გარემოსდაცვითი ზედამხედველობის დეპარტამენტი თანამშრომლების ჯანმრთელობასა და სიცოცხლეს დააზღვევს

გარემოსდაცვითი ზედამხედველობის დეპარტამენტი თანამშრომლების ჯანმრთელობასა და სიცოცხლეს დააზღვევს

access_time2019-10-18 17:03:34

პარლამენტმა გარემოს დაცვისა და სოფლის მეურნეობის სამინისტროს მიერ ინიცირებული კანონპროექტი მიიღო, რომლის თანახმად, „გარემოს დაცვის შესახებ“ საქართველოს კანონში ცვლილებები შედის.
ცვლილებები გარემოსდაცვითი ზედამხედველობის დეპარტამენტის ტერიტორიული ორგანოების ხელმძღვანელებსა და იმ თანამშრომლებს ეხებათ, რომლებსაც გარემოს დაცვითი სამართალდარღვევების გამოვლენა-აღკვეთის უფლებამოსილება აქვთ მინიჭებული.


კანონპროექტის მთავარი მიზანია, დეპარტამენტის აღნიშნული თანამშრომლებისთვის შეიქმნას გარკვეული სოციალური დაცვის გარანტიები (სიცოცხლის და ჯანმრთელობის დაზღვევა, ერთჯერადი დახმარება სამსახურებრივი მოვალეობის შესრულებისას დაღუპვის, დასახიჩრების ან სხეულის დაზიანების შემთხვევაში, რასაც მოყვა შეზღუდული შესაძლებლობის სტატუსი), რაც მათ აქამდე არ ჰქონიათ. ეს განსაკუთრებით მნიშვნელოვანია იმ ფონზე, რომ კონტროლის განხორციელებისას, გარემოსდაცვითი პატრულირებისა და სწრაფი რეაგირების თანამშრომლებს, ხშირად, საკუთარი ჯანმრთელობის საფრთხეში ჩაგდების გზით, უწევთ კანონდამრღვევებთან (მათ შორის, როგორც წესი, შეიარაღებულ ბრაკონიერებთან) გამკლავება, რა დროსაც არსებობს ჯანმრთელობისა და სიცოცხლისთვის ზიანის მიყენების მაღალი რისკი. ეს რისკი კი, გარემოს დაცვის სფეროში დეპარტამენტის მიერ გააქტიურებული ბრძოლის შედეგად, კიდევ უფრო გაიზარდა.


კანონპროექტის თანახმად, გარემოსდაცვითი ზედამხედველობის დეპარტამენტი, გარემოსდაცვითი პატრულირებისა და სწრაფი რეაგირების თანამშრომელთა სიცოცხლესა და ჯანმრთელობას დააზღვევს.
საბედნიეროდ, დღეის მდგომარეობით, სამსახურებრივი მოვალეობის დროს, გარემოსდაცვითი ზედამხედველობის დეპარტამენტის თანამშრომელთა დაღუპვის შემთხვევები არ ყოფილა. თუკი ასეთი ფაქტი დაფიქსირდა, ახალი კანონმდებლობით, მის ოჯახს (მემკვიდრეს), დეპარტამენტის ბიუჯეტიდან, გადაეცემა ერთჯერადი ფულადი დახმარება 15 ათასი ლარის ოდენობით. ასევე, დეპარტამენტი აანაზღაურებს დაღუპული თანამშრომლის დაკრძალვის ხარჯებს 500 ოდენობით.


ერთჯერადად ფულადი დახმარებები გადაეცემათ იმ თანამშრომლებსაც, რომელთა ჯანმრთელობასაც, სამსახურებრივი მოვალეობის შესრულებისას მიადგება ზიანი. ჯანმრთელობის მძიმე დაზიანების შემთხვევაში, დაზარალებულ თანამშრომელს, ერთჯერადად 7 ათასი ლარი გადაეცემა; ჯანმრთელობის ნაკლებად მძიმე დაზიანების შემთხვევაში - 4 ათასი ლარი; ჯანმრთელობის ნაკლებად დაზიანების შემთხვევაში კი - 2 ათასი ლარი.


„გარემოს დაცვის შესახებ“ კანონში ცვლილება ეხება გარემოსდაცვითი ზედამხედველობის დეპარტამენტის ტერიტორიული ორგანოს ხელმძღვანელებსაც - დეპარტამენტი უფლებამოსილი იქნება მათ საკუთარი ბიუჯეტიდან დაუქირაოს საცხოვრებელი ბინა, ოჯახის წევრებთან (მეუღლე და შვილები) ერთად საცხოვრებლად. ეს იმ შემთხვევაში, თუ ტერიტორიული ორგანოს ხელმძღვანელის ფაქტობრივი საცხოვრებელი ადგილი, დეპარტამენტის სამოქმედო ტერიტორიის ფარგლებს გარეთ მდებარეობს, ან სამუშაო ადგილიდან არანაკლებ 30 კილომეტრითაა დაშორებული. დეპარტამენტის ტერიტორიული ორგანოს ხელმძღვანელის საცხოვრებელი ბინით უზრუნველყოფის წესსა და პირობებს, გარემოს დაცვისა და სოფლის მეურნეობის მინისტრი ადგენს. მინისტრი, შესაბამის ბრძანებას, 2020 წლის 1 იანვრამდე გამოსცემს.


„კომერსანტი“




5 ივნისი - ქართული ლარი 3 თეთრით გამყარდა, თურქული ლირა გაუფასურდა

5 ივნისი - ქართული ლარი 3 თეთრით გამყარდა, თურქული ლირა გაუფასურდა
access_time2020-06-05 19:00:29
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.   ეროვნული ბანკის მიერ გამოქვეყნებული 5 ივნისის ვაჭრობის შედეგად, ქართული ლარის კურსი 3 თეთრით გამყარდა და ერთი...

Forbes - მაღალტექნოლოგიურ გიგანტებს მილიარდიანი ჯარიმები ელის

Forbes - მაღალტექნოლოგიურ გიგანტებს მილიარდიანი ჯარიმები ელის
access_time2020-06-05 20:00:48
საპრეზიდენტო არჩევნების წინა პერიოდში აშშ-ს უმსხვილეს ტექნოლოგიურ კომპანიებს - Facebook, Google, Amazon და Apple-ს ანტიმონოპოლური დავები ემუქრება, რის გამოც მათ შესაძლოა მილიარდობით დოლარი დაკარგონ. შტატებში კორონავირუსის დაწყებამდე, უმსხვილესი IT-კომპანიები ვაშინგტონში საკუთარი ინტერესების ლობირებაზე რეკორდულ თანხებს ხარჯავდნენ. დემოკრატი სენატორი ემი კლობუშარი Uber-ის მიერ საკვების მიტანის სერვისის Grubhub-ის შეძენის სურვილს აპროტესტებს, ხოლო რესპუბლიკელი ტედ კრუზის თქმით,...

საქართველოს ბიზნეს ასოციაციის გარემოს დაცვის კომიტეტის შეხვედრაზე ბიზნესსექტორმა „გარემოსდაცვითი პასუხისმგებლობის შესახებ“ კანონის პროექტზე იმსჯელა

საქართველოს ბიზნეს ასოციაციის გარემოს დაცვის კომიტეტის შეხვედრაზე ბიზნესსექტორმა „გარემოსდაცვითი პასუხისმგებლობის შესახებ“ კანონის პროექტზე იმსჯელა
access_time2020-06-05 15:05:18
საქართველოს ბიზნეს ასოციაციამ წევრი კომპანიების წარმომადგენელთა მონაწილეობით, ასოციაციის გარემოს დაცვის კომიტეტის ონლაინ შეხვედრას უმასპინძლა, რომლის მთავარი თემა საქართველოს მთავრობაში მომზადებული „გარემოსდაცვითი პასუხისმგებლობის შესახებ“ კანონის პროექტი გახლდათ. კანონპროექტი, რომელიც თვისობრივად ახალ მიდგომებს ითვალისწინებს გარემოს დაცვის მიმართულებით, ბიზნესსექტორის განსაკუთრებული ინტერესის საგანი ჯერ კიდევ გასულ წელს გახდა, როდესაც მისი პირველადი ვერსია იქნა...

გიორგი გახარია - პირველი, რაც უნდა გავაკეთოთ, ვისწავლოთ ქართველებმა, რომ დავისვენოთ საქართველოში

გიორგი გახარია - პირველი, რაც უნდა გავაკეთოთ, ვისწავლოთ ქართველებმა, რომ დავისვენოთ საქართველოში
access_time2020-06-05 15:30:42
საქართველოს პრემიერ-მინისტრმა გიორგი გახარიამ ქუთაისში, იმერეთის რეგიონის ტურიზმის სექტორის წარმომადგენლებთან შეხვედრაზე ეკონომიკის გახსნის საკითხზე ისაუბრა. გახარიას თქმით, მნიშვნელოვანია პირველ ეტაპზე შიდა ტურიზმის განვითარება. „პირველ ეტაპზე გაიხსნება შიდა ტურიზმი და დარწმუნებული ვარ, შიდა ტურიზმიც საკმაოდ სერიოზულ მოთხოვნას დააგენერირებს.დღეს ფაქტია, რომ ქართველები საზღვარგარეთ დასასვენებლად ვერ წავლენ, ბოლო რამდენიმე წელია, ძალიან შეუყვარდათ, არ...

რა შეიცვალა დედაქალაქის პარკირების სისტემაში „სითი პარკის“ წასვლის შემდეგ?

რა შეიცვალა დედაქალაქის პარკირების სისტემაში „სითი პარკის“ წასვლის შემდეგ?
access_time2020-06-05 12:00:42
საზოგადოებრივი ტრანსპორტის მომსახურების დაბალი ხარისხისა და გადაადგილების პრობლემების გამო, ბოლო პერიოდში კერძო ავტომობილებით მოძრავი მოქალაქეების რაოდენობა უფრო გაიზარდა, შესაბამისად საპარგინგე ადგილებზე მოთხოვნამაც მოიმატა. როგორც აღმოჩნდა, დედაქალაქის მაცხოვრებლები არასწორი პარკირების ჯარიმას, საურავებსა და მანქანის გადაყვანის საფასურს ზუსტად იმავე წესით იხდიან, როგორც მანამდე და „სითი პარკის“ წასვლის შემდეგ არაფერი შეცვლილა. აღსანიშნავია, რომ აღნიშნული კომპანია...


მსგავსი სიახლეები

up