გალერია თბილისი ერთი წლის შემდეგ - სავაჭრო ცენტრში დღეს 115 ობიექტია წარმოდგენილი - ინტერვიუ „გალერია თბილისის“ დირქტორთან

გალერია თბილისი ერთი წლის შემდეგ - სავაჭრო ცენტრში დღეს 115 ობიექტია წარმოდგენილი - ინტერვიუ „გალერია თბილისის“ დირქტორთან

access_time2018-11-09 15:00:02

„გალერია თბილისი“ - ქალაქის გული არის მულტიფუნქციური სივრცე, სხვადასხვა, სრულიად განსხვავებული საჭიროებებისთვის - შოპინგი, კვება, გართობა და სერვისი. ზუსტად ერთი წლის წინ გალერია თბილისში პირველი სავაჭრო ობიექტები გახსნეს ისეთმა ცნობილმა ბრენდებმა, როგორიცაა H&M, Armani Exchange, Calvin Klein, Lacoste და ა.შ. „კომერსანტი“ დაინტერესდა, როგორ ვითარდება ერთ-ერთი მსხვილი ბიზნესი და სავაჭრო ობიექტი ქვეყანაში. სწორედ ამჟამინდელ მდგომარეობაზე და სამომავლო გეგმებზე ჩვენ „გალერია თბილისის“ დირქტორს ნიკა ცინცაძეს ვესაუბრეთ.  

 

2017 წლის ნოემბერში „გალერია თბილისი“ გაიხსნა და მისი გახსნიდან თითქმის ერთი წელი შესრულდა. როგორია ბაზარზე ოპერირების ერთი წელი, ასევე ამ დროის განმავლობაში ბიზნესის განვითარების თვალსაზრისით რა სახის სირთულეებთან გამკლავება მოუხდა სავაჭრო ცენტს?

 

-ერთი წლის თავზე შეგვიძლია ვთქვათ, რომ გალერია თბილისი იქცა ყოველდღიური დანიშნულების ადგილად თბილისის მოსახლეობისთვის. ეს არის მრავალფუნქციური სავაჭრო ცენტრი, რომელსაც ქალაქის მცხოვრებლები სტუმრობენ, არა მხოლოდ შოპინგისთვის, არამედ გასართობად, სხვადასხვა სერვისის მისაღებად. მაღაზიებთან ერთად ჩვენთან წარმოდგენილია შემდეგი ობიექტები - კინოთეატრი - კავეა გალერია თბილისი, ბოულინგ ბარი - ბოლრუმი, 2 თეატრი - თავისუფლების და გრიბოედოვის, კაფეები ღია ტერასებით, ბანკი და სალონი.


ყოველდღიურად გალერია თბილისს საშუალოდ 23,000 ადამიანი სტუმრობს რაც, ვფიქრობ, ნამდვილად დიდი მიღწევაა. ამ ერთ წელიწადში გაიხსნა ახალი მაღაზიები და ობიექტები. თუ გახსნის მომენტში ათვისებული იყო სავაჭრო ცენტრის 60%, ამ ეტაპზე დატვირთულია 95%.


სირთულეებს რაც შეეხება, ძალიან რთულია, ცნობილი ბრენდების შემოყვანა იმ ბაზარზე, რომელსაც პრაქტიკულად არ იცნობენ. ჩვენ დღემდე ვაგრძელებთ მოლაპარაკებებს სხვადასხვა ბრენდთან, ვესწრებით გამოფენებს და ვცდილობთ,  სიახლეები შევთავაზოთ ქართულ ბაზარს.

 

-  რატომ წარმოადგენს ცნობილი ბრენდების საქართველოში შემოსვლა სირთულეს?

 

 ბრენდებს დიდი დრო სჭირდებათ ქართული ბაზრის დეტალურად შესასწავლად. ამას გარდა, იმ შემთხვევაში, როდესაც ბრენდი პირდაპირ არ შემოდის, მან ბაზარზე უნდა იპოვოს ფრენჩაიზ პარტნიორი, რაც ასევე საკმაოდ დიდ დროს საჭიროებს. თუმცა, არსებული მდგომარეობის დეტალური შესწავლის შემდეგ, ისინი ხვდებიან, რომ ეს ნამდვილად მომხიბვლელი ბაზარია. ისეთი ფაქტორები როგორიცაა - საგადასახადო სისტემის გამჭირვალობა, ბიზნესის განვითარებისთვის დამატებითი ბარიერების არარსებობა, მათთვის ქვეყნის ასათვისებლად პოზიტიური ფაქტორებია.

 

ერთი წლის განმავლობაში როგორია „გალერეა თბილისის“ გაყიდვების პროცენტული მაჩვენებელი? რამდენი პროცენტითაა გაზრდილი?


 

ამ ეტაპზე,  უხეშად შეგვიძლია ვთქვათ, რომ წლის დასაწყისიდან დღემდე პერიოდში, გაყიდვების მოცულობა 36%-ითაა გაზრდილი.

 

ამ ეტაპისთვის გალერიას სივრცეში ჯამში რამდენი ობიექტია წარმოდგენილი?

 

ამ ეტაპზე გალერია თბილისში ჯამში115 ობიექტია წარმოდგენილი. აქედან 65 ტანსაცმლის, ფეხსაცმლის, სპორტის, საბავშვო და აქსესუარების მაღაზიებია. 7 პარფუმერული, 1 სუპერმარკეტი, 15 საყოფაცხოვრებო, ტექნიკა, სხვადასხვა, 15 კვების ობიექტი, 5 გასართობი და 7 სერვისის მომსახურება.

 

რამდენად მარტივია ქვეყანაში სავაჭრო სივრცის განვითარება და მისი როგორც ბიზნესის წინსვლა? როგორ ფიქრობთ, „გალერია თბილისმა“ როგორ და რის ხარჯზე შეძლო წინსვლა, როდესაც ქვეყანაში არც ისე სახარბიელო ეკონომიკური სიტუაციაა.

 

ჩვენი მთავარი უპირატესობა და მიზეზი იმისა, რატომაც უამრავი ადამინისთვის ეს სივრცე იქცა, ყოველდღიური დანიშნულების ადგილად არის, რა თქმა უნდა,  ადგილმდებარეობა. გალერია თბილისი არის ერთადერთი ასეთი მასშტაბის სავაჭრო ცენტრი ქალაქის ცენტრში. ცენტრალურ უბნებში მცხოვრები ან მომუშავე ადამიანებისთვის, ასევე ტურისტებისთვის ეს არის ძალიან ხელსაყრელი ადგილი, როგორც შოპინგისთვის, ისე სხვადასხვა საჭიროებებისთვის, რაც ასევე ძალიან მნიშვნელოვანი ფაქტორია მომხარებლებისთვის.

 

ქვეყანაში სავაჭრო სივრცის განვითარება და მისი როგორც ბიზნესის წინსვლა ნამდვილად არ არის მარტივი, რადგან საკმაოდ დიდი კონკურენციაა ამ ბაზარზე და რთულია ახალი მოთამაშისთვის თავის დამკვიდრება. ამ შემთხვევაში საჭიროა, რომ  სხვებისგან განსხვავებული ბრენდ მიქსი და მომსახურებები შესთავაზო მომხმარებლებს, რაც საკმაოდ დიდ ძალისხმევას მოითხოვს.

 

 

სამომავლო გეგმები, რაც ბიზნესის განვითარებისთვის ყველაზე საჭირო და საინტერესო ეტაპია. რა სიახლეებს გეგმავს „გალერია თბილისი“ სამომავლოდ?

 

ამ ეტაპზე „გალერია თბილისის“ მსგავსი მასშტაბის პროექტის რეგიონებში განხორციელება არ იგეგმება. რაც შეეხება, ახალ ბრენდებს, წლის ბოლომდე ჩვენთან გაიხსნება სამი ახალი მაღაზია, აქედან ორისთვის ეს იქნება პირველი ობიექტი საქართველოში. კონრეტულად რომელ ბრენდებზეა საუბარი, ამას უახლოეს მომავალში დავაანონსებთ.

 

 

 

შეგახსენებთ, გალერია თბილისი საქართველოს „თანაინვესტირების ფონდის“ ერთ-ერთი პროექტია ტურიზმისა და უძრავი ქონების მიმართულებით. ფონდმა აღნიშნული პროექტის განხორციელება 2015 წელს დაიწყო. ჯამურმა ინვესტიციამ 97 მლნ აშშ დოლარი შეადგინა.

 

ავტორი: ლიკა გურაბანიძე






"ყაზტრანსგაზი" და კალაძის ინტერესები - კომპანიის წამყვან თანამდებობებს თბილისის მერის პროტეჟეები იკავებენ

access_time2019-01-20 21:29:31
დიდ დიღომში დატრიალებული ტრაგედიის შემდეგ სულ უფრო აქტუალური ხდება კითხვა - ვინ არის მომხდარზე პასუხისმგებელი? დედაქალაქის მერია პასუხისმგებლობას იხსნის და ხელს კანონში არსებული რეგულაციებისკენ იშვერს, რომლის მიხედვითაც, ექსპლუატაციაში მიღებამდე კორპუსში ადამიანების ცხოვრება დაშვებულია. დიდი დიღომში მომხდარი უბედური შემთხვევისგან ქალაქის მერის მიერ პასუხისმგებლობის თავიდან არიდების მცდელობას პოლიტიკური ოპონენტები უზნეობად აფასებენ. კახა კალაძე...

როგორ გამოიყურებიან ცნობილი ბრენდების ნაკლებად ცნობილი შემქნელები

როგორ გამოიყურებიან ცნობილი ბრენდების ნაკლებად ცნობილი შემქნელები
access_time2019-01-20 20:00:48
მსოფლიო ბრენდების მფლობელების და დამაარსებლების...

ფარული ჩანაწერი, რომელმაც კვირიკაშვილი გადაიყოლა და საბედისწერო სიტყვა „ოლიგარქი“

ფარული ჩანაწერი, რომელმაც კვირიკაშვილი გადაიყოლა და საბედისწერო სიტყვა „ოლიგარქი“
access_time2019-01-19 21:30:38
ფარული ჩანაწერები, რომელმაც პრემიერი გიორგი კვირიკაშვილის პოსტი შეიწირა - ამბავი, რომლის გამოც ბიძინა ივანიშვილი ქვეყნის მთავარ ბანკირს - მამუკა ხაზარაძეს, დაუპირისპირა და გიორგი კვირიკაშვილს გადადგომა აიძულა, ფარულ ჩანაწერს უკავშირდება. წყარო კურიერს უყვება, რომ...

10 წლის ჩელენჯი - 10 ფაქტი საქართველოს ეკონომიკის შესახებ

10 წლის ჩელენჯი - 10 ფაქტი საქართველოს ეკონომიკის შესახებ
access_time2019-01-20 12:00:01
გასული 10 წლის განმავლობაში საქართველოს ეკონომიკამ მნიშვნელოვანი გარდაქმნები გაიარა, ამიტომ გადავწყვიტეთ წარმოგვედგინა რამდენიმე ფაქტი საქართველოს ეკონომიკის შესახებ 2008 წლისა და 2018 წლის...

ზურაბ გურული - „ ისტერიკა იმაზე, რომ დიღომში მომხდარ ტრაგედიას კავშირი არა აქვს პოლიტიკასთან, არის უშედეგო ფარსი“

ზურაბ გურული - „ ისტერიკა იმაზე, რომ დიღომში მომხდარ ტრაგედიას კავშირი არა აქვს პოლიტიკასთან, არის უშედეგო ფარსი“
access_time2019-01-19 20:00:36
ზურაბ გურული — აშშ-ის მონტგომერის სახელობის ფედერალური კლინიკის ანესთეზიისა და ქირურგიის დეპარტამენტების დირექტორი, ასევე მისისიპის უნივერსიტეტის კლინიკური ანესთეზიოლოგიის პროფესორი — დიდ დიღომში მომხდარ ტრაგედიას და ბოლო პერიოდში განვითარებულ მოვლენებს სოციალურ ქსელში გამოეხმაურა, რომელსაც „კომერსანტი“ უცვლელად...


მსგავსი სიახლეები

up