ღამის დისტრიბუციის საკითხის განხილვა დროებით შეჩერდა

ღამის დისტრიბუციის საკითხის განხილვა დროებით შეჩერდა

access_time2018-10-22 20:51:46

ღამის დისტრიბუციის საკითხის განხილვა დროებით შეჩერდა. როგორც „ბიზნესპრესნიუსს“ დისტრიბუტორთა ასოციაციის დამფუძნებელმა ივა ჭყონიამ განუცხადა, საკითხზე მსჯელობა 2019 წლამდე გადაიდო, ამოქმედება კი შესაძლოა, 2020-21 წლებში მოხდეს. მისი თქმით, იმ დრომდე, ვიდრე საცალო სავაჭრო ობიექტები არ შემცირდება, დისტრიბუტორები ისევ დღის საათებში იმოძრავებენ.


ამასთან, ივა ჭყონია აღნიშნავს, რომ ამ ეტაპზე დისტრიბუციის ღამით გადატანა არამხოლოდ რითეილ სექტორს, არამედ მთლიანად ქვეყნის ეკონომიკას დააზარალებდა, რადგან პატარა სავაჭრო ობიექტები მუშაობის გაგრძელებას ვეღარ შეძლებდნენ და ქვეყანაში უმუშევართა რაოდენობაც გაიზრდებოდა.


შეგახსენებთ, რომ დედაქალაქის მერი კახა კალაძე მერად არჩევის პირველივე დღეებიდან გამოვიდა ინიციატივით, რომ დისტრიბუციის ავტომანქანებს ღამის საათებში ემოძრავათ. როგორც ის განმარტავდა, დისტრიბუციის ავტომანქანები გადატვირთული საავტომობილო მოძრაობის დროს, ე.წ. პიკის საათებში პრობლემას ქმნიან.


„სადისტრიბუციო მანქანებისთვის მითითებული იქნება გარკვეული დრო, სავარაუდოდ, 20.00 საათიდან დილის 7 საათამდე”, - აცხადებდა კახა კალაძე. კალაძის განცხადების შემდეგ მერიასა და დისტრიბუტორთა ასოციაციას შორის მოლაპარაკების პროცესი დაიწყო. როგორც ასოციაციის თავმჯდომარე ივა ჭყონია აცხადებდა, სადისტრიბუციო მანქანები საცობს არ ქმნიან, რადგან მათი 80% პიკის საათებში არ მოძრაობს. ამასთან, აღნიშნავდა, რომ სადისტრიბუციო მანქანების ღამის საათებში გადაყვანა მთელ რიგ პრობლემებს შექმნიდა. კერძოდ, ივა ჭყონიას თქმით, ღამის საათებში ვერ მოხერხდებოდა საცალო სავაჭრო ობიექტების მომარაგება, რაც მათ დახურვამდე მივიდოდა. 5000 სავაჭრო ობიექტი კი დახურვის საფრთხის წინაშე დადგებოდა. აღნიშნულზე მერიასა და დისტრიბუტორთა ასოციაციის მოლაპარაკებები საკითხის გადავადებით დასრულდა.


როგორც დღეს ივა ჭყონია „ბიზნესპრესნიუსთან“ საუბრისას აცხადებს, იმ დრომდე, ვიდრე საცალო სავაჭრო ობიექტები არ შემცირდება, სადისტრიბუციო მანქანები მუშაობას ჩვეულ დროს განაგრძობენ. 2019 წელს კი , შესაძლოა, სახელმწიფო უწყებებს თავად ასოციაციამ მიმართოს, რომ რითეილერებთან პრობლემების მოგვარების პროცესში თავადაც ჩაერთონ.



„ჯერ-ჯერობით საკითხი ჩვენს სასიკეთოდ გადაწყდა. ამ ეტაპზე დისტრიბუციის ღამით გადატანა არ იგეგმება. საუბარი განახლდება 2019 წელს, როდესაც საცალო სავაჭრო ობიექტები შემცირდება და შედარებით ნაკლები საფრთხის წინაშე ვიქნებით ჩვენც, რათა ქსელში მეტი ამოუღებელი თანხები აღარ დარჩეს და ამდენი დაუსაქმებელი ადამიანი არ იყოს. მერე უკვე შედარებით ლოგიკური იქნება ამ თემაზე საუბარი. კიდევ ერთხელ ხაზგასმით მინდა აღვნიშო, რომ დღის განმავლობაში, როდესაც სადისტრბუციო მანქანები დადიან, საცობს ნამდვილად არ ქმნიან. საცობის გამომწვევ მიზეზებს შორის, პროცენტულად შეიძლება 1% ეკავოს სადისტრიბუცო მანქანებს“,-აცხადებს ივა ჭყონია.


მისი თქმით, მოლაპარაკება 2019 წელს კი განახლდება, თუმცა ამოქმედება სავარაუდოდ, უფრო მოგვიანებით, 2020-21 წლებში მოხდება.


„2019 წელს შეიძლება ჩვენ თვითონვე შევიდეთ ინიციატივით, რომ სახელმწიფო რაღაც დონეზე მაინც დაგვეხმარს რითეილ სექტორთან მოლაპარაკებებში. ჩვენთვისაც შედარებით უფრო მარტივი იქნება ღამის საათებში ამის გაკეთება, გარკვეულწილად საწვავის ხარჯიც დაიზოგება. ამ პერიოდში ჩვენც უფრო მომზადებული ვიქნებით და მეორე მზარეც, რითელ სექტორს ვგულისხმობ. ღამის დისტრიბუციაზე ახლავე, ასე ხელარებით რომ გადავსულიყავით, ეს არამარტო ჩვენ და რითეილერ სექტორს, არამედ მთლიანად ქვეყნის ეკონომიკას აზარალებდა“,-აცხადებს ივა ჭყონია.



BPN.GE 









საქართველოში კორონავირუსის მესამე შემთხვევა დადასტურდა

საქართველოში კორონავირუსის მესამე შემთხვევა დადასტურდა
access_time2020-02-29 13:15:14
საქართველოში კორონავირუსით დაავადებული პაციენტების რაოდენობა სამამდე გაიზარდა. ამის შესახებ დაავადებათა კონტროლის ცენტრის ხელმძღვანელმა, ამირან გამყრელიძემ პრესკონფერენციაზე განაცხადა.   მისი თქმით, პაციენტი საქართველოს მოქალაქეა, რომელიც ირანში მოგზაურობდა და კონტაქტი აქვს პირველ დადასტურებულ შემთხვევასთან. სამივე პაციენტის კლინიკური მდოგმარეობა დამაკმაყოფილებელია.   მსოფლიო მასშტაბით, ვირუსი უკვე 54 ქვეყანაშია გავრცელებული, სადაც გარდაცვლილთა...

ქვეყნის მასშტაბით 1 161 სკოლაში არ არიან მანდატურები, არც ვიდეოკამერები ან უსაფრთხოებაზე პასუხისმგებელი სხვა პირები-აუდიტის სამსახური

ქვეყნის მასშტაბით 1 161 სკოლაში არ არიან მანდატურები, არც ვიდეოკამერები ან უსაფრთხოებაზე პასუხისმგებელი სხვა პირები-აუდიტის სამსახური
access_time2020-02-29 15:00:11
აუდიტის სამსახურის ანგარიშის მიხედვით, 2018 წლის მონაცემებით, სკოლებში პრობლემები სხვადასხვა მიმართულებით გამოვლინდა. კერძოდ, დაწესებულებების დიდი ნაწილი არ არის უზრუნველყოფილი ფსიქოლოგიური მომსახურების ცენტრებით, ნახევარში კი არ არის დაცული უსაფრთხოების ზომები. აუდიტის ანგარიშის მიხედვით, 2018 წლის მონაცემებით, ქვეყნის მასშტაბით 1,277 მანდატური განაწილებულია 486 სკოლაში,...

ახალციხისა და ასპინძის ტერიტორიაზე ახალი დაცული ტერიტორია იქმნება

ახალციხისა და ასპინძის ტერიტორიაზე ახალი დაცული ტერიტორია იქმნება
access_time2020-02-29 16:00:47
ახალციხისა და ასპინძის მუნიციპალიტეტების ფარგლებში ახალი დაცული ტერიტორია - ერუშეთის ეროვნული პარკი - იქმნება. შესაბამისი საკანონმდებლო ინიციატივა ბიუროს 2 მარტის სხდომაზე წარედგინება.   „ერუშეთის ეროვნული პარკის შექმნისა და მართვის შესახებ“ კანონპროექტის მიხედვით, ახალი დაცული ტერიტორიის ფართობი 11 385 ჰექტარი იქნება. როგორც კანონპროექტის ინიციატორი - საქართველოს მთავრობა - აღნიშნავს, ერუშეთის ეროვნული პარკის დაარსებით უზრუნველყოფილი იქნება აღნიშნულ ტერიტორიაზე არსებული...

ლუდი “კორონა” VS კორონავირუსი

ლუდი “კორონა” VS კორონავირუსი
access_time2020-02-29 14:30:25
ლუდი “კორონა” არც ისე სახარბიელო მდგომარეობაშია. ამავე სახელწოდების ვირუსმა, რომელიც მსოფლიოში მძვინვარებს და საყოველთაო ისტერიის საგანია, ბრენდის მიმართ გაურკვევლობა გააჩინა. ჩვენ უკვე გიამბეთ, როგორ ეძებდნენ საძიებო სისტემებში “ლუდის ვირუსს” – რატომღაც, ბევრმა შეცდომით მიიჩნია, რომ კორონავირუსით დაავადების მიზეზები სწორედ ლუდშია. ბოლო რამდენიმე კვირის განმავლობაში, მდგომარეობა ბევრად შეიცვალა და გლობალური...

„თუ ყველაფერს ჩვენ ვაკეთებთ ანაკლიის პორტში, მაშინ კონსორციუმი, რად გვინდა, სახელმწიფო გააკეთებს სრულად და მოგებაც გვექნება - პაატა კვიჟინაძე

„თუ ყველაფერს ჩვენ ვაკეთებთ ანაკლიის პორტში, მაშინ კონსორციუმი, რად გვინდა, სახელმწიფო გააკეთებს სრულად და მოგებაც გვექნება - პაატა კვიჟინაძე
access_time2020-02-29 10:00:09
კონსორციუმს ზღვის აკვატორია მივეცით, გამოვისყიდეთ მიწები, პასუხისმგებლობა გვქონდა რომ რკინიგზა და გზა შეგვეყვანა, საუბარი იყო იმაზე,რომ იქნებ ტვირთების გარანტიაც მოგცეთო. თუ ყველაფერს ჩვენ ვაკეთებთ ანაკლიის პორტთან დაკავშირებით, მაშინ კონსორციუმი, რად გვინდა, სახელმწიფო გააკეთებს სრულად და მოგებაც გვექნება,- განაცხადა რადიო „კომერსანტის“ გადაცემაში „ეკონომისტის დრო ლევან ქისტაურთან ერთად“, პარლამენტის საფინანსო-საბიუჯეტო კომიტეტის თავმჯდომარის...


მსგავსი სიახლეები

up