„გეგმიური ოპერაციების დაყოვნებით, ბოლოს ბევრ სასწრაფო ოპერაციას მივიღებთ - ეს საქმეს გაართულებს“

„გეგმიური ოპერაციების დაყოვნებით, ბოლოს ბევრ სასწრაფო ოპერაციას მივიღებთ - ეს საქმეს გაართულებს“

access_time2020-11-25 10:00:11

საყოველთაო ჯანდაცვის პროგრამის ფარგლებში, 2021 წლის მარტამდე, გეგმიური ოპერაციები აღარ დაფინანსდება. გადაწყვეტილებამ რომელიც ჯანდაცვის მინისტრმა პაციენტების უსაფრთხოების დაცვით ახსნა, ჰოსპიტალურ სექტორში აზრთა სხვადასხვაობა გამოიწვია.

 

„ჯო ენის სამედიცინო ცენტრის“ გენერალური დირექტორი ვახტანგ ლაშხ აცხადებს, რომ აღნიშნული გადაწყვეტილებით შესაძლოა პაციენტის ჯანმრთელობას შეექმნას საფრთხე, რადგან ერთ დროს გეგმიური ოპერაციები, ბოლოს სასწრაფო ოპერაციები გახდება. მისივე განმარტებით, სამედიცინო თვალსაზრისით მომზადებულად, გეგმიურად გაკეთებული ოპერაციები უფრო სწორია.

 

„შეიძლება ოპერაცია გეგმიური იყოს ორი თვის განმავლობაში, მაგრამ ვადაში თუ არ ჩაჯექი, შემდეგ გადაუდებელი გახდება. სასწრაფო ოპერაციებს კი ნამდვილად გეგმიური სჯობია, რადგან ბევრ გართულებას აირიდებ თავიდან. როდესაც სასწრაფო შემთხვევასთან გაქვს საქმე ვერ იკვლევ, პაციენტს რაიმე სირთულეები აქვს თუ არა, შეიძლება ისეთი თანმხლები დაავადება ჰქონდეს, რომ იმას ვერ უმკურნალო და მდგომარეობა გართულდეს. აღსანიშნავია ისიც, რომ ხარჯის კუთხითაც, გეგმიური ოპერაციის გაკეთება უფრო ეფექტურია“, - აცხადებს ვახტანგ ლაშხი.

 

ექიმი მიიჩნევს, რომ ახალი დადგენილება „ჯო ენის სამედიცინო ცენტრს“  არ ეხება, რადგან მათთან გაკეთებული ოპერაციების 90 პროცენტი არის სასწრაფო ან სასწრაფო დაყოვნებული. ვახტანგ ლაშხის განცხადებით, შესაძლოა საქართველოს მთავრობა აღნიშნული, გადაწყვეტილებით საბიუჯეტო ხარჯების ოპტიმიზაციას გეგმავს.

 

„ჩვენი საავადმყოფო ძირითადად ბავშვთა კარდიოქირურგიის მიმართულებით მუშაობს. ძალიან ხშირია ისეთი შემთხვევა, როცა ახალშობილი მოუყვანიათ და როდესაც არ იცი შენი პაციენტი ხვალ დაიბადება თუ ერთ კვირაში ვერაფრით გახდები კოვიდსაავადმყოფო. როგორც სამშობიაროს ვერ გადაიყვან კოვიდ მიმღებად, ჩვენც დაახლოებით ასე განვიხილებით. ჩვენს შემთხვევაში ეს იძულებით მოხდება თუ ქვეყანაში ტოტალურად მძიმე სიტუაცია შეიქმნება, გეგმიური ოპერაციები თუ ვერ გააკეთე, თუ დაფინანსება ვერ მიიღე თანამშრომლები ხომ უნდა შეინარჩუნო რაღაცნაირად.  დადგენილება შევიდა ძალაში, მაგრამ ჩვენთან ეს ფაქტად არ დამდგარა, მსგავსი შემთხვევა თუ მოხდება ალბათ, თანხას არ აანაზღაურებენ, მაშინ გავჩერდებით და ეგ იქნება. ლოგიკურად, რომ ვიმსჯელოთ ალბათ არ არის ფინანსური საშუალება იმისა, რომ თანხა ყველაფერს მოეხმარონ ან შეიძლება ფინანსურ რესურსებს ინახავენ, რათა ვირუსის კიდევ უფრო გავრცელების შემთხვევაში კოვიდს მოახმარონ“, - განმარტავს ვახტანგ ლაშხი.

 


ჯანდაცვის სამინისტროს გადაწყვეტილებას გეგმიური ოპერაციების შეჩერებასთან დაკავშირებით სწორს და დროულს უწოდებს „საქართველოს კარდიოქირურგთა ასოციაციის“ პრეზიდენტი სულხან ლომინაძე. მისი თქმით, ქვეყანაში შექმნილი რთული ეპიდემიოლოგიური სიტუაციის გათვალისწინებით პაციენტისთვის უმჯობესია გეგმური ოპერაციები გადაიდოს.

 

ჯანდაცვის სამინისტრომ სწორი და დროული გადაწყვეტილება მიიღო, შეიძლება ცოტა დაგვიანებულიც კი, თუმცა ეს დადგენილება აუცილებლად უნდა ამოქმედებულიყო. პირველი არის პაციენტი, შემდეგ არის ფინანსური მხარე. ამ ეტაპზე, როდესაც ასეთი კრიტიკული ვითარებაა, პაციენტებისთვის უმჯობესია გეგმიური ოპერაციები გადაიდოს. ეს ყველა ქვეყანაში აპრობირებული მეთოდია. ჩვენი კლინიკა არ არის კოვიდ პაციენტებით დატვირთული და მწვანე კლინიკად ითვლება, მაგრამ პაციენტების მომართვიანობა განახევრებულია, აქედან გამომდინარე თუ პაციენტს ჩარევის თვალსაზრისით რაიმე დასჭირდა, ეს შეიძლება ურგენტულადაც გაკეთდეს და სასწრაფო დაყოვნებულითაც“, - განაცხადა სულხან ლომინაძემ.

 

„საქართველოს კარდიოქირურგთა ასოციაციის“ პრეზიდენტის აზრს იზიარებს   „Medi Club Georgia“ - ს სამედიცინო დირექტორი გიორგი გოცაძე. იგი აცხადებს, რომ გადაწყვეტილება პაციენტების ნაკადების შემცირებას ემსახურება. გოცაძე ამბობს, რომ „Medi Club Georgia“ ქვეყანაში შექმნილი ეპიდემიოლოგიური და ჯანდაცვის სამინისტროს მოთხოვნის შესაბამისად იმოქმედებს.

 

„ჯანდაცვის სამინისტროს მიერ გადადგმული ყველა ნაბიჯი პანდემიის მართვის ერთ-ერთი შემადგენელი ნაწილია. გეგმიური სერვისების შეწყვეტა, ასეთი მოზღვავებული პაციენტების პირობებში, არის მართვის თანმხლები გადაწყვეტილება. მიღებული დადგენილება კავშირში იმასთან, რომ გეგმიური ნაკადი ჰოსპიტალში შემცირდეს და დაწესებულებას ჰქონდეს საშუალება დაინფიცირებულ პაციენტებს მოემსახუროს. ჩვენ მივყვებით ჯანდაცვის სამინისტროს ბრძანებებს და რეკომენდაციებს შესაბამისად არ გვაქვს უფლება შევეწინააღმდეგოთ. რახან ამ გადაწყვეტილებას იღებენ, ე.გ  ის გარკვეულ მონაცემებზე და მდგომარეობაზეა დაფუძნებული. 10 რიცხვამდე ვისაც საგარანტიო წერილი მიღებული აქვს იმათი მომსახურება უნდა მოხდეს, ამის შემდეგ მწვავე შემთხვევებზე ვიმოქმედებთ, რომელშიც შედის როგორც თერაპიული ასევე ქირურგიული პათოლოგიები“,- ამბობს გიორგი გოცაძე.

 

ჯანდაცვის მინისტრის ეკატერინე ტიკარაძის თქმით, დაგეგმილი ოპერაციების  გადადება ნაკლებად საზიანო იქნება. ტელეკომპანია „იმედის“ ეთერში მინისტრმა თქვა ისიც, რომ გადაწყვეტილება ბიუჯეტს არ უკავშირდება.

 

ჩვენ გვქონდა არაერთი შემთხვევა, ადამიანი რომელიც არ იყო კოვიდინფიცირებული, მიმართა კლინიკას ჩაიტარა კონკრეტული ოპერაცია და ოპერაციის შემდეგ მას დაუდასტურდა კოვიდინფექცია, აქედან გამომდინარე, მივიღეთ გადაწყვეტილება, რომ ისევ პაციენტების უსაფრთხოების მიზნით, გეგმიური ოპერაციები შევზღუდოთ და დაყოვნება გავზარდოთ პირველ მარტამდე, — განაცხადა ეკატერინე ტიკარაძემ.

 

შეგახსენებთ, რომ 19 ნოემბრის №688 დადგენილების თანახმად, გეგმიური ოპერაციები პირველ მარტამდე გადაიდება. გამონაკლისს წარმოადგენს, სასწრაფო-დაყოვნებული ტიპის ინტერვენციები, ასევე ონკოლოგიური ოპერაციები, კარდიოქირურგიის, ინტერვენციული კარდიოლოგიის და არითმოლოგიის მომსახურება.


ბაჩო ადამია




„ფული რომელიც ჩვენ დღეს ვისესხეთ, ხვალ ჩვენმა შვილებმა და შვილიშვილებმა უნდა დაფარონ. - კოტე გაბრიჩიძე

„ფული რომელიც ჩვენ დღეს ვისესხეთ, ხვალ ჩვენმა შვილებმა და შვილიშვილებმა უნდა დაფარონ. - კოტე გაბრიჩიძე
access_time2021-01-25 17:30:11
„ეს ჩვენი არჩეული  მთავრობაა და ჩვენ უნდა მივუთითოთ.  არავინ გაჩერდება , პროტესტი იქნება  ბოლომდე, ჩვენ გუშინაც შევუერთდით მიტინგს, რომელიც  სრულიად აპოლიტიკური  იყო და შემდეგ პოლიტიკურობა მიაბეს.  უბრალოდ  სტუმარმასპინძლობის ბიზნესის ორგანზებულ აქციაზე პოლიტიკოსები მოვიდნენ. ჩვენ ყველანაირად ვეტყვით იგივე ამირან გამყრელიძეს, რომ  ჯერ ბიუჯეტის შევსებაა...

FITCH -მა სამ ქართულ სისტემურ ბანკს “მხარდაჭერის რეიტინგი“ გაუუარესა

FITCH -მა სამ ქართულ სისტემურ ბანკს “მხარდაჭერის რეიტინგი“ გაუუარესა
access_time2021-01-25 15:21:42
საქართველოში რეზოლუციის ჩარჩოს ამოქმედების პასუხად, Fitch -მა სამ ქართულ სისტემურ ბანკს „მხარდაჭერის რეიტინგი“ გაუუარესა.   საფინანსო სექტორში რეზოლუციის კანონმდებლობის შემოღება გავლენიანმა სარეიტინგო სააგენტომ უარყოფითად ჯერ კიდევ 2019 წლის გაზაფხულზე, კანონმდებლობის დაანონსებისას შეაფასა და განაცხადა, რომ თუკი ეს კანონი ამოქმედდებოდა 3 ბანკს: თიბისის, საქართველოს ბანკს და ლიბერთის „მხარდაჭერის რეიტინგს“ არსებული 4 დონიდან 5 დონემდე დაუწევდა.   თუმცა,...

ტურიზმის სექტორის კომპანიების 18% საქმიანობის სრულად შეჩერებას ელის

ტურიზმის სექტორის კომპანიების 18% საქმიანობის სრულად შეჩერებას ელის
access_time2021-01-25 14:30:16
ტურიზმის სექტორში გამოკითხული კომპანიების  18.2% თვლის, რომ მოუწევთ საქმიანობის სრულად შეჩერება, 37%-ს მიაჩნია რომ შემოსავლები შემცირდება 75%-ით, 27.3% - შემოსავლების 50%-ით შემცირებას ვარაუდობს.   ტურიზმის სფეროში მოღვაწე 8 არაკომერციული ორგანიზაციის მიერ ჩატარებული კვლევის თანახმად, პროგნოზი საკმაოდ პესიმისტურია. ტურიზმის სექტორში დასაქმებულთა უმეტესი წილი მოდის დაბალი რგოლის მომსახურე პერსონალზე, რომელთა ანაზღაურება მათთვის საციცოცხლოდ მნიშვნელოვანია. საქართველოში...

NDI- საქართველოს ეკონომიკის წინაშე მდგარი ყველაზე დიდი პრობლემები უმუშევრობა, სიღარიბე, ფასების ზრდა და ლარის გაუფასურებაა

NDI- საქართველოს ეკონომიკის წინაშე მდგარი ყველაზე დიდი პრობლემები უმუშევრობა, სიღარიბე, ფასების ზრდა და ლარის გაუფასურებაა
access_time2021-01-25 13:26:18
NDI-ის უახლესი კვლევის თანახმად, გამოკითხულთა უმეტესობა (59%) საქართველოს ეკონომიკის წინაშე მდგარ ყველაზე დიდ პრობლემად უმუშევრობას ასახელებს.   კვლევის თანახმად, რომელიც 2020 წლის 17-24 დეკემბრის პერიოდს მოიცავს, ქვეყნის ეკონომიკის წინაშე მდგარ სხვა პრობლემებს შორის დასახელებულია: ფასების ზრდა (45%); სიღარიბე (28%); ლარის გაუფასურება (27%); პანდემიასთან დაკავშირებული შეზღუდვები (14%); დაბალი ხელფასები (11%) და საზღვრების ჩაკეტვა (6%).   ამასთან,...

ხელისუფლება ჭორებს ავრცელებს, თითქოს სექტორთან კომუნიკაცია აქვს - INN Group

ხელისუფლება ჭორებს ავრცელებს, თითქოს სექტორთან კომუნიკაცია აქვს - INN Group
access_time2021-01-25 13:00:03
ჭორებს ავრცელებენ თითქოს სექტორთან გარკვეული კომუნიკაცია არის, - Inn Group -ის  დირექტორმა ერეკლე კოკაიამ  უწყებათშორის საკოორდინაციო საბჭოს მხრიდან ბიზნესის იგნორირებაზე  რუსთავი 2-ის ეთერში განაცხადა. მან აღნიშნა, რომ  კერძო სექტორს სურს მთავრობის დახმარება, თუმცა საკონსულტაციო შეხვედრაზე არ მოდინ. ყოველ დღე ვწერთ თუმცა  არ რეაგირებენ, — ეს ერეკლე კოკაიას ალოგიკურად ეჩვენება. ფრენების დაშვება, სახმელეო  საზღვრების დაკეტვით და აინტერესებს...


მსგავსი სიახლეები

up