გაუსაძლისი საცხოვრებელი პირობები და შემცირებული ანაზღაურება  - რა წერია გერმანიასთან შრომითი მიგრაციის შესახებ შეთანხმებაში

გაუსაძლისი საცხოვრებელი პირობები და შემცირებული ანაზღაურება - რა წერია გერმანიასთან შრომითი მიგრაციის შესახებ შეთანხმებაში

access_time2021-06-16 10:00:21

გაუსაძლისი საცხოვრებელი პირობები და შემცირებული ანაზღაურება - სახელმწიფო პროგრამით გერმანიაში დასაქმებული ქართველების ერთი ჯგუფი უმძიმეს სამუშაო პირობებში აღმოჩნდნენ. პრობლემის მოგვარებაში საქართველოს და გერმანიის დასაქმების სააგენტოები ჩაერთვნენ, თუმცა ერთი თვის შემდეგაც ეს ადამიანები, მუშაობას და ცხოვრებას შეუსაბამო პირობებში აგრძელებენ .

 

„ფორმულას“ ინფორმაციით, სახელმწიფო უწყებების დაპირების მიუხედავად, 24 ადამიანის მდგომაროება ამ დრომდე უცვლელია. დასაქმებულების თქმით, მათ ემუქრებიან და უყვირიან, რა დროსაც ისინი თავს „გაყიდულ მონებად“ გრძნობენ.

 

„კომერსანტი“ დაინტერესდა საქართველოს და გერმანიას შორის გაფორმებული შეთანხმების დოკუმენტით, რომლითაც მოქალაქეები გერმანიაში ლეგალურად, დროებით დასაქმდნენ. ჩვენ დასაქმების ხელშეწყობის სახელმწიფო სააგენტოსგან გამოვითხოვეთ ინფორმაცია, თუ რა მოთხოვნა აქვს საქართველოს სახელმწიფოს გერმანული მხარის მიმართ? არის თუ არა გაწერილი ხელშეკრულებაში სამუშაო პირობები და რა ბერკეტი გააჩნია დასაქმების სააგენტოს საკუთარი მოქალაქეების უფლებების დასაცავად იმ შემთხვევაში თუ ხელშეკრულების პირობები დაირღვევა?

 

დასაქმების ხელშეწყობის სახელმწიფო სააგენტოში აცხადებენ, რომ გერმანული მხარის მიერ შერჩეული კანდიდატები გამგზავრებამდე ეცნობიან გერმანელი დამსაქმებლის მხრიდან კონკრეტულ ვაკანსიაზე მოწოდებული ხელშეკრულების პირობებს, ფორმდება ორმხრივი კონტრაქტი დამსაქმებელსა და დასაქმებულს შორის, სადაც გაწერილია კონკრეტული დამსაქმებლის მოთხოვნები: სამუშაო საათები, ანაზღაურება და ასევე დასაქმებულის მხრიდან შესასრულებელი ვალდებულებები, ისევე როგორც მხარეთა უფლებები ამა თუ იმ საკითხის გადაჭრის პროცესში. მათი განცხადებით, შეთანხმების განხორციელების პროცესში ქართული მხრიდან ძირითადი პარტნიორი არის დასაქმების ხელშეწყობის სახელმწიფო სააგენტო, ხოლო გერმანიის მხრიდან გერმანიის დასაქმების ფედერალური სააგენტო (BA - Bundesagentur füრ Arbeit). აღნიშნულიდან გამომდინარე პასუხისმგებლობა არის გადანაწილებული ამ ორ ძირითად სახელმწიფო უწყებას შორის.


 

„ქართული მხარე ვალდებულია სწორი და გამართული განაცხადები გადაუგზავნოს გერმანულ მხარეს შერჩევისთვის, ხოლო გერმანიის ფედერალური დასაქმების სააგენტო თავის მხრივ პასუხისმგებელია დამსაქმებლის შერჩევის პროცესსა და ზოგადად გერმანიის ფედერაციული რესპუბლიკის ტერიტორიაზე საერთაშორისო მუშაკების შრომითი პირობების მონიტორინგზე სხვა შესაბამის უწყებებთან კოორდინაციით. გარდა ამისა, თავად ის ფაქტი, რომ წარმოშობილი გამოწვევების გადაჭრისთვის მხარეებს გააჩნიათ მყარი სამართლებრივი ბერკეტები, ურთიერთანამშრომლობით მოაგვარონ არსებული გამოწვევები და ღიად მოხდეს ასეთ საკითხებზე მსჯელობა კიდევ ერთხელ უსვამს ხაზს, თუ რაოდენ მნიშვნელოვანია ლეგალური, მოწესრიგებული მიგრაციისათვის სათანადო პირობების შექმნა“, - განმარტავენ დასაქმების ხელშეწყობის სახელმწიფო სააგენტოში.

 

რა წერია გერმანიასთან შრომითი მიგრაციის შესახებ შეთანხმებაში? დასაქმების ხელშეწყობის სახელმწიფო სააგენტოდან გამოთხოვილ დოკუმენტს უცვლელად გთავაზობთ:

 
შრომითი_მიგრაციის_შესახებ_შეთანხმება_გერმანიასთან
 

ცნობისთვის, სეზონურ სამუშოზე დასაქმებისთვის საქართველოდან გერმანიაში წასული მოქალაქეების მძიმე სამუშაო პირობებზე ინფორმაცია ერთი თვის წინ გავრცელდა. საქართველოს პროფკავშირების გაერთიანებაში აცხადებდნენ, რომ გერმანიაში წასული 24 მოქალაქე უმძიმეს სამუშაო პირობებში იმყოფებოდნენ - ისინი დაპირებულ ანაზღაურებას ვერ იღებდნენ, ხოლო ხელფასი, საათში დაპირებული 9 ევროს ნაცვლად, 3 ევრო იყო. შემდეგ დასაქმების ხელშეწყობის სახელმწიფო სააგენტომ გაავრცელა ინფორმაცია, რომ ქართველების ერთ ჯგუფს სხვა დამსაქმებელთან გადაიყვანდნენ, თუმცა როგორც გაირკვა, პრობლემა ამ დრომდე არ მოგვარებულა. ჯამში საქართველოდან გერმანიაში  11 ჯგუფი, 100 პირი იმყოფება.



ბაჩო ადამია




ონლაინკაზინოების წილმა ინტერნეტშესყიდვებში 67%-ს გადააჭარბა

ონლაინკაზინოების წილმა ინტერნეტშესყიდვებში 67%-ს გადააჭარბა
access_time2021-08-03 15:00:17
ბოლო 10 წელიწადში ინტერნეტშესყიდვების მოცულობა 20-ჯერ გაიზარდა. მკვეთრი ნახტომის მიზეზი Amazon.com-ის ან რომელიმე სხვა მსგავსი საიტის პოპულარობის ზრდა არ გამხდარა. 2020 წელს ბარათებით გადარიცხული 5.458 მლრდ ლარიდან 3.708 მლრდ, ანუ 67.9% ონლაინკაზინოების ანგარიშზე გადამისამართდა. 2011 წელს ბარათებით ინტერნეტშესყიდვების მოცულობამ 185 მლნ ლარი შეადგინა. 2020 წლის დეკემბერში, მხოლოდ 1 თვეში, კაზინოების ანგარიშზე 415 მლნ ლარი ჩაირიცხა. თუ მხოლოდ ქართულ...

თემურ ჭყონია: ბიზნესი დღეს მეტს დაასაქმებდა, რომ არა კვალიფიციური კადრების დეფიციტი

თემურ ჭყონია: ბიზნესი დღეს მეტს დაასაქმებდა, რომ არა კვალიფიციური კადრების დეფიციტი
access_time2021-08-03 14:00:17
ბიზნესმენ თემურ ჭყონიას აზრით, საქართველოში ბიზნესს ახალი სამუშაო ადგილების შექმნის შესაძლებლობა ჯერჯერობით არ აქვს. გარდა იმისა, რომ ერთ-ერთი ხელისშემშლელი გარემოება პანდემიაა, ჭყონიას ინფორმაციით, დიდი დაბრკოლებაა კადრების დეფიციტი და რომ არა ეს პრობლემა, შრომის ბაზარზე შეიძლება სიტუაცია გაცილებით უკეთესი ყოფილიყო. ,,დღევანდელი ტექნოლოგიები და შრომის ბაზარზე არსებული მოცემულობა, განსაკუთრებით კადრებთან დაკავშირებით, არ შეესაბამება ბაზრის მოთხოვნებს.  მაღალი დონის...

„გრინ კაპიტალისა“ და საოპერაციო კომპანია „ფრონტერა ისტერნის“ ადვოკატი აშშ-ის ელჩს საქართველოს მთავრობასთან შუამდგომლობის თხოვნით მიმართავს

„გრინ კაპიტალისა“ და  საოპერაციო კომპანია „ფრონტერა ისტერნის“ ადვოკატი  აშშ-ის ელჩს საქართველოს მთავრობასთან შუამდგომლობის თხოვნით მიმართავს
access_time2021-08-03 12:55:26
„გრინ კაპიტალისა“ და  საოპერაციო კომპანია „ფრონტერა ისტერნის“ ადვოკატი გიორგი ქიშმარია  აშშ-ის ელჩს კელი დეგნანს საქართველოს მთავრობასთან შუამდგომლობის თხოვნით მიმართავს. ამის შესაძებ კომპანიის ვრცელ წერილშია ნათქვამი, რომელსაც „კომერსანტი“ უცვლელად გთავაზობთ:   „ამერიკის შეერთებული შტატების საელჩოს საქართველოში და მის აღმატებულებას  ქალბატონ კელი დეგნანს   ევროკავშირის წარმომადგენლობის ხელმძღვანელს საქართველოში მის აღმატებულებას ბატონ...

"კრედიტინფო საქართველო" რამდენიმე მილიონიან ახალ სისტემას სექტემბრიდან აამოქმედებს

access_time2021-08-03 11:55:40
„კრედიტინფო საქართველომ“ ბიუროს მდგრადობისა და სტაბილურობის მეტი გარანტიის უზრუნველსაყოფად რამდენიმე მილიონიანი ინვესტიცია ჩადო ახალი სისტემის დანერგვაში. „კრედიტინფო საქართველოს“ გენერალური დირექტორის ალექსანდრე გომიაშვილის თქმით, სისტემა სექტემბრიდან ამუშავდება. ამ და სხვა მნიშვნელოვან საკითხებზე სწორედ „კრედიტინფო საქართველოს“ გენერალურ დირექტორს ვესაუბრეთ: პანდემიამ მნიშვნელოვანი ბიძგი მისცა კომპანიებს თავიანთი სისტემების გასავითარებლად,...

ინფლაცია 10–წლიან მაქსიმუმზეა

ინფლაცია 10–წლიან მაქსიმუმზეა
access_time2021-08-03 11:30:49
ინფლაციის განაკვეთმა 2021 წლის ივლისში 11.9%-ს მიაღწია, რაც 2011 წლის მაისის შემდეგ ყველაზე მაღალი მაჩვენებელია. ორნიშნა პროცენტული მაჩვენებლითაა გაძვირებული როგორც საკვები, ასევე ჯანდაცვა. ამის შესახებ ინფორმაციას საქსტატი ავრცელებს. წლიური ინფლაციის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე: სურსათი და უალკოჰოლო სასმელები: ჯგუფში ფასები გაიზარდა 14.1 პროცენტით, რაც წლიურ ინფლაციაზე 4.43...


მსგავსი სიახლეები

up