გარემოს დაცვისა და ბუნებრივი რესურსების კომიტეტში სახელმწიფო უწყებების წარმომადგენლებს მოუსმინეს

გარემოს დაცვისა და ბუნებრივი რესურსების კომიტეტში სახელმწიფო უწყებების წარმომადგენლებს მოუსმინეს

access_time2020-06-03 22:20:15

გარემოს დაცვისა და ბუნებრივი რესურსების კომიტეტმა საკომიტეტო მოკვლევის - „გარემოს ტყვიით დაბინძურების შეფასება საქართველოში“ ფარგლებში დღეს მორიგი ზეპირი მოსმენა გამართა, რომელშიც სახელმწიფო უწყებების წარმომადგენლები მონაწილეობდნენ. ინფორმაციას პარლამენტის პრესსამსახური ავრცელებს.

 

გარემოს დაცვისა და ბუნებრივი რესურსების კომიტეტის თავმჯდომარემ, სამუშაო ჯგუფის ხელმძღვანელმა ნინო წილოსანმა ზეპირი მოსმენის მონაწილეებს გააცნო საკომიტეტო მოსმენის პროცედურა და იმედი გამოთქვა, რომ დღევანდელი მოსმენის შედეგად მიღებული ინფორმაცია დაეხმარება სამუშაო ჯგუფს იმ რეკომენდაციების შემუშავებაში, რომელთა განხორციელება უდავოდ წაადგება ტყვიით დაბინძურებისაგან გარემოს დაცვას.

 

ნინო წილოსანის ინფორმაციით, სამუშაო ჯგუფის წევრებმა უკვე მოუსმინეს გარემოს ტყვიით დაბინძურებასთან დაკავშირებით ფონდის პარტნიორობა საგზაო უსაფრთხოებისთვის, საქართველოს სტრატეგიული კვლევებისა და განვითარების ცენტრის, „მწვანე ალტერნატივას“ წარმომადგენლებს, დამოუკიდებელ ექსპერტებს, რომლებმაც კანონმდებლებს თავიანთი წინადადებები და რეკომენდაციები გააცნეს. ამ შეხვედრაზე ტყვიით გარემოს დაბინძურებისა და უშუალოდ ადამიანზე მისი ზემოქმედების ძირითად წყაროებად დასახელდა საყოფაცხოვრებო დანიშნულების საღებავები, ინდუსტრიული ნარჩენები, საწვავი, სამომხმარებლო პროდუქცია.

 

როგორც ნინო წილოსანმა აღნიშნა, ამ მოსმენების დროს გამოიკვეთა მოსაზრება, რომ არ არსებობს ნიადაგის და ჰაერის ერთიანი მონიტორინგის სისტემა, იშვიათია ერთი და იმავე ადგილზე ნიადაგის და ჰაერის სინჯებში ტყვიის კონცენტრაციის დინამიკაში განსაზღვრა. წარმოდგენილი წინადადებებით, სინჯები ყოველთვის სხვადასხვა ადგილზეა აღებული, რაც სწორი მონიტორინგის და დაკვირვების საშუალებას არ იძლევა. მისივე თქმით, ექსპერტთა მხრიდან ასევე გაჟღერდა ინფორმაცია, რომ ერთი და იმავე სადგურზე გარკვეული პერიოდით არ ხდება სინჯების აღება, რაც შედარების საშუალებას არ იძლევა. ნინო წილოსანმა საჯარო მოსმენის მონაწილეებს ექსპერტთა მიერ წარმოდგენილი სხვა პოზიციებიც გააცნო და სახელმწიფო სტრუქტურების წარმომადგენლებს ამის თაობაზე განმარტებების გაკეთება სთხოვა.

 


ნინო წილოსანის განცხადებით, ასევე აღსანიშნავია, რომ 2019 წელს ჩატარდა მასშტაბური კვლევა იუნისეფის დახმარებით და დაავადებათა კონტროლის სააგენტოს ხელმძღვანელობით და გამოიკვეთა საკმაოდ შემაშფოთებელი მონაცემები დასავლეთ საქართველოში ბავშვებში ტყვიის მატებასთან დაკავშირებით. იმის გამო, რომ ტყვიის დონის მატება პირდაპირ კავშირშია ბავშვთა განვითარების დონესთან, მისი თქმით, ამ კუთხით მნიშვნელოვანია, რომ დეტალურად იყოს გამოკვლეული ის განმაპირობებელი ფაქტორები, თუ საიდან ხვდება ტყვია ბავშვებში და რატომ არის განსაკუთრებულად დასავლეთ საქართველო ამ კუთხით პრობლემური.

 

დღევანდელ საჯარო მოსმენაზე, რომელიც ძირითადად, კითხვა-პასუხის რეჟიმში წარიმართა. მასში მონაწილეობდნენ გარემოს დაცვისა და სოფლის მეურნეობის სამინისტროს, გარემოს ეროვნული სააგენტოს, სურსათის ეროვნული სააგენტოს, სოფლის მეურნეობის სამეცნიერო კვლევითი ცენტრის, სოფლის მეურნეობის სახელმწიფო ლაბორატორიის, დაავადებათა კონტროლისა და საზოგადოებრივი ჯანმრთელობის ცენტრის არაგადამდებ დაავადებათა დეპარტამენტის, ნავთობისა და გაზის ეროვნული სააგენტოს, წიაღის ეროვნული სააგენტოს, საბაჟო დეპარტამენტის, საგანმანათლებლო და სამეცნიერო ინფრასტრუქტურის განვითარების სააგენტოს, სტატისტიკის ეროვნული სამსახურის, ბაზარზე ზედამხედველობის სააგენტოს წარმომადგენლები.

 

საჯარო მოსმენაზე დეტალურად იმსჯელეს ტყვიის კონცენტრაციის ადამიანებში, ნიადაგში, ჰაერში, სურსათში, ბენზინში, პესტიციდებსა და სხვა სასუქებში განსაზღვრის საკითხებზე და, საერთოდ, ამ კუთხით არსებულ პრობლემებზე.

 

„კომიტეტი ამის შემდეგ ექსპერტთან ერთად შეიმუშავებს რეკომენდაციებს, რომლებიც წარედგინება სახელმწიფო უწყებებს, იმისთვის, რომ ამ თემის ირგვლივ მოკვლეული პრობლემატიკა იქნეს მაქსიმალურად აღმოფხვრილი და გატარდეს ის ღონისძიებები, რასაც კომიტეტი მიიჩნევს აუცილებლად იმისთვის, რომ პრობლემა აღმოიფხვრას“, - განაცხადა ნინო წილოსანმა.

 

სამუშაო ჯგუფის მხრიდან, ნინო წილოსანთან ერთად, მოსმენაში მონაწილეობდნენ პარლამენტის წევრები ენძელა მაჭავარიანი,გიორგი გაჩეჩილაძე, ზაზა ხუციშვილი. პროექტი ეროვნულ-დემოკრატიული ინსტიტუტის (NDI) მხარდაჭერით ხორციელდება.


imedinews.ge





კომპანია Emirates-ი 9 ათას თანამშრომელს გაათავისუფლებს

კომპანია Emirates-ი 9 ათას თანამშრომელს გაათავისუფლებს
access_time2020-07-11 12:55:09
ავიაკომპანია Emirates-ის დირექტორის, ტიმ კლარკის განცხადებით, 9 ათასამდე სამუშაო ადგილს გაუქმებას გეგმავენ. მიზეზი პანდემიაა, - ამის შესახებ BBC...

მილიარდერების რეიტინგში ილონ მასკმა უორენ ბაფეტს გადაასწრო

მილიარდერების რეიტინგში ილონ მასკმა უორენ ბაფეტს გადაასწრო
access_time2020-07-11 19:00:04
ამერიკელმა ბიზნესმენმა ილონ მასკმა მსოფლიოს ყველაზე მდიდარი ადამიანების რეიტინგში, რომელსაც ყოველდღიურად ანახლებს Bloomberg-ი, მეშვიდე ადგილი დაიკავა. ამ შედეგით მან საინვესტიციო ფონდ...

2019 წელს ტელევიზიების ჯამური შემოსავალი 13.9%-ით გაიზარდა

2019 წელს ტელევიზიების ჯამური შემოსავალი 13.9%-ით გაიზარდა
access_time2020-07-11 18:00:17
ტელევიზიების ჯამური შემოსავალი 2019 წელს, წინა წელთან შედარებით, 11.3 მლნ ლარით (13.9%) გაიზარდა. ამის შესახებ „საერთაშორისო გამჭვირვალობა - საქართველოს” მიერ გამოქვეყნებულ კვლევაშია...

რას ხედავენ ამერიკელები საქართველოში და ვის მოეთხოვება "ჭკუით მოქცევა"

რას ხედავენ ამერიკელები საქართველოში და ვის მოეთხოვება
access_time2020-07-11 16:00:42
რისი მანიშნებელია ამერიკის საბიუჯეტო კანონპროექტის ჩანაწერი საქართველოსთვის შესაძლო სასჯელის დაწესების თაობაზე? რისი მანიშნებელია ოლიგარქებისა და არაფორმალური მმართველობის ხსენება თანდართულ განმარტებებში? არის ეს დიდი სურათის ნაწილი თუ მხოლოდ ცალკეული კონგრესმენების იდეებია? აქვს ...

თვითდასაქმებულთათვის კომპენსაცია და სირთულეები, რომლებსაც მოვაჭრეები აწყდებიან

თვითდასაქმებულთათვის კომპენსაცია და სირთულეები, რომლებსაც მოვაჭრეები აწყდებიან
access_time2020-07-11 14:00:11
პანდემიისა და ზაფხულის ცხელ დღეების გამო დეზერტირების ბაზრობის დახლებთან სავაჭროდ მისული ადამიანები კანტი-კუნტად შეიმჩნევა. ხანშიშესული ქალები ე.წ. საკიდი დახლებით ქოლგებს აფარებენ თავს და გამვლელებს სხვადასხვა პროდუქციას სთავაზობენ. პანდემიის დროს გამოწვეული სირთულეების შესახებ მოვაჭრებებთან საუბარი გვსურდა, მათი უმრავლესობა მედიასთან...


მსგავსი სიახლეები

up