გარემოს დაცვისა და ბუნებრივი რესურსების კომიტეტმა საქმიანობის პრიორიტეტები განსაზღვრა

გარემოს დაცვისა და ბუნებრივი რესურსების კომიტეტმა საქმიანობის პრიორიტეტები განსაზღვრა

access_time2021-02-09 23:46:21

გარემოს დაცვისა და ბუნებრივი რესურსების კომიტეტმა დღევანდელ სხდომაზე, რომელსაც კომიტეტის თავმჯდომარე მაია ბითაძე უძღვებოდა, ახალი მოწვევის პარლამენტში კომიტეტის საქმიანობის პრიორიტეტები განსაზღვრა და 2021 წლის სამოქმედო გეგმა დაამტკიცა. ინფორმაციას პარლამენტის პრესსამსახური ავრცელებს.

როგორც მაია ბითაძემ განაცხადა, კომიტეტის გეგმის შემუშავებისას, განისაზღვრა როგორც ის მიმართულებები, რომლებზეც მუშაობა უნდა დაიწყონ ასოცირების ხელშეკრულებიდან გამომდინარე, ასევე დამუშავდა სამინისტროდან მიღებული წინასწარი მონაცემები იმ კანონშემოქმედებითი საქმიანობის შესახებ, რომელსაც მთავრობა მიმდინარე წლის განმავლობაში გეგმავს.

სხდომაზე ასევე განიხილეს საკითხი, რომელიც კომიტეტის დებულებაში ცვლილების ინიცირებას, განხილვას და დამტკიცებას ეხება. კომიტეტის წევრების ერთობლივი გადაწყვეტილების საფუძველზე, კომიტეტის დებულებაში განისაზღვრა ის ძირითადი მიმართულებები, რომლებზეც კომიტეტი იმუშავებს, მათ შორის, ესაა ბიომრავალფეროვნების დაცვა, ბუნებრივი რესურსების მდგრადი მოპოვება, მწვანე ეკონომიკის განვითარების ხელშეწყობა, ნარჩენების მართვა, ცირკულარული ეკონომიკა, ასევე ქალაქებსა და სოფლებში მართვისას გარემოსდაცვითი საკითხების ინტეგრირება.

კომიტეტის სხდომაზე თემატური და სამუშაო ჯგუფების შექმნასთან დაკავშირებული საკითხებიც განიხილეს და იმსჯელეს იმ მიმართულებებზე, რომელიც დღეისათვის განსაკუთრებით აქტუალურია.

„პირველი საკითხი, რომელზეც ვფიქრობთ, რომ თემატური მოკვლევა იქნება საინტერესო, ეფექტიანი და რომელიც საბოლოო ჯამში საკანონმდებლო ცვლილებებსაც გამოიწვევს, ეს არის ინერტული და სახიფათო ნარჩენების მართვის თემა. ეს საკითხი ნარჩენების მართვის კოდექსით მართალია დარეგულირებულია, მაგრამ არა პროცედურულად. ხორციელდება რამდენიმე პროექტი ზოგიერთი მუნიციპალიტეტისათვის, რომლებიც ირიბად არეგულირებენ ამ საკითხს, მაგრამ კანონმდებლობის დონეზე მაინც ღიად რჩება. ინერტული და სახიფათო ნარჩენების თაობაზე თემატური მოკვლევა მივიჩნიეთ, რომ არის ერთ-ერთი მთავარი საკითხი რომელიც საჭიროებს ჩვენს ჩართულობას“, - განაცხადა მაია ბითაძემ.


მეორე საკითხად თემატური მოკვლევისათვის განისაზღვრა გარემოსდაცვითი ეკონომიკა - მწვანე ეკონომიკა, მწვანე ეკონომიკური ზრდა, რომელიც ფაქტობრივად ახალი საკითხია ქვეყნისათვის.

კომიტეტის თავმჯდომარის განცხადებით, კლიმატის ცვლილების ხელშეკრულებებიდან გამომდინარე, ქვეყანას აღებული აქვს უამრავი ვალდებულება, რაც უკავშირდება გაფრქვევების შემცირებას, განახლებადი ენერგიის ახალი წყაროების გამოყენებას წარმოებაში, რომელიც მაქსიმალურად უზრუნველყოფს იმას, რომ თბური აირები მინიმალურად მოხვდეს ატმოსფეროში, რაც გარემოსდაცვითი ეკონომიკის მთავარი მიმართულებაა. მისივე თქმით, მეორე მთავარი მიმართულება ისაა, რომ თუ არ შეიქმნა წამახალისებელი მექანიზმები იმისათვის, რომ ბიზნესი ეტაპობრივად გადავიდეს და წარმოებაში საუკეთესო გარემოსდაცვითი ტექნოლოგიები გამოიყენოს, ჩვენს ქვეყანას ძალიან გაუჭირდება იმ ვალდებულებების შესრულება, რაც აღებული აქვს და რომელთა შესრულებასაც საერთაშორისო პარტნიორები ითხოვენ. თემატური მოკვლევა კი დაგვეხმარება იმის განსაზღვრაში, თუ რა მექანიზმები უნდა შექმნას სახელმწიფომ ამ სფეროს მოგვარებისთვის.

თემატური მოკვლევის მესამე მიმართულებად პესტიციდებისა და ქიმიური ნივთიერებების გამოყენების კონტროლი განისაზღვრა. ეს საკითხი კავშირშია ადამიანის ჯანმრთელობასთან, საწარმოო პროცესის სწორ მართვასთან.
კომიტეტმა გადაწყვეტილება მიიღო ასევე სამუშაო ჯგუფების შექმნის შესახებ, მათ შორის, გამოიკვეთა სამი მიმართულება: ტყე, მუნიციპალიტეტებთან ურთიერთობა და გამონაბოლქვები.

როგორც მაია ბითაძემ განაცხადა, კომიტეტი, დონორების მხარდაჭერით, გამოწვევებიდან გამომდინარე, სხვა მიმართულებებითაც გეგმავს მუშაობის გააქტიურებას. ტყესთან დაკავშირებით საზედამხედველო საქმიანობის განხორციელებას კომიტეტი უკვე ამ კვირიდან იწყებს, შედგება მოსმენა კანონქვემდებარე აქტების მიღებასთან დაკავშირებით, ასევე განისაზღვრება სამუშაო ჯგუფის შემადგენლობა.





„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up