როგორც გამოცემა Finanz.ru წერს, „გაზპრომი“ აგრძელებს საკუთარი წილის დაკარგვას ევროპის გაზის ბაზარზე და პოზიციებს ნორვეგიისა და თხევადი გაზოს მწარმოებლების სასარგებლოდ თმობს.მაისის თვის შედეგების მიხედვით, რუსული გაზის სამი ძირითადი საექსპორტო მიმართულებით – „ჩრდილოეთის ნაკადი“, „იამალი-ევროპა“ და უკრაინის დერეფნის საშუალებით გატარებული ბუნებრივი აირის მოცულობა 20%-ზე მეტად შემცირდა.
მაისის პირველ 20 დღეში „გაზპრომის“ მხოლოდ 1 მილიარდი კუბური მეტრი საწვავი გაიყიდა ელექტრონულ სავაჭრო პლატფორმაზე, თვის ბოლოს კი იამალი-ევროპის მილსადენი მთლიანად დაიხურა.
რუსულ ბუნებრივ აირს ბაზრის წილი ნელ-ნელა უმცირდება. მაისის 26 დღის განმავლობაში თხევადი გაზის მიწოდება ევროპაში წინა წლის ანალოგიურ პერიოდთან შედარებით 9.4%-ით გაიზარდა. ნორვეგიას, რომელიც მესამე ყველაზე მსხვილი მიმწოდებელია გაზის, ასევე შეუმცირდა ბუნებრივი აირის ექსპორტი 12%-ით, თუმცა გაცილებით ნაკლებად, ვიდრე „გაზპრომს“.
იანვარ-აპრილში, „გაზპრომის“ წილი ევროპაში ძირითადი საგარეო ექსპორტიორების მიწოდებაში (გაზპრომი, ნორვეგია, თხვევადი აირი, ალჟირი, ლიბია) 35%-მდე დაეცა. გასულ წელს აღნიშნული მაჩვენებელი დაახლოებით 40% იყო, მანამდე 45%-ზე მეტი.
„წილების შემცირება ძირითადად გამოწვეული თხევადი აირის კონკურენციის გაზრდით“ – აცხადებენ „Сколково“-ს ანალიტიკოსები.
გაზეთი „ბანკები და ფინანსები“