ჯენიფერ ლოპესმა მრავალფეროვანი ნიჭი უამრავ სფეროში გამოსცადა, იქნებოდა ეს მუსიკა, ცეკვა და მსახიობობა თუ სხვა. გარეუბანში, სიღარიბეში მცხოვრებმა პატარა გოგონამ მისი შრომით და მიზანსწრაფული ხასიათით მართლაც მსოფლიო დაიპყრო. დღეს მისი ოფიციალური ქონება 150 მილიონ დოლარს შეადგენს, თუმცა დაუდასტურებელი ინფორმაციით, იგი ბევრად მეტს გამოიმუშავებს.

ჯენიფერ ლოპესი ჰოლივუდის ინდუსტრიის ერთ-ერთ უდიდეს ვარსკვლავთა სიაში საპატიო ადგილს იკავებს. საინტერესოა, როგორ ცხოვრებდა ის სანამ სახელგანთქმული გახდებოდა?

ჯენიფერ ლინ ლოპესი ან პოპულარული სახელით J.Lo, 1961 წელს, ბრონქსში დაიბადა. იგი ბავშვობიდან ვარსკვლავობაზე ოცნებობდა. 90-იანი წლების ე.წ. “ტრედის“ მსგავსად, ჯენიფერი უბანში იმით იყო გამორჩეული, რომ სამეზობლოსთვის სახელდახელოდ მომზადებულ წარმოდგენებს ხშირად დგამდა. ხუთი წლის იყო, როდესაც მშობლებმა ცეკვისა და მუსიკის გაკვეთილებზე შეიყვანეს. სწორედ ეს გადაწყვეტილება გახდა მისი წარმატების მთავარი მიზეზი.

ოჯახის გადაწყვეტილებით მუსიკისა და ცეკვის გარდა, პატარა ჯენიფერი წლების განმავლობაში დადიოდა ტანვარჯიშზე. იგი ასევე იყო სოფტბოლის გუნდში.

მოცეკვავის კარიერა

ჯენიფერის მშობლებს, გვადალუპე როდრიგესს და დევიდ ლოპესს სურდათ, რომ ჯენიფერი აკადემიკოსი გამხდარიყო. იგი მოგვიანებით ბარუჩის კოლეჯში ჩაირიცხა, მაგრამ მალევე მიხვდა, რომ ეს სფერო არ აინტერესებდა. მას ჰქონდა სხვა ნიჭი, განსაკუთრებით სახვითი ხელოვნების დარგში და გადაწყვიტა კოლეჯი პირველი სემესტრის შემდეგ დაეტოვებინა. ამ გადაწყვეტილების გამო ოჯახთან დიდი კოფლიქტი მოუვიდა და მშობლები წლების განმავლობაში არ ელაპარაკებოდნენ. ურთიერთობა მოგვიანებით, მას შემდეგ აღდგა, როდესაც ჯეი ლოს კარიერა, როგორც ცობილი მოცეკვავისა, უკვე შემდგარი იყო.

მისი პირველი დიდი წარმატება სპექტაკლ “იესო ქრისტე სუპერვარსკვლავი და ოკლაჰომა“ -ში მონაწილეობა იყო. რის გამოც მომღერალმა საცხოვრებელი ადგილი შეიცვალა და მანჰეტენზე გადავიდა.

ამის შემდეგ უკვე ვარსკვლავმა ევროპაში ხუთთვიანი მოგზაურობა წამოიწყო, როდესაც Golden Musicals- ში ბროდვეის გუნდმა დაიქირავეს. Celebrity Net Worth– ის თანახმად, მისი შემდგომი წარმატება იყო იაპონიის ცნობილ შოუში სახელწოდებით Synchronicity“ - ში სამუშაო ადგილის მოპოვება. შემდეგ იყო Fox– ის სატელევიზიო შოუები, სხვადასხვა ეპიზოდური როლები, სხვა ცნობილი ადამიანების კლიპებში მეორეხარისხოვანი როლების შესრულება. თუმცა მსოფლიომ ახალგაზრდა მომღერალი და მოცეკვავე საბოლოოდ Jenny From The Block– ით გაიცნო.

ლოპესმა ითამაშა რამდენიმე ცნობილ ფილმში, როგორიცაა ანაკონდა, მხედველობიდან, საქორწილო დამგეგმვა და დაუმთავრებელი ცხოვრება. მაგრამ მისი დიდი შესვენება კინოინდუსტრიაში მოხდა 1997 წელს, როდესაც ფილმში სახელწოდებით სელენა როლი შეასრულა. “The Things“- ის თანახმად, სელენაში შესრულებული როლისთვის მან ასევე მიიღო ჯილდო.

მუსიკალური კარიერა

1980-იანი წლების ბოლოს ფილმებში გამოჩენის შემდეგ ჯ.ლო იმდენად პოპულარული გახდა, რომ იგი კინოინდუსტრიაში ერთ-ერთი ყველაზე მაღალანაზღაურებადი ლათინო შემსრულებლად ითვლებოდა. ეს ნამდვილი ვარსკვლავური დრო იყო, რადგან მან ერთდროულად მოიპოვა პოპულარობა, როგორც პოპ არტისტმა მუსიკალურ ინდუსტრიაში და როგორც მსახიობმა.

ვარსკვლავის პირველი აღიარებული ალბომის On The 6 8 მილიონზე მეტი ეგზემპლარი გაიყიდა. მეორე ალბომი, სახელწოდებით J.Lo, რომელიც 2001 წელს გამოვიდა, 270,000 ასლი გაიყიდა. ჯენიფერმა მესამე ალბომი მის მაშინდელ “ბოიფრენდს“ ბენ აფლეკს მოუძღვნა. მაშინ წყვილი მთელი მსოფლიოს ყურადღების ცენტრში იყო.

სწორედ მუსიკალურმა კარიერამ შეუწყო ლოპესს ხელი, რომ დიდძალი ქონება დაეგროვებინა. 2015 წელს მისმა ლას -ვეგასის რეზიდენციულმა კონცერტმა 100 მილიონი აშშ დოლარი გამოიმუშავა.

ამერიკელი არტისტი ასევე არის ბიზნეს მეწარმე. ფლობს J.Lo ტანსაცმლის ხაზს. ის ასევე American Idol- ის ჟიურის წევრი იყო და, როგორც ცნობილია, ამაში ყოველწლიურად 40 მილიონ დოლარს იღებდა.

Bpn.ge