გაზზე მომუშავე ავტომობილების შემოწმებას შპს „აირბალონი“ განახორციელებს

გაზზე მომუშავე ავტომობილების შემოწმებას შპს „აირბალონი“ განახორციელებს

person access_time2016-06-22 14:04:19

რამდენიმეთვიანი მუშაობის შემდეგ ეკონომიკის სამინისტროს აკრედიტაციის ცენტრმა ინსპექტირების ორგანო შეარჩია. გაზზე მომუშავე ავტომობილების შემოწმებას შპს „აირბალონი" განახორციელებს. როგორც ცნობილია, აღნიშნული მომსახურების გაწევით 5-6 კომპანია იყო დაინტერესებული, თუმცა, აკრედიტაციის ცენტრის მოთხოვნები ამ დროისთვის მხოლოდ ერთმა კომპანიამ დააკმაყოფილა.

 

როგორც „კომერსანტს" ეკონომიკის სამინისტროს აკრედიტაციის ცენტრში განუცხადეს, ხელშეკრულება მათსა და კომპანიას შორის 16 ივნისს გაფორმდა, რომლის ფარგლებშიც კომპანიას ავტოსატრანსპორტო საშუალებების შემოწმება და შემდეგ მათ მფლობელებზე დასკვნის გაცემა დაევალა. დასკვნაში  განმარტებული იქნება თუ რამდენად ხარისხიანად და სწორადაა დაყენებული სისტემა.

 

აკრედიტაციის ცენტრში აცხადებენ, რომ ამ დროისთვის გაზზე მომუშავე ავტომობილების შემოწმებით კიდევ რამდენიმე კომპანიაა დაინტერესებული.

 

ასევე მნიშვნელოვანია ისიც, რომ აქამდე აკრედიტაციის ცენტრის მიერ აკრედიტებული არცერთი ინსპექტირების ორგანო არ არსებობდა.

 

ხელისუფლებამ გაზზე მომუშავე სატრანსპორტო საშუალებების სავალდებულო ინსპექტირება მომდევნო წლამდე გადადო. შესაბამისი გადაწყვეტილება 2016 წლის მარტში მთავრობის სხდომაზე მიიღეს. შედეგად, რეგულაცია 2016 წლის 1 აპრილის ნაცვლად 2017 წლიდან ამოქმედდება. როგორც ეკონომიკის მინისტრმა დიმიტრი ქუმსიშვილმა მაშინ „კომერსანტის" კითხვის საპასუხოდ განმარტა, ამის მიზეზი ისაა, რომ კერძო სექტორმა არ მოახდინა სერვისცენტრების შესაბამისი აღჭურვა, რათა მათ ინსპექტირება სწორად გაეკეთებინათ.

 


2016 წლის მარტში „საქართველოს ტრანსპორტისა და გზების ასოციაციის" დამფუძნებელი დავით მესხიშვილი მიიჩნევდა, რომ მთავრობას არჩევნებამდე პოლიტიკურადაც არ აწყობდა ასეთი თემების წამოწევა. ასოციაცია წინააღმდეგი იყო ეს საკითხი ამოქმედდეს მანამდე, სანამ სავალდებულო ტექდათვალიერება შევა ძალაში, რადგან, მათი თქმით, მძღოლებისთვის ეს იქნება დამატებითი ტვირთი, მათ შორის ფინანსური კუთხით.


ცვლილების თანახმად, ყველა იმ ავტოსატრანსპორტო საშუალებამ, რომელიც მუშაობს ალტერნატიულ საწვავზე, ბუნებრივ აირზე (გაზზე), ტექნიკური შემოწმება 2017 წლის 1 იანვრამდე უნდა გაიაროს.

 

სქემა ასეთია: ცენტრის მიერ აკრედიტირებული კომპანია, ავტოსატრანსპორტო საშუალებების მფლობელებზე გასცემს დასკვნას, თუ რამდენად ხარისხიანად და სწორადაა დაყენებული სისტემა. აღნიშნულ დოკუმენტს კი საჭიროების შემთხვევაში საპატრულო პოლიცია ამოწმებს. შედეგად, დაჯარიმების უფლებაც შსს-ს აქვს.


რეგულაციის ძალაში შეცვლის შემდეგ, აირბალონების და აირბალონიანი სისტემის ტექნიკური შემოწმება უნდა განხორციელდეს შემდეგი პერიოდულობით: ნახშირბადიანი ფოლადისგან ან ლითონპლასტიკისგან დამზადებული აირბალონების პერიოდული შემოწმება - 3 წელიწადში ერთხელ; ლეგირებული ფოლადისგან დამზადებული აირბალონების პერიოდული შემოწმება - 5 წელიწადში ერთხელ. იმ შემთხვევაში, თუ მწარმოებლის დოკუმენტაციით არ ირკვევა აირბალონის მასალის შემადგენლობა, მისი შემოწმება სავალდებულოა 3 წელიწადში ერთხელ. სიახლეა ისიც, რომ სავალდებულო ხდება აირბალონიანი მოწყობილობის სისტემების შემოწმებაც, რაც ასევე ყოველ 3 წელიწადში ერთხელ უნდა განხორციელდეს.


„კომერსანტის" ინფორმაციით, დარღვევების აღმოჩენის შემთხვევაში სავარაუდო ჯარიმა 100 ლარი იქნება.


შეგახსენებთ, რომ 2017 წლის 31 დეკემბრამდე ასევე გადადებულია სავალდებულო ტექდათვალიერების შემოღება და მარჯვენასაჭიანი ავტომობილების რეგისტრაციის აკრძალვა.



 




„ქართული ოცნების“ 14 ნოემბერი–კიდევ ერთი ნაბიჯი ხელისუფლების დელეგიტიმაციისკენ“

„ქართული ოცნების“ 14 ნოემბერი–კიდევ ერთი ნაბიჯი ხელისუფლების დელეგიტიმაციისკენ“
access_time2019-11-14 23:02:59
საქართველოს ყოფილი პრემიერ-მინისტრი გიორგი კვირიკაშვილი პარლამენტის მიერ საარჩევნო სისტემის ცვლილებების შესახებ კანონპროექტის ჩაგდებას და შემდეგ განვითარებულ მოვლენებს სოციალური ქსელით ეხმაურება. „ქართული ოცნების“ 14 ნოემბერი - არსებულ პოლიტიკურ მოცემულობაში სახელმწიფოებრიობისგან, რაციონალიზმისგან და პოლიტიკური პრაგმატიზმისგან დაცლილი გადაწყვეტილება - კიდევ ერთი ნაბიჯი ხელისუფლების დელეგიტიმაციისკენ და საზოგადოებრივი და პოლიტიკური პოლარიზაციისკენ - ხელიდან...

„დღეს კონსტიტუციური კანონი პირველი მოსმენით არ ჩავარდნილა, რადგან კონსტიტუციის ცვლილების მისაღები ქვორუმი არის 100“ - ზვიად კორძაძე

„დღეს კონსტიტუციური კანონი პირველი მოსმენით არ ჩავარდნილა, რადგან კონსტიტუციის ცვლილების მისაღები ქვორუმი არის 100“ - ზვიად კორძაძე
access_time2019-11-14 21:35:43
...

მამუკა ხაზარაძის მიმართვა ბიზნესმენებს

მამუკა ხაზარაძის მიმართვა ბიზნესმენებს
access_time2019-11-14 21:45:32
საზოგადოებრივი მოძრაობა „ლელოს“ დამფუძნებელმა  მამუკა ხაზარაძემ პარლამენტის წინ აქციაზე გამოსვლისას ბიზნსმენებს მიმართა და აღნიშნა, რომ „დღეიდან ყველამ ძალიან მწყობრი ნაბიჯებით ეს ქვეყანა უნდა გამოვიყვანოთ არსებული მდგომარეობიდან“. მინდა მოვუწოდო ჩემ ძმებს, ჩემ მეგობრებს, ბიზნესმენებს. ძმებო ასეთი ტყუილების ქვეყანა არ გამოვა, ვერც ბიზნესი გაიხარებს, ვერაფერი ვერ გაიხარებს . მე ვიცი რა მდგომარეობაში გვიწევდა შრომა და მუშაობა 30 წლის განმავლობაში. ყველა...

15 ნოემბრიდან საქართველოს სტატისტიკის ეროვნული სამსახური ეროვნულ ანგარიშთა სისტემის ახალ სტანდარტებზე გადადის

15 ნოემბრიდან საქართველოს სტატისტიკის ეროვნული სამსახური ეროვნულ ანგარიშთა სისტემის ახალ სტანდარტებზე გადადის
access_time2019-11-14 18:40:11
საქართველოს ბიზნეს ასოციაციასა (BAG) და საქართველოს სტატისტიკის ეროვნულ სამსახურს შორის სამუშაო შეხვედრისას საქსტატის აღმასრულებელმა დირექტორმა გოგიტა თოდრაძემ ასოციაციის წევრი კომპანიების წარმომადგენლებს ეროვნულ ანგარიშთა სისტემის (ეას) ახალი მეთოდოლოგია წარუდგინა. შეხვედრას ესწრებოდა ასოციაციის პრეზიდენტი, სოსო ფხაკაძე და აღმასრულებელი დირექტორი, ლევან ვეფხვაძე. მიმდინარე წლის 15 ნოემბრიდან საქართველოს სტატისტიკის ეროვნული სამსახური ეროვნულ ანგარიშთა სისტემის (ეას) ახალ...

თინა ხიდაშელი: სამი კონკრეტული ნაბიჯი, რომელიც უნდა გადადგას ივანიშვილმა ვითარების შემოსაბრუნებლად

თინა ხიდაშელი: სამი კონკრეტული ნაბიჯი, რომელიც უნდა გადადგას ივანიშვილმა ვითარების შემოსაბრუნებლად
access_time2019-11-14 18:05:57
სამი კონკრეტული ნაბიჯი, რომელიც უნდა გადადგას ივანიშვილმა ვითარების შემოსაბრუნებლად - წერს სოციალურ ქსელში ორგანიზაცია „სამოქალაქო იდეის“ დამფუძნებელი თინათინ ხიდაშელი.    1.საჯაროდ მიმართოს იმ 8 დეპუტატს ვინც დატოვა უმრავლესობა დაბრუნდნენ, რადგან სწორედ მათი პოზიცია არის თანხვედრაში პარტიის ხაზთან - მხარს ვუჭერთ 2020 პროპორციულ არჩევნებს. შესაბამისად, ისინი უნდა დარჩნენ პარტიაში.   2. პარტიიდან უნდა გარიცხოს ყველა, ვინც დღეს პარტიის...


მსგავსი სიახლეები

up