAID Georgia  და მიკროსაფინანსო ორგანიზაცია „კრისტალი“. როგორც კი გამოვჩნდით ბაზარზე, თავიდანვე დიდი გამოხმაურება გვქონდა, განსაკუთრებით ახალგაზრდა სეგმენტში, რაც გასაგებია - ჩვენს  თაობას უყვარს ინოვაციები და მუდმივად ეძებს რაიმე ახალს, „მივინო“ კი ზუსტად ასეთია“.



                                              



დღეს  ბრენდი „მივინო“ მომხმარებელს ყველაზე მოთხოვნად სახეობას სთავაზობს  - „რქაწითელს“ და „წითელ საფერავს“. თუმცა, დამწყებ ბიზნესმენ მეგობრებს უკვე დაგეგმილი აქვთ გაზაფხულიდან ახალი პროდუქტების დამატებაც და, როგორც უკვე ვთქვით, ექსპორტზე გასვლასაც აპირებენ.


საბა სახვაძე: „მალე ჩვენ ალუმინის ქილებში ჩამოვასხამთ „როზეს“, „მწვანეს“, „შუშხუნას“ და ტკბილ ღვინოებს. საქართველო ღვინის კულტურის ქვეყანაა, ამიტომ ჩვენი სამომავლო გეგმები მრავალფეროვანია. რაც შეეხება ექსპორტს, უკვე მიმდინარეობს მოლაპარაკებები უცხოელ პარტნიორებთან და „მივინო“ შესაძლოა, მალე კოტ-დიუარის ბაზარზეც ვიხილოთ. იგი, მართალია, თავის დროზე ძალიან მარტივად შეიქმნა და მთელი ჩვენი კონცეფციაც სიმარტივეზეა აგებული, თუმცა, ეს არ ვრცელდება ღვინის ხარისხზე. სასმელი აკმაყოფილებს ყველა საერთაშორისო სტანდარტს და არის უნიკალური“.




მიუხედავად ბრენდის სიმარტივისა და ბიზნესის წარმატებისა, დამწყებ ბიზნესმენებს ბაზარზე გამოწვევები მაინც შეხვდათ. როგორც თავად გიორგი გვიყვება, საქართველოში ზოგადად საქმის დაწყება შესაძლოა, არ იყოს რთული, თუმცა მისი განვითარება პრობლემურია:


„სირთულე ნამდვილად ბევრი შეგვხდა. როდესაც ბიზნესს იწყებ, არ არის მარტივი დამოუკიდებლად პროცედურებში და დეტალებში გარკვევა. ჩვენს  შემთხვევაში სირთულე იყო ისიც, რომ საჭირო გახდა სპეციალიზებული ღვინის ქილების დამზადება, ასევე ღვინო, სხვა ბევრი სასმელისგან განსხვავებით, ცოცხალი და სათუთი სითხეა და რთულია მასთან სწორი ურთიერთობა. ზოგადად, ბიზნესის დაწყება შეიძლება, მაინც მარტივი იყოს, მაგრამ უკვე მისი განვითარება სხვა ცოდნას, გამოცდილებას და მიდგომას საჭიროებს“.


„მივინო“ - გენიალურობა სიმარტივეშია




სალომე ლემონჯავა






კორონავირუსით დაავადებულებისთვის ჩინეთში სპეციალურ ჰოსპიტალს 6 დღეში ააშენებენ

კორონავირუსით დაავადებულებისთვის ჩინეთში სპეციალურ ჰოსპიტალს 6 დღეში ააშენებენ
access_time2020-01-25 10:00:11
ჩინეთის ქალაქ უხანში ახალი კორონავირუსით დაავადებულებისთვის დროებითი საავადმყოფოს მშენებლობა დაიწყო. ამის შესახებ რუსული „კომერსანტი“ წერს და ვიდეოს...

სოსო გალუმაშვილი - სახელმწიფო მზად არ არის მწარმოებლის გაფართოებული ვალდებულებების დანერგვისთვის

სოსო გალუმაშვილი - სახელმწიფო მზად არ არის მწარმოებლის გაფართოებული ვალდებულებების დანერგვისთვის
access_time2020-01-25 11:00:19
სახელმწიფო მზად არ არის მწარმოებლის გაფართოებული ვალდებულებების დანერგვისთვის, რაც კომპანიების მიერ წარმოების შედეგად წარმოქმნილი ნარჩენების გადამუშავებას გულისხმობს, – ამის შესახებ საქართველოს პირველი არხის გადაცემა „ბიზნესპარტნიორის“ თანაწამყვანმა და კომპანია „ჯეპრას“ დამფუძნებელმა, სოსო გალუმაშვილმა გადაცემაში დღეს განაცხადა.   გადაცემაში ნარჩენების გადამუშავების მნიშვნელობა და მასთან დაკავშირებული გამოწვევები განიხილეს. დისკუსიის დროს აღინიშნა, რომ ნარჩენების...

Bloomberg: კორონავირუსმა ჩინური ბიზნესი დააზარალა

Bloomberg: კორონავირუსმა ჩინური ბიზნესი დააზარალა
access_time2020-01-25 13:30:14
  ახალმა კორონავირუსმა, რომელიც ჰაერ-წვეთოვანი გზით გადადის, შეამცირა ინვესტორების ენთუზიაზმი ჩინური საფონდო ბაზრისადმი, რომელიც ბოლო თვეებში სწრაფად იზრდებოდა.   დანაკარგებს ძირითადად ითვლიან სამომხმარებლო ბაზრის მოთამაშეები, ტუროპერატორები, და ავიაკომპანიები.   საფონდო ინდექსი FTSE China A50, რომელიც ასახავს ჩინეთის 50 უმსხვილესი კომპანიის კაპიტალიზაციას, 22 იანვარს შემცირდა 1,7%-ით, რაც არის ბოლო 6 თვის ყველაზე ძლიერი...

საქორწილო ტურიზმი საქართველოში და ყველაზე პოპულარული ლოკაცია უცხოელებისთვის

საქორწილო ტურიზმი საქართველოში და ყველაზე პოპულარული ლოკაცია უცხოელებისთვის
access_time2020-01-25 12:00:29
როგორია საქორწილო ტურიზმი საქართველოში და რა ლოკაციაა ყველაზე პოპულარული უცხოელებისთვის ? - ამ თემაზე ისაუბრეს რადიო კომერსანტზე Malibu Flowers • მალიბუს ყვავილები-ს დამფუძნებლებმა მარიამ კლდიაშვილმა და ლიკა ჯიღაურმა. „ჩვენი კომპანია მოიცავს ქორწილის,როგორც ორგანიზებას, ისე გაფორმებას. ვმუშაობთ დეკორაციაზე, ყვავილებსა და სხვადასხვა დეკორაციაზე,რომლებსაც ჩვენ ვაწყობთ. ასევე ვგეგმავთ და ვაფორმებთ კორპორატიულ ღონისძიებას, ივენთებს,...

პროკრედიტ ბანკს საქართველოში მოქმედი ბიზნეს ასოციაციების წარმომადგენლები სტუმრობდნენ

პროკრედიტ ბანკს საქართველოში მოქმედი ბიზნეს ასოციაციების წარმომადგენლები სტუმრობდნენ
access_time2020-01-24 17:00:32
დღეს, პროკრედიტ ბანკს საქართველოში მოქმედი ბიზნეს ასოციაციების წარმომადგენლები სტუმრობდნენ.ბანკის მენეჯმენტთან შეხვედრის ფარგლებში, მოეწყო დისკუსია თემაზე „ინოფინის საგარანტიო პროგრამა და მისი მნიშვნელობა მცირე და საშუალო ბიზნესის განვითარებისთვის“. მონაწილეებმა ამომწურავი ინფორმაცია მიიღეს პროგრამის ფარგლებში არსებული დაფინანსების შესაძლებლობების შესახებ. ღონისძიების ძირითადი მიზანი გახლდათ,...


მსგავსი სიახლეები

up