ბიძინა ივანიშვილის არარსებულ პროექტზე - „განმუხურის ბოტანიკური ბაღი„ ზუგდიდის ბიუჯეტიდან უკვე დახარჯულია 150 ათასი ლარი

ბიძინა ივანიშვილის არარსებულ პროექტზე - „განმუხურის ბოტანიკური ბაღი„ ზუგდიდის ბიუჯეტიდან უკვე დახარჯულია 150 ათასი ლარი

access_time2018-07-30 16:00:52


რამდენიმე დღის წინ მმართველი პარტია „ქართული ოცნება-დემოკრატიული საქართველოს“-ს თავმჯდომარემ ბიძინა ივანიშვილმა სატელევიზიო ინტერვიუში განაცხადა, რომ თავის დროზე გეგმავდა „განმუხურის ბოტანიკური ბაღის“ გაშენებას, თუმცა ადგილობრივი სპეციფიკური კლიმატის გამო პროექტის განხორციელებაზე უარი თქვა.


როგორც ცნობილია, ჯერ კიდევ 2016 წელს  სამეგრელოსა და აფხაზეთის ადმინისტრაციულ საზღვართან განმუხურის ბოტანიკური ბაღისა და სასტუმროს მშენებლობის დაწყება “ფონდმა ქართუმ” და “საქართველოს თანაინვესტირების ფონდმა” ერთობლივად  დაანონსა. პროექტის მიხევდით,  “ფონდი ქართუს“  დაფინანსებით  გამოყოფილი იყო 100 ჰექტრამდე ტერიტორია, სადაც უნდა გაშენებულიყო ბოტანიკური ბაღი და ამისთვის 20 მლნ. აშშ დოლარის ინვესტიციის განხორციელებაც დაგეგმილი იყო.


ორი წლის შემდეგ კი, საზოგადოებამ ბიძინა ივანიშვილის ტელეინტერვიუდან შეიტყო, რომ ამ ტერიტორიაზე არც სასტუმრო და არც ბაღი აშენდება. 


არადა,  ამ პრეოქტის ფარგლებში რამდენიმე წელია უკვე  შექმნილია, ფაქტობრივად, არარსებული ბაღის ააიპ  - „განმუხურის ბოტანიკური ბაღი“, რომლის ფუნქციონირებისთვისაც ზუგდიდის ბიუჯეტიდან უკვე დახარჯულია 150 ათასი ლარი. 


კერძოდ, 2016 წელს ბიუჯეტიდან გეგმის თანახმად დაიხარჯა  20 ათასი ლარი, 2017 წელს კი ბოტანიკური ბაღის ხელშეწყობის პროგრამისთვის დამატებით  კიდევ 130 000 ლარიც გამოიყო. ბიუჯეტის მიხედვით, უნდა მომხდარიყო ბოტანიკური ბაღის მშენებლობა და მოწყობილიყო შესაბამისი ინფრასტრუქტურაც. მართალია, აქედან არცერთი არ განხორციელებულა, თუმცა ორგანიზაციაში დასაქმებული ადამიანები ხელფასებს მაინც იღებენ.


2016-2017 წლებში ააიპ „განმუხურის ბოტანიკურ ბაღში“ დასაქმებული გახლდათ 8 ადამიანი, მათ შორის ხელმძღვანელი ზვიად ქარჩავა და მისი მოადგილე. მუნიციპალიტეტების გაერთიანების შემდეგ კი ამავე ბაზაზე შეიქმნა ახალი ააიპ „ბოტანიკური ბაღების მართვის ცენტრი“-, სადაც დღეს 26 ადამიანია დასაქმებული. როგორც კომერსანტისთვის გახდა ცნობილი, ამ ადამიანების  ხელფასების ჯამური რაოდენობა თვის განმავლობაში 23 550 ლარს შეადგენს. აღსანიშნავია, რომ გაერთიანების ფუნქციებში შედის როგორც განმუხურის არარსებული, ასევე ქალაქ ზუგდიდის ბოტანიკური ბაღის მოვლა-პატრონობა.

 

„კომერსანტი“ დეტალების გასარკვევად და იმის დასაზუტებლად, თუ რაში იღებენ  არარსებული და უპერსპექტივო „განმუხურის ბოტანიკური ბაღი“-ს ორგანიზაციაში  დასაქმებული ადამიანები ხელფასს, ხელმძღვანელს ზვიად ქარჩავას დაუკავშირდა.

ჩვენ შევეცადეთ, რომ უწყებისგან ყველა გაგზავნილ კითხვაზე მიგვეღო პასუხი, თუმცა როგორც ირკვევა, „განმუხურის ბოტანიკური ბაღი“-ს წარმომადგენლობა საკმაოდ ბუნდოვანი და ორაზროვანი პასუხებით  შემოიფარგლა. კერძოდ,  ძირითადად მათი პასუხები „ზუგდიდის ბოტანიკურ ბაღსა“ და მასთან დაკავშირებულ ღონისძიებებს ეხება. როგორც უწყებაში განგვიცხადეს, აღნიშნული ბაღი და „განმუხურის ბოტანიკური ბაღი“ ერთად მოიაზრება; შესაბამისად ფინანსებიც იყოფა.  იხილეთ კითხვებზე პასუხები:

 

  1. 2016 წელს შექიმნა ააიპ განმუხურის ბოტანიკური ბაღი, რომლისთვისაც ზუგდიდის ბიუჯეტიდან უკვე დახარჯულია 150 ათასი ლარი.


კოკნრეტულად რას მოხმარდა აღნიშნული თანხა?



ბოტანიკური ბაღის აიპი („განმუხურის ბოტანიკური ბაღი“), 2016 წელს მუნიციპალიტეტის ბოტანიკური ბაღების მართვისთვის შეიქმნა. პირველივე წელს მოხდა სხვადასხვა კვლევების ჩატარება და თანამშრომელთა გადამზადება. მოეწყო სამეცნიერო კონფერენციები, ბონის ბოტანიკურ ბაღთან ერთად მოეწყო ერთობლივი ექსპედიციები ეგრისის ქედზე, მაღალმთიან აჭარასა და სვანეთში ადგილობრივი ენდემური ჯიშის მცენარეების ჰერბარიუმის შექმნის მიზნით.

 

2. მუნიციპალიტეტების გაერთიანებების შემდეგ შეიქმნა ახალი ააიპ განმუხურის ბოტანიკური ბაღის განვითარების ცენტრიც, სადაც 29 ადამიანია დღეს დასაქმებული.

რას ემსახურება აღნიშნულ ცენტრს, რა შედის მის ფუქნციებში?


ქალაქ ზუგდიდის და ზუგდიდის მუნიციპალიტეტის გაერთიანების შემდეგ აიპის დაქვემდებარებაში გადმოვიდა ზუგდიდის ბოტანიკური ბაღი.

 

3. ცენტრის თანამშრომლები თვიურად ჯამში იღებენ ხელფასს 23 550 ლარის ოდენობით.

გვაინტერესებს რაში იღებენ ეს ადამიანები ხელფასებს?


ბოტანიკური ბაღების მართვის ცენტრში ამჟამად 26 თანამშრომელი მუშაობს. თანამშრომლები ჩართული არიან ზუგდიდის ბოტანიკური ბაღის რეაბილიტაციის მასშტაბური პროექტის განხორციეებაში და მონიტორინგს უწევენ რეაბილიტაციის პროექტს. მართვის ცენტრის თანამშრომლები ახდენენ მცენარეების პასპორტიზაციას, მონაწილეობენ ზუგდიდის ბოტანიკური ბაღის არქეოლოგიური გათხარების პროცესში და ა.შ.

 

4. ბიძინა ივანიშვილმა განაცხადა, რომ განმუხურის ბოტანიკური ბაღი ვეღარ გაშენდება, ხომ არ იგეგმბა თქვენი ააიპ-ის გაუქმება ?

გაფორმდა ურთიერთთანამშრომლობის მემორანდუმი ბათუმისა და თბილისის ბოტანიკურ ბაღებთან. ცენტრი თანამშრომლობს შოთა მესხიას სახელმწიფო უნივერსიტეტთან კადრების მომზადების მიზნით. ცენტრი აქტიურად მონაწილეობს ექსპედიციებში ადგილობრივი ენდემური ჯიშების მოსაკვლევად.

 

5. როგორია ააიპ განმუხურის ბოტანიკური ბაღის სამომავლო გეგმები?

ბოტანიკური ბაღების მართვის ცენტრი მცენარეთა ფონდის გაზრდაზე აქტიურად მუშაობს, ცენტრი ასევე მუშაბს ეკოგანათლების და ტურიზმის განვითარების პროექტებსა და ენდემური ჯიშის მცენარეების ფონდის შექმნაზე.

 




                      


                   




სალომე ლემონჯავა






გაქირავება -11%, გაყიდვა -9% - როდემდე გაგრძელდება შემცირების ტრენდი უძრავი ქონების ბაზარზე

გაქირავება -11%, გაყიდვა -9% - როდემდე გაგრძელდება შემცირების ტრენდი უძრავი ქონების ბაზარზე
access_time2020-08-12 10:00:12
ბოლო პერიოდში ქვეყანაში უძრავ ქონებაზე ფასის კლება ფიქსირდება. ტურისტების გარეშე დარჩენილი უძრავი ქონების გამქირავებლები განსაკუთრებით რთულ სიტუაციაში აღმოჩნდნენ. Galt&Taggart-ის ბოლო კვლევის თანახმად, დეველოპერებმა და კერძო ინვესტორებმა დაიწყეს ფასების შემცირება, რათა მოერგონ ახალ რეალობას, განსაკუთრებით კი ბინის გამქირავებლებმა. უძრავ ქონებასთან დაკავშირებულ ფასების ახალ ტენდენციასთან დაკავშირებით დეტალების...

დღის Top 10 საინტერესო ამბავი

დღის Top 10 საინტერესო ამბავი
access_time2020-08-11 21:00:41
დღის Top 10 საინტერესო ამბავი: 1.Georgian Capital-ის წარუმატებელი პროექტი - „საქართველოს ჯანდაცვის ჯგუფი“ არა ლიკვიდურობის გამო ლონდონის საფონდო ბირჟიდან ჩაიხსნა „საქართველოს ჯანდაცვის ჯგუფი“ (GHG) არალიკვიდურობის გამო ლონდონის საფონდო ბირჟიდან ჩაიხსნა. კომპანიის ინფორმაციით,...

კომპანიები და მათი მფლობელები, რომელთა „გაშავებასაც“ მერია ითხოვს

კომპანიები და მათი მფლობელები, რომელთა „გაშავებასაც“ მერია ითხოვს
access_time2020-08-11 17:20:07
თბილისის მერი კახი კალაძე საჯარო გამოსვლებში პირობების ჯეროვნად შეუსრულებლობის გამო „გაშავებით“ არაერთხელ დამუქრებია ტენდერებში გამარჯვებულ სხვადასხვა კომპანიას. „ბიზნესპრესნიუსი“ დაიტერესდა, სატენდერო ხელშეკრულებების დარღვევის გამო რამდენ შემთხვევაში მოითხოვა მერიამ კომპანიის „შავ სიაში“ მოხვედრა. მერიის შესაბამისი სამსახურების მიერ მოწოდებული ინფორმაციიდან ირკვევა, რომ თბილისის მერიამ მიმწოდებლის „შავ სიაში" რეგისტრაციასთან დაკავშირებით სახელმწიფო შესყიდვების სააგენტოს...

მსოფლიოში კორონავირუსის პირველი ვაქცინა ვლადიმერ პუტინის ქალიშვილმა გაიკეთა

მსოფლიოში კორონავირუსის პირველი ვაქცინა ვლადიმერ პუტინის ქალიშვილმა გაიკეთა
access_time2020-08-11 16:10:36
ვლადიმერ პუტინის განცხადებით რუსეთის ჯანდაცვის სამინისტრომ ადამიანებზე ორ თვიანი ტესტირების შემდეგ, მსოფლიოში პირველი კორონავირუსის ვაქცინა დაამტკიცა. რუსეთის მიერ შექმნილი კორონავირუსის საწინააღმდეგო ვაქცინა ვლადიმერ პუტინის შვილმაც გაიკეთა. „ჩემმა ერთ-ერთმა ქალიშვილმა ვაქცინა გაიკეთა, ამ მხრივ, მან პრეპარატის შემოწმების პროცესშიც მიიღო მონაწილეობა“ - აცხადებს რუსეთის პრეზიდენტი. პირველი ვაქცინის შემდეგ პუტინის ქალიშვილს 38 გრადუსი სიცხე დაუფიქსირდა,...

ვითიბი ბანკი ავტო სესხზე განსაკუთრებულ პირობებს სთავაზობს

ვითიბი ბანკი ავტო სესხზე განსაკუთრებულ პირობებს სთავაზობს
access_time2020-08-11 11:00:27
ვითიბი ბანკი, ახალი ავტომობილის შეძენის მსურველებს, განსაკუთრებულ პირობებს სთავაზობს. შეთავაზების ფარგლებში მომხმარებელს შეუძლია ბანკის პარტნიორი ავტო სალონებიდან გამოიყვანოს ავტომობილი, ისარგებლოს სამი წელი, ხოლო შემდეგ დააბრუნოს ყიდვის დროს შეთანხმებულ ფასად. რაც მთავარია 3 წლის შემდეგ (სესხის ვადის ბოლოს) მყიდველს სამი შემოთვაზებული ვარიანტიდან შეუძლია აირჩიოს ერთ-ერთი: დარჩენილი ღირებულების ფასად, ჩააბაროს ავტომობილი ავტო სალონს, რის შედეგადაც იფარება ვალდებულება ბანკის...


მსგავსი სიახლეები

up