გაზაფხულზე ბეღურას ზარბაზანი ვესროლეთ - გახარიას მთავრობის ბაქი-ბუქმა შექმნა განცდა, რომ საფრთხემ გადაიარა

გაზაფხულზე ბეღურას ზარბაზანი ვესროლეთ - გახარიას მთავრობის ბაქი-ბუქმა შექმნა განცდა, რომ საფრთხემ გადაიარა

access_time2020-09-10 16:00:00

 

 

„გაზაფხულზე ბეღურას ზარბაზანი ვესროლეთ“, ამ სათუარით ევროპული საქართველოს მაჟორიტარობის კანდიდატი თელავის, ახმეტის, ყვარლისა და ლაგოდეხის ოლქში, ზურაბ ჭიაბერაშვილი სოციალურ ქსელში ვრცელ სტატუს აქვეყნებს. ოპოზიციონერი დეპუტატი ყურადღებას ამახვილებს საქართველოს მთავრობის მუშაობაზე, თუ როგორ მართა გახარიას გუნდმა ეპიდემია. ჭიაბერაშვილი აცხადებს, რომ ეპიდემიის შეკავებით ეკონომიკის მაქსიმალურად დაზარალების ხარჯზე გახარიას მთავრობამ პოლიტიკურ ქულებს იწერდა და ბოლომდე ამ სტრატეგიას გაყვა.

 

ეპიდემიასთან გამკლავების იმ სტრატეგიით, რაც ქართულმა ოცნებამ აირჩია, დათვური სამსხური გაგვიწია. ის, რაც საზოგადოების ნაწილმა გახარიას მთავრობას მიღწევად ჩაუთვალა, სტრატეგიულად ყველაზე დამაზიანებელი შეიძლება აღმოჩნდეს.

 

ავხსნი დეტალურად:

 

1. ეპიდემიის შეკავება და არა მართვა

 

თავდაპირველად ყველა მთავრობა და ყველა საზოგადოება - გარდა შვედეთისა! - მოქმედებდა პანიკურად, მაქსიმალური ჩაკეტვებით.

 

მერე სხვები მიხვდნენ, რომ ასეთ ჩაკეტვებს მოქალაქეები ვერც ეკონომიკურად და ვერც ფსიქოლოგიურად მოქალაქეები გაუძლებდნენ და შეეცადნენ ეპიდემიის ისე მართვას, რომ არც ეკონომიკა ჩამოშლოდათ და არც ჰოსპიტალური სექტორი. თან მთავრობებმა ჩაკეტვების პარალელურად, თავიანთ მოქალაქეებს მნიშვნელოვანი ფინანსური დახმარება გაუწიეს, რითაც ასატანი გახადეს დაწესებული შეზღუდვები.

 

გახარიას მთავრობამ იგრძნო, რომ ეპიდემიის შეკავებით (და არა მართვით!) პოლიტიკურ ქულებს იწერდა და ბოლომდე ამ სტრატეგიას გაყვა, ეკონომიკის მაქსიმალურად დაზარალების ხარჯზე. თანაც თუ სხვა მთავრობებმა დახმარებების გაწევა მარტშივე დაიწყეს, რომ ეკონომიკის ვარდნა შეეკავებინათ, გახარიას მთავრობამ ეს გზა აირჩია: მოდით, დაველოდოთ სადამდე ჩამოიშლება ეკონომიკა და მერე გავწიოთ დახმარება. ასეთი მიდგომით კი, ზოგადად ეკონომიკა იმაზე მეტად ვარდება, ვიდრე მასში ფულის ადრიდანვე ჩატოვების შემთხვევაში მოხდებოდა.

 

ამასთან, ჯანდაცვის სამინისტრო ისეთ კონფრონტაციაში შევიდა ჰოსპიტალურ სექტორთან, რომ თანამშრომლობის ყველა საფუძველი მოსპო. ეპიდემიის მართვას კი სამინისტროსა და სავადმყოფოებს შორის ნდობაზე და არა დასჯის შიშზე აგებული ურთიერთობები სჭირდება.


 

2. ზარბაზანი ბეღურას

 

ტოტალურ შეზღუდვებს მარტიდან მაისამდე მოყვა ტოტალური უკონტროლობა ზაფხულის პერიოდში. ერთი უკიდურესობიდან მეორე უკიდურესობაში გადავვარდით.

 

გახარიას მთავრობის ბაქი-ბუქმა შექმნა განცდა, რომ საფრთხემ გადაიარა. ამასთან, მაქსიმალურმა ჩაკეტვამ გაზაფხულზე ნებისმიერი რეგულაციის მიმართ მიუღებლობა გააჩინა. გაზაფხულზე ბეღურას ზარბაზანი ვესროლეთ, ახლა კი საზოგადოებას ნებისმიერ შეზღუდვაზე უარყოფითი რეაქცია აქვს.

 

ამიტომ იყო საჭირო ისეთი სტრატეგიის არჩევა, რაც საზოგადოებას, ეპიდემიის მართვისას, თანამონაწილეს გახდიდა. ეს თანამონაწილეობა აადვილებს და აიაფებს ეპიდემიის მართვას.

 

მაგალითად, როდესაც საზოგადოება რეკომენდაციებს უჯერებს, რადგან მათ გონივრულად მიიჩნევს, ადვილია, მსუბუქი პაციენტები ამბულატორიულად, თვითიზოლაციის პირობებში მართო. როდესაც მთავრობა ისეთ უგუნურ შეზღუდვებს აწესებს, რომ საზოგადოებას მათგან თავის არიდებაზე უჭირავს თვალი, მაშინ იგივე მთავრობა იძულებული ხდება, მსუბუქი პაციენტებისთვის საკარანტინე სივრცეები (სასტუმროები) გამოიყენოს და მილიონები ამაზე დახარჯოს.

 

3. მართვა და არა მიშვება

 

იქნებ გახარიას მთავრობის სტრატეგიით ვაქცინამდე მივაღწიოთ ან გვეცადა მიღწევა? - იკითხავენ ერთნი.

 

ვაქცინის არსებული კანდიდატების ვარგისიანობის შესაძლო დადასტურება დეკემბერ-იანვარში, როგორც დოქტორი ფაუჩი დიდი სიფრხილით ვარაუდობს, არ ნიშნავს, რომ პანდემიაც დეკემბერ-იანვარში სრულდება. ვაქცინა იქნება გარღვევა, მაგრამ არა პრობლემის სრულად მოგვარება.

 

გახარიას მთავრობის შეკავების სტრატეგიას გაცილებით დიდ დროზე გათვლილი რესურსი უნდა უმაგრებდეს ზურგს, რაც, სამწუხაროდ, არ გვაქვს ზუსტად იმიტომ, რომ ჩვენი ეკონომიკის პოტენციალი დასუსტდა ოცნების პირობებში და კიდევ უფრო მძიმე მდგომარეობაში აღმოჩნდა ამ შეკავების სტრატეგიით.

 

სხვები მეტყვიან, რა უნდა ექნათ, ეპიდემიას ხომ არ მიუშვებდნენო. არა, მეგობრებო, მიშვებაზე არაა საუბარი. საუბარია მართვაზე. და მართვის სწავლაზე. ძლიერი ჯანდაცვის სისტემების მქონე ქვეყნებსაც კი ჰქონდათ თავდაპირველი შოკი და ქაოსი, ვიდრე სისტემას დაალაგებდნენ/გადააწყობდნენ და ეპიდემიის მართვაზე გადავიდოდნენ.

 

4. კორონა და სეზონური გრიპი

 

მე მაინც მგონია, რომ ჯობდა ამ ეპიდემიის მართვა ზაფხულში, იმ პირობებში გვესწავლა, როდესაც პარალელურად სეზონური გრიპი არ გვიტევს. თქვენ შეგიძლიათ წარმოიდგინოთ ოჯახის/სოფლის ექიმების და ცხელების კლინიკების მდგომარეობა, როდესაც ოქტომბრიდან მათდამი მიმართვიანობა გაათმაგდება სეზონური გრიპის გამო. დამეთანხმებით, ყველას, ვისაც კი დააცემინებს თუ დაახველებს, კორონავირუსზე ექნება ეჭვი.

 

ჯანდაცვის სამინისტრო გვიმტკიცებს, რომ განვლილი 7-8 თვე ეფექტიანად გამოიყენა. ეს გამოჩნდება, რამდენად ეფექტური იქნება ინფექციის კონტროლი საავადმყოფოებში და რამდენად დაბალი იქნება, მაგალითად, სამედიცინო პერსონალის წილი ინფიცირებულთა საერთო რაოდენობაში. შეგახსენებთ, რომ გაზაფხულზე ეს წილი ძალიან მაღალი იყო ინფიცირებულთა საერთო რაოდენობის სიმცირის დროსაც კი.

 

და ბოლოს, საპანიკო არაფერია. მედიცინამ დღეს უკვე მეტი იცის, როგორ მოუაროს ინფიცირებულ პაციენტს. როგორ ვმართოთ კორონაკრიზისი, ეს ჯერ კიდევ სასწავლი გვაქვს“, - წერს ზურაბ ჭიაბერაშვილი სოციალურ ქსელში.





24 იანვარი - ლარის კურსი დოლართან, ევროსთან და რუბლთან მიმართებით გამყარდა

24 იანვარი - ლარის კურსი დოლართან, ევროსთან და რუბლთან მიმართებით გამყარდა
access_time2022-01-24 18:00:29
24 იანვრის ვაჭრობის შედეგად ლარი აშშ დოლართან მიმართებაში 0.31 თეთრით 3.0763- მდე გამყარდა. Bloomberg-ის პლატფორმაზე დღის ბოლოს კურსმა 3.0712 შეადგინა. საერთაშორისო ვალუტებიდან ლარი ევროსთან 1 თეთრით 3.4808-მდე, ბრიტანულ ფუნტთან 2.76 თეთრით 4.1515-მდე, 100 რუსულ რუბლთან 11.10 თეთრით 3.9149-მდე, თურქულ ლირასთან 0.10 თეთრით 0.2287-მდე გამყარდა. 1000 სომხურ დრამთან კი 0.22 თეთრით 6.3916-მდე, აზერბაიჯანულ მანათთან 0.33 თეთრით 1.8134-მდე...

2022 წელს ეკონომიკა 5.5%-ზე მეტად გაიზრდება - „თიბისი კაპიტალი“

2022 წელს ეკონომიკა 5.5%-ზე მეტად გაიზრდება - „თიბისი კაპიტალი“
access_time2022-01-24 17:00:17
2022 წელს საქართველოში სავარაუდოდ 5.5%-ზე მაღალი ეკონომიკური ზრდა იქნება, ამის შესახებ თიბისი კაპიტალის მთავარი ეკონომისტის ყოველკვირეულ განახლებაშია აღნიშნული.  "საქართველოში, ინფიცირებისა და სიკვდილიანობის მაჩვენებლები კვლავ პრობლემურია, თუმცა, იანვრის წინასწარი მაჩვენებლების მიხედვით, ტურიზმის აღდგენის დინამიკა მნიშვნელოვნად დაჩქარდა. ეს გვაძლევს საშუალებას ვივარაუდოთ, რომ 2022 წელს, ძირითადად უკვე სწორედ ტურიზმის აღდგენაზე დამოკიდებული ეკონომიკის ზრდა ჩვენს...

იტალია ყავა ესპრესოს „იუნესკოს“ სიაში შეტანას ითხოვს

იტალია ყავა ესპრესოს „იუნესკოს“ სიაში შეტანას ითხოვს
access_time2022-01-24 16:00:00
იტალიის მთავრობა ყავა ესპრესოს „იუნესკოს“ არამატერიალური მემკვიდრეობის სიაში შეტანას ითხოვს. ქვეყნის სოფლის მეურნეობის მინისტრის მოადგილის, ჯანმარკო ჩენტინაიოს განცხადებას ადგილობრივი წამყვანი სააგენტო, ANSA (Agenzia Nazionale Stampa Associata) ავრცელებს. „ყავა იტალიაში უბრალო სასმელზე ბევრად მეტია: ეს არის ნამდვილი რიტუალი, ეროვნული იდენტობის განუყოფელი ნაწილი და სოციალურობის გამოხატულება, რაც იტალიელებს სხვებისგან განასხვავებს,“ - აცხადებს ჯანმარკო...

რძის და რძის პროდუქტების ფასმა 13%-ით მოიმატა და კიდევ გაძვირდება

რძის და რძის პროდუქტების ფასმა 13%-ით მოიმატა და კიდევ გაძვირდება
access_time2022-01-24 15:00:50
საქართველოში რძისა და რძის პროდუქტების ბაზარზე წარმოებასთან დაკავშირებით დიდი პრობლემაა. ბოლო რამდენიმე თვეა, ფასები მატულობს და 1 ლ რძის ფასი უკვე 5 ლარია, მეტნაკლებად შენარჩუნდა ინდუსტრიული რძის ღირებულება, თუმცა ისიც იმის ხარჯზე, რომ წარმოება თითქმის მასობრივად რძის ფხვნილს იყენებს. როგორც აგროექსპერტთა ასოციაციის თავმჯდომარის მოადგილე მიხეილ ჭიჭაყუა ,,კომერსანტთან“ ამბობს, ფასების ზრდა ძირითადად სეზონურ ცვლილებას უკავშირდება, თუმცა ნედლეული ძვირდება გლობალურ ბაზრებზე. ორივე ფაქტორი ერთად...

საქართველოს მთავრობის წევრთა 1/3 კოვიდინფიცირებულია

საქართველოს მთავრობის წევრთა 1/3 კოვიდინფიცირებულია
access_time2022-01-24 12:55:57
საქართველოს მთავრობის ოთხ წევრს კორონავირუსი დაუდასტურდა. კორონავირუსი დაუდასტურდათ საქართველოს თავდაცვის მინისტრ ჯუანშერ ბურჭულაძეს, განათლების მინისტრ მიხეილ ჩხენკელს, გარემოს დაცვისა და სოფლის მეურნეობის მინისტრ ლევან დავითაშვილს და რეგიონული განვითარებისა და ინფრასტრუქტურის მინისტრ ირაკლი...


მსგავსი სიახლეები

up