ახალი კორონავირუსის პანდემიისგან გამოწვეული ნეგატიური
შედეგების დათვლა ბიზნესმა უკვე დაიწყო. დაიწყეს
იმაზე ფიქრიც თუ , როგორ გამოვიდნენ კრიზისიდან მინიმალური ზარალით. როგორც „კომერსანტმა“ გაარკვია „გალერეა თბილისის ადმინსიტრაციას“
სავაჭრო ცენტრის რამდენიმე მეიჯარემ ფართის დაცლის მოთხოვნით ოფიციალურად მიმართა. „გალერეა თბილისის“ დირექტორის ნიკა ცინცაძე აცხადებს,
რომ ქვეყანაში შექმნილი რთული მდგომარეობის გათვალისწინებით კომპანიამ მიიღო
გადაწყვეტილება მაღაზიებს ორი თვის იჯარის გადასახადისგან გაათავისუფლების.
„რამდენიმე მაღაზიის მეპატრონემ მოგვმართა ფართის დაცლის მიზნით, რადგან უსახსრობის გამო აღარ შეეძლოთ იჯარის გადასახადის გადახდა. ჩვენ რა თქმა უნდა გავითვალისწინეთ მათი მდგომარეობა და არა მარტო მათ არამედ ყველა მაღაზიას გავათავისულეთ ორი თვის იჯარის გადასახადისგან. მსგავს საკითხზე ყველა მეიჯარესთან მოლაპარაკება მიმდინარეობს, თუ თავიანთი სურვილით დატოვებენ სივრცეს, ამასაც გაიგებთ. ჩვენ ადეკვატურები ვიქნებით მეიჯარეებთან, ბაზარი გვიჩვენებს როგორ მოვიქცეთ, დავაკლოთ თუ უცვლელი დავტოვოთ ყოველთვიური გადასახადი“,-აცხადებს ნიკა ცინცაძე.
მეიჯარეებისთვის გაწეული დახმარების პარალელურად, ნიკა ცინცაძე სავაჭრო ცენტრის კრიზისულ მდგომარეობაზეც საუბრობს. მისი თქმით, დღემდე არ დაუთვლიათ ზარალი, რომელიც კორონავირუსის გამო კომპანიას მიადგა. „გალერეა თბილისის“ დირექტორის განცხადებით პანდემიამ ობიექტის ეკონომიკური მდგომარეობა საგრძნობლად დააზარალა.მისივე თქმით კომპანიას არ შეუმუშავებია ანტიკრიზისული გეგმა, რადგან მხოლოდ ბაზრის ამოქმედებას ელოდებიან.
„ქვეყანაში საგანგებო მდგომარეობის გამოცხადების შემდეგ, სავაჭრო ცენტრის მუშაობა შევაჩერეთ. მას შემდეგ უშემოსავლოდ ვართ დარჩენილები, რადგან ჩვენი შემოსავალი დამოკიდებულია მეიჯარეებზე. თუმცა უცვლელი დაგვრჩა ხარჯის ნაწილი, თანამშრომლების ხელფასი, დაცვა, კომუნალურები და მსგავსი ხარჯების დაფარვა დღემდე გვიწევს. ამ ეტაპზე ვერ გეტყვით ზარალის რაოდენობას, არ დაგვითვლია და როდესაც განვაახლებთ სამუშაო პროცესს აუცილებლად დავიწყებთ ამ მიმართულებით მუშაობას. იმ მდგომარეობაში, როგორშიც მსოფლიო და ჩვენი ქვეყანაა ეს გარდაუვალი პროცესია, არ ვართ გამონაკლისები და გაგებით ვეკიდებით არსებულ მდგომარეობას“,- აცხადებს ცინცაძე.
„გალერეა თბილისის“ დირექტორს მთავრობის გადაწყვეტილება 7 ივნისამდე სავაჭრო ცენტრების დახურვასთან დაკავშირებით მართებულად მიაჩნია თუმცა, როგორც მან საუბრისას აღნიშნა სავაჭრო ცენტრს ყველა წესის გათვალისწინებით მუშაობის დაწყება დღესაც შეუძლია.
„ამ დრომდე ხალხმრავალი სივრცეების დახურვა მართებულად მიმაჩნია. ამ პერიოდის განმავლობაში საკმაოდ მაღალი რისკი იყო ვირუსის გავრცელების, ახლა შედარებით დასტაბილურდა მდგომარეობა და სანამ რეგულაციები ბოლომდე არ შემუშავდება ვერ გაიხსნება სავაჭრო ცენტრი. ეს უნდა გვესმოდეს, რადგან ჩვენს სიცოცხლეზეა საუბარი. ჩვენთვის მთავარია მომხმარებლის უსაფრთხოება, ველოდებით 7 ივნისს და არსებითი მნიშვნელობა არ აქვს რამდენიმე დღით ადრე გაიხსნება სივრცე თუ არა. მთავარი მომხმარებლის და დასაქმებული ადამიანების უსაფრთხოებაა.
გახსნის თარიღი ცნობილია, თუმცა ჩვენ დღესაც მზად ვართ, გვაქვს ყველა ის ინვენტარი რაც ჯანდაცვის სამინისტროს რეკომენდაციით ყველა ობიექტმა უნდა გამოიყენოს. ეს საკითხი ჩვენ გავიარეთ და ახლაც მიმდინარეობს მოლაპარაკებები, როგორც ბიზნესომბუდმენთან ასევე ჯანდაცვის სამინისტროს წარმომადგენლებთან, გავითვალისწინებთ მათ რეკომენდაციებს და მაქსიმალურად ვუზრუნველყოფთ უსაფრთხო სივრცეის შექმნას,“-განაცხადა ნიკა ცინცაძე.
კომერსანტან საუბარში ცინცაძემ მთავრობის ანტიკრიზისული გეგმაც შეაფასა და განაცხადა, რომ დოუმენტი დღევანდელ რეალობასაა მორგებულია. თუმცა „გალერეა თბილისის“ დირექტორი კონკრეტული შეფასებისგან თავს იკავებს.
„ვერ ვილაპარაკებ ყველას სახელით, ყველა ბიზნეს მიმართულებას ინდივიდუალური მიდგომა სჭიდება. შეიძლება რომელიმე ბიზნესს არ ერგებოდეს ეს გეგმა და მათ ნაცვლად საუბარი არ მინდა. თუმცა მიუხედავად ყველაფრისა, სხვა ქვეყნებთან შედარებით ჩვენთან პოზიტიური მდგომარეობაა, არ გვყავს ბევრი დაავადებული რაც ყველაზე მთავარია. მოსახლეობამაც იცის პანდემიის დროს როგორ უნდა მოიქცნენ. ვფიქრობთ რომ ხალხი დაუბრუნდება ჩვეულ ცხოვრებას და მოლოდინიც ოპტიმისტური გვაქვს.“-აცხადებს ნიკა ცინცაძე.
შეგახსენებთ, რომ სავაჭრო ცენტრი “გალერია თბილისი” ბიძინა ივანიშვილის თანაინვესტირების ფონდის საკუთრებაა. იგი 2017 წლის ნოემბერში გაიხსნა.კომპანიის ფინანსური ანგარიშგების მიხედვით, 2018 წელს “გალერია თბილისი ჯგუფის” შემოსავალი 25 მილიონი ლარი; საოპერაციო მოგება – 10,9 მილიონი. თუმცა სავაჭრო ცენტრმა 2018 წელი 1,1 მილიონი ლარის ზარალით დაასრულა. ამასთან, საანგარიშო პერიოდში ჯგუფის საკუთრებაში იყო – 199,308 მლნ ლარის აქტივები.
კომპანია ფლობს 100%-იან წილს შვილობილ კომპანიაში – შპს რია-რია (ღია-ღია LLჩ), ბავშვთა გასართობი ცენტრი სავაჭრო ცენტრ გალერია თბილისში. ამასთან, როგორც ანგარიშგებაშია აღნიშნული, 2018 წლის 31 დეკემბრის მდგომარეობით, ჯგუფი ეკუთვნის შემდეგ კომპანიებს: შპს “მოვატ ჯორჯია” (Mოწატ Gეორგია) (98.11%), სს “უნივერმაღი თბილისი” (1.7%), შპს “კაფე თბილისი-5” (0.19%). ჯგუფის საბოლოო მშობელ კომპანიას წარმოადგენს GჩF LP – შეზღუდული პარტნიორობა, რომელიც ჩამოყალიბდა კაიმანის კუნძულებზე.
ნათია ლომიძე