„თბილისის  გენგეგმა იდეალისტური იყო, საბოლოო ვარიანტი არის რეალისტური“ - დოკუმენტის საბოლოო ვარიანტი კვლავ დავის საგანია

„თბილისის გენგეგმა იდეალისტური იყო, საბოლოო ვარიანტი არის რეალისტური“ - დოკუმენტის საბოლოო ვარიანტი კვლავ დავის საგანია

access_time2019-03-15 14:30:57


თბილისის მიწათსარგებლობის გენერალურ გეგმას დედაქალაქის საკრებულო რამდენიმე საათში დაამტკიცებს, თუმცა აშკარაა, დავა კიდევ დიდხანს გაგრძელდება. საზოგადოებრივი აზრი დღესაც ორადაა გაყოფილი - ნაწილს მოსწონს თბილისის განვითარების ახალი გეგმა, ნაწილი კი უსარგებლოდ მიიჩნევს.


თითქმის ერთ წელზე მეტი დასჭირდა გენგეგმის შემუშავებას, შემოწმებას და საბოლოოდ დამტკიცებას. მთელი ამ დროის განმავლობაში დოკუმენტში ცვლილებები შედიოდა, საკითხები იცვლებოდა და ახალი წესებიც ემატებოდა.


გენერალური გეგმის საბოლოო ვარიანტს „სითი ინსტიტუტის“ ხელმძღვანელი მამუკა სალუქვაძე სრულად იზიარებს. ფიქრობს, რომ საჭირო და დროულია, თუმცა ყურადღებას ამახვილებს მთავარ გამოწვევაზეც - აღსრულებაზე.


„დოკუმენტის მთავარი გამოწვევა ალბათ მისი აღსრულება-განხორციელებაა. ამას სჭირდება პოლიტიკური ნება და დიდი იმედი გვაქვს, რომ ასეც იქნება. სხვა მხრივ, ვფიქრობ, საბოლოოდ მივიღეთ ძალიან კარგი დოკუმენტი. სიმართლე გითხრათ, სანამ მერიაში გადავაგზავნიდით შესამოწმებლად, უფრო იდეალისტური იყო, რადგან ჩვენ ბევრი დეტალი არ გაგვითვალისწინებია, მათ შორის, მაგალითად, ადამიანების პირადი საკუთრება. დღეს კი საბოლოო ვარიანტი არის რეალისტური და დღევანდელობას მორგებული“.



ერთი წლის განმავლობაში დოკუმენტში შესული ცვლილებებიდან „სითი ინსტიტუტი საქართველოს“ ხელმძღვანელი განსაკუთრებით მნიშვნელოვნად მიიჩნევს განაშენიანების რეგულირების წესებს, კ2 კოეფიციენტის ამოქმედებას მთელი დედაქალაქის მასშტაბით და ასევე, თავის დროზე 1200 გვერდიანი დოკუმენტის 80 გვერდამდე დაყვანის ფაქტს.


„შეტანილი ცვლილებებიდან ყველაზე მნიშვნლოვანი მაინც რეგულაციებია, რომელიც ეტაპებად დაიყო. ახლა დამტკიცდება ფუნქციური ზონები,  პარამეტრები და კ2 კოეფიეცენტი, შემდგომ ეტაპზე კი, მაგალითად, განისაზღვრება განათების ხარისხი საცხოვრებელ კორპუსებში. დღეს არსებული ინტენსიური მშენებლობების გამო, იცით, რომ ბევრს არ აქვს მზის სხივის მიწოდება უზრუნველყოფილი და ხშირად დარღვეულია. ეს საკითხი უკვე წესებში გაიწერება. ზოგადად მერიის მერ შეტანილი ცვლილებები უფრო ტექნიკურ ხასიათს ატარებს და აქვე ვიტყვი, რომ თბილისი მუდმივად იცვლება - იზრდება... შესაბამისად, გენგეგმაც იქნება მოქმედი და ცოცხალი ორგანიზმი. მთავარია, ისეთი ძირეული ცვლილებები არ მოხდეს, როგორიცაა, მაგალითად, ზონალური. კარდინალურად არ უნდა შეიცვალოს ლანდშაფტური და რეკრეაციული ზონები. იმედია ასეც მოხდება,“ - განმარტავს მამუკა სალუქვაძე.   


სალუქვაძისგან განსხვავებით თბილისის მიწათსარგებლობის გენერალურ გეგმას რადიკალურად აფასებს სამოქალაქო მოძრაობის ლიდერი ალეკო ელისაშვილი. გარდა იმისა, რომ პრობლემას ხედავს დოკუმენტის აღსრულებაში, დარწმუნებულია, რომ გენგეგმა მნიშვნელოვანი დადებითი შედეგის მომტანი ვერ გახდება. მიზეზად თბილისის მერიის მიერ აქამდე გაცემულ ნებართვებს ასახელებელს:


„ბოლო ორ წელიწადში იმდენი მშენებლობის ნებართვა გაიცა, რომ უკვე აზრი აღარ აქვს არაფერს. ზოგადად გენგეგმა ორი წლის წინ, დავით ნარმანიას მერობის დროს უნდა მიეღოთ, მაგრამ ეს პროცესი დროში გაიწელა. შემდეგ კალაძემაც მაქსიმალურად გამოიყენა პერიოდი და ამასობაში ქალაქი კატასტროფას დაამსგავსა. დღევანდელი რეალობის ფონზე, კ 2 კოეფიციენტის ამოქმედება უკვე მნიშვნელოვან ცვლილებას ვეღარ შეიტანს თბილისის განაშენიანებაში. ამ ყველაფრის გამო, დოკუმენტს უკვე აქვს ფორმალური ხასიათი და რომც აღსრულდეს, ვერაფერს შეცვლის,“  ამბობს ელისაშვილი.



შეგახსენებთ, ამ წუთებში მიმდინარეობს თბილისის საკრებულოს სხდომა, სადაც დედაქალაქის მიწათსარგებლობის გენერალურ გეგმას ოფიციალურად დაამტკიცებენ. 


სალომე ლემონჯავა





მამუკა ბახტაძე ლარის გაუფასურებაზე: თურქეთის გავლენაა, ეს არის ძალიან მოკლევადიანი ეფექტი

მამუკა ბახტაძე ლარის გაუფასურებაზე: თურქეთის გავლენაა, ეს არის ძალიან მოკლევადიანი ეფექტი
access_time2019-05-23 14:00:22
პრემიერმინისტრ მამუკა ბახტაძის აზრით, ლარის მკვეთრი გაუფასურება "თურქეთის ფაქტორმა" გამოიწვია. პრემიერი მიიჩნევს, რომ ეს არის მოკლევადიანი ეფექტი და ეროვნული ვალუტა უახლოეს პერიოდში დაუბრუნდება იმ მაჩვენებელს, "რომელსაც უნდა დავუბრუნდეთ". მამუკა ბახტაძემ მთავრობის სხდომამდე გამართულ პრესკონფერენციაზე აღნიშნა, რომ ქართულ ეკონომიკაში ყველა ფუნდამენტური ფაქტორი არის "ძალიან მდგრადი და პოზიტიური ტრენდის მქონე". მისი შეფასებით, ორიენტირება...

აქცია ქუთაისის ტექნოლოგიურ უნივერსიტეტთან - „დარგვა ჭრის ნაცვლად“

აქცია ქუთაისის ტექნოლოგიურ უნივერსიტეტთან - „დარგვა ჭრის ნაცვლად“
access_time2019-05-23 13:47:39
"სამოქალაქო მოძრაობის" იმერეთის ორგანიზაციის წევრები წითელ წიგნში შეტანილი ხეების მოჭრას აპროტესტებენ. უნიკალური ხეები ქუთაისის ტექნოლოგიური უნივერსიტეტის მშენებლობას ეწირება. ლაპარაკია ქუთაისთან ახლოს მდებარე მუხრანის ტყეზე, რომელსაც საღორიის ტყესაც ეძახიან. აქციის მონაწილეები  მშენებარე ტექნოლოგიურ უნივერსიტეტთან...

მამუკა ბახტაძე - დარწმუნებული ვარ, საქართველო სამედიცინო სერვისების მიწოდებით რეგიონში ლიდერი ქვეყანა გახდება

მამუკა ბახტაძე - დარწმუნებული ვარ, საქართველო სამედიცინო სერვისების მიწოდებით რეგიონში   ლიდერი ქვეყანა გახდება
access_time2019-05-23 12:16:07
დარწმუნებული ვარ, სამედიცინო სერვისების მიწოდებით საქართველო გახდება ლიდერი ქვეყანა რეგიონში, - ამის შესახებ საქართველოს პრემიერ-მინისტრმა მამუკა ბახტაძემ თბილისის სახელმწიფო სამედიცინო უნივერსიტეტში, სამედიცინო განათლების საერთაშორისო ასოციაციის (AMEE) რეგიონული წარმომადგენლობის გახსნის ღონისძიებაზე სიტყვით გამოსვლისას განაცხადა. პრემიერმა სამედიცინო განათლების საერთაშორისო ასოციაციის, AMEE-ის ცენტრის გახსნის მნიშვნელობაზე ისაუბრა და მადლობა გადაუხადა...

საქართველოს ჯანდაცვის ჯგუფი ვასილ ახრახაძეს პასუხობს:„გარდა სტანდარტული ბანკი/კლიენტის ურთიერთობისა, ადგილობრივ ბანკებთან სხვა არაფერი გვაკავშირებს“

საქართველოს ჯანდაცვის ჯგუფი ვასილ ახრახაძეს პასუხობს:„გარდა სტანდარტული ბანკი/კლიენტის ურთიერთობისა, ადგილობრივ ბანკებთან სხვა არაფერი  გვაკავშირებს“
access_time2019-05-23 12:30:03
 „ადგილობრივ ბანკებთან, სტანდარტული  ურთიერთობის გარდა,(რომელიც გულისხმობს კლიენტს/ბანკს)არაფერი გვაკავშირებს  —  საქართველოს ჯანდაცვის ჯგუფი დაზღვევის კავშირის თანათავმჯდომარეს, ვასილ ახრახაძეს მიმართავს, რომელმაც კომერსანტთან არაპროფილური აქტივების ფლობასთან დაკავშირებით...

თურქეთი C-400-ის გამო ამერიკული სანქციებისთვის ემზადება

 თურქეთი C-400-ის გამო ამერიკული სანქციებისთვის ემზადება
access_time2019-05-22 20:30:00
ანკარაში ჩატარებულ პრესკონფერენციაზე თურქეთის თავდაცვის მინისტრმა ხულუსი აკარმა განაცხადა, რომ  აშშ-სთან მოლაპარაკებებში რუსული საჰაერო თავდაცვის სისტემა C-400-ის შეძენასთან დაკავშირებით, გარკვეული პროგრესი შეინიშნება. თუმცა, მისი თქმით, ამის მიუხედავად, თურქული მხარე ემზადება სანქციებისთვის, რომელიც შესაძლოა მიღებულ იქნას ვაშინგტონის მიერ ამ სისტემების ყიდვის გამო. როგორც აკარმა აღნიშნა, ამჟამად თურქეთი სწავლობს ალტერნატიულ...


მსგავსი სიახლეები

up