გახშირებული ავტოავარიები და გაზრდილი მსხვერპლი გზებზე - დეპუტატები საკუთარ უმოქმედობაში მიზეზს ვერ ხედავენ

გახშირებული ავტოავარიები და გაზრდილი მსხვერპლი გზებზე - დეპუტატები საკუთარ უმოქმედობაში მიზეზს ვერ ხედავენ

person access_time2016-06-14 16:00:07

გზებზე არსებული საგანგაშო მდგომარეობის თემას „კომერსანტი“ კიდევ ერთხელ უბრუნდება, რადგან ჯერჯერობით არ ჩანს არანაირი ნიშანი იმისა, რომ ხელისუფლება აპირებს კონტროლის გამკაცრებას კანონდამრღვევი მძღოლებისა და ქვეითების მიმართ. ასეთი მიდგომების ფასი მოქალაქეების უსაფრთხოებაა, რომელიც ყოველდღიურად უარესდება.


საგანგაშოა ის, რომ კონტროლის მექანიზმების შესუსტებას ემატება კანონმდებლების მიერ ფაქტობრივად პასუხისმგებლობის აღებაზე უარის თქმა: ისინი პრობლემების მთავარ მიზეზებად მოქალაქეების თვითშეგნებასა და ძველ ავტოპარკს ასახელებენ, ხოლო იმაზე, რომ ორივე პრობლემა კანონმდებლობამ უნდა მოაგვაროს, არ საუბრობენ.

 

ცივილიზებულ მსოფლიოში მოქალაქეების დაბალი „თვითშეგნების“ ამაღლების ერთადერთ ქმედით ზომად შესაბამისი კანონების მიღება და მათი აღსრულებაა მიჩნეული. მხოლოდ მოქალაქის „თვითშეგნების“ იმედად საზოგადოებრივი წესრიგის დაცვა არცერთ ქვეყანაში არ ხდება. 

 

ის მაღალი ყოფითი კულტურა, რომელსაც დასავლეთის საზოგადოებებმა მიაღწია, სწორი კანონებისა და მათი ეფექტური აღსრულების შედეგია. 

 

იმ დროს, როდესაც ქვეყნის ცხოვრების რომელიმე სფეროში ვითარება უარესდება, ხელისუფლება იწყებს ფიქრს ამ სფეროში  ახალი რეგულაციების შემოღებაზე. 


მაგალითად, საქართველოში ღვედის გაკეთება უკვე ყოველდღიური ყოფითი კულტურის ნაწილად იქცა. თუმცა ეს შედეგი ვერც საინფორმაციო კამპანიებმა და მოქალაქეების „თვითშეგნების“ ამაღლების სხვა საშუალებებმა ვერ მოიტანა. შედეგი მხოლოდ კანონის შემოღებისა და ჯარიმების ამოქმედების შემდეგ დადგა. 

 

ქართველი კანონმდებლები კი გზებზე არსებულ ვითარებაზე საუბრისას ხელს ძირითადად საზოგადოებისკენ იშვერენ და  აცხადებენ, რომ მოქალაქეობრივი თვითშეგნების ამაღლების გარეშე ავტოავარიების რაოდენობას ვერც პატრული და ვერც გამკაცრებული კანონმდებლობა ვერ შეამცირებს. 


პარლამენტარების ამ დემაგოგიური განცხადებების სულისკვეთებას აგრძელებს შსს, რომელიც მოქალაქეობრივი თვითშეგნების ამაღლებას საინფორმაციო კამპანიით ცდილობს მომხიბვლელი სლოგანითა და სიმბოლიკით: „შენი გულისთვის - შენი უსაფრთხოებისთვის“. თუმცა იმ ფონზე, როდესაც არც ავტომობილების ტექდათვალიერებისა და არც საგზაო მოძრაობაზე კონტროლის გამკაცრების მიზნით კონკრეტული ნაბიჯები არ იდგმება, კამპანიას ეფექტი არ მოაქვს.


საქართველოს ხელისუფლება უკვე წლებია თავს იკავებს სავალდებულო ტექდათვალიერების წესის ამოქმედებისგან. ყოველ მომდევნო წელს მოქალაქეებს მიეწოდებათ ინფორმაცია იმის შესახებ, რომ ამ წესის ამოქმედებამ კიდევ ერთი წლით გადაიწია. სპეციალისტები ფიქრობენ, რომ მიზეზი მარტივია - ხელისუფლებას არაპოპულარული ნაბიჯის გადადგმა და ამომრჩეველთა ხმის დაკარგვა არ სურს. ასეთი დამოკიდებულების შედეგია დაბინძურებული ეკოლოგია, სხვადასხვა დაავადებების გაზრდილი მაჩვენებელი და გზებზე დაღუპული ასობით ადამიანი.


სტატისტიკა კი ასეთია: 2015 წელს საქართველოში 6 500-მდე ავტოსაგზაო შემთხვევაა რეგისტრირებული. ეს, დაახლოებით, ხუთასით მეტია, ვიდრე იყო 2014-ში. ავტოავარიების შედეგად დაიღუპა 602 ადამიანი, ხოლო დაშავდა ათი ათასამდე. დაღუპულებს შორის 28 ბავშვია.


2012 წელს ავტოავარიებში დაიღუპა 605 ადამიანი, 2013-ში - 514, 2014-ში - 511, 2015 წელს ამ მაჩვენებელმა მკვეთრად მოიმატა და 602 ადამიანი შეადგინა.


რამდენიმე თვის წინ ითქვა, რომ მდგომარეობის გამოსასწორებლად მთავრობა კონკრეტულ ნაბიჯებს გადადგამდა, იგულისხმებოდა მარჯვენასაჭიანი და საჭეგადატანილი ავტომობილების რეგისტრაციის აკრძალვა, ასევე მართვის მოწმობებზე ქულათა სისტემის დაწესება. ხელისუფლებამ განაცხადა, რომ მზადაა მიიღოს არაპოპულარული გადაწყვეტილებები. თუმცა, ცვლილებების დანერგვა გადაიდო. რამდენიმე თვეა პარლამენტში ამ კანონპროექტის განხილვა შეჩერებულია. ექსპერტების აზრით, მთავრობას მოახლოებული არჩევნების წინ მოსახლეობის „გაღიზიანება“ არ სურს.



იღებს თუ არა ხელისუფლება, მათ შორის საკანონმდებლო, პასუხისმგებლობას იმაზე,  რომ მისი მმართველობის პერიოდში ავტოავარიებში დაღუპულთა სტატისტიკა გაიზარდა? 

 

რა გააკეთა პარლამენტმა იმისთვის, რომ სიტუაცია გამოსწორებულიყო? „კომერსანტმა“ ამ კითხვებით პარლამენტის დეპუტატებს მიმართა. მათი პასუხებიდან გამომდინარე, ისინი პასუხისმგებლობის დიდ ნაწილს ცალკეულ მოქალაქეებს აკისრებენ. ისინი მართალია, საკუთარ პასუხისმგებლობაზეც საუბრობენ, თუმცა ეს ცნება მათთვის საკმაოდ ზოგადია და მათი მხრიდან რა კონკრეტულ ინიციატივებში გამოიხატება, არ საუბრობენ.

 

პარლამენტის უმრავლესობის წევრი დავით ლორთქიფანიძე პატრულის საქმიანობით კმაყოფილია და არც ჯარიმების ეფექტს აღიარებს. ის მიიჩნევს, რომ ავტოსაგზაო შემთხვევების პირველი მიზეზი გაზრდილი და მოძველებული ავტოპარკია. მისი თქმით, ერთი მხრივ, კარგია, რომ ქვეყანაში დიდი ავტოპარკია, მაგრამ ქართულ გზებს შესაბამისი გამტარუნარიანობა არ აქვს.


„რაც მეტია მძღოლი, მეტია დაუკვირვებელი მძღოლიც, რომელიც საბოლოო ჯამში იწვევს ავტოსაგზაო შემთხვევებს. რომ გითხრათ, რომ პატრულია ავარიების გახშირების მიზეზი, არ ვიქნები მართალი, რადგან არ მგონია, პატრული მოძრაობის წესების დარეგულირებაში არ იღებდეს მონაწილეობას, მაგრამ მარტო დასჯა, ვფიქრობ, არ არის საკმარისი. მძღოლები უნდა ვიყოთ ყურადღებიანები და გავუფრთხილდეთ არამარტო საკუთარ თავს, არამედ სხვა ადამიანების სიცოცხლესაც“,- აცხადებს დავით ლორთქიფანიძე.


მისივე თქმით, მოქალაქეობრივი თვითშეგნების ამაღლებისთვის საჭიროა სახელმწიფოს მხრიდან უფრო მეტი აგიტაცია, რეკლამა ტელევიზიით, რომელიც საზოგადოებას ყოველდღიურად შეახსენებს, რა შედეგებით სრულდება საგზაო მოძრაობის წესების დარღვევის ფაქტები. 


„საზოგადოების თვითშეგნებაა მთავარი და შემდეგ უკვე სახელმწიფოს მხრიდან უნდა გადაიდგას ნაბიჯები“,- აცხადებს დავით ლორთქიფანიძე.


რაც შეეხება პასუხისმგებლობას გზებზე არსებულ მდგომარეობაზე, დეპუტატი ზოგადი განცხადებით შემოიფარგლება – რომ ეს როგორც მოქალაქეების, ასევე სახელმწიფოს პასუხისმგებლობაა.


დეპუტატი კახა ოქრიაშვილი ფიქრობს, რომ გახშირებული ავტოავარიების მიზეზი უპირველესად ისაა, რომ ბევრ ადგილზე გზის საფარის აღდგენა მიმდინარეობს, მძღოლები კი ასეთ მონაკვეთებზე წესებს ძირითადად არ იცავენ.

„ხალხი არ ემორჩილება წესებს, მაგალითად იმას, რომ მაქსიმუმ 110 კმ/სთ-სიჩქარით უნდა იარონ მანქანით ტრასებზე. ვხედავ, რომ ხალხი არ იცავს ამ წესებს. რეაგირება არის, ყველგან დგას კამერები, როგორც შემაკავებელი ფაქტორი, პატრული მოძრაობს, მაგრამ ყველა ადამიანს კუდში ვერ გაეკიდება პატრული“,- აცხადებს კახა ოქრიაშვილი.


დეპუტატი მისი კოლეგის მსგავსად ფიქრობს, რომ ცნობიერების ასამაღლებლად მარკეტინგული და საგანმანათლებლო აქტივობები უნდა განხორციელდეს.


პარლამენტარის თქმით,  შს სამინისტროს მიერ წარდგენილი კანონპროექტი, რომელიც საგზაო მოძრაობის წესების დარღვევაზე რეგულაციებს ამკაცრებდა, აუცილებლად უნდა იყოს შემოღებული. მისი განმარტებით, პარლამენტში ამ კანონპროექტს ბევრი მოწინააღმდეგე ჰყავდა, ის შეიძლება ჩავარდნილიყო, ამიტომ შეჩერების და მისი დახვეწის გადაწყვეტილება მიიღეს.


„შეიძლება, არაპოპულარული იყოს ეს ზომები, მაგრამ მოგვიწევს მათი გატარება. ქულების სისტემა ამკაცრებდა წესებს, მთლად გამართული არ იყო, მაგრამ მე ზოგადად მომხრე ვარ ამ კანონპროექტის. თუ ადამიანი სისტემატურად არღვევს წესრიგს, მას უნდა ჩამოერთვას მართვის უფლება. ამასთან, მარჯვენასაჭიანების აკრძალვა უნდა მოხდეს. შუა გზაში დადიან ეს ადამიანები, რადგან სხვანაირად ვერ ხედავენ გზას, რაც იწვევს ავარიებს“,- ამბობს კახა ოქრიაშვილი და აღნიშნავს, რომ შს სამინისტროს მიერ წარდგენილი კანონი ძალიან მკაფიო უნდა იყოს და არ უნდა იძლეოდეს ინტერპრეტაციის საშუალებას.


დეპუტატი განმარტავს, რომ პარლამენტში ინიცირებული ვარიანტი ბევრ კითხვის ნიშანს აჩენდა და მისი შეჩერების ერთ-ერთი მიზეზი სწორედ ეს იყო.


ჯანდაცვის კომიტეტის თავმჯდომარე დიმიტრი ხუნდაძე კი რეგულაციების გამკაცრებას აუცილებლად მიიჩნევს, თუმცა კომენტარს  ისიც ცალკეული  მოქალაქეების პასუხისმგებლობის თემით ასრულებს.

 

„როცა სპეცმანქანა მოძრაობს, როგორიცაა სასწრაფო, ამას არ უნდა სჭირდებოდეს დამატებითი რეგულაციები, მაგრამ დაგვჭირდა და შემოვიტანეთ. შედეგად, თუ დღეს მძღოლები არ დაუთმობენ გზას სპეცმანქანას, ისინი ჯარიმდებიან“,- ამბობს ხუნდაძე.


მისივე თქმით, სიტუაციის გამწვავების მიზეზი ძირითადად გაზრდილი ავტოპარკია, თუმცა, ეს  გახშირებული ავარიების გასასამართლებელი საბუთი არ არის.


„ალბათ, მოძრაობის წესების გარკვეული კორექტირება იქნება საჭირო. მე, ზოგადად, რეგულაციების გამკაცრების მომხრე არ ვარ ხოლმე, მაგრამ როდესაც ეს ეხება ადამიანის სიცოცხლეს, აქ საზრიანი და დროული გამკაცრება კარგი იქნება.


ამ ყველაფერში უდიდესი პასუხისმგებლობა აქვს მმართველ გუნდს, თუმცა, ვფიქრობ, რომ არამხოლოდ ხელისუფალმა უნდა არეგულიროს სიტუაცია, უნდა  არსებობდეს მოქალაქეობრივი პასუხისმგებლობაც.


ნასვამი მძღოლი არ უნდა ჯდებოდეს საჭესთან ან საჭე არ უნდა გადასცეს ადამიანს, რომელმაც არ იცის მართვა. რამდენიც უნდა გავამკაცროთ კანონი, ეს ადამიანი ვერ ითავისებს თავის პასუხისმგებლობას“,- აცხადებს დიმიტრი ხუნდაძე.



NATO, აშშ, ევროკავშირი გმობს რუსეთის მიერ შავი ზღვის ნაწილების 6 თვით ჩაკეტვის გეგმებს

NATO, აშშ, ევროკავშირი გმობს რუსეთის მიერ შავი ზღვის ნაწილების 6 თვით ჩაკეტვის გეგმებს
access_time2021-04-17 12:04:09
16 აპრილს NATO— ში განაცხადეს, რომ რუსეთის გეგმები ექვსი თვით შავი ზღვის ნაწილებში საზღვაო მიმოსვლის შეზღუდვის შესახებ სამხედრო მანევრების ჩატარების ფონზე "გაუმართლებელი და დესტაბილიზაციის გამომწვევი იქნება". NAთO-მ რუსეთს მოსთხოვა, რომ უკრაინას თავისუფალი ნავიგაციის უფლება არ შუზღუდოს.რუსეთის თავდაცვის სამინისტრომ გაავრცელა განცხადება, რომ მოსკოვი 24 აპრილიდან 31 ოქტომბრის ჩათვლით უცხოური სამხედრო გემებისთვის და სხვა გემებისთვის შავი ზღვის ნაწილების ჩაკეტვას...

„ჩვენ პრობლემებს დაუხვეწავ კანონმდებლობაში ვხედავთ და არა თიზ-ის ინფრასტრუქტურაში“ - ჰუალინგის თიზ-ის აღმასრულებელი დირექტორი

„ჩვენ პრობლემებს დაუხვეწავ კანონმდებლობაში ვხედავთ და არა თიზ-ის ინფრასტრუქტურაში“ - ჰუალინგის თიზ-ის აღმასრულებელი დირექტორი
access_time2021-04-16 18:30:56
„ჩვენ პრობლემებს დაუხვეწავ კანონმდებლობაში ვხედავთ და არა თიზ-ის ინფრასტრუქტურაში, რაზეც უკვე წლებია ვსაუბრობთ* - აცხადებს ჰუალინგის თიზ-ის აღმასრულებელი დირექტორი სოსო ნიბლაძე, თუმცა არ ეთანხმება ქეთი ბოჭორიშვილის მოსაზრებას, რომ თიზ-ებში ინვესტორებს პრობლემების მოგვარება თვითონ უხდებათ და თიზ-ებში არ არის მოწესრიგებული ინფრასტრუქტურა. „ჰუალინგის თიზ-ში გასული 5 წლის განმვალობაში განხორციელდა 50 მლნ დოლარზე მეტი ინვესტიცია, როგორც უშუალოდ ინდუსტრიული პროექტების მოზიდვის...

რუსეთი დსთ - დან ჩასულ არალეგალ მიგრანტებს ქვეყნის დატოვებას სთხოვს

რუსეთი დსთ - დან ჩასულ არალეგალ მიგრანტებს ქვეყნის დატოვებას სთხოვს
access_time2021-04-16 19:00:31
რუსეთის შინაგან საქმეთა სამინისტრო დსთ-ს ქვეყნებისგან მოითხოვს, რომ მათ რუსეთში არალეგალურად მყოფი თავისი მოქალაქეები 15 ივნისამდე დაუყოვნებლივ გაიყვანონ. ამის შესახებ საპარლამენტთაშორისო ასამბლეაზე უწყების ხელმძღვანელის მოადგილემ ალექსანდრ გორავოიმ განაცხადა. შინაგან საქმეთა სამინისტროს სტატისტიკის მიხედვით, დღეს რუსეთში 332 ათასი არალეგალი მიგრანტი იმყოფება უზბეკეთიდან, 247 ათასი  - ტაჯიკეთიდან, 152 ათასი - უკრაინიდან, 120 ათასი...

16 აპრილი - რეგიონში მხოლოდ თურქული ლირა გაუფასურდა

16 აპრილი - რეგიონში მხოლოდ თურქული ლირა გაუფასურდა
access_time2021-04-16 18:00:21
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 16 აპრილის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 16 აპრილის ვაჭრობის შედეგად (რომლის ოფიციალური კურსი 19 აპრილისთვისაა) ეროვნული...

დღის Top 10 საინტერესო ამბავი

დღის Top 10 საინტერესო ამბავი
access_time2021-04-16 21:00:47
დღის Top 10 საინტერესო ამბავი: 1.„ახალი ობლიგაციების დაბალი საპროცენტო განაკვეთით ბიუჯეტი 350 მლნ ლარს დაზოგავს“ „ფინანსთა სამინისტრომ წარმატებით დაასრულა 500 მლნ აშშ დოლარის ღირებულების ევრობონდების გამოშვება. საპროცენტო განაკვეთმა (coupon rate) შეადგინა 2,75%. ახალი ობლიგაციებით მოხდა 2011 წელს გამოშვებული ევროობლიგაციების...


მსგავსი სიახლეები

up