გაზსადენ Nordstream 2-ის პროექტის ხელმძღვანელი

გაზსადენ Nordstream 2-ის პროექტის ხელმძღვანელი "შტაზის" ყოფილი აგენტია

access_time2019-12-23 22:30:58

გაზსადენ Nordstream 2-ის პროექტის აღმასრულებელი დირექტორი, მატიას ვარნიგი წარსულში გერმანიის დემოკრატიული რესპუბლიკის სპეცსამსახურების თანამშრომელი იყო.

 

როგორც პროექტის ვებ-გვერდზე ვკითხულობთ, ვარნიგი ზედამხედველობს Nordstream 2-ის "ოპერაციების ყველა ასპექტს". იქვე, მის ბიოგრაფიაში მითითებულია, რომ 1981 წლიდან 1990 წლამდე ვარნიგი გერმანიის დემოკრატიული რესპუბლიკის ჩინოვნიკი იყო.

 

ავსტრიული გამოცემის, Der Standart-ის თანახმად, ვარნიგი 1974 წლიდან იყო აღმოსავლურ გერმანული სადაზვერვო სამსახურის, შტაზის აგენტი.

 

მისი კოდური სახელი არტური იყო და შტაზის დიუსელდორფის სადგურიდან აღმოსავლეთში გადასცემდა ინფორმაციას დასავლურ გერმანული კომპანიების შესახებ.

 

როგორც ცნობილია, მატიას ვარნიგისა და ვლადიმირ პუტინს ხანგრძლივი პირადი ურთიერთობა აკავშირებთ, რომელიც 1990 წლიდან იღებს სათავეს. ბერლინის კედლის დანგრევის შემდეგ ვარნიგი გერმანულ Dresndner Bank-ში მუშაობდა, რომელსაც 90-იანების დასაწყისში სანკტ-პეტერბურგში სურდა ფილიალის გახსნა.

 

იმ დროისათვის სანკტ-პეტერბურგის საგარეო ეკონომიკურ ურთიერთობებს სწორედ პუტინი უძღვებოდა. პუტინსა და ვარნიგს შორის მაშინდელი მოლაპარაკებები წარმატებით დასრულდა, ამ უკანასკნელის რუსული კავშირები კი დროთა განმავლობაში უფრო და უფრო გამყარდა.


 

ზოგიერთი ცნობით, პუტინის და ვარნიგის ურთიერთობას ჯერ კიდევ გერმანიაში ჩაეყარა საფუძველი, როცა პუტინი დრეზდენში მუშაობდა კაგებე-ს ოფიცრად.

 

დღეს ვარნიგი არაერთ მსხვილ რუსულ კომპანიაში იკავებს თანამდებობას, მათ შორისაა გაზპრომი, ტრანსნეფტი, როსნეფტი, VTB ბანკი. გარდა ამისა, ვარნიგმა 2012 წელს რუსეთის ფედერაციის ღირსების ორდენიც კი მიიღო.

 

გერმანული გაზეთი Die Welt 2014 წელს წერდა, რომ "როცა პუტინი ძალაუფლების სათავეში მოექცა, ვარნიგი რუსეთის ერთ-ერთ ყველაზე ძლევამოსილ ეკონომიკურ მენეჯერად იქცა. გერმანელი ერთ-ერთია მცირეთაგან, ვისაც კრემლის უნდობი მმართველი კვლავაც ენდობა."

 

რუსეთიდან ბალტიის ზღვის გავლით გერმანიაში გასაყვანი ახალი რუსული მილსადენის Nord Stream 2-ის დიდი ნაწილი უკვე აგებულია.

 

თუმცა რუსული პროექტის მშენებლობა, რითაც რუსეთმა კიდევ 55 მილიარდი კუბური მეტრის მოცულობის გაზი უნდა მიაწოდოს გერმანიას, სულ მცირე, გადაიდება პროექტიდან შვეიცარული კომპანია AllSeas-ის გასვლის გამო.

 

AllSeas-ის გასვლის მიზეზი აშშ-ს მიერ შემოღებული სანქციებია - 21 დეკემბერს დონალდ ტრამპმა ხელი მოაწერა კანონს, რითაც ნებისმიერ კომპანიას, რომელიც რუსულ სახელმწიფო კომპანია გაზპრომს ევროკავშირში გამავალი მილსადენების მშენებლობაში ეხმარება, სანქციები უწესდება. სანქციები მოიცავს აქტივების გაყინვას, აშშ-ის ვიზების გაუქმებას.

 

აშშ-ს მიაჩნია, რომ მილსადენის პროექტი ევროკავშირის უსაფრთხოებას რისკის ქვეშ აყენებს. ახლი რუსული პროექტებით ევროპის რუსეთზე ენერგოდამოკიდებულება და პოლიტიკური გავლენა კიდევ უფრო გაიზრდება.


tabula.ge




დღის Top 10 საინტერესო ამბავი

 დღის Top 10 საინტერესო ამბავი
access_time2020-10-22 21:00:21
1. ბანკებზე თავდასხმის ქრონიკა საქართველოში   ბანკების ძარცვა ტექნოლოგიების ერაში ბევრს ყველაზე მოძველებულ კრიმინალურ აქტად მიაჩნევა, თუმცა ფინანსურ ინსტიტუტებზე შეიარაღებული თავდასხმა პლანეტის ერთერთ მთავარ გადაუჭრელ პრობლემად დღემდე რჩება....

22 ოქტომბერი - რეგიონში ქართული ლარი გამყარდა, თურქული ლირა გაუფასურდა

22 ოქტომბერი - რეგიონში ქართული ლარი გამყარდა, თურქული ლირა გაუფასურდა
access_time2020-10-22 18:10:25
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 22 ოქტომბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, კურსის ცვლილებამ 0.93 თეთრი შეადგინა, რის შედეგადაც ერთი...

Forbes: აშშ-ს იუსტიციის სამინისტრომ Google-ს უჩივლა

Forbes: აშშ-ს იუსტიციის სამინისტრომ Google-ს უჩივლა
access_time2020-10-22 20:00:48
აშშ-ს იუსტიციის სამინისტრომ Google-ის წინაამღდეგ სასამართლოში ანტიმონოპოლური სარჩელი შეიტანა.   უწყების აზრით, კორპორაცია ონლაინ-ძიების ბაზარზე ხელოვნულ მონოპოლიას აჩენს.   Google არის მსოფლიოს ერთ-ერთი უმდიდრესი კომპანია, რომლის საბაზრო ღირებულებაც 1 ტრლნ. დოლარია. ის თითქმის მონოპოლოსტია მილიარდობით ინტერნეტ-მომხმარებლისთვის, კომპანია ისეთ სერვისებს ფლობს, როგორც  Chrome,  YouTube, Google maps, Google translate და...

უნდა გახსნას თუ არა საზღვრები საქართველომ - PMC RESEARCH-ის შეფასებები

უნდა გახსნას თუ არა საზღვრები საქართველომ - PMC RESEARCH-ის შეფასებები
access_time2020-10-22 17:30:00
2020 წლის სამ კვარტალში, საერთაშორისო მოგზაურობიდან საქართველომ 499 მლნ დოლარის შემოსავალი მიიღო, ეს 81%-იანი დანაკლისია 2019 წლის ანალოგიურ მაჩვენებელთან შედარებით. PMC Research-ის ინფორმაციით, 2020 წლის სექტემბერში საერთაშორისო მოგზაურთა რიცხვი 94.2%-ით შემცირდა. აპრილის შემდეგ, 2019 წლის შესაბამის პერიოდთან შედარებით, ყოველ თვეში, მოგზაურების, ვიზიტორებისა და ტურისტების რაოდენობა 90%-ზე მეტად მცირდებოდა. კვლევაში მითითებულია, რომ COVID-19...

ნოემბრის შუა რიცხვებში ინფიცირების დღიურმა მაჩვენებელმა შესაძლოა, 4-5 ათას მიაღწიოს - გამყრელიძე

 ნოემბრის შუა რიცხვებში ინფიცირების დღიურმა მაჩვენებელმა შესაძლოა, 4-5 ათას მიაღწიოს - გამყრელიძე
access_time2020-10-22 17:00:34
დაავადებათა კონტროლისა და საზოგადოებრივი ჯანდაცვის ეროვნული ცენტრის ხელმძღვანელის ამირან გამყრელიძის განცხადებით, კორონავირუსის გავრცელებასთან დაკავშირებით, ნოემბრის პროგნოზი ახლიდან გაკეთდება.   მისივე ინფორმაციით, აქამდე გაკეთებული პროგნოზის თანახმად, ვირუსის გავრცელების პიკი ნოემბრის შუა რიცხვებში დადგება და ამ პიკის დროს დღიურმა მაჩვენებელმა შესაძლოა 4-5 ათას შემთხვევას მიაღწიოს.   „პროგნოზირება ძალიან უმადური რამ არის. არ არსებობს არც ერთი...


მსგავსი სიახლეები

up