ღამის დისტრიბუციის ამოქმედების შემდეგ, შეიძლება თბილისში მცირე და საშუალო მაღაზიები დაიხუროს

ღამის დისტრიბუციის ამოქმედების შემდეგ, შეიძლება თბილისში მცირე და საშუალო მაღაზიები დაიხუროს

access_time2018-07-03 12:00:00

გადატვირთული მოძრაობა თბილისის ქუჩებში ბოლო პერიოდის მუდმივი პრობლემაა. მდგომარეობის განსატვირთად თბილისის მერმა კახა კალაძემ, წინა მორბედი მერის მსგავსად, თბილისში  ე.წ. ღამის დისტრიბუციის ამოქმედება გადაწყვიტა. დედაქალაქის მთავრობის დადგენილებით, სადისტრიბუციო ქსელის ოპერატორებს გადაადგილების განრიგი განესაზღვრება.

 

თუმცა, სადისტრიბუციო კომპანიები თვლიან, რომ ცვლილებები ქალაქს საცობისაგან ვერ გაანთავსუფლებს. სამაგიეროდ,  რეგულაციები მეწარმეებს შეუქმნით პრობლემას და პროდუქციის რეალიზებას შეამცირებს.

 

ბიდი პლუსი-ს გენერალური მენეჯერი არჩილ კოკაშვილი: „ღამის დისტრიბუციაზე გადასვლა კადრების დამატებას გამოიწვევს, რაც ხარჯებს გაზრდის. შესაბამისად, ზედნადები ხარჯები დააწვება პროდუქციის ღირებულებას, რომელიც თავისთავად თაროებზე ფასის მატებას გამოიწვევს. მე როდესაც პროდუქტს სამი პროცენტით გავაძვირებ, მაღაზია უკვე იძულებული იქნება ფასები 5 პროცენტით გაზარდოს“. 

 

ამ მოსაზრებას ეთანხმება „ბიდი კომპანი“-ს გენერალური დირექტორი სოლომონ ნავდარაშვილიც. მისი განცხადებით, ღამის საათებში მოძრაობა ეკონომიკური კუთხით უარყოფით შედეგს გამოიღებს. ამას ემატება  ქვეყანაში გაზრდილი კრიმინოგენული მდგომარეობა, რაც თამის საათებში დისტრიბუტორებს უფრო მეტ საფრთხეს უქმნის.

 

„ქვეყანაში კრიმინალი არის გაზრდილი და მე ვერ წარმომიდგენია 9 საათიდან 12 საათამდე როგორ უნდა ვამუშავო თანამშრომლები. მათ უნდა აიღონ თანხა მაღაზიიდან და თან უნდა ატარონ, რადგან ღამე ბანკი არ მუშაობს და შესაბამისად თანხას ვერ შეიტანენ.  ღამის საათებში მაღაზიიდან მაღაზიამდე მისვლა ჩემი აზრით, რთული და საშიში იქნება“,- აცხადებს სოლომონ ნავდარაშვილი.

 

მეტიც, როგორც წვრილი და საშუალო მარკეტების წარმომადგენლები აცხადებენ, პროცესებმა შესაძლოა მცირე და საშუალო მაღაზიები დახურვის საფრთხის წინაშე დააყენოს. 


სამაგიეროდ ცვლილებები მისაღებია მაღაზიათა დიდი ქსელებისთვის.


ორი ნაბიჯის ლოჯისტიკის მენეჯერი ლაშა ღარიბაშვილი:  „დღის საათებში მოსული დისტრიბუტორები, ვინაიდან მაღაზიის პერსონალს გარკვეულ დროს ართმევენ, პროდუქციის მითვლაში-მიღებაში ეს დროს განთავისუფლდება მაღაზიისთვის. შესაბამისად მაღაზიას უფრო მეტი რესურსი ექნება მიაქციოს გაყიდვებს ყურადღება.“

 

დისტრიბუტორთა ბიზნეს ასოციაციის პრეზიდენტი ივა ჭყონია ამბობს, რომ აუცილებელია თბილისის მერიამ ჩაატაროს კვლევა რომლის მიხედვითაც განისაზღვრება ტრაფიკის დრო, დისტრიბუტორთა ასოციაციამ მერიას თანამშრომლობაც შესთავაზა თუმცა, მათ ამ დრომდე არანაირი პასუხი არ მიუღიათ.

 

„ჩვენ მერიას შევთავაზეთ ჩაგვეტარებინა კვლევა, მზად ვიყავით წილობრივად ფინანსურად კვლევის ჩატარებაში შევსულიყავით და მხოლოდ და მხოლოდ ამის შემდეგ გვემსჯელა, თუ რა მიმართულებით წავსულიყავით, რა პერიოდი აგვერჩია სადისტრიბუციო მანქანებისთვის გადასაადგილებლად. სამწუხაროდ, მერიისგან ჯერჯერობით პასუხი არ მიგვიღია“,- აცხადებს ივა ჭყონიამ.

 

ამ საკითხზე კომერსანტთან საუბარში მერიის ტრანსპორტის საქალაქო სამსახურის უფროსი მამუკა მუმლაძე განმარტავს, რომ თბილისის მერია მუდმივად ახდენს ნაკადების დათვლას დედაქალაქის 180 ლოკაციაზე, სადაც შუქნიშნებზე მთვლელებია განთავსებული.

 

„ჩვენ გვაქვს 112-ში ცენტრი, საიდანაც პირდაპირი ჩანაწერის მეშვეობით ხდება ნაკადების დათვლა, თუ რომელი კვანძები რა პერიოდში არის დატვირთული. ჩემთვის გაუგებარია რა ტიპის კვლევა უნდა ჩატარებულიყო, როდესაც იდენტიფიცირებულია კონკრეტული ქუჩები, სადაც პრობლემები იქმნება“,- ამბობს მამუკა მუმლაძე.

 

ამ პრობლემის დარეგულირებაში ჩართული იყო ბიზნესომბუდსმენიც. მას შეხვედრებიც ჰქონდა მერიის შესაბამის სტრუქტურებთნ. ირაკლი ლექვინაძე იზიარებს ივა ჭყონიას მოსაზრებას, რომ ცვლილებები მნიშვნელოვნად აისახება სავაჭრო საცალო მაღაზიებზე. მისი თქმით, აღნიშნული რეგულაციის ამოქმედება ეტაპობრივად უნდა მოხდეს, რათა მცირე სავაჭრო ობიექტები ცვლილებებს მომზადებულები დახვდნენ.

 

„რა თქმა უნდა, შესაძლებელია დროთა განმავლობაში ღამის დისტრიბუციის რეგულირება მოხდეს და ეს გადაეწყოს მთლიანად ამ მიმართულებაზე. მაგრამ არ უნდა მოხდეს სწრაფად, უნდა იყოს დროში გაწელილი, რათა ყველა სადისტრიბუციო კომპანიას, მცირე თუ საშუალო სავაჭრო ობიექტს, ადაპტირებისთვის შესაბამისი დრო მიეცეს“,-აცხადებს ირაკლი ლექვინაძე.

 

ტრანსპორტის საქალაქო სამსახურის უფროსი მამუკა მუმლაძე არც ბიზნესომბუდსმენს ეთანხმება. მისი თქმით, მოსამზადებელი პერიოდის ვადები უკვე გასულია.

 

„რვა თვე მიმდინარეობს უკვე შეხვედრა, მსჯელობა, დაანონსება და კანონის მიღება. ეს გაცნობიერებული აქვთ და ის სეგმენტი, რომელიც ამის მონაწილე გახდება უკვე პროცესებს შეგუებულია“,- განმარტავს მამუკა მუმლაძე

 

პარლამენტში დადგენილებაა მიღებული, რომლის მიხედვითაც  ადგილობრივ თვითმმართველობები გადაწყვეტენ რომელ პერიოდში შეძლებენ სადისტრიბუციო მანქანები გადაადგილებას. სატრანსპორტო პოლიტიკა  თბილისის მერის საარჩევნო დაპირების ერთ-ერთი მნიშვნელოვანი ნაწილი იყო. 

 

 

 ბაჩო ადამია 




„თუ ყველაფერს ჩვენ ვაკეთებთ ანაკლიის პორტში, მაშინ კონსორციუმი, რად გვინდა, სახელმწიფო გააკეთებს სრულად და მოგებაც გვექნება - პაატა კვიჟინაძე

„თუ ყველაფერს ჩვენ ვაკეთებთ ანაკლიის პორტში, მაშინ კონსორციუმი, რად გვინდა, სახელმწიფო გააკეთებს სრულად და მოგებაც გვექნება - პაატა კვიჟინაძე
access_time2020-02-29 10:00:09
კონსორციუმს ზღვის აკვატორია მივეცით, გამოვისყიდეთ მიწები, პასუხისმგებლობა გვქონდა რომ რკინიგზა და გზა შეგვეყვანა, საუბარი იყო იმაზე,რომ იქნებ ტვირთების გარანტიაც მოგცეთო. თუ ყველაფერს ჩვენ ვაკეთებთ ანაკლიის პორტთან დაკავშირებით, მაშინ კონსორციუმი, რად გვინდა, სახელმწიფო გააკეთებს სრულად და მოგებაც გვექნება,- განაცხადა რადიო „კომერსანტის“ გადაცემაში „ეკონომისტის დრო ლევან ქისტაურთან ერთად“, პარლამენტის საფინანსო-საბიუჯეტო კომიტეტის თავმჯდომარის...

„საქართველოს ბანკში“ აცხადებენ, რომ კორონავირუსით დაინფიცირებულ პაციენტებს შორის ერთ-ერთი მათი თანამშრომელია

„საქართველოს ბანკში“ აცხადებენ, რომ კორონავირუსით დაინფიცირებულ პაციენტებს შორის ერთ-ერთი მათი თანამშრომელია
access_time2020-02-28 17:47:55
„საქართველოს ბანკში“ აცხადებენ, რომ კორონავირუსით დაინფიცირებულ პაციენტებს შორის ერთ-ერთი მათი თანამშრომელია.ამის შესახებ „საქართველოს ბანკის“ განცხადებაშია ნათქვამი.  „დაავადებათა კონტროლისა და საზოგადოებრივი ჯანმრთელობის ეროვნული ცენტრის მიერ დადასტურებული კორონავირუსის შემთხვევებს შორის ერთ-ერთი, რომელმაც იტალიაში იმოგზაურა, ჩვენი თანამშრომელია. ის საქართველოში 26 თებერვალს ჩამოფრინდა. მისი ჯანმრთელობის მდგომარეობა დამაკმაყოფილებელია და...

სს ,,საერთაშორისო სადაზღვევო კომპანია კამარა’’ ბაზარზე ოპერირებას „გრინ დაზღვევა საქართველოს“ სახელით გააგრძელებს

სს ,,საერთაშორისო სადაზღვევო კომპანია კამარა’’ ბაზარზე ოპერირებას  „გრინ დაზღვევა საქართველოს“ სახელით გააგრძელებს
access_time2020-02-28 17:18:14
კომპანია „მეტრო ჰოლდინგმა“ და შპს „ახალი საინვესტიციო შესაძლებლობემა “ ,,საერთაშორისო სადაზღვევო კომპანია კამარა“ წლის დასაწყისში იყიდა. თებერვალში დაიწყო კომპანიის რებრენდინგი, შეიცვალა კომპანიის სახელი „გრინ დაზღვევა საქართველო/ GREEN INSURANCE GEORGIA” და სადაზღვეო კომპანია ბაზარზე განახლებული პოზიციონირებით წარსდგება. მიღებული იქნა გადაწყვეტილება საწესდებო კაპიტალის ზრდასთან დაკავშირებით - ,,გრინ დაზღვევა საქართველოს’’ კაპიტალი 10,000,000 ლარამდე გაიზარდა, რაც ხელს უწყობს...

ირანისა და იტალიის მიმართულებით სატვირთო გადაზიდვები შეჩერდა

ირანისა და იტალიის მიმართულებით სატვირთო გადაზიდვები შეჩერდა
access_time2020-02-28 16:33:46
სახმელეთო ტრანსპორტის სააგენტომ ირანისა და იტალიის მიმართულებით საავტომობილო სატვირთო გადაზიდვების ნებართვების გაცემა და გაცემული ნებართვების მოქმედება შეაჩერა.აღნიშნული შეზღუდვების მიზეზად ახალი კორონავირუსის გავრცელების პრევენციული ღონისძიებები სახელდება. „ახალი კორონავირუსის გავრცელების პრევენციული ღონისძიებების ფარგლებში, „სახმელეთო ტრანსპორტის სააგენტო“ გაცნობებთ: 2020 წლის 28 თებერვლიდან შეჩერებულია საერთაშორისო საავტომობილო სამგზავრო გადაყვანისა და საერთაშორისო...

„კორონავირუსისგან თავის დაცვისთვის აუცილებელია ყოველდღიურ რაციონში ჩართული იყოს რძის პროდუქტები, ხილი ბოსტნეული და ხორცი“-ენდოკრინოლოგი ლაშა უჩავა

„კორონავირუსისგან თავის დაცვისთვის აუცილებელია  ყოველდღიურ რაციონში ჩართული იყოს რძის პროდუქტები, ხილი  ბოსტნეული და ხორცი“-ენდოკრინოლოგი ლაშა უჩავა
access_time2020-02-29 11:00:59
საქართველოში კორონავირუსით დაინფიცირების მეორე შემთხვევა დაფიქსირდა. დღემდე არ არსებობს ვირუსისგან თავის დაცვის კონკრეტული საშუალება და რეკომენდაცია. ვირუსთან გამკლავების ერთ-ერთ მნიშვნელოვან კომპონენტად კი ძლიერი იმუნური სისტემა სახელდება, რომელსაც სწორი კვება, ჯანსაღი ცხოვრების წესი და კიდევ რამოდენიმე სხვა კომპონენტი განაპირობებს. როგორი უნდა იყოს დღის კვების რაციონი, როგორც ბავშვებისთვის ისე მოზარდებისთვის, ასევე საფრთხეები და რისკები,...


მსგავსი სიახლეები

up