გაზრდილი ფასები და შემცირებული მომხმარებელი - ბათუმის რესტორნებს მოგებაზე გასვლა აგვისტომდე შეუძლებლად მიაჩნიათ

გაზრდილი ფასები და შემცირებული მომხმარებელი - ბათუმის რესტორნებს მოგებაზე გასვლა აგვისტომდე შეუძლებლად მიაჩნიათ

access_time2021-03-04 10:00:37

ბათუმში რესტორნების შიდა სივრცეები 1-ლი მარტიდან გაიხსნა, კვების ობიექტებს ფუნქციონირება მხოლოდ სამუშაო დღეებში შეუძლიათ. თუმცა, კურორტის რესტორნების დიდმა ნაწილმა მუშაობა არ განაახლა, რადგან აცხადებენ, რომ არსებული შეზღუდვებისა და ტურისტების არარსებობის გამო ხარჯების დაფარვას ვერ მოახერხებენ. გახსნილი ობიექტები კი მომხმარებლებს დადგენილი რეკომენდაციების მკაცრი დაცვითა და გაზრდილი ტარიფებით მასპინძლობენ.


ბათუმის რესტორანის „დელირიას“ მფლობელი ნინო გაბუნია „კომერსანტთან“ პროდუქციის და კომუნალური გადასახადების გაზრდილ ფასებზე, შემცირებულ მომხმარებელსა და შემოსავლებზე საუბრობს.


„შიდა და გარე სივრცეები გახსნილია, მაგრამ რესტორანი ჯერჯერობით ადგილობრივ მომხმარებლებზე, ბათუმის მოსახლეობაზე მუშაობს, ვერც ტურისტების და ვერც შიდა ტურიზმის მიმართულებით მოძრაობას ვერ ვამჩნევთ. ძირითადად ბათუმში არსებული რესტორნები ზაფხულში აგროვებენ ხოლმე ფინანსებს, რომელიც შემდეგ ზამთარს გადაატანინებთ, მაგრამ ამ ზაფხულმა ეგ ფუფუნება არ მოგვცა და შემოდგომის სეზონს -30%-იანი ვაჭრობის მაჩვენებლით შევხვდით.  იმის გამო, რომ ყველა პროდუქტი გაძვირებულია და კომერციულ ობიექტებს კომუნალური გადასახადები გაუზარდეს, მენიუზე ფასების გაზრდა მოგვიწია. ამ ეტაპზე ვმუშაობთ შემცირებული პერსონალით, რათა მიღებული შემოსავლით ხარჯების დაფარვა მაქსიმალურად შევძლოთ, მოგებაზე გასვლა აგვისტოს თვემდე შეუძლებლად მიმაჩნია.


ზაფხულის სეზონს რესტორანი ზარალით შეხვდება, უამრავი ვალი გვაქვს დარჩენილი, მათ შორის დისტრიბუციის. ჯერჯერობით ვაკვირდებით, 15 მარტამდე შევხედავთ რა მდგომარეობაში იქნება და თუ მოთხოვნაც გაიზარდა გავაგრძელებთ მუშაობას, მაგრამ თუ ვნახავთ, რომ ვერ ვასრულებთ დადგენილ მინიმალურ ვაჭრობის მაჩვენებელს, მაშინ შევცვლით პოლიტიკას. ჯერჯერობით შემცირებული პერსონალით და მინიმალური დანახარჯებით ვმუშაობთ. ეკონომიას ვაკეთებთ, რაღაც პროდუქტები არ შემოგვაქვს, რადგან გარკვეულ დანახარჯს მოითხოვს და ამ მდგომარეობაში არაა მიზანშეწონილი, ვმუშაობთ ისე, როგორც ომის შემდეგ.



კომენდანტის საათიც სერიოზული პრობლემაა, რესტორანი, რომ ძირითადად საღამოს საათებში არის დატვირთული ამაზე საუბარი ზედმეტია, ცოცხალი მუსიკა და სოციალური შეკრებები აკრძალულია, ეს ყველაფერი კი ჩვენთვის შემოსავალი იყო“, - აღნიშნა ნინო გაბუნიამ.

 

ბათუმში მდებარე ქართული რესტორანის „ბროწეული“ დამფუძნებელი მაია ანანიძე „კომერსანტთან“ აცხადებს, რომ შიდა სივრცეების გახსნის მიუხედავად მომხმარებელთა ზრდა არ შეინიშნება. მისივე თქმით, გაზრდილია პროდუქციის ფასები, ფასნამატი კი 30%-დან 50%-მდეა.


„რესტორნის შიდა სივრცეც გავხსენით, ფართი არც ისე დიდია, ამიტომ ვერ ვიტყვით რომ პირველი მარტიდან რეგულაციების შემსუბუქებამ ჩვენს შემთხვევაში განსაკუთრებული ცვლილება და მომხმარებელთა ზრდა გამოიწვია. სამწუხაროა, მაგრამ მომხმარებლებს მცირედით შეცვლილი ფასებით ვხვდებით, რადგან პროდუქტის ღირებულება ძალიან გაზრდილია, ლარის გაუფასურების გავლენაც დიდია. მართალია მაქსიმალურად ვეცადეთ, რომ ძირითად კერძებზე არ გაგვეზარდა ფასი, თუმცა ზოგადად შეიძლება ითქვას, რომ ზოგიერთ პროდუქტზე ფასნამატი დაახლოებით 50%-მდეა, ძირითად შემთხვევაში კი 30%. რაც შეეხება სამომავლო გეგმებს, გათვლა, მაინც უფრო მეტად ზაფხულის პერიოდზე გვაქვს, თუმცა ვფიქრობთ, რომ ტურისტები წელს ნაკლებად გვეყოლება, უფრო მეტად იმედებს შიდა ტურიზმზე ვამყარებთ“, - ამბობს მაია ანანიძე.

 

აღსანიშნავია, რომ რესტორნები შიდა სივრცეებში ფუნქციონირებას შაბათ-კვირის გარდა საქართველოს ყველა რეგიონში 8 მარტიდან განაახლებენ.


ნინო თამაზაშვილი



თეგები:
რესტორანი



საპარლამენტო უმრავლესობის 6 დეპუტატი გიორგი გახარიას ახალ გუნდს უერთდება

საპარლამენტო უმრავლესობის 6 დეპუტატი გიორგი გახარიას ახალ გუნდს უერთდება
access_time2021-04-14 12:09:18
„ქართული ოცნების“ დეპუტატები - გიორგი ხოჯევანიშვილი, ალექსანდრე მოწერელია, ბექა ლილუაშვილი, შალვა კერესელიძე, მიხეილ დაუშვილი და ანა ბუჩუკური მმართველ პარტიას ტოვებენ.   ამის შესახებ დეპუტატებმა განცხადება პარლამენტში გააკეთეს.   „თითოეულმა თქვენგანმა კარგად იცის, რომ ვართ გიორგი გახარიას გუნდი. ვართ თანამოაზრეები და გვაერთიანებს ღირებულებები. გახარიასთან ერთობლივი გადაწყვეტილებით, გადავდივართ პარტიის მშენებლობის ახალ ფაზაზე. ვტოვებთ „ქართულ ოცნებას“ და...

მთავრობის წვლილი წამლების გაძვირებაში - ცვლილება კანონში, რომელმაც მედიკამენტებზე ხელმისაწვდომობა შეზღუდა 

მთავრობის წვლილი წამლების გაძვირებაში - ცვლილება კანონში, რომელმაც მედიკამენტებზე ხელმისაწვდომობა შეზღუდა 
access_time2021-04-14 10:00:02
მედიკამენტების ფასები საქართველოს მოსახლობის ყველაზე დიდი, მოუგვარებელი პრობლემაა, პრობლემა რომლის შესახებაც იცის ყველამ. საკითხზე წლებია საუბრობს როგორც მმართველი გუნდი, ისე ოპოზიციური პარტიებიც და თვითონ ფარმაცევტული კომპანიებიც, თუმცა ფაქტი ერთია, საუბართან ერთად ფასები მხოლოდ და მხოლოდ იზრდება. 2011 წლიდან საქსტატის მონაცემებით სისხლძარღვთა გამაფართოებელი მედიკამენტების ფასი 105 პროცენტით, ტკივილგამაყუჩებელი მედიკამენტები 60 პროცენტით, ხოლო ანტიბიოტიკები 78 პროცენტით გაიზარდა. როგორც...

„2021-2026 წლებში მშპ 60%-ით გაიზრდება და 6782 აშშ დოლარი გახდება“ - მიხეილ დუნდუა

„2021-2026 წლებში მშპ 60%-ით გაიზრდება და 6782 აშშ დოლარი გახდება“ - მიხეილ დუნდუა
access_time2021-04-13 18:30:53
„სავალუტო ფონდის პროგნოზით საქართველოს მიმდინარე ანგარიშის დეფიციტი 2021 წლიდან გაუმჯობესდება, 2022 წელს 7.98%_მდე დაიწევს, 2024 წლიდან კი 6%_ს ჩამოცდება და 2026 წლისთვის 5.56%_მდე შემცირდება. ერთ სულ მოსახლეზე მშპ აშშ დოლარში 2021-2026 წლებში 60%_ით გაიზრდება და ერთ სულზე 6782 აშშ დოლარი გახდება“ - ამის შესახებ საქართველოს ფინანსთა მინისტრის მოადგილე მიხეილ დუნდუამ „კომერსანტთან“ განაცხადა. მიხეილ დუნდუას განცხადებით, საერთაშორისო სავალუტო ფონდის...

13 აპრილი - რეგიონში მხოლოდ ქართული ლარი გაუფასურდა

13 აპრილი - რეგიონში მხოლოდ ქართული ლარი გაუფასურდა
access_time2021-04-13 18:00:28
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 13 აპრილის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 15 პუნქტით გაუფასურდა. შედარებისთვის, დაახლოებით 68 პუნქტით არის გაუფასურებული თურქული ლირა, სომხური დრამი 16 პუნქტით გაუფასურდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 13 აპრილის ვაჭრობის შედეგად (რომლის ოფიციალური კურსი 14 აპრილისთვისაა) ეროვნული...

საქართველოს მთავრობა ლონდონის ბირჟაზე ახალი $500-მილიონიანი ევრობონდების განთავსებაზე განცხადებას აკეთებს

საქართველოს მთავრობა ლონდონის ბირჟაზე ახალი $500-მილიონიანი ევრობონდების განთავსებაზე განცხადებას აკეთებს
access_time2021-04-13 16:10:00
საქართველოს ფინანსთა სამინისტრომ, შერჩეულ საერთაშორისო და ადგილობრივ საინვესტიციო ბანკებთან (JP Morgan, Goldman Sachs, ICBC Standard, TBC Capital და Galt & Taggart), იურიდიულ მრჩევლებთან (Backer & McKenzie და BLC) და საერთაშორისო ფისკალურ აგენტთან (Citi) ერთად, დაასრულა ევრობონდების ლონდონის საფონდო ბირჟაზე განთავსებისთვის მოსამზადებელი ეტაპი. ინფორმაციას სამინისტრო ავრცელებს. „ტრანზაქცია დღეს ოფიციალურად გამოცხადდა Bloomberg-ის სავაჭრო პლატფორმაზე. 13 და 14...


მსგავსი სიახლეები

up