ხუთი წლის შემდეგ, შესაძლოა, ამ ობლიგაციების ლარის ბონდებით რეფინანსირება მოვახდინოთ, - “გალტ ენდ თაგარტის“ მმართველი დირექტორი ოთარ შარიქაძე ინვესტორების მხრიდან ლარის ბონდებით დაინტერესებაზე აცხადებს.

ოთარ შარიქაძემ გადაცემაში „ბიზნესპარტნიორი“ 500 მლნ დოლარის ევროობლიგაციების წარმატებით განთავსებაზე ისაუბრა, აღნიშნა, რომ კაპიტალის ბაზარზე გასასვლელად ოპტიმალური დრო იყო შერჩეული, რაც რეგიონისთვის საუკეთესო საპროცენტო განაკვეთში - 2.75% -ში გამოისახა.

„როუდ-შოუზე, როდესაც ინვესტორები ხვდებოდნენ ფინანსთა სამინისტროსა და ეროვნული ბანკის წარმომადგენლებს, არაერთი კითხვა დაისვა ლარში დენომინირებულ ობლიგაციებთან დაკავშირებით: ხომ არ გეგმავთ ლარის ბონდების გამოშვებას. იქ არ იყო საუბარი მოცულობებსა და საპროცენტო განაკვეთებზე, თუმცა, ინვესტორთა დასმული კითხვებიდან გამოჩნდა, რომ თუ სწორად ვიმუშავებთ და მოვამზადებით ბაზარს, შეგვეძლება დავიწყოთ ფიქრი, რომ საერთაშორისო ბაზარზე გავიტანოთ ლარი“, - განაცხადა ოთარ შარიქაძემ.

მან გაიხსენა „საქართველოს ბანკის“ ლარის ევროობლიგაციების წარმატებული ემისია გაიხსენა, თუმცა აღნიშნა, რომ 500 მილიონი დოლარის ექვივალენტი ლარის ობლიგაციების განთავსებას მეტი მუშაობა სჭირდება.

„გალტ ენდ თაგარტის“ მმართველი დირექტორი მიიჩნევს, რომ ლარის ობლიგაციების მიმართ ინვესტორთა დაინტერესებისთვის პირველ რიგში საჭიროა ლარის კურსის სტაბილურობა.

business-partner.ge