„გალერია თბილისში“ შუქის გამორთვის გამო, მცირეხნიანი ევაკუაცია გამოცხადდა. როგორც სოციალურ ქსელში მომხმარებელი  წერს, ევაკუაციამდე დაახლოებით 30 წუთით ადრე სავაჭრო ცენტრში ელექტრო ენერგიის მიწოდება შეწყდა. 

ევაკუაციამდე დაახლოებით 30 წუთით ადრე შეწყდა ელექტროენერგიის მიწოდება თითქმის ყველა მაღაზაიაში და უამრავი ადამიანი დავდექით მოლოდონის რეჟიმში. 30 წუთში ჩაირთო ხმოვანი შეტყობინება რომელმაც დაიწყო მოწოდება რომ სასწრაფოდ დაგვეტოვებინა შენობა სავეაკუაციო გასასვლელით. შიშის მიუხედავად ხალხი ძალიან მობილიზებულად წავიდა გასასვლელისაკენ. გარეთ გასვლიდან 5-10 წუთში ხალხის ნაწილი შენობას ისევ დაუბრუნდა და გვითხრეს რომ აღარ არსებობდა შიშის საფუძველი თუმცა ელექტროენერგია კვლავ არ მიეწოდება მაღაზიებს შესაბამასად შოპინგის შესაძლებლობა ამ დრომდე არ არის. როგორც ხმოვანმა შეტყობინებამ გვაცნობა დაახლოებით 1 საათი დასჭირდება ელექტროენერგიის ჩართვას — წერს მომხმარებელი გიორგი ჭუმბურიძე

ინციდენტი დაახლოებით 18:30 საათზე მოხდა , ამ ეტაპზე გალერეა თბილისი მუშაობას ჩვეულ რეჟიმში აგრძელებს. 

მოგვიანებით გალერეა თბილისის ადმინისტრაციამ სოციალურ ქსელში განცხადება გაავრცელა და აღნიშნა, რომ ელექტროენერგიის ვარდნის გამო სავაჭრო ცენტრში ერთ-ერთი ტრანსფორმატორის დაზიანებამ ელექტროენერგის შეწყვეტა გამოიწვია.

"ელექტროენერგიის ძაბვის ვარდნის გამო, დაზიანდა სავაჭრო ცენტრის ერთ-ერთი ტრანსფორმატორი, რამაც გამოიწვია გალერია თბილისის მაღაზიებში ელექტროენერგიის შეწვეტა. ამ მიზეზით შენობაში ჩაირთო განგაშის სიგნალი, თუმცა, რამდენიმე წუთში, მას შემდეგ, რაც ტექნიკური სამსახური დარწმუნდა, რომ შენობაში ყოფნა იყო უსაფრთხო, მომხმარებლები დაბრუნდნენ შენობაში.

ამ ეტაპზე ვმუშაობთ პრობლემის მოსაგვარებლად.

ძალიან დიდ ბოდიშს გიხდით შექმნილი ვითარების გამო. მასშტაბური შეთავაზებები დაიგეგმა კონკრეტულად ამ დღისთვის და ძალიან ვწუხვართ რომ, ტექნიკური პრობლემის გამო, მომხმარებლების ნაწილმა ვერ შეძელით შავი პარასკევის ფასდაკლებებით სრულყოფილად სარგებლობა". — წერია განცხადებაში.