ინფრასტრუქტურისა და მდგრადი განვითარების მინისტრი მაია ცქიტიშვილი თანამდებობას ტოვებს. ამის შესახებ პრემიერ-მინისტრობის კანდიდატმა ირაკლი ღარიბაშვილმა „ქართული ოცნების“ ოფისში გამართულ ბრიფინგზე განაცხადა. მან მაია ცქიტიშვილს ქვეყნისთვის გაწეული სამსახურისთვის მადლობა გადაუხადა.
„ მინდა ვთქვა, რომ ბოროტად ვისარგებლე იმით, რომ ბატონ ირაკლისთან 15 წელია ვიცნობ, ბევრი ერთობლივად გაკეთებული საქმე გვაკავშირებს ერთმანეთთან ჯერ კიდევ იქიდან, როდესაც ერთად ვმუშაობდით საერთაშორისო ფონდ ქართუში.
როდესაც ბატონი ირაკლი იყო მთავრობის მეთაური მოგეხსენებათ, რომ მე მას ვეხმარებოდი, როგორც მთავრობის ადმინისტრაციის ხელმძღვანელი და შესაბამისად გულწრფელად ვთხოვე, რომ მე დავუბრუნდე ჩემ ოჯახს, გამოვიდე აქტიური პოლიტიკური ცხოვრებიდან და შესაბამისად ის ცხრა წლიანი პერიოდი ჩემი ცხოვრების ძალიან საინტერესო ძალიან დატვირთული დავასრულო ამით და მივცე საშუალება ჩემ გუნდს, ბატონ ირაკლი ქარსელაძეს, რომელიც არის ჩემი მოადგილე, პირველი მოადგილე სამი წლის განმავლობაშ. ირაკლისთან ერთად ინფრასტრუქტურის სამინისტროში ძალიან ბევრი საქმე გავაკეთე, ბევრი მნიშვნელოვანი საქმე წამოვიწყეთ, მე ძალიან მიხარია, რომ ირაკლი ქარსელაძე და ჩემი არსებული მოადგილეები ილია ბეგიაშვილი, მზია გიორგობიანი ანუ მთელი ის გუნდი, რომელიც ინფრასტრუქტურის სამინისტროში ჩვენ ერთად შევქმენით, ისინი ასევე გააგრძელებენ ყველა იმ საქმეს რომელიც ჩვენ ერთად წამოვიწყეთ და რა თქმა უნდა ჩემთვის ძალიან მისასალმებელი და ძალიან საინტერესოა, რომ მე ამ შემთხვევაშ დავუბრუნდე ჩემ ოჯახს და ჩვეულებრივი ადმიანის ცხოვრებას.
ვფიქრობ, რომ ძალიან ბევრი სასარგებლო საქმე გავაკეთე სხვადასხვა პოზიციაზე, მოგეხსენებათ რომ მე მთავრობის ადმინისტრაციის ხელმძღვანელი ვიყავი წლების განმავლობაში, როგორც ბატონმა ირაკლიმ აღნიშნა, რამდენიმე პრემიერის დროს მქონდა მუშაობის საშუალება და მინდა, რომ დღევანდელი ტრიბუნა გამოვიყენო იმისთვის, რომ მადლობა ვუთხრა ბატონ გიორგი გახარიას, იმ პრემიერს, რომელთანაც ერთადაც წელიწადნახევრის განმავლობაში ვიყავი ვიცე-პრემიერის პოზიციაზე, ასევე ძალიან დატვირთული პერიოდი იყო, სამწუხაროდ დაგვემთხვა კოვიდ პანდემია, სადაც ვფიქრობ რომ მთავრობის მთელი გუნდი , მთელი შემადგენლობა, ჩემი კოლეგები ძალიან წარმატებულად მართავდნენ ამ პროცესს და მინდა, რომ ყველას კიდევ ერთხელ ვუსურვო წარმატება“, განაცხადა მაია ცქიტიშვილმა.